[جبل أحد]

في العام الماضي وفي أسوأ حملة حج رأيتها ممن لايحملون دينا ولا خلقا ولا وطنية ولا إنسانية ممن ضربوا بسمعة بلدهم عرض الحائط هذه الحملة قامت بخدمة حجاجها بمزدلفة بوضع مجموعةكبيرة من الخيام البلاستيكية4*4 تقريبا وبجوارها حمامات بلاستيكية داخلها مراحيض مسيلة على المواقف التي امتلأت بالحجاج مماجعل سمعة المملكة في الحضيض (الخيام وضعت بالمواقف ورحلت الحملة وتركت خيامها ودوراتها لون الخيام أزرق فاتح وفي شعارها للأسف صورة الكعبة وفقك الله لتقوى الله في الحجاج وفي سمعة المملكة من أن يشوهها من لايهمه إلا ملء جيبه

[تباشير المطر ~]

ليتكم قدمتم نصيحة لنفس الحملة
وفقكم الله

[مدحت شوقي بريده]

هلا بالبي جبل اُحد ..


بعض السعودييين بالحج .. يحس إن المشاعر ملك له ..
يسوي اللي يبي .. ولا يبي أحد يقوله شي ..
مايدري إنه هنا .. مثله مثل غيرة .. ماهنا فرق ..


صحيح حنا أهل البلد .. بس ولو النظام والاحترام زين ..
وعلى قول جبل احد .. المفروض الواحد يحسن صورته عند الشعوب الثانية ..
لأن الانسان سفير لبلده بأي مكان ..



مرة من المراريت كنا بالحج .. وطقينا رواق للحريم .. ولفينا السيارات على الحريم ..
كعادة السعوديين يدعسون هالحريم بداخل الرواق علشان مايشوفهن أحد ..
وهم يطلعون برا وعاااااااادي يتفرجون على حريم العالم ..
ايه بكيفهم ..



عاد يوم قعدن الحريم داخل الرواق ..
وتجي هاك المصرية حسرانه ياويلي .. وتدور اي ذرا ..
وماصدقت انه تلقى هالرواق .. وتقعد تحت الرواق ..
وتسيل على أثرها الشعاب ..وتسرسبه على الحريم .. وتربص فرشتهن ..
وتقوم وحدة منهن وتشوف أم الشباب جايبتن الجهدة ..
متحمسة تقول إنه تطبق ركن من اركان الحج ..
أحس انه يوم قضت ( تغرت ) وقالت الحمدلله ..
من زود الوناسة ..


ياويلي وتهوشه .. هيه انتي ياحجة مليتينا <<((== اياقله اخلااااااق ..
والثانية تقول .. وع وع احسبه مويه عادية ..
والثالثة تنهره وتهوشه .. <<((== يعني ترى تنهره غير تهوشه هالتنكة ..

وتهج ياويلي المصرية .. عقب ماحاقت الدنيا ..



ويقومن ويقولن ماوالله نقعد بهالمكان كله ..
ونغير محلهن .. وكل شوي تقوم وحدة تدور على الرواق ..
ماسكاتن خفارة ياويلي ..



احس ان هاك المصرية رجعت تآخذ الفرشة ..



يالله نسلم عليك يالبي ياجبل أحد ..



سي يو ..