[أبو شهـــــد]

طلاب الثنوي رجاء برآ ..
تسمع يابو يوسف انت والمستر وميض لا أشوف احد هنا
جفنشي بما انه من الأقارب نسمح له ..

اقتباس مطلوب 3 جلوفه للتخويف فقط .. نضراً لكثرة الحلوين .. .. ^ التعديل هاذا بعد ماشفنا بعض الردود .. نعن أبو داركم أقول ممنوع همن تجون .. ناس اغبياء

بسم الله الرحمن الرحيم

<<--- وجه طالب الثنوي ..
<<--- نفس الوجه بعد البقس

السلام عليكم ورحمة الله وبركاته ..
حيا الله الطلاب والطالبات .. الأحياء من والأموات .. الجامعين والقاصرين والمفطرين
أما بعد ..
<<--- ياعيال ضفو هالبزر اللي جنبي أبن الأم موب دارس إلا بـشهر 11 ..

المهم .. وش كنا نقول ..
نرجع للموضوع .. اللي هي العطله مادري المكرمة هاذي حقت المبزرة ..
أجل هالجلحط هالعيورة بتوع الثنوي يبي يجيهم خنازير ..
ياحبيبي انت يابو متعب .. ذولا جن على هجن .. خلهم يبدون معنا بس ..

المهم ياشباب .. <<--- ابلشتنا مهم مهم ..
على طاري مهم .. خنسولف عليكم شوي مير ..
تخبرون كلمة مهم .. منول انواع التخطيط على الدفاتر والملخصات .. مهم .. مهم بالأحمر ..
عاد بثالث ثنوي حركااااات .. صرنا نكتب بالفسفوري .. <<---- حركاااااات .. بنات .. الصفحة تقل قميص عبدة ..

طيب نرجع للموضوع للمرة الثانيه .. <<---- تراو يجامل بهالفيس .. ولا الموضوع برعايه [ ] .. !
أكيد وصلكم ماوصلني من علوم ماهي بزينه .. يقول لكو أن مبزرة مراحل التعليم العامة عطاهو أجازة .. <<<--- قل قـ .. .. !
فـ أراد سماحتي رعاه الله أن يبشركم ببشارات .. الأ وهي .. !


أولاً : أني ولله الحمد عاقد النيه من الأن أني ما أبداء إلا بـ 28 رضى من رضى وأبي من صلب جدي ..


ثانياً : أين العدل .. ؟ بالله قولوا لي أين العدل ..
<<--- يالله الفائدة ذي نبي نخليه مسابقة واللي يجاوب له أجازة ومكرمة من أنا أسبوع من عندي .. .. !


ثالثاً : وهاذا لطلاب الجامعه .. يا أخوان اللي يبي عذر أصلي أصل وفصل ولد حمايل من مستشفى حكومي ..
محل التاريخ فاضي مختم وموقع بأسم مدير مستشفى الرياض للطبي [ الشميسي ] يتواصل معي عالخاص ..
<<---- عاد حقين بريدة لا يصيرون هدوره ويوقلون لا ذا للرياض .. عادي ولف على الدكتور قله عندي مراجعه بالشميسي لركبتي ..


رابعاً : يقولون أن اليوم الوطني حق الدوله السعوديه انه بها العطله ..
عاد أنا يا أخوان بي حب للوطن مايوصف .. ..
وسأواصل الأحتفالات بـ اليوم الوطني حتى يوم 28 من الشهر المقبل .. <<<---- المقبل ولا خويووه ذاك .. <<--- مسابقة رقم 2 ..


خامساً : سيقوم جلالتي بزيارة بعض الديار لألقى عليهم دروس في الحب الوطني ..
مثلاً : أبها - الطائف - ونبي نخطب بالجماعة الثانيه اللي بالمسجد الحرام


سادساً : انتم تخبرون أن الغنم وشن ..
[ ثني - رباع - سداس ] فلذالك بيكون هالشرط ختان الشروط
طيب يجي أحد غبي شوي .. مثلاً أبو أسامـ ؟ ويقول وش دخل الغنم ..
فا أقول يا أخي العزيز المبارك وعيدكم مبارك مير على طاري العيد ..
اقول أننا بعيد الفطر يعني عيد الأضحى قريب .. فلذالك لا بد من الأن أنك تدرس أنواع الأغنام وأنك تستغل الإجازة بما ينفعك ياعزيزي العميل ..

<<--- أي عميل وأي بطيخ يا حلو .. بالله عليكم ذي شركة .. شركة النخل والله ..
أجل توي مسدد واللحين يقول نبي 300 . . على أيش ياعيال الأم .. ..
أوريكم بهم ..
^
برعاية المنخرش .. ..


طيب .. قضينا من المبشرات ..
نجي للمنكرات ..
المنكر هو عكس المعروف .. والمعروف هي مايعرفه الخلق .. والخلق هي كلمة تطلق على القميص وفي قول أخر [ المقطع ] والمقطع هو واحد لم يلعب كرة منذ مبطي

..

ياعيال ياشين الكشكول شينآآآآه .. قسم بالله حاط موضوع جديد والله مابراسي شيء .. بس ابليس والحرص .. ..
لي يومين أبنزل موضوع بالساحة عيا يطلع .. ياما كتبت بالمنتدى .. همن أروح للورد همن ابداء ازين التنسيقات وانا توي بالمقدمه .. ..
ههههههههههههههههههههههه

يالله ييزي همق .. أحس أني طولته شوي .. ..
أجل دراسه .. ههههههههههههههههههههههه
من حين النفس طايبة من الجامعه .. ..


نصيحة أخيرة .. :
تسع أعشار الرزق بالتجارة ..
الله يرزقنا من واسع فضله بس ..

بمان الله .. !



شلقة أبو سليمان .. ويسمونن أخوتي أبو متعب حق البيت .. ..