[زهور الوادي]

بسم الله الرحمن الرحيم

الرزق على الله ولكن ؟؟؟؟ افعل السبب
لكل من تريد ان تاكل من عمل يدها


هناك امور عدة يجب مراعاتها

1 التوكل على الله والدعاء الصادق بان تكون تاجرة صادقه مع نفسها ومع الله حتى تطرح البركة في بضاعتها

2 احصاء التكاليف للبضاعة المراد بيعها واخراج السعر المناسب لها (مونبيع بسعر بدون حساب التكلفة وبعدين نغير ولا واذا شفنا الاقبال طمعنا وقلنا السعر ارتفع ) احسبيها من الاول عشان ثبات السعر لان التفاوت بالاسعار يربك الزبون


3- البضاعة المناسبه في المكان المناسب يعني مايصلح الناس جايه لاجتماع الاهل وانتي تفاجئنهم بالبضاعه تحرجي نفسك وتحرجي الناس معك لان البعض مايحب يشتري قدام الناس والبعض الاخر يكون ما استعد للفلوس

4 _نجاح كل تجارة الشراء بالجمله والبيع قطاعي (مثال اشتري جمله ستكراات)جمله وابيعهم تفريد بدون رفع السعر

5 _ الدعايه واللاعلان ؟؟؟؟ اكيد كلكم تقولون شلون حنا تاجرات صغار اقول انتم اصغار بالبضاعة كبار بالتفكير (راح اقولك مثال وانتي من هالمثال ابدعي )
مثال انتي تبيعي عطورات اذا رحتي لاحد خوذي عطرك المراد الاعلان عنه واذا راحت ربت البيت تجيب قهوة ولا شاي طلعي العطر ورشيه على الجلسه ؟ اكيد تتسالين ليش اقولك اصلا وانتي موجودة معها هي فكرها متشتت مابينك وبين السوالف والمطبخ والاطفال والزوج وغيره فما راح تركز بسالفه بيع ومابيع لكن اذا رشيتيه على الجلسه ورحتي وهدئه شوي ورتبت البيت من بكر وشمت ريحتك مازالت ثابته واعجبتها راح تدق عليك وتسالك صدقيني عن تجربة هالحركة ويمكن احد ثاني بالبيت يشمة ويعجبة فالطريقه هذي حلوة لانك ما احرجتيها ولا احرجتي نفسك

الطريقه الثانيه
الاهداء وهي من طرق الدعايه والاعلان
بالذات اذا كانت البضاعه اشياء دقيقه كا المدليات الاستكرات شنط الجولات الالعاب وغيرها

6 -البحث عن اسواق الجملة التي تستخرج لك ربح جيد وسعرجيد للزبون اياك اياك والطمع لانه السبب الرئيسي لقطع رزقك (اسواق الجملة الرائعه السويلم في الرياض وسط الرياض +سوق التعمير بالقرب من السويلم وسط الرياض +المعقليه وسط الرياض)اذا حاولتي تجيبين منهم راح تكونين ارخص من السوق بالنسبه للزباين
7 لاتكثرين المدح في بضاعتك لان كثرة المدح من الكذب

8 - حتى ينتشر صيتك لابد ان تواجهي من يستفزك ويسقط من قدرك حينها اعرفي انك اجتزتي اهم مرحلة لذلك انصحك بالصبر الصبر الصبر وسعة الصدر
اتمنى من موضوعي الافادة للجميع وباذن الله ساتكلم عن تنميه العقل التجاري لدى الاطفال بالطرق السليمة التي تجعل من طفلك بائع فطن

هذا من مجهودي واتمنى مكم التفاعل حتى نخرج جيل يعف نفسه ولا يكن عالة على غيره ويقدر قيمة المال