 |
|
|
|
|
24-02-2010, 08:37 PM
|
#1 |
|
عـضـو
تاريخ التسجيل: Feb 2010
البلد: بالبيت اللي بجنب الأثله
المشاركات: 102
|
مطــــــــور ..
الســــلام عليـــكم ورحــــمة الله وبركــاته ..
 كما تعلمون اني العـام المــاضي آخذت من الأوئل على القصيــم ولله الحمد والمنه >>من ورا طبعاً  وهذي السنــه دخلت الثانوي وطبقوا النظام المطـور (النظــام الجــامعي) ويالله يالله مشيييت بالنصف الأول >>وحمــلت بس الأنقليزي وابشــركن ابوي جاازت له النتيجه وجــاب لي لاب توب >>وه ياحبيل ابوي وانوااع التوعد من ابوي والمحاظرات عن الدراسه وانا بس ادربي راسي واقول ان شاء الله يبه لا توصي >>ادري ابوي يقول بنفسه هييين احلقي شنبي ان فادبتس شي وامي تقول شهولوه تجييب له هالبلييه  منحينه غآآبه عند بدآآيه وتجيب له ذا بعد غآآآآبه = (كلمه مادري شلون اشرحه ).. واعووذ بالله اكتشفت ان اخوي عليييه عييين حاااره  ناظر الاب توب بطرف عينه بسم الله مامداه يصد الا والاب توب خرب >>بس المسن خرب >>وابلشت بقسم التقنيه الحديثه كل شوي منزله مشكله ملاحظــه : اخــوي غيــر قابل للأستخدام في النحت  عـــلى طــاري النحت مــره يوم كنت بثالث ابتدائي كنا رايحيين لمــكه وعمتي ياحبيله شرت لي عروسه (ذيك اللي ترقص وتغني ) وانا فرررحتن به قووهماأنام الا اذا نومته >>وامي اذا بغت تقومن تقول يالله عروستتس قايمه من مبطي وانتي نيمه وتاركته شوفيه مع اخوتس يلعبه وتجيكم ذيييك النقززه من السرير وطياراااان وطرآآآآآآآآآآآآآآآآآع كف على وجه اخوي >>رحمته  المهم وعلطوول ارووح افرش سنوني وانا خامته >>قانووون من ابوي لازم نفرش اسناننا اول مانقول ولا انا ماعندي نيه يوم صار العصر قاعده عند الدريشه اشوف اللي رايحيين وجايين وانواع المصارخ والتطنز  >>آآآآخ الله يرحم ايآآم الشــاميه وانا على هذه الحــال شفت بالشقق اللي قدامنا بنت كبري طالعه من عند الدريشه وانا طيآآآراان على عروستي واجيبه انغر البنت >>ياحتاتي انا  والبنت تصارخ تقول من زينتس انتي وعروستتس  وانا اقول نغررررره ههههههههههههههه ياويلي مامعه عروووسه هههههههههههه روحي لماما تشريلتس ياحلووه ههههههههههههههههههه  البنت حول تلفعن تناظرتن بطرف عينه وانا اطير حواجبي (علامة التنغيير) والله مادريت الا والعروسه ماسطه للشارع  عــآآآآآآد تخيلوا المناحه اللي بتصير انوااع الصياااح وماسلمت من تطنز البنت ومن تطنز اخووي وأرووح انزل واجيب 3 عروسات انتقاام المـــهم انا كنت اتكلم عن الدراسه ونتيجتي اوومييرر جآآن احبـاط نفسي بعد الشهادة الموقره >>ايييه كثري منه ايقالتس داريه عن النتيجه المهم الشيـــن بنظامنا واللي خسف بي انه الغيــاب بس 5 ايام بالترم كله >>وانا مستحيل يمر اسبوع ماغيب يجين انهيار عصبي من الجهد والتعب والارهاق لمدة اسبوع كاامل >>حتى بالامتحانات لو يحصل لي غبت شوي بس المهم >>مطوله شسمه والمشكله الثانيه بالنظام انه النسبه تحسب من اول ثانوي وانا كثر الله خيري ان اجتهدت اسبوع وش عآآآآد ثلاااث سنييين الحمد لله اقدر اجتهد لكــن الغيــاب مستحيــــل اللي عنده خلفيــه عن النظام تشــور علي اذا كملت فيه فايده لي ولا مثله مثل غيره يعني انقل لمدرسه عادية .. ولا ارووح لأهليه واريح عمـــري اصك 100% بالرآآحه وش رآآيكـــن ..   >>تراي اول مره انزل موضوع ومادري وين احطه قلت شكل ذا القسم انسب شي وانا مادري  
|
|
|
|
25-02-2010, 02:29 AM
|
#2 |
|
عـضـو
تاريخ التسجيل: Aug 2008
البلد: بــريـــدهـ
المشاركات: 715
|
ههههههههه
ياحبيلك انتي وابوك حملتي ماده لاب توب أجل لو انتي ناجحه وش بيهديك والله ياقلبي اللي حملتي ماده أكيد النسبه مش ولابد وانتي تراكمي واحسبي حساب القياس اللي بيلعب بالنسبه لعب  شوفي اذا كنتي مستعده تدرسين وتعوضين عن الترم هذا وتحافظين على مستواك أستمري والا استخيري والله يكتب لك اللي فيه الخير صدق عندكم حرمان اتذكر اني فالته بالغياب 
__________________
. . أستغفر الله العظيم رب العرش الكريم وأتوب إليه سبحان الله وبحمده سبحان الله العظيم .
. |
|
|
|
|
25-02-2010, 06:13 AM
|
#3 |
|
عـضـو
تاريخ التسجيل: Oct 2009
البلد: في عالم الهدوووء
المشاركات: 50
|
هههههههههههههههههههههههههههههههههههههههه
اسلوبتس يدنن والله نظامكم غريب ماتدرين انتي بجامعه ولا مدرسه الله يعينتس والله مااعرف عن نظامكم شي <<اجل وشوله راده اسالي بالعم قوقل ترى يجي منه كل الود لك 
__________________
لكي أحافظ على هدوووئي ،،يتعين علي: أن أتقبل الأشياء التي لايمكن تغييرها......^* وأن تكون لدي الشجاعه لكي أغير الأشياء التي أريد تغييرها،*^ وأن تكون لدي الحكمه التي أستطيع أن أفرق بها بين الحالتين .... ..""
|
|
|
|
|
25-02-2010, 03:04 PM
|
#4 |
|
عـضـو
تاريخ التسجيل: Jan 2010
البلد: بريدة
المشاركات: 459
|
جيتي للخير
انا من اول دفعه تخرجت من النظام المطور الي كان بالثانويه الثانيه نصيحه لك روحي لأهليه واذا تبين زياده معلومات انا بالخدمه |
|
|
|
|
25-02-2010, 03:14 PM
|
#5 |
|
عـضـو
تاريخ التسجيل: Dec 2009
البلد: بريده
المشاركات: 1,077
|
شدي حيلك وان شاء الله يغيرون الابله انا بسوي كذا انتي من اي مجموعه
__________________
وداعا اتمنى كل الي بالمنتدى يسامحوني لاني خلاص ودعت المنتدى اتمنى اي احد اخطيت بحقه يسامحن وداعــــــــــــــــــــــــــــــــــــاً |
|
|
|
|
25-02-2010, 03:57 PM
|
#6 |
|
قبس دائم
تاريخ التسجيل: Jul 2008
البلد: في ارض الله الواسعه
المشاركات: 12,834
|
اسلوبك مدهش
والهديه خطيره ولا النحاته شي الله يوفقك اجتهدي يابنتي العلم سلاح الله يخلي لك ابوك وامك واخوك النحوت ماتعيرينن اياه يوم واحد بس ..
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
يآاااارب
إنّ أمنيتي تنبض في قلبٍ هو مُلگگ
فَلا تحرمني من ( فرحة تحقيقہآ )
فَإنگ آلوحيد القائل للشي:
" كـنّ . . فَيكون " سبحانك ...
|
|
|
|
|
25-02-2010, 04:18 PM
|
#7 |
|
عـضـو
تاريخ التسجيل: Feb 2010
البلد: بالبيت اللي بجنب الأثله
المشاركات: 102
|
مـــلاك الغــلا :
والله ماعندي استعداد مشكـــوره يالغلا هـــدوء : شكـــراً اخجلتي تواضعــي  وحــده مفهيه : اجل نصيحتتس  المديره تقول لنا اللي تتخرج من نظام جامعي يقبلونه بالجامعه علطول >>ولا حصيصة الرقطى بحـــر الفكــر : لا تكونين معي وتقصدي ابلة الأنقليزي هايين : لا بوفر اخوي للحاجه .. والله شكلي بنقل لأهليه واريح عمــري .. مشكــــــــــــورآآآآآت اوي اوي |
|
|
|
|
25-02-2010, 04:27 PM
|
#8 |
|
عـضـو
تاريخ التسجيل: Dec 2009
البلد: بريده
المشاركات: 1,077
|
الا انا معك بس انتي اي مجموعه بصراحه احس انك بالاولى او الثالثه
انا بالثانيه ررررررررررررردي
__________________
وداعا اتمنى كل الي بالمنتدى يسامحوني لاني خلاص ودعت المنتدى اتمنى اي احد اخطيت بحقه يسامحن وداعــــــــــــــــــــــــــــــــــــاً |
|
|
|
|
25-02-2010, 04:43 PM
|
#9 |
|
عـضـو
تاريخ التسجيل: Feb 2010
البلد: بالبيت اللي بجنب الأثله
المشاركات: 102
|
ايوه انا بالثانيــــه .. !!
مــن انتي لا تصيرين من صديقاتي بس |
|
|
|
|
25-02-2010, 04:50 PM
|
#10 |
|
عـضـو
تاريخ التسجيل: Dec 2009
البلد: بريده
المشاركات: 1,077
|
لا تستهبلين علي جودي ما سجلت ببريده ستي ولا حملت مااااده الانجليزي
لا تكذبين على البنت تراااااااااااااااها غاليه علي وانا صديقته وقريبه منه
__________________
وداعا اتمنى كل الي بالمنتدى يسامحوني لاني خلاص ودعت المنتدى اتمنى اي احد اخطيت بحقه يسامحن وداعــــــــــــــــــــــــــــــــــــاً |
|
|
|
|
25-02-2010, 04:54 PM
|
#11 |
|
عـضـو
تاريخ التسجيل: Feb 2010
البلد: بالبيت اللي بجنب الأثله
المشاركات: 102
|
النمـــره غـــلط
|
|
|
|
|
25-02-2010, 04:56 PM
|
#12 |
|
عـضـو
تاريخ التسجيل: Dec 2009
البلد: بريده
المشاركات: 1,077
|
ليش غلط مو انتي بالثانويه الثانيه
__________________
وداعا اتمنى كل الي بالمنتدى يسامحوني لاني خلاص ودعت المنتدى اتمنى اي احد اخطيت بحقه يسامحن وداعــــــــــــــــــــــــــــــــــــاً |
|
|
|
|
25-02-2010, 07:59 PM
|
#13 | |||||||||||||||||||||||
|
عـضـو
تاريخ التسجيل: Aug 2008
البلد: بــريـــدهـ
المشاركات: 715
|
ههههههه والله ضحكت من قلب الى الحين المديره تواعدكم أنا من أول دفعه تخرجت من الثانيه الثانيه كثير منهم انتساب وعند القبول ماجابو خبر المطور وانا مادخلن للجامعه شي غير نسبتي كنا مصدقينهم من دخلنا وهم يقولون لنا لكم الأولويه ولا شفنا شي لا أجل ماقالو لكم مالكم قياس بعد دام ماعندك نيه تدرسين روحي لأهليه ماراح ينفعونك اذا ماقبلتي وبالتوفيق ولا تصدقينهم ياكثر ماقالو ماشفنا منهم الا الدجه
__________________
. . أستغفر الله العظيم رب العرش الكريم وأتوب إليه سبحان الله وبحمده سبحان الله العظيم .
. |
|||||||||||||||||||||||
|
|
|
|
25-02-2010, 09:21 PM
|
#14 |
|
عـضـو
تاريخ التسجيل: Feb 2010
البلد: بريده
المشاركات: 121
|
أنا من المطوره أذ بغيتي أي حاجه آآمري ومن ناحية أبلتكم العنقليزي <<عارفته الله يعينكم أنا درستن <<وجبت له العيد بدرجاتيومن ناحية الغياب ترى تولللليف بس يقالهم مطبقين نظام الجامعه انا الترم الي راح غايبه 8 ايام بس جيبي لهم أعذار ومايحسبن <<بس لاتكثرين أبلش بك  وعن النسبه الموقره بتاعك الله يصلحك كان عندك نيه تجتهدين فهو أحسن والنظام حلو ولا توكلي ربي يحفظكوالقبول بالجامعه مثلك مثل غيرك مافيه فرق <<ماتخرجت للحين بس صديقاتي يقولونه
<< |
|
|
|
 |
| الإشارات المرجعية |
|
|
النمط المتتابع
