 |
|
|
|
|
13-09-2009, 05:51 PM
|
#1 |
|
عـضـو
تاريخ التسجيل: Oct 2007
البلد: بالخبوب المتجمد
المشاركات: 78
|
جدتي وشغالتنا
السلام عليكم
أنا اليوم جايب لكم قصة صارت لي ومالكم بالطواله... في يوم ما حسيت بوجع بطني  و انا من النوع اللى ما أحب آكل العلاجات ... لكن طول الوجع و ضاق صدري قلت ما لها إلا جديدتي بعد الله ... واركب السيارة و اروح أزورها بالبيت مع اني الحمدالله ما ابطي عنه .... المهم شرحت له السالفة و بعد سدح عدة أسئلة من الجدة الغالية إكتشفت الداء وقالت لي آكيد بك لجوة قلت نعم يعني إيش لجوة فقالت مفتية يعني شي لزق بتسبدك قلت والله البلشه وهالشي اللزق وشلون تقلعينه من التسبد أى المعدة ... قالت ما عليك عندي لك علاج و إن شاء الله بعد ما تلهمه راح تطيب بس انتبه راح تمرح بالحمام الليلة أعزكم الله ....المهم نصل الى الهدف من القصة.. أطلقت جدتي صفارات الانذار  لشغالتها الرقله ونادتها بأعلى صوتها سريالي سريالي , فجاءت الشغالة مسرعة وقالت لها جدتي وكانت هذه المفاجئة:.... الجدة: شوفي يا بنيتي روحي لغرفتي ودسي إيدتس حدر السرير راح تلقين شنيطتن دهماء  الشغالة: إيوه خلاص ... ( وهمت بالقيام)... فجذبتها جدتي قائلة: أصبري بسعة خلين أكمل حتسيي .... ( فجلست الشغالة ). الجدة: إفتحي هالشنيطة و عسيه زين تلقين به صرة محزومة لونه خضر  تلقين به الحلتيته و الصبرة  و انتبهي لا تجيبن لي المره تراي معلمتس الفرق بينهن و لاتنسنين ترجعين الشنطة لمحله حدر السرير...أ.هـو إنطلقت الشغالة ما تشوف الا غباره و لسان حالي يقول  إيه هين إن تسانتس فهمت شي أنا وهو أنا نص اللي قالته جدتي ما فهمته وماهي الا خمس دقايق الا و الشغالة مسنتره عندنا و معها الأغراض وكنت متوقع ان جدتي راح تنهال عليها بسيل من الشتائم بعدم فهمها لما قالت فلما شاهدت جدتي الأغراض قالت:إيه سنعة روحي كملي شغلتس فكانت صاعقة لي كيف فهمت الشغالة كلام جدتي....لذلك إكتشفت إننا حنا اللي نخرب هالعمال و الشغالات و نخلي كلامهم مكسر... أنتا فيه يروح أنا فيه يجي هذا سيم سيم أنتا فيه بياره أنا فيه يحفر.... لكن لو كلمناهم مثل كلامنا راح يتعلمون اللهجة بشكل صحيح... و سلامتكم
__________________
[GLINT][BLINK]خذ فنجال وعلوم رجال[/BLINK][/GLINT] |
|
|
| الإشارات المرجعية |
|
|
النمط الأحادي