[عطــر الأمــاكن]

بسم الله الرحمن الرحيم
السلام عليكم ورحمة الله وبركاته .

حصل لي موقف أمس استوقفني كثيراً سأورده لكم يا أختصار فخير الكلام ماقل ودل واعذروني على ركاكة الاسلوب فمحدثكم لا يحمل من المؤهلات سوى الكفاءه المتوسطه وليلي بعد ==> امزح خخخ

الموقف الله يسلمك .. كنت امشي بحي سلطانه ووتجاوزت التقاطع متجه شمالاً خلفي محطة الجوزاء
محلات خضار نجد بالزاويه على يميني . شاهدت سياره مسرعه تخرج من الحي اللي على اليمين متجه الى الغرب
المفترض ان الخارج من الحي يقف فالأحقيه للآخرين لمن يسيرون من الشمال للجنوب والعكس -> وش عنده ابو شراره

تحديداً زاويه مكتب عمار طالع صاحب السياره ومتجه غرب بسرعه جنونيه
توقفت وقلت هذا حقيقه ولا حلم اللي اشووفه

قلت الحقه مو حااله الاستهتار با ارواح المواطنين
لحقته ووجدت انه رجع ووقفت حتى قطع الطريق بسرعه عاليه مره آخرى تقول الاخ داخل سباق الفورملا
لحقته وعطيته العالي وماوقف وداخل بوسط الحاره .
هديت وكني ماني يمه حتى راقبته ووقف عند منزل داخل الحي

وقفت بجنبه قلللللللللللللللللللت سلامات وش هالتهور ؟ قال وش تبي ( مهايطي ياحليله )
قلت وش هالسرعه وتجاوز التقاطع ؟
قال مشغوووووووووووووووووووووووووووووووووووووووووووول
قلت واذا صرت مشغول تتجاوز التقاطعات بسرعه ؟ قال وش اسوي
قلت انا اعلمك
عطني رقم ابوك .. قال ماعرفه
والله شوي الا يرن جواله قلت منهو قال امي ==> والله ماندري يمكن ابوه ههه
المهم من شكله عرفته قلت انت ولد الفلاني اخوك .................. طلعن عيونه قال ايه
قلت زين عطني رقمه .. قال لا لا تكفى لاتكلمه والله لا اتوب خلاص ماتعودله

المهم عمره صغير ومستغرب كيف ابوه سمح له بقيادة السياره
اقسم بالله بدون مبالغه انه قطع التقاطع وبنفس الوقت جايات سيارات ممكن لحظات ويصدمه وش ذنب اطفال ييتمون من سن الطفوله ويحرمهم حنان الوالدين بسبب تهاون واهمال اب وطيشة صغار

انا نصحته ومشيت و ووصلت السالفه لأخوه عن طريق صديق !!

يا اخواني . . جراء هالتهاون والاستهتار بالقياده وبا ارواح المواطنين اضع تساؤل وهو :

من المسؤؤل .. الأب ام المرور ؟
الى متى ها لأهمال بالقياده وبا ارواح المسلمين ؟

لكم بالغ التحاايا من عطر

[فتى الغربة]

ياأخي
كان من المفروض إنك تسحب المفتاح من هالبزر وماتسلمه إلا لأبوه أو أخوه
وأقل الإيمان
إن تكلم أحدهم

لو كانت على هالبزران نقول بسيطة ونقدر نسيطر عليهم
لكن
مشكلتنا من هالكبارين
اللي ماتقدر لاتكلم أبوه أو أخوه

أما المسؤولية تجاههم
فأعتقد أن جزء كبير يقع على عاتق الأب
والجزء الآخر يشترك فيه رجال المرور
ونحن كمجتمع

[تباشير المطر ~]

لاحول ولاقوة الا بالله
وكان من يسرع لدية اموور لايصبر عنها !
اللهم اصلحهم
وبارك الله فيكم

[بسام البراهيم]

لا حول ولا قوة الا بالله ,,

لا زال عندنا تهاون واستهتار من بعض اولياء الامور لانهم هم المسؤلون في هذة القضيه وانا دائما الاحظ خاصه في منطقة القصيم ان صغار السن هم الذين يرتادون السيارات ويقودونها بشكل كثيف وملحوظ ويعتقد بعض الاباء اذا بدا الابن يقود السيارة ويزيح هم تنقل العائله واغرااض المنزل ويكون الاب في قمة الرااحه ولكن لا يعلم ان هذا الفعل قد يجعله يدفع الثمن غااالي في ابنه او في عائلته مثلا ولكن حمانا الله واياكم وعذرا للاطاله وموضوع مهم ولا بد من الاهتمام به ,,,

[•°انكسار الأماني°•]

أبوه وأمه كلهم مسؤولين ,
أنا ماأدري وش نوع القلوب اللي يحملونه هالناس ,
كيف يعطون عيالهم بأعمار صغيرة سيارات ؟؟ كيف ؟؟
والله لو ولدي مايمسكه إلا لاطق 25 وعساي سالمة ,

لابأس الله لايبلانا بطيشهم , ويصلحهم يارب ,

,

[بقايا فـــــرح ..]

لا حول ولا قوه الا بالله

وأين نحن من حديث النبي صلى الله عليه سلم (كلكم راع وكلكم مسؤول عن رعيته )هذا يكفينا ..

الله يهدي الجميع ويصلح الأحوال ..

ورد

[عطــر الأمــاكن]

هلا فيك اخوي فتى الغربه ..

اقتباس ياأخي كان من المفروض إنك تسحب المفتاح من هالبزر وماتسلمه إلا لأبوه أو أخوه وأقل الإيمان إن تكلم أحدهم

المفروض هذا اللي يصير بس تدري فيه اباء واولياء امور لما تسوي كذا با ابنه وحتى لو هو غلطان يجي ويهاوشك يقول وش دخلك ماهو ولدك !!

مامثل النصح والكلام وعساك تسلم من بعض نااس

اقتباس لو كانت على هالبزران نقول بسيطة ونقدر نسيطر عليهم لكن مشكلتنا من هالكبارين اللي ماتقدر لاتكلم أبوه أو أخوه

اخي سرعه في دائري ولا بطريق عام بسلامته ان حصل له مكروه فهو جنى على نفسه اما يقطع تقاطعات بسرعه عاليه ويتبلى اسره مش حاله والله

اقتباس أما المسؤولية تجاههم فأعتقد أن جزء كبير يقع على عاتق الأب والجزء الآخر يشترك فيه رجال المرور ونحن كمجتمع

عاتق الأب نعم وفعلاً الأب يتحمل مسؤؤليه كبيره وايضاً المرور لكن المجتمع كيف !؟

مرورك جميل اخي الكريم والله يحفظنا ويكفينا شر المتهورين .. كل التقدير على حضورك وتشريفك وياهلابك مره اخرى ..