 |
|
|
|
|
24-11-2009, 01:16 AM
|
#1 |
|
عـضـو
تاريخ التسجيل: Aug 2007
البلد: Buraydah
المشاركات: 4,242
|
| ذاكرة حـاجة ~ [1]
أسعد الله صباحكم / مساكم بكل خير ..
فـي البداية .. الميـزة العظمى بحجتي إني حاجة مو بإرادتي ( مغصوبة ) .. الوالد قرر يحج بأختي اللي أكبر مني وضموني معهم , كان وقت ثالث ثانوي وآيام أسئلة الوزارة وخلوني أحج بعد  سألت خواتي : وشو الحج يخوّف ! قالن : أبد كشته وارتاحي .. ولا تحسين بخوف ولا شئ بالعكس متعة ما ودك ترجعين .. بــدوا يجهزون الأغراض ومحدثتكم ناوية إذا ركبوا تهوّن عشان مايمديهم يقنعونه تروح >> تفكير  لا تلوموني بس أمي كانت مو رايحة معنا وهذا اللي خلاني ما أبي أحج ..  جاء يوم المشية وقفت السيارة وبدوا يركبون الأهل قلت : أوب رايحة هونت  ويبدون منا مناك ويا بنت الحلال وأنا معندة ما أبي أروح  رحت أطل على السيارة وأثر فيها بنات خواتي تقريبا كانوا سبع من غير الأمهات الموجودات.. وأسمع صراخهم وهيصتهم .. رحمت أمي ذيك اللحظة كانت ماتقدر تروح أنا معاندة ما أروح الا معه .. تعوذت من إبليس ولبست عباتي وقبل أطلع قلت : ترى إن مت بذمتكم  >> مشينا وكان الجو بالسيارة أونس أحد لدرجة إني نسيت إن وراي حج .. وبدينا نستعرض المؤونة اللي كنا آخذين .. طبعا آنا خارج التغطية لأني كنت ناوية أسحب عليهم مادريت إنهم يبي يغصبوني   وصلنا الطائف ونمنا ذاك اليوم باستراحة لحد ما يتأكدون من حجز المخيم .. وصلنا اتصال تقريبا العصر إن المخيم بـ منى جاهز ،، طبعا لبسنا الإحرامات بالإستراحة عشان ما ندخل الميقات .. ومشينا العصر وعلى بالنا إنه ساعتين بالكثير وحنا بمخيمنا ،،  وفجأة وحنا نمشي توقف السير  والسيارات مافيه امل تحرك ويمر ساعة ساعتين ثلاث ساعات  أربع سبع ساعات وتوصل لعشر ساعات  ولو أبحسب اللي مشينا ماتعدى 2 كيلو .. إن كنت أبوصف شعوري ذيك اللحظة ما أقدر  اللي أذكره إن جتني الصيحة وتخيلت إنه خلاص هذا الحج ومثل هالزحمة راح تصادفنا بالجمرات والطواف والسعي وصرت على الصامت وأنا بالسيارة ومالي خلق أحد يكلمني .. وصلنا نقطة تفتيش اللي كان عندها هالزحمة .. وعديناها على خير تقريبا قبل الفجر بساعة [ فجر عرفة ] وعلى وصولنا حدود منى سكروا الطريق بحجة إن أهل منى راح يطلعون منها متجهين لعرفه .. وطبعا وقفنا انتظار ثاني لحد ما يأذن الفجر عشان نتوجة مع العالم لـ عرفة ولا زالت الصيحة بي وعيّت تروح .. أخذت الجوال ودقيت على أمي وعلى طول ردت انطلقت صياح وتشرّه وليه تخلينن أروح ومن هالكلام لدرجة أمي عجرت تنطق ولا كلمة ومدت التلفون لأختي الكبيرة وكملت عليها بعد : ليه تقولون وناسه وتقل كشته وحنا تمينا أكثر من عشر ساعات واقفين !! بدت تهدي فيني أختي وبالنهاية سكرت منهم وأنا مالي خلق .. وبعدها الصراحة تحسفت شوي وعقلت .. وصلنا عرفة وتغدينا .. ومن الدوخة وقل النوم جانا ( استهبال الإستراحة ) وضحك لدرجة إن مره جتنا وهاشتنا وعطتنا كتب دينية .. قررنا نطلع عن خيمتنا ونشوف العالم برا وبهاللحظة بس جانا شعور غريب عمرنا ما حسينا فيه الموقف كان مهيب وأشكال الناس من حولنا .. والحين صدقت إني جد حاجة .. انصرفنا لمزدلفة أخذنا فيها غفوة محترمة .. قمنا نبي نرمي أول جمرة .. طبعا خبركم الطريق من المخيم للجمرات كم كيلو مشي هذا عادي .. وصلنا وحنا بنا تعب مو طبيعي أول مرة نمشي كذا .. ورمينا وخلصنا ويوم طلعنا كان فيه تجمع وناس مخترشين ومسوين زحمة وآنا داااايخة أقوى شئ قلت وشو هذا جمرة ثانية ! ! ! تراي ما معي حصى فجأة ضحكوا البنات علي  قالوا لا هذي [ حليمة بولند ] متجمعين الشباب والبنات عليها .. > خوش حج والله ومرت اليومين ما فيها أحداث تذكر بالمخيم ولا نطلع كثير .. قهاوي رايحة جاية وآكل من المؤونة اللي رجعنا وهي ما قضت .. ومفاطيح ما ذقناها بس الحريم اللي ياكلون منها .. وهذي صورتها ..كنا عايشين على خبز وجبن وليز   خلصنا اليوم الآخير من الرمي وتوجهنا للحرم نطوف ونسعى .. وهنا بدت مآساة جديدة مع الزحمة بحق وحقيق لأننا نطوف تحت ومن الأكشنات اللي صارت بالطواف : - مرّت الأشواط يمكن ما دعيت إلا دعوة واحدة وأحيان ماتكمل - أختي من بدينا الطواف وهي ترفس من بعض الشيعة متبوعة بكلمة [ امشي يا وهابية ] > أبد ما ورّمت رجله - أنا شوط أحس برجليني بالأرض وشوط أتعلق من شد الزحمة  - وقفنا لصلاة العصر وطبعا ما يقدرون يركعون أو يسجدون .. وأختي تبي غصب تسجد ويوم قامت آثره على راس مصري - خلصنا طوافنا على خير ورحنا نبي نتسنن خلف المقام لاحظوا خلف المقام وما اكتشفنا أرواحنا إلا عند الأبراج بالتوسعة السعي هو اللي أديته على أكمل وجه رغم التعب اللي فينا .. وتم حجنا على خير وتوجهنا مشي بدون سيارة من الحرم إلى ما يقرب من العزيزية .. ولا أخفيكم كمية التعب والعطش والجوع بعد هذا كله .. إلا إن نيران لا تنسى محبوب الكل البيبسي .. شريته على الطريق ولا عطيتهم اياه إلا يوم ركبنا السيارة وكان أطعم بيبسي ذقناه .. تم بحمد الله ( حج نيران ) اللي مستحيل تكرره ولا مع بناته .. النهاية كتـبـتـه على عـجـل .. اعذروا فيه الزلل .. وأكرر اعتذاري على الاطالة .. |
|
|
|
24-11-2009, 06:46 AM
|
#2 | ||||||||||||||||||||||||||||||||||||||
|
عـضـو
تاريخ التسجيل: Oct 2008
البلد: شمالاً ألا قليلاً.!
المشاركات: 2,192
|
صباح الروعة نيران.
:‘(.. مدري ليه دائمًا نؤخذ بذنب من يكبرنا :‘( راحت روحي.نامت..نامي..وهكذا ... نحن مضطهدين :‘( خ1
ياحبي لهم..بيسهلونها عليك..لعلهم صدموك. خالتي قبل تحج كانت متصورة أن الحج قتل وموت والسلام.! وكان مخوفها مشهد واحد فقط وهو : كيف تتحمل تشوف دم الأوادم عند الكعبة ولما راحت كانت أي شي تشوفه تقول أووه هذا سهل الله يستر من الموت اللي بيجي. وهكذا لحد مامسكوا طري الرجعة..ورجعت تلعن تقول ليه موتوني والناس حية يقال دائمًا في فمي ماء..ولم أستخدمها ألا مرة وأمام هذه الصورة الله يتقبل يارب. وفجأة وحنا نمشي توقف السير والسيارات مافيه امل تحرك ويمر ساعة ساعتين ثلاث ساعات أربع سبع ساعات وتوصل لعشر ساعات ولو أبحسب اللي مشينا ماتعدى 2 كيلو .. إن كنت أبوصف شعوري ذيك اللحظة ما أقدر اللي أذكره إن جتني الصيحة وتخيلت إنه خلاص هذا الحج ومثل هالزحمة راح تصادفنا بالجمرات والطواف والسعي ..أوه عشر ساعات واقفين O_o تخيل سليم :< أخذت الجوال ودقيت على أمي وعلى طول ردت انطلقت صياح وتشرّه وليه تخلينن أروح ومن هالكلام لدرجة أمي عجرت تنطق ولا كلمة ومدت التلفون لأختي الكبيرة وكملت عليها بعد : ليه تقولون وناسه وتقل كشته وحنا تمينا أكثر من عشر ساعات واقفين !! ..يا الله.. أتوقع أنتِ اللي صدمك هو محاولات أختك لـ تطمينك لاعادت..أجل تقول لك تكل كشته قررنا نطلع عن خيمتنا ونشوف العالم برا وبهاللحظة بس جانا شعور غريب عمرنا ما حسينا فيه الموقف كان مهيب وأشكال الناس من حولنا .. والحين صدقت إني جد حاجة .. انصرفنا لمزدلفة أخذنا فيها غفوة محترمة .. هذا الموقف مُهيب بشكل.. العالم كلها تتحد بشكل واااحد. يارب أغفر زلتي. ورمينا وخلصنا ويوم طلعنا كان فيه تجمع وناس مخترشين ومسوين زحمة وآنا داااايخة أقوى شئ قلت وشو هذا جمرة ثانية ! ! ! تراي ما معي حصى مفهية شوية عليك أجل بس اللي شايلة هم له هو الحصى فهااوة الله يديمه فجأة ضحكوا البنات علي قالوا لا هذي [ حليمة بولند ] متجمعين الشباب والبنات عليها .. > خوش حج والله أتوقع صار مسلسلات حليمة.ز1 الله يخلف . خلصنا اليوم الآخير من الرمي وتوجهنا للحرم نطوف ونسعى .. وهنا بدت مآساة جديدة مع الزحمة بحق وحقيق لأننا نطوف تحت ومن الأكشنات اللي صارت بالطواف : - مرّت الأشواط يمكن ما دعيت إلا دعوة واحدة وأحيان ماتكمل - أختي من بدينا الطواف وهي ترفس من بعض الشيعة متبوعة بكلمة [ امشي يا وهابية ] > أبد ما ورّمت رجله - أنا شوط أحس برجليني بالأرض وشوط أتعلق من شد الزحمة - وقفنا لصلاة العصر وطبعا ما يقدرون يركعون أو يسجدون .. وأختي تبي غصب تسجد ويوم قامت آثره على راس مصري - خلصنا طوافنا على خير ورحنا نبي نتسنن خلف المقام لاحظوا خلف المقام وما اكتشفنا أرواحنا إلا عند الأبراج بالتوسعة ههههههههههههههههههههههههههههههههههه.. تدرين ميته ضحك قبل على هذا المطع والآن صرت مجنونة. أجل عند الأبراج وألا أختك قولي لها لاعاد تتحمس وتسجد..عادي تسجد وهي واقفه..أهم شي النية أما مادعيتي ألا دعوة وحدة.. فهذا عرفت السبب لما قريت الثالث وتم حجنا على خير وتوجهنا مشي بدون سيارة من الحرم إلى ما يقرب من العزيزية .. ولا أخفيكم كمية التعب والعطش والجوع بعد هذا كله .. أجر أن شاءالله. ع الأقل تكفير عن الضحك اللي ضحكتوه تم بحمد الله ( حج نيران ) اللي مستحيل تكرره ولا مع بناته .. الحمدلله ع السلامة < صباح الخير وحج مقبول يارب عاد الحين يقولون أن الحج صاير واسع ومافيه زحمة  :‘(
__________________
.  . آخر من قام بالتعديل العابرة; بتاريخ 24-11-2009 الساعة 06:50 AM. |
||||||||||||||||||||||||||||||||||||||
|
|
|
|
24-11-2009, 03:52 PM
|
#3 |
|
حرف راقي
تاريخ التسجيل: Aug 2009
البلد: بَين الغَمام ♥
المشاركات: 2,807
|
وآآآآآآو الموضوع رووعهـ
عآآد اتخيل شكلتس توزين على البنآآت وتشوفينهم مستآآنسين يوميآآت روووعهــ أجل بالطوآآف شوط تعلقين مع الزحمهـ خخخخخــ ـــــــــــــــــــــــــــــــــــــــــ هههههههههههههههههــ ظحكتن أختس أجل قآآمت وهي على رآس مصري هههههههــ ـــــــــــــــــــــــــــــــــــــــــ هههههـ أجل مآآلقيتوآ أروآآحكم ألآآ عند الأبرآج خخخخخــ ـــــــــــــــــــــــــــــــــــــــــــ صرآآآحهــ يوميآآآت حلووهــ أمتعتين تقبلي مروري
__________________
. |
|
|
|
|
24-11-2009, 04:34 PM
|
#4 |
|
عـضـو
تاريخ التسجيل: Jun 2009
البلد: بين الالوآآآآن والأورآآآآق ...|||
المشاركات: 409
|
رووووعة صراحة
طلعة مميزة وموضوع مميز - وقفنا لصلاة العصر وطبعا ما يقدرون يركعون أو يسجدون .. وأختي تبي غصب تسجد ويوم قامت آثره على راس مصري  طلعتكم كذا  موضوع يستحق التميز لتس  |
|
|
|
|
24-11-2009, 05:13 PM
|
#5 |
|
عـضـو
تاريخ التسجيل: Mar 2009
البلد: حدائق ذاتـ بهجــــة
المشاركات: 831
|
يالله يازين الحج زيناه اهلك يقولون كشته عشان ماتخافين والاهو صدز كشته بس انه كشته فيها قليلا من التعب لاتنسين الحج هو جهاد المرأة وانا اقرى انعاد شريط الذكريات لحظه بلحظه قبل سنتين الله يرزقنا حجه ثانيه موضوعك راااااااااااااااائع وأسلوبك اروع
__________________
إذا استوحشت من صنوف الناس فإلى رب الناس المفزع: ( رَبِّ هب لي حُكماً وألحقني بالصالحين * واجعَل لي لسانَ صدق في الآخرِين * واجعلني من وَرَثة جَنَّةِ النَّعيم ) |
|
|
|
|
24-11-2009, 06:34 PM
|
#6 |
|
عـضـو
تاريخ التسجيل: Dec 2008
البلد: من سكان الأرض
المشاركات: 1,821
|
نيران
حج مبرور وذنب مغفور صادقين أهلك الحج كشته .....إقالي حاجه أحس إنك خوافه أما طوافكم بلحاله غريبه كل الي يحجون ودهم يحجون ثانيه  الحمد لله خلصتي فريضتك وكملتي أركان الإسلام نيران أمتعتينا برحله الحج أشكرك من كل قلبي لك 
__________________
ظِلّ مَكْسُور وكِسِير لِليتَآمَى وَالفَقِيرْ ظِلّ ظِّلهْ كَمْ مَلآيين ورَفَآهِية رَغِيدَة ظَلّ طِفْلِ فِي بَرَآءَة حَآكه فِي ظِلّ الكِبيرْ ظِلّ عَآدَآت وتَقَآلِيد جَثتْ فُوقَ العَقِيدَة ظِلّ ثَآبِتْ ظِلّ آمِنْ وَحدَهُ ظِلّ الشّرِيعَة
ظِلّنآ هُو عَرْش رَبّي خَآِلق وآحنَآ عَبِيدَه ظِلّ جَآمِعْ لِلمَحَبّة وَالوَلأء يَجْمَعْ جِمِيعَهْ ظِلّهَآ ظِلّ الجزِيرَة شَآمِل ظِلآلِ عَدِيدَة |
|
|
|
|
25-11-2009, 01:20 AM
|
#7 | |||||||||||||||||||
|
حرف راقي
تاريخ التسجيل: May 2007
البلد: سَكْرَةُ حَرْفْ
المشاركات: 2,198
|
اشتهيت المؤونه قبل كل شئ
غلطتي يوم أدخل جوعانه >< " ودي أدري وشو الشئ الأصفراني اللي بوسط الفنجال الوسطي !ضيق صدري , مقآضيكم فنانه تشهوي على القهوه وبقووه اللي أختارته فتاة هي كويسه نيران كانت ولازالت رغم كل الظغوطات والمنع , يتصدر الببسي قائمة المشروب الأكثر عشقاً لديها  ليتن ببسي تصدقين / تشابهنا بـأشياء 1- مظغوطين وأنجبرنا على الروحه : ( 2- هذاك الأنتظار اللي بالسيارات : ( 3- الليز والببسي وعيشتنا عليه وأكيد أشياءات لاتعلمينها أنا أعلمها وحسبي أني منب قآيله لتس وكفى
ههههههههههههههههههههههههههههههههههههههههههههه هههههههههههههههههههههههههههههههههههههه تخيلتس نيران مزمومه ورجلينتس ماتاصل الأرض  برستيجتس ! قوتس ! جبروتس وينه !> مايبي له حج مقبول أن شاء الله وقولي آمين , ينول لتس مرادتس والمبتغى يآرب - -
__________________
مُفرّغةٌ مِن كُل شىءٍ إلا مِنكَ ياالله !
|
|||||||||||||||||||
|
|
|
|
27-11-2009, 01:00 AM
|
#8 | |||||||||||||||||||||||
|
حرف راقي
تاريخ التسجيل: Mar 2009
البلد: قاب قوسين أو أدنى !
المشاركات: 2,248
|
نيران
هههههههههههههههههههههه واجد المخاريش
__________________
|
|||||||||||||||||||||||
|
|
|
|
27-11-2009, 03:21 AM
|
#9 |
|
عـضـو
تاريخ التسجيل: Jul 2008
البلد: فِيْ قُـ’لُوُبِهِـِمْ ..ღღ
المشاركات: 1,285
|
يـآحركهـ يـآ نيرآآن صرآآحه حجتسس تهبل ..
وهـ بث وديي آحـج .. عقبـآل السنوآآت الجـآيه تحجييييين ..
__________________
- رحِمكِ الله يآ عـآبرة (h) ! |
|
|
|
|
29-11-2009, 09:52 PM
|
#10 |
|
عـضـو
تاريخ التسجيل: Oct 2008
البلد: - ... ṞềłสẋλŧĪ๑ŋ ~
المشاركات: 2,089
|
تجنن الذآكرة بتآعتس .. اللي شهيتين به ( البيبسي )
بس صرآحه .. ولا ذآكره خلتن أشتهي أحج .. ياربي كل مالي أزمل على هرجكن لا قررت لازم أحج أنآ وبنآت خالاتي مع حملة .. لاااازم !! عشآن نوسع صدور بعض شوي يسلمو .. والله الذآكره بتآعك خيآلية ..
__________________
. . . ولي لغتي الخاصّة * |
|
|
|
|
06-12-2009, 06:28 AM
|
#11 |
|
عـضـو
تاريخ التسجيل: Nov 2007
البلد: سَوَآلفْ دفـَـَـَىَآ ، فِيـ ًهآ مِن البَـَـَـَـَرد |ُ طآري شوًوًوًق |ُ ~
المشاركات: 601
|
استمتعت بقراءة ذكرياتك للحج
بالعكس انا اتمنى احج مره ثانيه تحسين بمغامرات ومتعه اجل شلون لو صارلك مثل الي صارلنا من رعب تسلل وسرقه هع شكلك راح ماتحجين مره ثانيه بنوووب بنووووووب هع بس اذا الله رزقني بحجه راح اسكر فمي بصمغ وماخلي دقيقه تفوتني عن ذكر الله بسوالف ولعب وهواش مثل الحجه السابقه يالله انك ترزقني الحجه انا ونيران وبنات المنتدى السنه الجايه
__________________
[POEM="type=1 bkcolor=#666666 color=#FFCCCC font="bold medium 'DecoType Naskh', Arial, Helvetica, sans-serif""]أحْيَانَاً نُعَامِلْ الآخَرِينْ باحْتِرَامْ ليْسَ بالضَرُوُرَة لأنَهُمْ مُحْتَرمِينْ ، بَلْ لأننَا كَذلكْ[/POEM]
|
|
|
|
|
06-12-2009, 06:52 AM
|
#12 |
|
قبس دائم
تاريخ التسجيل: Jul 2008
البلد: في ارض الله الواسعه
المشاركات: 12,834
|
حج مبرور وذنب مغفور
ذكرتيني بحجتي كانت ايام حريق منى ومن الزحمه اختي اغمي عليها بالطواف وماطاحت الناس شايلينها ويارب يرزقك البنيات عشان تعيدين الحجه نيران انتي مدهشه ...
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
يآاااارب
إنّ أمنيتي تنبض في قلبٍ هو مُلگگ
فَلا تحرمني من ( فرحة تحقيقہآ )
فَإنگ آلوحيد القائل للشي:
" كـنّ . . فَيكون " سبحانك ...
|
|
|
|
|
07-12-2009, 09:21 AM
|
#13 | ||||||||||||||||||||||||||||||||||||||||||||||||||||||||||||||||||||||||||||
|
كاتبة متميّزة
تاريخ التسجيل: Dec 2007
البلد: بين النبلاء .
المشاركات: 8,290
|
ياهلا وغلا بالحجية نيرآن
هههههههه نيرآن تراي اقرا وتسرتسر < اكركر < لايكثر
هههههههههههههههه سؤال لازم يسأله كل من يبي يحج
ياربيييه ابقولتس موقف صار لنا بالحج عجيب وصلنا مكة فجر عرفة وكان زحمممة يمكن لو نقعد ننتظر السيارات قعدنا سبع ساعات أو اكثر بس سبحان الله بدوا كل السيارة يستغفرون ويدعون وويفرجه ربي ونتحرك بأقل من ساعتين الحمدالله الأستغفار عظيم
يىآآربيه كلش ولادموع نيران الله يجعله غفرآآآن وتكفير يآرب
يآرب ان نيرآن بناتة يصيحن مايبن يحجن الا معه ذذ هذي هدية الحج لنيرآن http://www.joreyat.org/file/ho5ru8an7z0s/ تقبل الله منا ومنك صالح وأسعدك في الدآرين
__________________
|
||||||||||||||||||||||||||||||||||||||||||||||||||||||||||||||||||||||||||||
|
|
|
 |
| الإشارات المرجعية |
|
|
النمط المتتابع
