[l3b]

سرق لصان سيارة مواطن من أمام أحد الأسواق في شارع بحي النسيم وبداخلها طفلتاه ثلاث سنوات وخمس سنوات كانتا نائمتين في المقعد الخلفي.
وأغمي على والدة الطفلتين على رصيف أحد المتاجر الذي كانت وزوجها يتسوقان منه عندما شاهدت اللصين ينطلقان بسيارة زوجها، وطفلتاها داخلها، فيما قام عدد من المواطنات بالتخفيف من مصابها وهرع الزوج لإبلاغ دوريات الأمن التي طوقت الحي بحثاً عن السيارة المسروقة.
ثم عادت الفرحة للزوجين بعودة طفلتيهما بعد ساعة من الزمن عثرت فيها دوريات الأمن على السيارة المسروقة بعدما تركها اللصان في أحد الشوارع، وبقيت الطفلتان بداخلها من دون أن تشعرا بحدوث السرقة حتى أيقظهما الأبوان في فرحة لا توصف قبل فرحة عيد الفطر المبارك.

يقول المواطن عن الحادثة بعد هول الصدمة والفرحة بعودة طفلتيه كنت في سيارتي وطفلتاي نائمتين في المقعد الخلفي من السيارة، وزوجتي نزلت لمعاينة بعض المستلزمات الشخصية في محل أمامي، ثم اتصلت بالجوال تطلب مني النزول لمحاسبة المحل، ومعاينة بضاعة قد اختارتها، ولم أرغب في ايقاظ الطفلتين وتركت السيارة في وضع تشغيل ونزلت وفي أثناء نزولي وزوجتي تراقبني سمعت صراخها وهي تحذرني من لصين ركبا سيارتي وهربا بالسيارة.
وعلى الفور سارعت لإبلاغ دوريات الأمن بجوالي وبدأ البحث عن السيارة وأغمي على زوجتي من هول الصدمة داخل السوق، وبعد ساعة تقريباً من البلاغ اتصلت بي دوريات الأمن وأبلغتني عن الخبر السعيد بالعثور على السيارة والطفلتين لا تزالان نائمتين، وذهبت مع زوجتي التى عادت لها الفرحة عندما شاهدت طفلتيها بصحة جيدة وبدأنا فيما بعد نخبرهما عن قصة اللصوص. وقدم المواطن شكره لرجال الأمن في دوريات الأمن والمسئولين في مركز شرطة المنار على تفاعلهم مع البلاغ والتخفيف من معاناته وتطمينه طوال عملية البحث عن السيارة.

[ابو شرين]

لا حول ولا قوة الا بالله الحمد لله على السلامة
الحرص واجب
وزين من اللصين انهم بقلوبهم رحمة تركوا السيارة يوم شافوا فيها براءة الاطفال وهم نيام ومالهم شغل بالسرقات

[ابوولعf]

لا حول ولا قوة الا بالله

الحمد لله على السلامه وش الحرميه هذولا

[al fars]

لا حول ولا قوة الا بالله الحمد لله على السلامة

[*خفايا الروح*]

الحمدلله لقوووهن

[روح الدواسر]

هونت ماراح أجلس بالسيارة أبـــد لحالي

[معشي الذيب]

الحمد لله على السلامة

[الاشهب ابوشنب]

والله يابعض الناس أنه يخلي سيارته مشتغلة وفيها محارمة وينزل ولاهمه شي وأذا حصل شئ لاقدر الله قوم الدنيا ياأخي وش يبي يضرك أذا نزلت أطفأ السيارة حتى لو هى دقيقة لأن فيه دشر يترقبون السيارات وهى في وضع الأشتغال ياجماعة وش رآيكم أذا سرقت السيارة وهى مشتغلة تكون عليه قسيمةبعد الحصول عليه......؟

[جهير]

خرافات

[المحيط]

الحمد لله على سلامتهم


وهذا تهاون واضح من الاب ليش ماطفى السياره وقفل بعد .....

يا اخوان دائما مانسمع بمثل هذه السرقات يجب الانتباه لسياراتكم وخاصه اذا كان فيها اهلكم واولادكم..

وتقبل مروري

[في داخلي قلب طفلة]

لا حول ولا قوة الا بالله الحمد لله على سلامتهم

[$سكون الليل$]

الحمد لله على سلامتهم والله يكفينا شر المفسدين في الارض

انا مره حصل معي موقف

نزلت انا واخوي نختار من محل وبقى بالسياره امي والشغاله واختي الصغيره

بعدين لقينا اللي نبي ودقيت على امي تنزل تشوف وخلينا الشغاله واختي في السياره وهي تشتغل على اساس انه ماراح

نتأخر بس شوي واثناء مااحنا قاعدين نختار دخل علينا رجال وقال لاخوي انت سيارتك اللي تشتغل برا قال اخوي ايه

قال غلطان........... غلطان .............غلطان..........والله قاله ثلاث مرات ورا بعض وهو يلف راسه يمين ويسار

انا خلاص وقف قلبي ورجليني عجزت اوقف عليهن من الخوف قلت بس اكيد سرقت السياره واللي به

واخوي راح ركض للسياره وامي قالت الحقي اخوك اكيد اختك سرقت وقعدت اهدي بامي قلت لا ان شاء الله مافيه شي

وانا ابموت من الخوف ويوم جيت ابدق على اخوي الا هو يدق ويطمنا يقول السياره موجوده والبنت والشغاله مافيهم

شي والحمد لله وعقبه حلفنا مانخلي السياره لو ثانيه وهي تشتغل لو قدر الله وسرقت السياره وش صار فينا كان انا

وامي بالمستشفى بس تعلمنا درس ماننساه ولكن الرجال ماكان عنده اسلوب ابد حسسنا انا خلاص السياره مسروقه

الله يهديه قعدت يوم كامل وانا احلم بالسالفه.

ارجو من الجميع ياخذ درس والله يحفظ الجميع

[نادي النصر]

الحمدلله على سلامة الزهرتين الحلوات

المفروض يكون فيه عقوبه لمن يترك سيارته تشتغل وهو نازل

ربعنا فيهم عجز حتى اخذ المفتاح من السيارة..

[ملقوفه لكن محبوبه]

ايه صحيح ولله ونا صار لي موقف كنت انا وخوي الصغير بسياره قبل اتغطى يعني وبوي رايح للمسجد يصلي ونا خوافه لازم اصكر كلللللللللشي وحنا جالسين انا وخوي ومصكرين الشبابيك وكل شي وجاء لمنا مجنون ويطق علينا الشباك وناااا صياااااااح انا وخوووي ونتغباء بحقات الرجلين وحالتنا حاله المشكله انه ذكي اذا جاء احد يدخل المسجد هج يتغباء يوم جاء ابوي قلنا له قال هذ مسكين بس ولو ذكي يطق علينا يقول بعطيكم حلاوه وحنا صراااااخ وعقبه حرمت اجلس لحااالي ههههه