 |
|
|
|
|
13-09-2009, 05:14 AM
|
#1 |
|
عـضـو
تاريخ التسجيل: Jul 2009
البلد: حولكم
المشاركات: 1,913
|
@_@_ ~\~\~\~\~ الـشـــاااعــــر أبــو تــركــي والـجـعـف~\~\~ @_@
ق ص ي د ت ي = قـــصـــيــــدتـــي
السلام عليكم ورحمة الله وبركاته هلااااا باللي يحبوووون القصيد بس الظاهر عقب قصيدتي راح تكرهون شيء اسمه شعر  أبقولكم تراي مانب شاعر ومانب أديره (هاجتنبي  ) بس اني احاول ان اصقل مهاراتي وابداعاتي الشعرية والنشيدية  الكلام اللي لووونه ازرق وكمان اللي بين اقواس هو المهم ويمكن يجي بالاختبار  بس تراي تعبت عليه اقروه كله  وياهلا وياهلا وياهلا ويامرحبا ويامرحبا ويامرحبا 888 موهتزن روحي يقالي شاعر وخر عن بس لا اهاوشك  بقصيدة على الطايرالناس يتهاوشون بضرب وضريب وانا بقصيد >>>> ارحم يامسلم , اقول تجود بس يالفراعنة  انا ادري اذا تمقلتوا بقصيدتي يبي يقول حداكم اشعربي ,, هن أحد يقولي ياويله ترى مهب أزينله لاني ماودي اشتهر  ويبدون الناس يشغلونن اقصد بي لا تقصدبي  على العموم راح تشوفون شاعر المستقبل وان شاء الله طموحي المشاركة بشاعر المليون  وأبرفع سمعة بريدة ومية بالمية لو يشوفون الادارة قصيدتي راح يحطون قسم جديد للقصايد ويخلونن المشرف >>> اذا حجت البقر على قرونه  انا قصدت تقريبا قصيدتين بحياتي الاوله عن خويي علشان حجزوه في السجن والابيات تقريبا حول عشر بيوت بالمحاري و..و..و..و..و >>>> كل شي بوقته حلو ياحلو يانت يا اصطه  ياللي تقرا موضوعي ,, ورانا تسذا  ..والثانية عن حارس أمن عمارة المملكة بالرياض>>> ضخموا الكلمات اللي تحتهن خط وقولوها بحركة بطيئة >>>> منتب سهل ياولد ابعطيكم انا القصيدة الثانية لانها اشين من الاولى بس الظاهر كل وحده تقول أنا أشين من هالثانية القصيدة الثانية >>> قصيدة عرجاء مجعوفة وراقية اثل وطالعة على الرادميه وحابتن ماصورة  المناسبة ( ( ( ( ( > > هكالحين رحنا للرياض من شان >>>> ياخي جازتلي من شان.. من مخترعه ؟؟ المهم من شان عرس ولد عمتي عزيز عضت (مسكت) ونا ولد عمتي نروح للمملكة حقت الوليد ودنا نمشي على المطل (الجسر) مدري القزازة الي فووووووووووق واللي تنكسر رقبك وانت رافع راسك ويالله يالله تشوفه  المرآآد جينا نبي ندخل هالمسيان حول تغرب هالشمس وكالعادة عيوا (عوايل ) منا ولا منا ,, عدل يا بدل مافيه  قال حارس الامن ودي ادخلكم بس الامير سلمان يقول معصي تدخلون الشباب >>> الامير سلمان ما نقول شيء  قعدنا نتحقرص حولهم اغديهم يدخلوننا ونخطط يمين يسار ايييييييه >>>> فااااصل انا قلته مع نفس طويل المرآآد صلينا المغرب ورجعنا ثانية وجلسنا حولهم على الكراسي عند الباب التسبير حقهم وقلت لولد عمتي مهنا الا أقصد بحارس الامن (أبويحيى) اغديه تنفع به ويدخلنا ومير يجيك الشااعر الكبير أبو تركي >>> يعن نن ني ابوتركي ويبدأ الشاعر من بعد صلاة المغرب الى اذان العشاء وهو يعصر جعبته والقريحة سحبت علي , شكله نيمة بهكالوقت وآخرته ما غير 4 أبيات تقل شحاذه  ويوم جاء يمر حارس الامن من عندنا وجيت اسلم عليه وقلت يابويحيى >> صار خويه تراي قصدتبك , تصدقون وجهي مغاطوط بمرق ونا اقوله الرجال استغرب  (خبل ,رقله, منلحس ,مصيفين ,كمرة خفية ,مابالمخبات احد) حمر وجيهه  المهم انهبل وبدى يتلفت يمين ويسار اللي يشوفن يحسبن ابهربله مكدرات >>> اتزلب الكاء خاء بس علشان ما يقراه بعض ناس (بزارين) لانك ما ودك تهرج عندهم  المهم قال ما يحتاج وماله داعي يهالنشبة  > مزودة من عندي , قلتله يارجال تعبي ما يروح خسارة ابقوله لك يعني ابقوله لك  والله يانا حشرته حشرة العمر وقلتله ان دخلتنا ولا ما دخلتنا المارية الغفلة مانب غاصبكّ << ) ) ) ) ) وأخيــــرااا طـــاع وقال قله بسرعة يها الـبــلشـة  أبويحيى أطلبك طلب ولا ني ندمان &&& طلب صعيب وانت قدها وقدود نبي ندخل من أجل اعيون سلمان &&& واعيونه ما ترده للغرب ولا اليهود قصدنا شريف ولا هوب شي خربان  &&& لاهوب بنت نغازلها مثل نها والعنود  >>  جعل ربي يفرحك بفرحة العرسان &&& ويسعد دنياك ويدخلك جنات الخلود وبعد التعب والتفشل والتلزيم والقصيدة صرفن تصريفة العمر وقال تعال بكرا ومالك الا ادخلك  لعلي من باااتسر مشيت لبريدة ولا امداان اروح لمه وان شاء الله اذا رحت مرة ثانية للرياض ابروح لمه وابقوله انا الشاعر >> حسييت انه يبي يجحدن وازودكم من القرق بيت قلتله كم رقم جوالك ابرسله لك > لزقه ونشبه وما يعطى وجه ,,بغى يعطين كف الا شوي وآآآسف على التطويل عليكم وان شاء الله اني ما اعوده ولا هنت قبل ما تحرك من عندي وتروح أبيك تعطيين رايك وتعليقك واختر اللي يجوزلك من اللي تحت تبي تسب >>> أسبك , امزح اروح اعلم عليك اميمتي تبي تمدح  >>> باتسر املأ لك القسم من القصايد اللي مجعوفه جعف تبي تحطم  >>> متعود تبي تتطنز  >>> لكل بارز اخوياء تبي تستهبل  >>> استهبل معكتبي تهاوش  >>> الوعد الطلعة  بالعربي البصيح خوذوا راحتكم اختر اللي يجوزلك من ذولي ترى الدعوى فري ما بيننا شيء ولانب شايل بخاطري شيء عليكم لاننا قاعدين بسواليف كشكولية وضحك وناسة واللي يبي يزعل يروح يقعد عند امه  قريبا القصيدة الاولى في حياتي (عشر ابيات) على قسم سواليف كشكولية عفوا قسم القصائد لانهم يبي يحطون قسم جديد علشاني مقتطمات من المناسبة • ومير يجيكم الملقوف (اللي هو انا). • انا اذا شفت شرطي اغمض من الذراقه وميريعطين هكالطراق مع صدري بس تراه مايوجع. • ودكيته رجل ( اقدام) وانا اشوف خويي لحظات الوداااع وهو قاعد بدبة موتر الشرطة. مقتطمات من القصيدة يا ناس أنا اللي سببتله المشكله &&& وحقه علي يامر ولبيه كرهت الطلعات من يوم حجزه &&& والجلسه باليبت ماغير افكربه
__________________
ا
آخر من قام بالتعديل جـلـوكـوز; بتاريخ 13-09-2009 الساعة 05:33 AM. |
|
|
| الإشارات المرجعية |
|
|
النمط الأحادي