[فؤادعنتر]

بعد بعد ……… تتزوج من غير قصيميه ؟؟؟؟؟؟؟؟؟؟؟؟؟؟؟؟؟؟

لا يخفى عليكم أن لدي رأي سديد و دائماً أساعد الناس والأصدقاء بالاستشارات وآخر واحد من الشباب استشارني بموضوع الزواج من خارج القصيم وهو من القصيم استغربت قلت وش حادك تترك بنات القصيم اللي يطهرن الأرض وتتزوج من براء القصيم قال النصيب والرياض ما هي بعيدة وقريبه عاداتهم من عاداتنا وتقاليدنا وودي تساعدني بالموضوع قلت أنا غير مقتنع بالزواج من غير قصيميه لكن لا يمنع أساعدك وهذا مستقبلك أنت وأنا على أنصحك ووجهك وأنت مثل اخوي المهم قال ودي تسافر معي نخطب البنت وودي نروح على سيارتك الرجال شكل سيارته ما تواجه وأنا معي سيارة هايلكس موديل 90مجددة ومفحوصة فاكها وكالة من واحد الله يرحمه واتفقنا نسافر بعد صلاة الفجر أنا رجعت للبيت وجلست مع الوالدة واخوي وبعض البنات وقلت لهم قصة صديقي قالت أمي وش يبي يأخذ من براء مشاوير ولا لها احد بالقصيم ويضيق صدره يحووول بعيدة عن أهلها وكان كل الجالسين متفقين بأنه غلطان إلا وحدة من البنات إقالة رياضية قالت عادي اختنا مع رجلها بالرياض قلت لها بس زوجها من القصيم ونتقل بسبب شغله ولا هو ما وده يترك الديرة المهم قطعنا جلد الرجال والعياذ بالله ولقينا أن فيه فايدة من الزواج هذا عشان لا راح للرياض نعطيه تمر لأختنا هناك وهي ترسل الملابس اللي ما تبيهن للبنات أتعرفون ساكنة بالرياض وتضرب بالدراهم اقل أبلوزة تشريها 88ريال وماركات ما عليها راتب زوجة 6ألأف وساكن في بيت واحد من الجماعة منزل له الإيجار المهم الرجال يوم أصبح دق على وكنت نايم ومسكر الجوال ولا ودي أسافر يعني ما قمت إلا الساعة تسع فتحت الجوووال وعلى طوول دق وينك قلت خلاص أمرك جهزت العزبة والأغراض وسافرنا يوم بقى على الرياض 100كيلو نزلت القش وسويت الغداء وتغدينا وعينا من الله خير وصلينا وخذت لي غفوة وبعد صلاة العصر مشينا ودخلنا الرياض اتصل على أخوها وطلع لنا عند نادي الشباب وتبعناه لين البيت جلسنا معهم المغرب وخطبت له البنت وتفلسفت على أبوها من العلوم يحسبن أنا العريس ويوم قلت نبي البنت للرجال قال أشوى (ما دري وش يقصد تعرف من الرياض ولا نضبط كلامهم) قال خلاص نسئل عنه ونرد لكم أنا يوم سئل وش يشتغل الرجال قلت انه بالمرتبة الثامنة ولا نبهني هو إلا وحنا راجعين قال أنا بالمرتبة الثانية ماهي الثامنة قلت مو مشكلة أهم شيء الثاء موجودة الرجال سئل يوم دريت يوم دق على اخو البنت ما كان يدري أني أنا اللي خطبت له قال: سلام حنا بنسئلك عن صديق لك اسمه أفلان خاطب منا وش رأيك فيه قالت : من أي ناحية قال كل شيء عاد أنا ما عندي إلا الصدق الشيء ذمة قلت الرجال يدخن هذا هو عيبه الوحيد وجربته بالسفر عجاز تذكرون روحتنا للرياض طبخت نفع بشيء ولا جاب شيء حتى الحاجة له ما دفع قيمة البنزين واستحيت منه وأخذتهن من بوكه يوم نزل من غير مايدري فقلت له انه بخيل وعجاز وتراه على المرتبة الثانية قال يقول الثامنة قلت اجل تأكد والله يكتب اللي فيه الخير والخيرة بعد مدة اتصلوا عليه وقالوا ما فيه نصيب وخبرني قلت لا يضيق صدرك يمكن خيرة والزواج قسمه ونصيب شفني عمري 35ما تزوجت أدور بس الناس ما تقدر بعدها رحت و بشرت أمي وخوي والبنات أن الرجال ما عطوووة ومن بعدها الرجال انقطع عني ولا يرد على الاتصال وجاني خبر انه تزوج ولا خبرني ولا احد اتصل على يسئل عنه بحكم الصداقة سئلت واحد من الشباب دايم معه قال : الرجال تزوج قلت وشلون عطوه وهو يدخن وبخيل وعجاز قال : تزوج من الدمام (قلت أيه) قال : وبعدين الرجال تارك الدخان له ثلاث سنوات قلت :شكل زواجه هذا إعناد لي طيب يعلمنا يتصل أو يوم شراء سيارة راحت حاجتنا .
خبرت الوالدة وخوي والبنات بالموضوع قالوا : اتصل عليه ودنا نعطيه تمر يوصله للرياض لأختك وإذا رجع يجيب ملابس منها على طريقه اتصلت ما رد النذل خربته زوجة الجديدة أكيد من براء القصيم.
انتبه بعد بعد .............. تزوج غير قصيميه ؟؟؟؟؟؟؟