 |
|
|
|
|
22-02-2010, 12:27 AM
|
#1 |
|
Guest
تاريخ التسجيل: Jan 2010
البلد: بريده
المشاركات: 394
|
قصيدة شاب فقير أراد خطبة بن عمه المليونير !!
سبحان من يرزق بتوع الملاييـن
............................... الرازق اللي ما يخيب الرجـا بـه لي عم عنده معـرضٍ للصواليـن ...............................أموت واعرف بس من وين جابـه وإذا سألته قـال بعـت الدكاكيـن ...............................ما يدري إني ما هضمت الإجابـة الشاهد إني رحت له قبـل يوميـن .................................في قصره العامـر ودقيـت بابـه قال أرحب أرحب عدّد ورد البساتين ..................................يا مرحبا باللـي لفـا يـا هلا بـه قلت البقا عـدّ النفـل والرياحيـن .............................يا شيخ شمل أهل الكرم والذرابـه قال اسلم الله يحفظك لي من العين ..................................وآمر أوامر حضرتـك مستجابـة قلت الصراحة طالبٍ قرب غاليـن ................................... ودي تزوجنـي كريمتـك يـابـه ثنّى وقال أهليـن والله وسهليـن .................................والكون ترخص لجل عينك رقابـه لكن ترا عندي شـروط وقوانيـن ..............................قلت اشرط اشرط يا حبيب الغلابـة قال أولاً مهر العروسـة ثمانيـن ..................................غير الرسوم وغير حق العصابـة والثانية عمك يبي منـك سبعيـن ..................................رسم الأبـوّة والنسـب والقرابـة وأم العروسة حقها منـك ستيـن .................................عشانها ست الحسـن والمهابـة وإخوانها كلن يبي منـك خمسيـن ...................................عداً ونقـداً تنـدرج فـي حسابـه وخواتها الخمس عطهن من ثلاثين ...................................عشان تتوثـق عـروق النسابـة وتجيب طقم عيار واحد وعشرين .................................وخاتم من الماس المصفى ترابـه وأكياس متروسة كعوب وفساتيـن ......................................ألوانهـا وأشكالهـا مـا تشابـه وموتر بسواقـه وفيـلا بدوريـن .....................................أثاثهـا مـن بطرتـه ينحكـى بـه واحجز لنا قاعة بقصر السلاطيـن .......................................واحجز بهـا رقاصتيـن وربابـه هذي الشروط اللي على بالي الحين .................................وذكرني اللي ما حسبنـا حسابـه قلت اذكر الله يا عـدو المساكيـن ....................................واستغفـره لا يبتلـيـك بعـذابـه الظاهر إنك منت عارف أنا ميـن ..................................أنا لو أرقى فـوق متـن السحابـه ما جبت حتى نص درزن مواعيـن ..................................واضحك بكيفك واعتبرهـا دعابـة شروطكم هذي شـروط المجانيـن ....................................شروطكم شغـل ابتـزاز ونهابـه شروطكم تقصم ظهـور البعاريـن ......................................شروطكـم همّـن وغـم وكآبـه شروطكم والله سيوف وسكاكيـن .....................................تذبح بنات المجتمع مـع شبابـه وين الرضا والعطف واليسر والليـن .....................................اللي ذكرهـا الله بمحكـم كتابـه وين الصفات اللي أمرنا بها الديـن ..................................وين اختفى نهج النبي والصحابـة يا عم جعل اللي خلقنا من الطيـن .......................................يرد عقلك مـن خطـاه لصوابـه ويجعل نصيبي عند غيرك قل آمين ......................................ويحسن عزا الصابر ويجزل ثوابه قال أنت لو فكرت تفكير صاحيـن ................................ما شفت في مجمل شروطي غرابه حنا بعصـر العولمـة والمزاييـن ................................... ماهوب عصر الفلسفة والخطابـة الناس تسعى للرتـب والنياشيـن ....................................وأنت اهتمامك بالشعـر والكتابـة والشعر ما ينفعك لو هو دواويـن ......................................ما دام جيبك مثـل بيـت الخرابـة يا بوك لا تسمع كلام المصاخيـن ..................................واسأل مجرب عاش في وسط غابه قلت الله أكبر يا محـرر فلسطيـن ...................................من يسمعك يحسبك ذيـب الذيابـه تراك شايب رأس مالـك رياليـن .......................................والبنت ما تسوى جنـاح الذبابـة قال انقلع مالت على وجهك الشين .........................................لا عاد أشوفـك عندنـا يالزلابـه قلت ابشر أبشر لكن الباب من وين .....................................وأقفيت من عنده على صوت بابـه |
|
|
22-02-2010, 12:36 AM
|
#2 |
|
عـضـو
تاريخ التسجيل: Nov 2009
البلد: القصيم
المشاركات: 16
|
أبيات جميله جداً تحكي واقع كثير من الناس خصوصاً اللي عندهم فلوس زي صاحبنا
|
|
|
|
22-02-2010, 12:37 AM
|
#3 |
|
عـضـو
تاريخ التسجيل: Oct 2009
البلد: بين وجنتيهم
المشاركات: 452
|
صراحة الموضوع حلووووووووو
صراحه حاله الله لايكثر من امثاله يشرفني ان اكون اول وحده ترد
__________________
الليل إذا اشتدت ظلمته فإن الفجر لاح والفجر إن يبزغ فلا نوم وحي على الفلاح |
|
|
|
22-02-2010, 12:44 AM
|
#4 |
|
عـضـو
تاريخ التسجيل: Feb 2010
البلد: buraydah
المشاركات: 39
|
صح لسان قايلها و صح بدن ناقلها
|
|
|
|
22-02-2010, 01:11 AM
|
#5 |
|
عـضـو
تاريخ التسجيل: Jul 2009
البلد: حولكم
المشاركات: 1,913
|
رووووووووعة وخاصة الابيات الاخيرة تنسييييم
يصلح من يحفظ بعضهن ويدعدع بهن 
__________________
ا
|
|
|
|
22-02-2010, 01:29 AM
|
#6 |
|
Registered User
تاريخ التسجيل: Feb 2008
البلد: alriyadh + buraydah
المشاركات: 3,889
|
صح لسانة شاعر جزل
|
|
|
|
22-02-2010, 01:44 AM
|
#7 |
|
عـضـو
تاريخ التسجيل: Mar 2008
البلد: دعواتكم لي باالشفاء
المشاركات: 892
|
انما الغنى غنى النفس
الله هو الغني ..
__________________
اللهم اشف احبتي من كل داء وارفع عنهم كل بلاء يا حي ياقيوم انك سميع الدعاء فلا ترد من يدعوك انك سميع مجيب |
|
|
 |
| الإشارات المرجعية |
|
|
النمط المتتابع
