 |
|
|
|
|
08-11-2002, 12:49 PM
|
#1 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
ليلة الدخلة ( تعالوا شوفوا وش سويت)
ليلة الدخلة ( تعالوا شوفوا وش سويت)
السلام عليكم ورحمة الله وبركاته صباح الخير يامن دخلت اييييييه والله وجاء الوقت الي بقولكم عن ليلة زواجي <<<<<< أحلى ليالي العمر وان شاء الله الكلام مافيه شيء لو طلعته للعضة والعبرة وحتى ما اطول عليكم بجيب السالفة من يوم أطلع من بيتنا إلى الصبح يعني صبحية العرس ================= طبعا من يوم وأنا طالع من بيتنا وأنا اقراء الورد ( المشكلة عجزت اتعدى سيد الاستغفار) من الربشة كنت اتصور الربشة مهب دالة طريقي اثره هي الي مسفلته الشارع المهم والله وأنا بالسيارة أخاف تخرب الشخصية همن يلوحن ولد خالي كل المغرب قاعدين نسوي بروفات ما اعرف البس العقال ولا الغتره يعني شماغ وما به نشا بعد طااااااااااااااااااااط طاااااااااااط وجع وش تبي أقوله وانا وجهي عدال ماقدر التفت اشوف منهو الي يطنب والي يسوق مسكت ومبتسم <<<<<<<<< ولد عمي انا = عبد الإله منهو الي يطنب ؟ ولد عمي - التفت شف أنا = ياخي فاضيلك انت واياوه انتبه بس لطريقك ماودي اخرب شخصيتي طاااااااااااط طااااااااط ما تحملت التفت بشويش علشان ما تخرب الشخصية وااااااااوك الله يعين عليكم ربع الحوش الشلة كلهم ، راكبين جمس صالون حق ناصر ومهب مشكلة المشكلة ناصر ناصر تسد تحديته يسوي شيء بليلة عرسي يوم اني عزوبي وبي حيل اتحدى واليوم جاي ينفذ الي براسه انا عاد ايقاله ما همن اهز بيدي وش تبون واكش عليهم<<<<<< تقل بزر ناصر يناظر ويشر بيده يقول اصبر ويحط يده على لحيته ايقاله يبي يهددن المشكلة انه امرد أنا = عبد الإله تكفى دوس لا يبلشوننا هو = يارجال لايهمونك بس تسذا مهب مزينين شيء تذكرت ناصر شين اذا حمق وتحديته على شيء يسويه لو وشو بس والله وندخل حارة اهل العريسة ويدخل معنا ناصر ويحدنا ويجبرنا نوقف طبعا مانقدر نتوهق السيارة لكسز حقت ولد خالي الي يشخص لي والجمس حق ناصر ولا بقرش المهم ينزلون العيال من السيارة وهم يضحكون باستهتار أنا على أعصابي جتن العبرة ومقفل على روحي و اتوعد عبد الإله لايفتح والله ويجي ناصر <<<<<<<< يطق القزازة ناصر = هاه يابو الشباب وش تقول الحين أنا = ما عطيته وجه مسكت وماناظرته ناصر = على بالك ثقل اجل اجلس بذا إلى الفجر أنا = التفت لمه وش تبي ياثوور ناصر = وثور بعد خله ينفعك اربض بمكانك ويروح ينزل فرشة وشاهي يبي يتقهوى هو والعيال أنا = فتحت الباب تكفى ناصر وخر خل ابروح ناصر = هاه ماعمرك تتحدى ؟ أنا =ما عمري اقولك شيء بس خل اروح الناس يحترونن ناصر = وش انت عجل عليه أنا = طيب وخر الموتر بس ناصر= طيب اصبر ..... يمشي هدا هدا أنا = غرقت عرق من القهر وضيقة الصدر ناصر = تشششششغن تشششششغن أنا = وخر بسرعة قطعتن ناصر = طيب عطن حق البنزين أنا =ما معي شيء خبرت عريس معه قروش ناصر = بلا عريس بلا هك عطن يلله أنا = وبكل عصبيه عبد الإله الله ياخذ كشرك مستانس انت جالس ومسكت المشكلة جالس يفرك قنوات الرادو مادري وش يبي هالحزة عبد الإله = ببروده وكأنه مهب معنا وش تبي؟ أنا = يا حمــ ... عطن قروش خل الدب يطس عنا عبد الإله = كم تبي ؟ أنا = عجزت اتحمل جب الي معك يا ........ عبد الإله = طيب لاتنفخ أخذت القروش وعطيتهن ناصر دوك الله لايوفق الظالم ناصر = وش تقول ؟ انا = ماقلت شيء وخر يابن الحلال ناصر = مع السلامة ولا عمرك تتحدى الرجال إلى اذا صرت رجال أنا = اناظره ماقدر اقول شيء والله ونمشي لم المعازيب والى خالي عند الباب منخرشين يحترونن طبعا اناما أخذت جوالي علشان ما احد يزعجن عبد الإله مسكر جواله والعالم تدق عليه والله وهذا باب البيت ويشر خالي يقول دخلوا الموتر ويفتحون باب الكهرب وندخل البيت عاد انا قلت لعبد الإله ظف وجهك يابو وجهين عبد الإله بااااااااااااااااااااااااااااااااااااااااااارد قوووووووووووووة عبد الإله = طيب من يودين وراك ما علمتن ادبر نفسي؟ انا = دق على احد يوديك وجب المفتاح وتوبه اخليك تسوق بي <<<<<< ايقاله يبي يعرس ثانية المهم خالي ينادين يلله يارجال ترا البنت تحتريك بس الحين مشكلة كل الدنيا حوسة الشخصية الي أكلت كل المغرب تغيرت ومادري وشلون صاير العقال المهم راح ولد عمي وأنا دخلت الصالة وناااسة مشغلين اللمبات كلهن <<<<<<<<<<<<<<< ماعمري شفت لمبات كثار المهم خالي قبل يودين للغرفة قالي ياولدي شخص زين انا ما اعرف خالي بغى يفطس من الضحك المهم رحت للمراية الي بالصالة وزينت خشتي والله ياهي حوسه وبلى شخصية بلى هك المهم ويمسك يدي يودين للغرفة وندخل الغرفة ==================== اكمل برد ثاني
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
08-11-2002, 12:51 PM
|
#2 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
والحين بكمل سالفتي ذيك الليلة
بسم الله ============= وأول ما طلعنا والله واشوف واحد واقف بالعاير وماسكن بيده جوال يكلم أنا تذكرت حقين الافلام الامريكية الي يراقبون احد قلت بس هذا يتصل على ربعه يقولهم تراوه تحرك ( مهرب على غفلة) المهم بصراحة خفت لايصير نويصر ورا الشغلة المشكلة دربي من عند الي بالعاير ويوم مريت من عنده ما وفرت عيوني بحلقت به لمين مليت بس اعلمكم جلست اضحك يوم شفته توقعوا منهو ؟ صار عبد الإله يدور أحد يجي ياخذه بس شكل العالم ساهجينه فتحت القزازة وقلت اقعد به صوت وقال اوريك المعزبة شكله تقول من اوله المشاكل مع الرجال هذا وهواش المهم تداركت نفسي وقلت له السالفة باختصار بس خليت نفسي البطل يعني بلاش فضايح من أولها المهم ابي البنت تحتسي من ركبنا والكلام لي بس ماش ما به جزمة بين مستحية وبين ما تدري وش تقول انا خفت لايصير بطنه موجعة ( من الروعة) ومستحية وأنا جالس اتفنجل عليه طريق البيت مامن بعد بس خليته يوم كامل من القهر طلعت من حيهم على ابعد حي همن قلت له ممكن اطلب منتس طلب قالت سم أنا !!!!! سم! أول مرة يقوله لي أحد قلت وين طريق بيتنا هي قالت بعفوية ضيعت قلت منحيني مضيع ما تشوفينن ادور ، عاد الحين يا اما تدلينن بيتنا والا ترجعينن لم بيتكم ومن هناك اعرف طريقي المسكينة صدقت قالت بس انا اول مرة أجي هنا قلت لا أنا احسن منتس جيت مرتين هنا بس المرة الثانية كنت نايم هي أنا بصوت يوحش مستخف نفسي قلت: وش رايتس وش الحل ؟ قالت : مادري قلت : لقيت الحل ! وش رايتس نكلم على الشرطة نقول اننا ضايعين ونخليهم يدلوننا قالت : طيب . أنا ادري ان جوابه مهب لم جادة قلت : طيب اذا كلمت منهوبه اقولهم أنا ؟ قالت : هنا ! قلت : ايه هنا وين حنا لو اني ادل ما اتصلت عليهم حسيت اني بيخته معه والبنت خافت وصدقت قلت : ترا امزح معك ادل الطريق بس ابيتس تحتسين قالت : وبدون شعور يعني انواع الخراص قالت ياشيخك . وشهقت بعده يعني انه تحسفت على الكلمة أنا ما صدقت خبر قلت : تمام عليك كذا الكلام والا بلاش هي تحسبن استهتر واتطنز قالت آسفة قلت : وشو آسفة بالعكس الكلمة عسل منك قالت : شكراً عرفت ان الدعوى ما عندك أحد قلت : على فكرة ترا احب المزح يعني لا تحسبينن زعول والله البنت اسكتت انا يمين يسار احاول اخليه تهرج سألته قلت فلانة أنتي مغمي عليك والا نايمة ؟ قالت : لا موجودة انا ضحكت قلت شكلك متلخبطة البنت اسكتت والله واشخط علطول للبيت قلت بنفسي ما بدهاش وجع راس وبالطريق امشي عشرة وانا امشي الا الي يكبس لي فتحت الخط له بس هو وراي يكبس ناظرت زين ماشوف وشي السيارة لانه مولع العالي ويكبس اسرعت شوي وهو وراي ما امدان اسرع زيادة الا النور الازرق يكشح الله يعين الارض صارت دورية شافون امشي مشي على بيض ومعي بنت قالو هذا به بلى وشكلهم متسلطين علي لبقت وقلت للمعزبة لا تخافين اكيد غلطانين رحت لمهم سلام وعليكم السلام الرخصة والاستمارة قلت : هالحزة قال الجندي : أجل متى باتسر قلت : لا بس تشوفن منب فاضي توقفن قال: وش عندك منتب فاضي مركب ؟ قلت : احترم نفسك وحسن الفاظك قال: بعد امتميلح نفسك وتهاوش قلت : اساسا انا الغلطان الي اوقف لاشكالكم وعطيتهم ظهري ابروح للسيارة نزل الجندي وقال وقف وقفت وقلت نعم خير قال : عطن الرخصة والاستمارة واثباتك ومادري مقاس ثوبك ، ومنهي الي معك قلت : شف قبل تعقد المسألة أنا توني متزوج وهذي زوجتي والحين توي آخذه من بيت اهله وبروح لم بيتنا عرفت الحين قال : طيب وش يدرين انك صادز قلت : هذي بطاقتي ....... بس وينه مهب معي ! قلت : تدري خلك وراي تشوف اني رايح لم بيتنا وبتشوف عقود اللمبات هناك الجندي اقتنع ومشى وراي وجاب الله هالسالفة تحرك الجو واسولف به للمعزبة المهم وحنا بالطريق سبحان الله رب ظارة نافعة لقيت البشكة يحترونن ناصر والمهبل بس ما قدروا يسوون شيء لان معي الدورية وامر من عندهم واوقف بسرعة والشرطة وراي ونزلت للدورية وقلت شف هذا قبل أخذ المعزبة لاحقن والحين جاي يحترين عند البيت الجندي ما صدق خبر يدور الطقاق بالي هوبه وفعلا شكل الجمس ووالي بالجمس ما يطمن قلت انا هذي بيتنا بس عليك بهم قال الله يوفقك وخلهم علينا والله ويشغل السفتي الازرق الا ناصروه يحط رجله وكملت التمثلية والدورية وراهم والله وادخل وأخل توم وجيري يتلاحقون طبعا باب كهرب بس بيني وبينكم فتحته من منداخل لان الريموت عطلان =============== منقققققول
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
|
08-11-2002, 01:00 PM
|
#3 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
السلام عليكم ورحمة الله وبركاته
وحتى يتم التواصل بيننا استمر بسرد القصة ========== والحمد لله دخلت السيارة وسكرت الباب والبيت معنقد لمبات وناسة والعريسة بوسط السيارة استغربت وراه مانزلت اثره جالسة ادور اليد حقت الباب ماتعودت على السيارة عاد يوم صرنا بالبيت ضمنت عمري قلت له وراه ماتنزلين والا جايزن لتس التمشي المهم رحت وفتحت له الباب واصير جزوم وامد يدي ابيه اتعنقط به علشان انزله والله وتنزل البنت بس بغيت اكر من الضحك احجوا وراه وحدة من كنادرة منفصخة بالسيارة اثره ماامداه تلبسه عاد من الميانة تقيردت اطنبس اخذ الجزمة ابعطيه اياه ويوم رفعت راسي صبخت السيارة براسي ( صرت انا الي ما تعودت على السيارة) المهم هي واقفة وانا حطيت الكندرة بالارض واشوى اتدارك عمري واطنبس ابلبسه بس الحبيبة عيت وقالت لا انا البسه وجلست بالمرتبه ولبست الجزمة المهم سكرت الباب حق السيارة ومسكت اديته وقلت سمي بالله وتفضلي بس وانا امشي اشم ريحة قرادة بالبيت حسيت بحركة مش ولا بد والتفت بسرعة والا هذا ولد خالي يويز علي من ورا البيت ( الصور) دخلت المره منداخل وقلت له هاه وش عندك قال بسرعة موتري الله ياخذ بليسك قلت : تكفى اقصر صوتك لمين اروح لغرفتي همن طلع السيارة قال : والله اني راحمك والا ناوي بك نية قلت : تسلم ياخلفهم قال: لاتولف هرج رح بس للي تحتريك تلقاه الحين بالمطبخ شكله جوعانة عصلى قلت : ياولد الذين بعد مفصفص المرة والله لو انه مهب ليلة الزواج كان ابهذلك معي قال : ههه تخسى ، المهم عطن المفتاح قلت : ايقال مامعك سبير فال: هماوه معك ياجنط قلت : ايه صح دوك اياه بس اصبر لمين ارقى للغرفة قال: يلله بسرعة ترا ابطلع مستعجل قلت : سم على أمرك المهم دخلت وقفلت الباب بمفتاح والصقاطة ( المزلاج) وقلت لفلانة تفضلي ومسكت يده الي تقطر عرق من الخوف والروعة ومادري شكلي راعصن يده وانا مادري ورقينا فوق وفتحت الغرفة وتفضلي يا (***) وتشوف الغرفة اختي ماقصرت رتبت الدنيا كله على المزاج وحاجات حلوة على الطاولة بس الي نسيت اسأل عنه الحين هي بتفصخ ثوب العرس والا تبي تبتل به بلشت ومادري اطلع واخليه تغيرملابسه والا بس ابلبط عنده كل هالعلوم تلخبطت يوم صرنا بلحالنا المهم جاء محاتسيكم وقال تفضلي تريحي وقربت الكرسي الي مادري وشلون قايل بس حركة وجلسنا على الطاولة قلت عاد الحين مثل ما عطيتون عصير ابعطيك عصير والا تبين مويه قالت : ايه أنا : !!!!!! قولت ايه تدل على انه ميته من العطش واصب بكاس بس مشكلة الكاس صغنون حق الدلع مهب حق القحن وأخذ الكاس واعطيه الجيك ناظرتن وابتسمت قلت نسيت اقولك الخدمة هنا ذاتية يعني كل واحد يخدم نفسه قالت : احسن قلت : وراه منتب خادمتن قالت : الا بس أنا اخدم نفسي أنابلشت واسكت وقبل تاخذ كاس مديته له وشربت الماء طبعا من يوم تصب وانا ابحلق به الى حد نزلت الكاس اشهب ماعمري شفت بنت المهم بعد ماشربت قلت بالعافية قالت : الله يعافيك قلت: تفضلي عاد لاتستحين شكلك جوعانة ومديت له من المقسوم الي على الطاولة طبعا قالت : مااشتهيه قلت : من هالحين بدينا انامنب اقولك تشتهينه والا لا أقول كوليه والا مالي حق عليك؟ لازم تطيعينن قالت : سم أنا دورون غصت بالارض وناسه أتأمر وتقولي سم بعد ! روووعة المهم يوم مدت يده تبي تاخذ الا والله ..........؟؟؟ ================
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
|
08-11-2002, 01:02 PM
|
#4 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
============
المهم ويوم مدت يده الا والله الكهرب يطفى علينا هي شهقت أنا: قلت بسم الله عليك وعلطول اشتغلن النجفات الي انا جايبهن احتياط اعتقد تعرفونهن الي اذا طفى الكهرب اشتغلن طبعا اخوكم متحسب لمثل هالمواقف ( والا مهب عادة افلح) المهم قلت للمعزية دقايق بشوف الطبلون بالشارع واجي قالت : اجي معك قلت : لا ماله داعي وراتس خايفة قالت : شوي قلت : لاتخافين عادي كهرب يطفى ويولع قالت : أجل لاتبطي قلت : ولايهمك دقايق وجاي ، بس لا تاكلين كلشيء بقي لي تراي جوعان هي : ابتسامة خفيفة أنا : طرت مع الدرج متوقع ان الكهرب مطفيه شخص متعمد طبعا الصالة الفوقية فيها نجفتين وتحت ثلاث نجفات من الي يشتغلن اذا طفى الكهرب وهذي لازم تسوونه ليلة زواجكم لانه يمكن يطفى الكهرب وتبلشون المهم طلعت للحوش واسمع ذيك الضحكة تقل بعير ينهق بس البعير ماينهق البعير يرغي المهم وافتح الباب بشويش الا هذا الدب ناصر ومعه عبد الاله وباقي الشلة أنا : قلت بنفسي الي رحت وطي وين الدورية الي لاحقتهم وش السوات فكر ياولد يامطنون ايييه تمام لقيته وطرت للصالة ودقيت على 999 أنا : الو الجندي : نعم أنا : السلام عليكم الجندي: وعليكم السلام أنا : الله يخليك ممكن ترسل لي دورية الجندي : خير وش عندك أنا : فيه شباب جايين للبيت ومطفين الطبلون حق الكهرب وأان بليلة عرسي وشكلهم يبي يقمزون على البيت الجندي : متأكد من كلاك أنا : يعني انا متصل العب اسرعوا بس قبل يسوون شيء الجندي : وين مكانك فيه أنا: شفت دوار النافورة تروح من عنده ******* وانت جاي من ****** وكملت الوصف الجندي : طيب طيب الحين نرسل لك دورية أنا : مشكورين وبعد شوي ===============
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
|
08-11-2002, 01:03 PM
|
#5 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
==========
وبعد شوي طلعت لم العيال والاهم يضحكون وما امداهم يكملون ضحكتهم الا والنور الازرق يطب عليهم وانتفخ انا صرت اقدر اهرج وقفت الدورية ونزل الجندي ونطيت به شفهم هذولا الي يبي يقمزون على البيت وشف مطفين الكهرب ورحت وفتحته ناصر والعيال : ؟؟؟؟!!!!! مايدرون وش السالفة الجندي: وش عندكم شباب هنا ناصر : ابد جايين نسلم على خوينا توه معرس انا : الي يسلم مايطفي الكهرب ناصر : وش كهربه عبد الاله : وش كهربه انت انا: تدرون وش كهربه بالسجن الجندي : اثباتاتكم شباب ناصر : خير وشوله الاثباتات الجندي : عطنا اثباتك ولا تسأل انا : ياخي لاتعارض الحكومة طلع بطاقك او جوازك ناصر : طيب وش السالفة الجندي : لاتكثر هرج عطني اثباتك وتفضل معنا للمركز انا : بعد اذنك ياعسكري انا بدخل وانت عارف ليلة عرسي مهب حالة اجلس هنا الجندي : طيب بكرا مر علينا بالمركز ووقع على الورقة هذي انا : ولا يهمك ناصر : وش السالفة صرنا مجرمين انا : لا تعارص الحكومة الجندي جاب الروقة ومكتوب هرج مادري وشو الجندي: لاتنسى بكرا مر علينا واخذ رقم بطاقتي واسمي انا: إن شاء الله ، مع السلامة شباب ، مع السلامة ولد عمي ودخلت وخليت الشرطة تتصرف
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
|
08-11-2002, 01:05 PM
|
#6 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
والحمد لله افتكيت منهم
ورقيت للمعزبة طق طق >>>>>>>>>>>>> مؤدب اطق الباب فتحت ولقيته ميته من الخوف والقلق بس ماحركت العشا الا شوي قالت : عسى ماشر وينك قلت : ابد هذولا العيال يمزحون مزح مثل وجيههم قالت : الله يستر بس ، وش سويت معهم قلت : ابد جت الدوريات وظفتهم هي: اندهشت قلت : لاتخافين باتسر يبي يخلونهم يروحون لاهلهم يستاهلون قالت : طيب ليش سوو كذا بينكم شيء قلت : لا والله بس ايقالهم يمزحون المهم خليهم بكيفهم وبديت اسأله عن اهلها وعن اشياء تحبه ومن هالقبيل وبعد شوي سمعت صوت البيبان تفتح اثر اهلي جايين قلت له وش رايتس نروح نستقبلهم قالت : بكيفك الي يريحك أنا : مصدقة انتي لو وشو بس الليلة هنا وبس ماتسني طالع لم العيال ومتبهذل قلت : على طاري اهلي البيت فيه ........... وبديت اشرح له بيتنا وعن الي فيه وطريقتنا وعن خواتي وكل شيء لمين داخت وما كملنا سواليف الا المؤذن يذن الاول قلت : ياسرع الوقت كل عمره يبطي الا اليوم هي : مستحيه المهم وعلى هاللحظة نوقف الشريط وخلو الباقي في بطن الشاعر
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
|
08-11-2002, 01:23 PM
|
#7 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
ذبحتنا يبيلك منتدى لحالك
ياطول القصه ... بس مشوقه ورهيبه ... تصدق احسبك انت المعرس ... ابقول الله يعين ام عيال ميدك .. لا لا لا وش دعوى ياحظ اللي تبي تأخذك ..
__________________
. . .  .. قلب البحطلة ينبض ..ينبض ينبض ينبض .. . |
|
|
|
|
08-11-2002, 01:51 PM
|
#8 |
|
عـضـو
تاريخ التسجيل: Feb 2002
البلد: بلاد الحرمين
المشاركات: 2,223
|
اعلمك والله يانا ابقراه كله
حلم بس بس شكله زينه خخخخخخخخخخخخ مشكور يال على نياته بس لا تكثر من هالمشاركات يقضي الاشتراك وانا توي ما قريته كله خخخخخخخخخخخ تحياتي اخوكم مستر عطووووووووووش ابوعمر
__________________
هذا التوقيع لي ولمن يريده من أعضاء المنتدى |
|
|
|
|
08-11-2002, 01:57 PM
|
#9 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
مدحت -
اشكرك من اعماق مخباتي الصغير حق ثوبي الصغير ---------------------------------------------------------- عطش الرمال - ايضا اشكرك
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
|
08-11-2002, 03:52 PM
|
#10 |
|
عـضـو
تاريخ التسجيل: Aug 2002
البلد: كوكب المريخ
المشاركات: 1,373
|
والله ياهي طويله ولا منها فايدة يعني ماله داعي
__________________
عدناوالعودة أحمد |
|
|
|
|
08-11-2002, 04:02 PM
|
#11 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
عاد اذا قلت شيء نطيعك
اذا خاطبك السفيه*******فلاتجبهٌ امزح معك
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
|
08-11-2002, 05:02 PM
|
#12 |
|
عـضـو
تاريخ التسجيل: Apr 2002
المشاركات: 539
|
قراءتها كاملة
وهي رائعة وجميلة تفاعلت مع جميع فقراتها وتصلح أن تكون مسرحية درامية ليلة الدخلة وما أدراك ما ليلة الدخلة .. الله يستر منها أسئلوا مدحت .. إذا إنه ما سأل أم مصطفى وش اسم اخوها حسنين ؛ ترى علي حق
__________________
إذا لم تساهم في رفع وعي الأمة بقلمك أو بفعلك .. فلا تساهم في انحطاطها !! |
|
|
|
|
08-11-2002, 05:46 PM
|
#13 |
|
عـضـو
تاريخ التسجيل: Oct 2002
البلد: في قلب من يحبني
المشاركات: 2,005
|
هذا الرجال
اشكرك يالعمده
__________________
لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_ |
|
|
|
|
09-11-2002, 02:55 PM
|
#14 |
|
عـضـو
تاريخ التسجيل: Sep 2002
البلد: بريدة
المشاركات: 88
|
حطيتها بالحفظ عشان لفضيت قريتها والله قصة طويلة
__________________
بريدة تيمت قلبي فواكبدي من الحب |
|
|
|
 |
| الإشارات المرجعية |
|
|
النمط المتتابع
