[مخطط]

قصيدة في رثاء الأخ العزيز ( عبد الله الصقعبي ) رحمه الله

جـاني خـبر عـلم موكـد لنا بـان
ياليت من سمع الخبر ماحكالي
علـم يبدل صاحب العقـل بجـنان
وتذرف دمـوع العين دم زلالي
علم نكد وصبحت أنا منه مرضان
عز الله إنه كـدر اللي صـفالي
والموت ماعنه مفر( ن ) إلى حان
وقت الأجل مكتوب في كل حال
دنـياً تـفـرق بين خـلـن وخـلان
وهذي سـواة مغيـبات اللـيالي
حكـمة من اللي خالقٍ كل ماكان
بمـرة يـبـدل كــل حــال بـحـال
سبحـانه اللي عالـم كل مابـان
تبارك الخـالق عزيز الجـلالي
ومرحوم ابو سليمان ياعالي الشان
ياراعي النـخوة زبون المعالي
عبد الله اللي لـه دلايـل وبـرهـان
ومواقـفه بالطيب تبـقى جزالي
وعسى رب الكون خلاق الانسان
يجمعك مع ياسمين بضل ضلالي
وياجعل لكم في جنة الخلد مسكان
ومن تحتكم تجري انهار زلالي
ويالله ثم يالله يامـدبر الاكـوان
يـابـاسـطٍ سـبعٍ وسـبعٍ عـوالـي
تجبر عزا طفلٍ يناظر بالاعيان
ماكمـل الحـولين بـاقـي تـوالـي
صـلاة ربي عـد ماقيل قـيثان
عـلى النبي وعـداد خـطً يقـالي