 |
|
|
|
|
|
|
18-09-2009, 07:50 PM
|
#1 |
|
عـضـو
تاريخ التسجيل: Jun 2009
البلد: القصيم
المشاركات: 710
|
في بيتنــا مرآآآآهق<<<بسسسسسسسسسرعة
-------------------------------------------------------------------------------- كان يامكان في سالف العصر والأوآن ورع إسمه عزيز <~ بتشديد الياء .. هالورع مسوي أزمة في بيت أهله .. فبمجرد دخوله للمنزل الهادئ لاتمر دقيقتان إلا وتسمع صرخة من هنا أو صفقة باب من هناك وأو نعلة ( وانتم بكرامة ) تتأرجح في الهواء وتصطدم بأحدهم معلنة بداية حرب جديدة ...!   ...--------- --------... .. أعرفكم على بطل موضوعنا .. عزوز : 16 سنة  متعصب للزعيم (خصوصا طارق التايب)  يلقب نفسه ( بيكهام الحارة )  من هواياته التطبيل على القدور والبيبان وعلى بطنه وهو ماشي أو أي شي يصدر صوت مدوي ..!  حاصل على دكتورآه في الوقاحة  .. وإستشاري رفع ضغط وتنكيد .. أطلقت عليه العديد من الألقاب منها :هادم اللذات <~ يستحقة بدون منازع .. لأنه مجرد مايدخل مكان إلا ويسبب مشكلة وستثبت لكم مواقفة (الآتي ذكرها) صحة هذا الإدعاء الموجه إليه .. المصرقع اطلق عليه !  وطبعا ماظلمته بهالإسم ..  اجل فيه أحد ماسك عقله يشغل رابح صقر من صباح الله خير على أعلى صوت وهو رايح المدرسة ! لا وإن جاء ماتسمع إلا أصوات البوري من على بعد 3 كيلو متر إنذاااااار  (جاكم الإعصار ماشي يعيقة .. عزير في الدباب وخر عن طريقة .. هذا عزيز لالعب .. يازين خبطته بالكعب.. وتشوف الدم منه يصب ....! )  حتى أمه صارت من يوم ماتسمع صوت البوري تقوم على طول تحط الغدا إتقاء لشره وللخلاص من قروشته ..  نجي عند ثالث لقب تم إطلاقه عليه ألا وهو ( الطحلب ) سمي بذلك لأنه ربي يسلمه لا رحوا للبحر كنه أول مرة بحياته يشوف بحر ! من أول مايجون إلين مايرجعون للبيت وهو متنقع في البحر كنه كائن برمائي مآآآآآآآيطلع إلا إذا جاه النوم وإلا ناديناه عشان ياكل .. <~ أصلا لو بكيفة نام هناك بس يخاف من أسماك القرش هاهاها حتى لونه يقلب كحلي مقلم بحليبي  <~ كناية عن آثار الملح بجلده ومع هذا مصرّ إلا يحلل روحة البحر لو البحر ينطق وربي يمكن يقول يرحم أمكم طلعوووووه ...--------- --------... .. إذا كنتي ماشية في طريقك من حالك في حالك (ست ماشية جنب الحيط ) لا تستغربي إن جاءتك صفقة أو دبجة أو أحد عركشك وانتي ماشية وطحتي على وجهك وإذا بالفاعل عزوز  والحجة أمزح !  إن فكرتي فقط في الإنتقام أو الأخذ بثأرك فيجب عليك ان تعدي العدة وتتأهبي نفسيا وجسديا لهذه الحرب لأنه وبإختصار شديد لايكل ولايمل ولايستسلم وماعنده مشكله لو إستمرت هذه الحرب يوم أو يومين أصلا هذي متعته !  أحيان وربي لاطفش يقول وش رايك نتهاوش !! هذا إن مالقى أحد يتهاوش معه يمكن يصفق نفسه  العدوآن يمشي بدمه يكفي إنه معلق ورقة على باب غرفته كاتب عليها اللي يفوت يموت !!  ...--------- --------... .. بأسرد لكم بعض من مواقفة الصالحة للنشر : تخيلو معي انكم تجون هلكانيييين كل خليه بجسمكم تستنجد تطلب الرآحة و بس تدورون المخدة و على أول نومتكم يقتحم عليكم أحد الغرفة بشكل مزززعج كن فيه مصيبه ! تدرون ليه ....! عشان يسألكم هالسؤال : ( حيوآن من ثلاث حروف إذا حذفت أول حرف مدري وش يطلع وإذا حذفنا ثاني حرف .........!!! ) بالله بالله ماتجيكم الصيحة من القهر ...--------- --------... .. مسوي له مجلد ع الكمبيوتر حاط فيه صور لاعبين ومقاطع وهيك شي .. وذات ليلة (مافيهاش ضو قمر) فقد هذا المجلد !! طبعا أصابع الإتهام توجهت مباشرة لأخته الصغيرة <~ علما بأنها أكبر منه ب 4 سنوات بس الإحترام مفقود ! و بعد ماقامت معركة حامية الوطيس وشد وجذب هي تنكر وهو يؤكد بدون دليل بس معزم ورآكب راسه إنها هي اللي مسحته..    قام وحذف مجلدها وسوا لها مجلد جديد سماه ( تعالي ) نفتح تعالي نلقى مجلد ثاني إسمه ( ياذبانة ) <~ عيارتها نفتح ياذبانة نلقى مجلد ثالث إسمه ( تبين المجلد حقك؟ ) بعده مجلد اسمه (إضغطي هنا ) بعده مجلد اسمه (عشان تعرفين تمسحين مجلدي) بعده مجلد اسمه ( أود التنويه بأني ) بعده مجلد إسمه ( مو بس حذفت مجلدك إلا شلعته من جذوره مرة وحدة نياهاهاها)  انا ما أبرئ أخته لأن حتى هي مهي هيّنة لكن إن كان هذا الإدعاء ليس له أساسا من الصحة بالله مو شي يقهر !  عاد أخته هذي شوي قصيرة < ياويلك لو سامعتك لاتهاوشوا مع بعض مثل كل يوم .. فيه حركة دايم يسويها إذا قامت تتكلم .. كأنه مايشوفها ويتلفت يدوّر مصدر الصوت وينه ..؟ يرفع صينية الشاي يناظر تحتها وإلا الريموت أو المركى يناظر تحتها يقول ياناس انا قاعد اسمع صوت <~ يعني انك قصيرة ماتنشافين ...--------- --------... .. اخته تقول: مرة وآعدت وحدة من صديقاتي بحديقة ومحرمنا كالعادة عزوز كان وقتها نافخ صدره ومسوي رجال ويمشي شوي قدامنا عشان البنت معنا .. رحمته صديقتي وقالت له : عزوز روح مع ولد أختي إلعب معه ترآه بعمرك ..  قال : لا بأقعد مع البنات ما أخليهم لحالهم قالت صديقتي : ماعليك لا تخاف عليهم البنات معي .. قال أصلا البلا منك !! فشششششششششششششلة أول ماقالها كلنا بلّمنا نستوعب الطامة اللي قالها ! قمنا هاوشناه ( ولد ! وش هالكلام ! عمى بعينك استح على وجهك ! ) البنت قامت تضحك تلملم بقايا وجهها اللي تناثر أشلاء وتقول عادي عادي صغير ما أعتب عليه وماجلست عشر دقايق إلا وهي راجعة لخواتها وروحوا ...--------- --------... .. أحيآن يتمسكن يقول ماعندي أخوان بعمري وكلكم بنات شأسوي اطفش اخته الكبرى ترى انه يسوي كذا عشان يفرض شخصيته ! فالمراهق يحتاج تقدير وإحترام !  وذات ليلة كانت تتابع برنــامج ومندمجة معه  جاء مراهقنا العزيز وبكل هدوء مسك الريموت ودار على صدى الملاعب ...! قالت هيييييه رجع ع البرنامج! قال بكل روآق أصصصص وقاعد ياكل فصفص و يعلي الصوت ! قلت لها يلا طبقي نظرياتك ياراعية النظريات .. اجل يحتاج تقدير وإحترام هاه !  لا ويقول لها تصدقين .. انتي لو تموتين أسوي عزآك بقاعة ليلتي ...! ويقول لاخته الوسطى متى تعرسين والله والله لا أظب لك شناطك بنفسي وأوصلها برسم الخدمة بس أهم شي أفتك منكم !! ( بالله عليكم هذا يحتاج تقدير وإحترآم ! ) ...--------- --------... .. عندة بنت عم هواوية بصف أول إبتدائي  أعلنت حبها أمام الجميع بدون أي خوف وقالت بالفم المليان .. { عزوز حبيبي } ومن هنا بدأ الإنتقام صرنا ما نناديه إلا ( بعل سارة ) واللي يجي يرمي عليه كلمتين يبرد حرته .. هاه شأخبار رهينة عزوز ..؟ إي صح دوبي مسكرة من بنات عمي يقولون سارة تبعث لك سلاماتها وقبلاتها الحارة وتقول ( ياواحشنا وش أخبارك ؟ علينا ليش ماتسأل تبينا نوصل لدارك ؟ خلاص إبشر ولاتزعل ) <<بزر طآآآآآآآحت ع مرآآهقويوم نجحت الترم الأول وجابت الشهادة كلها واحد ( شادة حيلها بنت الحلال .. ترسم لبعيد .. تبي تتخرج بسرعة عشان تكمل نص دينها...! ) رحنا له نبارك له بنجاحها : ( مبروك نجاح كريمتكم ) لاوحطينا صورتها خلفية لجواله يا انه حاسنا حوس يوم لقاها لله درك ياسارة حبك من طرف وآحد  ...--------- --------... .. مو بس حنا بالبيت مأذينا حتى العالم برى ماسلموا من أذاه خصوصا العمالة الوافدة يا انه يعشق بهذلتهم ! لاشاف الباتانية بالشوارع على سياكلهم يجي بالسيارة يهدي ورآهم وإذا قرب مرة مرة يعللللللق البوري وتعالوا شوفو أشكالهم  اللي يطلع ع الرصيف .. واللي يختل توازنه من الفجيعة ويطيح ..  واللي يتدوده ويتلفت من وين مصدر الصوت ...--------- --------... .. وإلا الهنود له معهم صولات وجولات.. مرة دخلنا محل فيه هندي كبير بالعمر وياحرام وجهه فيه تشوهات بشرته لونها مدري شلون جاي مادريت إلا يوم قاله : ياحرام ياوجهك !  الهندي متنح فيه .. تمنيت أصكه كف على هالكلمة وربي رحمته هذاك المسكين !  وهندي ثاني بنفس المحل شكله يجيب الهم قعد يقوله ياخي إرحم نفسك تروش إنت فيه ريحة تصرع إيش شعرك هذا ! ويمسك علبة شامبو بالمحل يقوله شفت هذا جيبه كذا وحط على شعر مال انته وحرك حرك ساعة ونص بعدين ينزل موية لونها بني كتيييير هذا وساخة بعدين عاد انت خلاص يصير نظيف مافي ريحة ! وهذاك مفهي مو داري عن الله وين حاطة الظاهر ريحته مدوخته ومهو قادر يركز ...--------- --------... .. لا وبقولكم سالفة بعد صآرت مع وآحد باتاني هذي عاد فيها أكشن صارت من كم سنة بس كان وقتها صغير تو اللعانة ماتمكنت منه .. كنا انا وأمي وخالتي بالسوق مرينا من عند سوبر ماركت دخلوا عزوز و بنت خالته الصغيرة يشتري لها وحنا ننتظرهم برى .. المهم البنت هالنتفة تقلد عزوز إشترت ببسي وخالتي عيت قالت لعزوز رجعة .. رجعه وجاب لها حليب سعودية ..  قامت هالنتفة تصيح ماتبيه ..  ويوم جاء بيرجعه للمرة الثانية رفض الباتاني يبدله (صكينا الحد الإئتماني في التبديل ) طبعا بطلنا المغوار مستحيل يسكت ..!  رمى الريال بوجه الباتاني وعطاه كم كلمه وطلع ومشينا ..  مادرينا إلا بشي يطير من ورانا ويصقع بظهر عزوز بقوة ..!  طلعت نعال الباتاني رماها والشر يطفح من عيونه قام عزوز رمى عليه علبة الببسي .. وجت على بطنه وتعبت ملابسه ووجهه ..  وهذاك يهيج زيادة ..! وربي لو مسكه يمكن قضى عليه .. عملاااااق وعزوز كان نتفة توه بأول متوسط !  وفجأة إلا رجال سعودي كان ماشي بسيارته وشاف اللي صار نزل مسرع والباتاني يوم شاف الرجال ماشفنا إلا غباره مدري وين اختفى ..!! جينا بنمشي مادرينا إلا الأخ يقول : لا ياخالة والله ماتمشون إلا لما يتأدب وما يمد يده على سعودي .. طبعا ما إستدعوا الشرطة ولا تفشلنا وحنا ندق على خالي يجينا وما جاء إلا بعد ماصرنا فرجة للعالم والسبة عزوز ! ...--------- --------... .. آآآآآآآآه منك ياعزوز <~ وربي طالعة من قلب ! { فقعت مرارتي يا ماي برذر ستبقى طول عمرك بزر وإن خالط وجهك الشعر وإن ملكت لمبرغيني أو همر  وإن طال عودك أو تعدل مودك وإن ناداك الجميع بكلمة رجل ستبقى طول عمرك بزر ...} وانتوو اخبار مراهقينكم |
|
|
18-09-2009, 08:13 PM
|
#2 |
|
عـضـو
تاريخ التسجيل: Oct 2007
البلد: buraydah
المشاركات: 870
|
ههههههههههههههههههههه
والله ياهو مصيخ العالم عااآآيش يوومه ! ساروونه ياعمري هي متوهقه يوم تحبه .. ! ولا خايفه منه  !الله يعينتس عليه
__________________
.
|
|
|
|
18-09-2009, 08:26 PM
|
#3 |
|
عـضـو
تاريخ التسجيل: Jun 2009
البلد: القصيم
المشاركات: 710
|
تصدقين مافكرت انه خايفتن منه ههههههه يمكن والله
|
|
|
|
18-09-2009, 08:28 PM
|
#4 | ||||||||||||||||||||||||||||||||||||||
|
عـضـو
تاريخ التسجيل: Aug 2009
البلد: في قلـبـهـ
المشاركات: 790
|
ههههههههههههههههههههههههه
يخرب بيتك ياعزوز >>> وآآآآووتس والله إنه مُراهق أرعن  الله يعين اهلهـ وشلون صأبرين ابسئلك مابه أحد ٍ منكم يخوّف عزوز ؟؟؟؟؟؟ وووووالموضوع توجنين ...>>أخ طويل بس اسلوبك ماينمل 
هههههههههههه الحمدلله سآلمين ماعندناش بس إنه عزوّزكم ذ1 فيه من ولد خآلتي عزوز اللي بالرياض >>>> لأيصير هو الحين حركة حذف المجلد اللي سوآها تفقع المرآره >> ماينسكت عنها >>>> عصبّت هع هع
ههههههههههههآ11ي والله حلووووووه أوووي > تنآسب المعزّب .... (تأبريني محلآ أبياتك لك وطلّع عزوز شطارتكن في الشعر) غندور .... مُمتعهـ أوووي .... سلمي لي ع الحبيبهـ > ام طرف وآحد آخ كسرت خآطري eek5: <<<< وش تحس فيه يوم إنها حبت هالـ العزوز |
||||||||||||||||||||||||||||||||||||||
|
|
|
18-09-2009, 08:44 PM
|
#5 |
|
عـضـو
تاريخ التسجيل: Jun 2009
البلد: القصيم
المشاركات: 710
|
ههههههههههههههه...أنا مدري وش خلاها تحبه<<أقصد سويره
لاجمال, لاأخلاق, كلللش تشكرآآآآآآآآآآت على ردك العسووول |
|
|
|
18-09-2009, 10:06 PM
|
#6 |
|
عـضـو
تاريخ التسجيل: Feb 2009
البلد: تاج القصيم بريدة
المشاركات: 339
|
كاكاكاكاكاي
عارفله هالبنقالي واما البنت بعذرة هجت يبي يجنه هوااااايل قالت خن نهج اصررف واما صدى الملاعب اولاه وراه ما تمرسينه هالمرسه اللي ينسا اسمه منه والطنيبات اللي يطنبهن شكل البنقاليين مشتكين منه وتوصطوا عند البنقالي اللي عطاه النعله صادزة صادقه عايش يومه
__________________
|
|
|
|
18-09-2009, 10:11 PM
|
#7 |
|
عـضـو
تاريخ التسجيل: Jun 2009
البلد: القصيم
المشاركات: 710
|
ريكآ...تبينن أمرس عزوز..تراي أبي نفسي..لو أنا معهم ومارسته تساااان تقولون غندور غفرالله لهـا
|
|
|
 |
| الإشارات المرجعية |
|
|
النمط المتشعب
