[الـدعساوي]

السلام عليكم ورحمة الله وبركاته
يالله حيهم من أولهم الى أتلاهم , ومن كبيرهم الى صغينونهم ... فيس يناظر وميض
الا على طاري وميض , مادري وراه حمدزن عليه انا , كل ماشفت اسمه على طول تجي على بالي مربوعة وشولة المربوعة هو ابخص
نرجع للاختيارات , قسم بالله مب معقولة هالي يصير لنا بالجامعة ,, , اهم شيء دريتوا اني بالجامعة , كل مابين اختبار واختبار ايطلع لنا اختبار , عاد تصدقون هالاسبوع عندي 6 اختبارات , لو يحصلهم حطوا الجمعة والخميس اختبارات , ماقالوا لا هالفرحين , اتوقع لو يكلفونن باخراج كتاب ماقلت لا من هالمعلومات اللي براس .. ايه هين ان تسانه به شي
ايه وش حنا وقفنا عليه , ايه صح هالموضوع ذكرن بواحد صليت معه الجمعة مب اللي راحت اللي قبله , ذكر عشر مواضيع بخطبة وحدة , ولا بعد يهوش , يعني لو تغفل عنه شوي خطر يلحقك العصى , هذا اللي يصلح لاقلك الواحد وش خطب عنه قل ماخلى شيء ,,, بتوع مخرج 15 , ترى مب هذا موضوعنا بس ذي مقدمة بسيطة , لاحظوا كلمة بسيطة , اجل لو هي طويلة وش تبي تصير
على العموم حنا ماعلينا من ذا كله , طبعا بعد ماهدأ المزاج من هالاختبارات , وبعد ماعدلت المزاج بفنجال قهوة ,, لا تخلينا يالظلماوي , مسكت معي انزل موضوع غبي نوع ما , ولا امدحك يابوشباصة , ايه اقولكم
مشكلكم طحتوا بواحد طير بر , ماينفس أبد , الاهل يقولون وش رايك نطق لك خيمة بالحوش , ونحط لك شوي رمل , وتنتهي المشكلة , عاد انا واعوذ بالله من كلمة انا ماطعتهم , خبركم الطيور مايلعب عليهم ,, وراه ماتعقل انت وخشك بس

بما ان هالوقت وقت مكاشيت , وعلوم سنعة , وتحصل كم من طلعة ويصير به كم من موقف , قلت خن شارك حقين الكش كول , بها المواقف ,, لا احد ينكت ويقول لبق به تراه قديمة ’ طبعا كل ماتذكرت موقف راح انزله هون , وانتم عاد شاركونا

~كشتة مع معرسين , انتبه تكشت معهم ~
طبعا قبل فترة حصل لي كشتة مع ابعض الشباب , نصهم عزابية ونصيهم معرسين , الا محد خبر لي بنت حلال تراي والم
المهم , الوعد كان عقب الفجر , وهذا اشين وعد خاصة للمعرس , خبرك امور المعرس , يبي له سباحة [ للنظافة مب شيء ثاني ] وبعد الفجر يسير على البيت ويقضي له كم من غرض , المهم الوعد كان على سياريتين , شاء الله ان تكون سيارة للمعرسين وسيارة للعزابية , جت صدفة , المهم مادري وش البلوى اللي بلان الله به وصرت مع هالمعرسين , المهم احتريهم ربع ساعة نص ساعة ساعة , وين الشباب الى هالحين ماجوا , ادق على الاول , راعي السيارة , اقوله وينك يقول اعبي بنزين , مع انه ماظنتي انه يعبي بنزين الا ان تسانه شيء ثاني , لاكبرتوا تعرفونه , وادق على الثاني , اقول ابوفلان وينك , يقول والله رايحين اودي الوليفة للبيت , والثالث ابو فلان وينك يقول والله راحين اودي المرة لاهله , وانا ياحول منطق بالبيت , لا وليف ولا وليفة جاب الله لي هاك اليوم ابوشباصة الفجرية , وبدت اسولف معه بالمسن , ومليت منه , خبركم الولد مايعطى وجه
ولاهاك اليوم شريط حامد توه طالع , وامسكه من الوه الى آخره , حفظت مرسولة , ماش الشباب جازمين على الايه , المهم بعد ماقظوا اغراضهم المهمة << مشوة انتم لا احد يدقق به جو ولا كل واحد اردى من الثاني , واحد يقول انزل انا ظهري يوجعن , والثاني يقول بي شدن بالرجل , والرابع حبيب توه معرس , مايقول لا , خبركم طفت العرس , وصلنا لمكان الكشتة ولاتسألون عن الشغل , كل واحد ماسكن له زاوية , ويكلم , تسأله تعال اشتغل , يقول وخر هناك اكلم الوالدة ,,, وافلقن ان تسانه الوالدة , وصارت الطلعة كله مابين مقفل على نفسه بالسيارة ولا راقي له فوق نفود , مادري وشولن طلعت القرامة , اخبرهم مريضين
المهم صارت هاك الرحلة درس , لي ولاشكالي , انك لابغيت تواعد واعد عزوبية , عطيت الله , كل واحد افضى من الثاني , يجدعونه اهله مع كل جهة
وتوة ياتوة وانتهت الحتوتة
Wــلام , ومع سالفة ثانية من سواليف البر << لاتخلينا يالعشماوي
لاتبعدون ترانا نبي نرجع , ونبي سواليفكم الشينة

شلقة هاه الى هالحين زعلٍ علينا ياخلفهم , تراي توي اتفرغ
الا مايمدي نشارك

[أبو شباصة]

هههههههههههههههههههههههههههههههههههههه
هههههههههههههههههههههههههههههههههههههه

فهارة وشوي موضوع ..

اقتباس لا وليف ولا وليفة جاب الله لي هاك اليوم ابوشباصة الفجرية

مهب تقل قوية


نصيحة لوجه الله لا تطلع مع اللي أكبر منك يا صغيري ..

[بولوهي]

هذا اللي يطلع مع معرسين هههههه اجل سحبوبك واخرته بالطلعه كل واحدن لحاله ههههههه والله ياهم تنسيم
< شكلك تسذا بالطلعه ماغير تقرا بجريدة الوسيلة ..

بس فيه غلط ياليت تغيره ( وشاءة الاقدار وهذا مايجوز .. )

[[ لــمّــآح ]]

اقتباس والرابع حبيب توه معرس , مايقول لا , خبركم طفت العرس

ههههههههههههههههههههههههههه


الله يرزقك الوليفة الصالحة .. والخويا العزابية ..

[الـدعساوي]

اقتباس المشاركة الأساسية كتبها أبو شباصة هههههههههههههههههههههههههههههههههههههه هههههههههههههههههههههههههههههههههههههه فهارة وشوي موضوع .. مهب تقل قوية نصيحة لوجه الله لا تطلع مع اللي أكبر منك يا صغيري ..

والله ياأحس الضحكة مب على سنع
وش فهارته انت وخشك , لغة عربية ما الومك , اجل لو انت دارس شريعة وش تبي تقول للدكاترة ,, صح المقارنة
بما انك تقول لاتطلع مع كبارين , اجل وش رايك نلغي موعدنا
نورت يابوشباصة
اجل تبي تترك بريدة ستي

[mr.muhmmed]

اقتباس كشتة مع معرسين , انتبه تكشت معهم

آجل رايكـ نـ x عليهم ,

اقتباس ادق على الاول , راعي السيارة , اقوله وينك يقول اعبي بنزين , مع انه ماظنتي انه يعبي بنزين الا ان تسانه شيء ثاني , لاكبرتوا تعرفونه , وادق على الثاني , اقول ابوفلان وينك , يقول والله رايحين اودي الوليفة للبيت , والثالث ابو فلان وينك يقول والله راحين اودي المرة لاهله

هههههههههه
و آنت جالسن تحتريهم ,

اقتباس واحد يقول انزل انا ظهري يوجعن

هههههههههه
ما آقول شيء ,
[ آلعب آرضي ]

اقتباس ونصيهم معرسين , الا محد خبر لي بنت حلال

[ خابركـ وليف + وليفه = آرخ الريال ] ~

[سلفر بريده]

ههههههههه

تنـــسيم ابو دعس

لآكن متى نشــوفه

[mr.muhmmed]

^

اقتباس لآكن متى نشــوفه

[تروكي محمد]

هههههههاي

[خـآالد]

هههههههههههههههههههههههه
الدعسآوي والله أنكـ تنسييييييم ستي



والله يرزقكـ الأخوياء العزآبية
.
.

[طارق العتيق]

هههههههههههههههه

هههههههههههههههه

أجل لا عمرك تطلع معهم و المفروض ساحبن عليهم و نايم و مخليهم يوم كل واحد يصرفك من جهه ..

لو أنت بمحلهم كاان ما تلومهم ولا يالمعرسين ..

تحياتي / ابو يوسف

[wméédh]

هههههههههههههههههههه مهب الله يرجّك
والله ياكثرهم اللي يهايطون لا أعرسوا .. أولهم أخوي

ايه .. اكتشفت أنك تحبّن يالدعساوي
معقول انا بافتتاحية الموضوع جاين طاريي هذا يدل اني دايم على بالك .. والله يديم هالمحبة < قطع مشوار
ياحبيلك انت كريم وانا استاهل < وش يبي الحين

[جهير]

ايييه يالدعساوي هذي الحين تسميه سواليف برية وانت توك ما طلعت للبر بس تجهيزات
عاد وشلون لو كشتت

[rèmàn]

أبو دعس ترا أحسن لك يتأخرون علشان ماتصير الدقه بك