[القولون]

هذا ما حصل معي مع فلافل الاربعين اللي على طريق الملك عبدالله


اليوم العصر مريتهم وطلبت سندوتش فلافل، قام المصري اللي يشتغل لف لي السندوتش. طبعا ما شاء الله كان لابس ( مداسيس طبية ) ولاني من زمان على فلافل الاربعين اعجبني التجديد اللي حاصل فيه.

الشاهد:

بعد ما عطان السندوتش رحت للكاشير ( السوري ) ، والا اخونا المصري طلع من مكانه ... والمداسيس باقيه في ايدينه ... ومطلع الجوال يتكلم فيه.

سالته : وش وظيفة المداسيس؟
قال : عشان الزباين
قلت: طيب ليش ماسك الجوال؟
قال: وفيها ايه يعني؟
قلت: عشان الزباين .. مسكك للجوال مب صحي
قال ( وانتم تخبرون الاخوان المصريين لا بغو يلفون ويدورون): يعني الجوال فيه حاقة وحشة ؟

وفجاة نط السوري من ورا وقال لي:

خلاص المرة الجاية راح يشلحهم ( يعني يفسخهن )
قلت ليش مب الحين يفسخهن؟
قال لا ... في السندويشة الثانية راح يفسخهن

ابتسمت له وقلت اجل خل سندويشتك عندك.


طبعا، بلغت الزملاء في البلدية وبكرا راح ابلغ الزملاء في المديرية الصحية.



وسلامتكم

[غريب احساس]

المداسيس وضح لنا

[المديرالعام]

تبلش بالحضر
مداسيس>>>>>>>>> يعني قفزات اليدين
مواطن بلدي صالح لكن انتبه لايسحرونك
عاد تجي بكرآ تجحد موضوعك ذا

[القولون]

هههههههههههههههههه
مداسيس = قفازات يدين= قلفز (بالعنجليزي)

ولا ان شاء الله ما هنا جحود
الشباب حريصين جدا على الشمع الاحمر

[Leader.20]

اقتباس المشاركة الأساسية كتبها غريب احساس المداسيس وضح لنا

متاكد انك سعودي
احد ما يعرف المداسيس
المداسيس يعني جوارب اليد . يا صديق

[Leader.20]

شكرا يا صاحب الموضوع انك بلغت البلديه
تقبل مروري

[ابوولعf]

كفو والله ورهم الشغل

[الهاديو]

يالبيه بس

والله انه احسن معطم يسوي صبه

تكفا لاتبلغ عليهم

اتا ادري انك تقصد الشايب المصري

والله ودي انهم يسفرونه لمصر



المهم


والله انه افضل مطعم يسوي فلافل اربعين

وقبل شوي طلبت صبه من عندهم

[ابوولعf]

اقتباس المشاركة الأساسية كتبها المديرالعام تبلش بالحضر مداسيس>>>>>>>>> يعني قفزات اليدين مواطن بلدي صالح لكن انتبه لايسحرونك عاد تجي بكرآ تجحد موضوعك ذا

طيب ليش يعني تقول حضر اقول الله يخلف عليك

[القولون]

اقتباس المشاركة الأساسية كتبها الهاديو يالبيه بس والله انه احسن معطم يسوي صبه تكفا لاتبلغ عليهم اتا ادري انك تقصد الشايب المصري والله ودي انهم يسفرونه لمصر المهم والله انه افضل مطعم يسوي فلافل اربعين وقبل شوي طلبت صبه من عندهم

الشايب المصري يا حبيله،
بس الحين مع التجديدات صار فيه سوري ومصري شباب.

والسوري كان يتكلم ولا همه احد، بس طيحه الله.

[الهاديو]

طيب يالغالي

الي اخذ الجوال هو المصري الشايب

ولا الثاني ابو صلعه


وتدري وش عاجبني فيهم

ان كفيلهم صاحب المطعم فوق راسهم وعند الكاشير

[القولون]

مب المصري الشايب، اصلا ما كان فيه بذاك الوقت.
هو مصري شباب.

والكاشير كان سوري.

[المنتهي215]

هذا لابس مداسيس أشوا
ما خفي أعظم من الي يحصل داخل المطاعم
وواحد شاف أفغاني يسوي البزار حق البخاري وهو يمسح عرقه قاله وش تسوي أنت قال الأفغاني هذا عرق مسلم !!!!!!!!!!!!

[القولون]

المداسيس صارت عشان اللي يشتغلون مب عشان الزباين!!
اتوقع انه ما يغير المداسيس يعني ما صارت تفرق عن يده من دون المداسيس!!