 |
|
|
|
|
06-03-2010, 02:21 AM
|
#1 |
|
عـضـو
تاريخ التسجيل: Nov 2008
البلد: الــريــاض
المشاركات: 3,998
|
,’,’,’,| رحــلــتــنــا إلــى الــصــمــان أيــام الأخــتــبــارت |,’,’,’,’,’
 السلام عليكم ورحمة الله وبركاته ,, أهلاً وسهلاً بكم أيها الأحبة ..  -- قبل نهاية الأختبارات النهائية .. اطللقنا انا وكم نفر من الشباب لم الصمان وخيمنا هناك وأستانسنا <-- يبي يقدم بس ماعرف  معلومات موجزة : المكان ,,  طبعاً التسميات بعضه توليف ولا الأصل الجهة اللي رحنا له كله تسمى الحصبيات .. لكن تبعد بعض الفياض عن بعض .. العدد والمدة والميزانية ,,  هههههههههه فساقى الصراحة .. بس كان تبي الفله .. أوط على الريـال ..  4 أيام .. <- ماكتبته عشان يطلع الجدول رسمي .. السيارات ,,  وفيه كامري من خلف الكواليس .. الأمير : أبو ريم .. ( ليس الصباخ )  كانت الأنطلاقة من حي الشفاء بالرياض بحدود الساعه 11 ليلاً .. ولنا ربع يبي يلحقوننا بكرا بعد الظهر .. كان عندهم اختبار - طلاب بالشريعه - وكانت النية الارطاوية .. تعشينا من آخر مطعم .. وملينا الزمزيات ومسكنا الطريق .. وكانت المسافة تقريباً 250 كيلو ..  قبل الوصول للأرطاوية بـ 10 كيلو .. دخلنا كيلو ونمنا .. وكانت الساعه بحدود الثلاث .. طبعاً كان فيه مناقصة من قبل الأمير أبو ريم .. تحت مسمى جربع تركب قدام .. اليوم الأول :  و قبل ماندخل وينقطع الأتصال .. دقينا على خويانا وعطيناهم أحداثيات المحل .. وأتفقنا على حزة دخولهم .. وكان الدخول من جداة الصداوي بعد أم رقيبة ..بـ 6 كيلو الظاهر ..  أول فيضة قابلناه .. الصراحة ردت لنا الروح شوي .. لأن لنا 60 كيلو نمشي ولا نشوف إلا حصباء ..  قعدنا به تقريباً ثلث ساعه .. تبطح ووناسة وتصوير ..  على فكرة الفيضة ذي سموه الشباب بأسم شهد .. ناوين مأملين عليه  .. إلا وش رايكم باللي يصور .. تقل باكستانيين ماكد شافوا مكة ..  بعده توجهنا لفيضة العوده .. شيء شيء الصراحة .. بس عيبه انه صغييره مرة .. تقل بحديقة الدريس بحي الريان .. لكن الفيضة ذي ونيسه بشكل ما يتصور .. كانت الساع بحدود 1 .. وكنا مواعدين خويانا الساعه 5 يمسكون جادة الصداوي  الظاهر ان الأغلب بالنبات هو الخباز .. أو انا واهم ترا مامن معرفه ..   أبو سعود ما زال يصور ..  الواحد ما ياخذ راحته بالتفكير ولا بالبر ..  لآزم منغصات وكوادر مدربة  من زاوية تااانية ..  أستقرينا .. ونزلنا العزبة وأخرنا الصلاة مع العصر وشبينا على القهوة والغداء جمييع وبدينا نرسم الخطة للرحلة .. <-- بدري  بعد ما اخذنا حقنا من التصوير والتنعم بالبر .. بدينا بالغداء عاد الجوع وما يسوي .. طلع اطعم غداء بالدنيا .. طبخنا الرز لحال .. والدجاج سويناه حميسه بدون بهارات .. بس طعممه ..   أبو سعود .. شغل عملة .. تقطيع محل فلافل ..    الأمير .. يطبخ   للأسف ما فيص صور للغداء ,, لأننا صاكين الكميرة قبل ننكب .. عقب ما تغدينا وفليناوه صلينا العصر وشربنا براد شاهي و انطلقنا للأحداثية اللي كان عنده الموعد مع الشباب ..  صورة للشيخ قارمن .. الحقيقة النوع ذا تماااام وسعرة كويس .. مادري كم قالوا عنه بس اخبره رخيص والبطارية تمااام .. وحنا بالطريق للأحداثية قربع موترنا .. وبدأ يطلع صوت طقطقة .. أنتابنا الرعب والهلع والسجع .. وكانت النتيجة ان المساعد انفرط من الشاص .. لكن اميرنا امير ,, زينه ولد الرجال ..    ظبطنا لنا الشاهي والشباب طافييييين ..  غروب شمس أول يوم .. طبعاً الأخوان ما وصلوا إلا بحدود الساعه 8 .. لأنهم دخلوا بليل ولا قدروا يسرعون .. بعد الوصول ظبط لنا ابو اسامه مكرونه تسلم يدك حبيبي .. وكان الشيف المساعد أبو قفاري .. اليوم الثاني من بكرى الفجر ,, بعد القهوة بمحلنا الاول .. أنطلقنا ندور لنا فيضة نستقر به ..   ذي مادري وش اسمه .. لكن سميناه أف جي .. لأن تحادينا به حنا وأف جي .. وبعد البحث والمشاورة .. مالقينا غير ذي ..  أزين مابه أنه ميب كبيرة ,, يجي أحد يحشرة معك .. وأرض خضراء يالله لك الحمد ..  الأمير .. يتفحص المنطقة قبل ..  أبو أسامة ..  الكاس ذا من أمس .. غربية ماطاح ..  الشباب بدو بطق الخيام .. طبعاً العدد 10 .. 8 معهم كوت الجيش حتى أن الأمير أظطر انه يحط أرقام ودواليب حتى ما يختطلطون الرعية <- أكلمكم على أني نائب الأمير ..  <- أول واحد يلبس ..  المشرف العام <- طبعاً طنزة ذي المشرف العام ولله الحمد والمنه .. طرحت البركة .. أشتغل الرجال .. يآخوان الشخص ذا عجيب .. العام كنا مخيمين .. وأتهم جميع اللي معنا بأن فكرهم قاصر ما عدا هو .. ههههههههههههههههههههههههههههههه يا زين هالطخمة بعد يا زين من عضك   الأمور تمااام الحمد لله  ملعب الطائرة .. عمدان وشغل تكته .. موب زي خوي السرور .. جذوع أثل ..   الشيخ حوار ..  برنامج فسحة عند هالصغير ..  أهم مسابقة بالدنيا .. وبدونه ما تزين الطلعة .. الألقاب .. والحقيقة كان لقبي بها المسابقة الضمادا .. ولا طلعت إلا آخر جولة .. لأن واحد من الشباب معنا بالمنتدى ..  قهوة وشاهي قبل الفطور ..  عقب التعب والهنك .. شبينا على الفطور .. بحدود الساعه 9 ..   أهم شيء النظافة .. بحدود الساعه 4 شبوا العيال على الغداء .. وكان لحم نعام - زي البعير بالظظببببط .. - التيس ازين .. <- ما تشتهي بعد   الضو على القهيوة .. شغل عدل .. بينما الشباب يتقهوون .. وبهم النوم .. ولا فيه واحد من الشباب مولم لهم مفجأة .. ماحصلتش .. مسوي له أعداد متعووب عليه ..  صار حبيبنا جايب بروجكتر و صوتيات ولاب توب ودنيا .. يعجبك الصراحة ..  شفنا اللي قدر الله لنا :.. ونمنا أكا الليلة بأمن وسلام .. -- اليوم الثالث : قمنا الفجر على زقزقة العصافيير ..  وتغريد البعارين ..  و جلجلت الغنم ..  تروييييض ..  <- فطور اليوم الثالث ..      وقد حاز على جائزة أحسن فطوور ..  <=== طحنا بها الحركة الصراحة انه تمااام تحميه وتلفه بالفوطة علطول .. تقول ان السلمان فاتح فرع بالصمان ..  البعارين منتشرات بالفيضة .. ولا قصر رعيهن .. عطنا من الحليب لما طلع مع أذاننا .. طبعاً الغداء نسينا لا نصورة .. الطائرة وما تسوي <== تكفى يا احمد بخيت    عقب ما شلنا الخيمة الكبيرة .. حتى يخف علينا العفش الفجر لأن النية الدهناء حتى نطبخ المندي .. و أرض الصمان عسيرة ..   عشاء هذا اليوم .. خضار مدفون ..  براد شاهي عقب هالعشاء الدسم .. اليوم الرابع و الأخير :    النظافة قبل الرحيل .. بعد القهوة توجهنا لديرة اسمه المناخ بوسط الصمان .. نبي نعبي بنزين ونسري .. صور من الديرة :   ياويلي يالمدرسة اللي تبي تجي هنا .. الغريب ان الديرة ذي كلهم من الكويت .. كل اللوحات كويت .. غير ان شغالتهم تمشي بالشارع وحريمهم يسوقن .. وين اللي يقولون اننا ما تطورنا يالسعودية .. الحريم بوسط البران يسوقن .. ههههههههه طلعنا من هالديرة وطبعتا على ديرة ثانيه ما يحضرني اسمه .. وعقبه طلعنا على المزفت على طريق الحفر - الرفيعه - التهاة  راعي القارمن طقطق بالجهاز .. قال ان البحر يبغد عنا 180 كيلو بس ..  وقفنا نتشاور .. ولا يسر الله .. وكملنا الخطة .. <--- يقالي ما أنكسفت وقته ..  على الطريق والشعب وده بالبحر ..  دخلنا الرفيعه وعبينا بنزوم .. وغيرنا الأتجاه إلى التنهاة .. لأن الجو كان غبااار و عج .. فقلنا مالنا إلا التنهاة .. من الطريق :    على مدخل التنهاة .. الحمد لله على العافيه ياناس .. ترى ذا ما نعرفه .. ههههههههههههههههههههه ابو مالك والأقلاع ..  صورة من فوق .. طبعاً دخلناه يوم السبت ثاني اسبوع من اختبارات الطلاب ..  ماااااااااااااااااابه احد ابد .. تظبيط المندي :  شب الجمر ,,  تصفيف اللحم بعد التتبيل ..  تنزيل الرز أول  ثم اللحم ..  همن الدفن ..  الفرشة لعزل التراب ولزيادة العزل الحراري ,, <- أعلان مكيفات ..  بعد ما ركيناوه ساعتين ..      على السفرة .. وآخر وجبة بالرحلة .. بعدها مسكنا الخط الساعه 8 .. والساعه 12 بالبيت - الحمد لله على السلامة -  لأرواحكم الطاهرة الزكية ..  أشكر لكم مروركم والحمد لله أن تمم علينا ونشكره أن يسر لنا الطلعه مع رجال يشد بهم الضهر .. في امان الله .. أبو شهد
__________________
آخر من قام بالتعديل أبو شهـــــد; بتاريخ 06-03-2010 الساعة 02:38 AM. |
|
|
|
06-03-2010, 02:31 AM
|
#2 |
|
عـضـو
تاريخ التسجيل: Jul 2009
البلد: حولكم
المشاركات: 1,913
|
ابو شهد
لي مديورة على موزوعكم التحفة  الاتصال عندي زفت ولد الذين |
|
|
|
|
06-03-2010, 02:53 AM
|
#3 |
|
عـضـو
تاريخ التسجيل: Jun 2009
البلد: حيث احل
المشاركات: 1,824
|
رحله موفقه ماشاء الله
والمندي ابداااااااااااع صراحه يعطبك العافيه ابوشهد على هالتقرير المتعوب عليه |
|
|
|
|
06-03-2010, 03:38 AM
|
#4 |
|
ربّي لا تحرِمنِي لُقيَاهم
تاريخ التسجيل: May 2007
البلد: تحت ظلال السيوف
المشاركات: 5,113
|
هلا بيييكـ , أخيراً نزلته
هههههه , وراو تقل مرمي ذآآ كفووو و الله أنا أشهد أنه شغموم رفيدزك ذآآ عآشت أيآمه و الله هههههههههههه , قآل إيه قآل إمآرة الشرقية أحلف أنهم مآيدرون إن لهم رعآيآ بذآآ قسم بالله مهيتينم هم على الحفر و اللي حوله وآآآوهـ تبي تعذبن على هالصورة وقسم ودي أطب صلقآطي مع الصورة على الصحن بش لو به ثووم تسآن تكمل الطبخة وهـ بس يآبو شهد  يالبي أنت و الله تقرير فخم يسعد ألبكـ يآ رب تميز وبجدارة
__________________
 آخر من قام بالتعديل الخفاش; بتاريخ 06-03-2010 الساعة 05:32 AM. |
|
|
|
|
06-03-2010, 03:43 AM
|
#5 |
|
عـضـو
تاريخ التسجيل: Mar 2010
البلد: بيتنأأأأأأأ
المشاركات: 4
|
<<واللهـ ياهي طلعهـ خطيرهـ >> ههههههههههههههههههههههههه واللهـ كأني شايفتكــــــــــــــــــــم خخخخخخخخخ<اللهـ يوفقكم حبايبي>
|
|
|
|
|
06-03-2010, 06:46 AM
|
#6 |
|
عـضـو
تاريخ التسجيل: Sep 2003
البلد: بين دفات الكتب !
المشاركات: 11,880
|
يا عيني يابوشلدزة ،
شهالحركات البركات ،الحقيقة تـقريـر خيااااااااااالي .. شكلها كانت رحلة ممتعة < قل قسم ،مرشحه للفوز يا ألبي ، ،فالك البيرق ..
__________________
[POEM="type=0 color=#000000 font="bold medium 'Simplified Arabic', Arial, Helvetica, sans-serif""]لمتابعتي عبر التويتر أو الانستغرام: @ibradob[/POEM]
|
|
|
|
|
06-03-2010, 12:22 PM
|
#7 |
|
مراقب عــام
تاريخ التسجيل: Feb 2008
البلد: بريدة ستي
المشاركات: 17,625
|
تقرير رااائع ورحلة موفقة بإذن الله .. عندي بعض التعليقات بس مهب هالحين لمنه زان الاتصال وشفت كل الصور علقت
موفقين بإذن الله . همسه لـــ أبو شهد .. لديك موهبة بالتصوير الاحترافي غير طبيعي .
__________________
راح الزعيم اللي علينا خسارة .. اللي بحكم الله يمشي القوانين  Sense Designs شكراً
 آخر من قام بالتعديل أبو رُبـــــى; بتاريخ 06-03-2010 الساعة 12:34 PM. |
|
|
|
|
06-03-2010, 12:38 PM
|
#8 |
|
Guest
تاريخ التسجيل: Feb 2010
البلد: بريده
المشاركات: 441
|
ماشاء الله
يجيب علينا في هذه الاوقات التفكر في صنع الخالق عز وجل (الله لايحرمناالجنه) |
|
|
|
|
06-03-2010, 03:44 PM
|
#9 |
|
كاتب مميّز
تاريخ التسجيل: Mar 2010
البلد: الرياض ~ بريدة
المشاركات: 2,699
|
تقرير رائع ،
دعاية حوض نيسان مع أبوقفاري ! نظرة ثاقبـة الحقيقة ! ما يخلي حركاته أبومالك ! والله من التنسيم بهالشخص .. ما يخلون المسابقات الرائعة الشباب ! ذكرتن بكشتات الحلقة الله المستعان ! أثرت وجداني !! الله يحفظكم، وكثروا من الطلعات الجانبية آخر من قام بالتعديل الجادي المدوف; بتاريخ 06-03-2010 الساعة 03:58 PM. |
|
|
|
|
06-03-2010, 04:52 PM
|
#10 |
|
عـضـو
تاريخ التسجيل: Jun 2009
البلد: ..buraydah
المشاركات: 2,658
|
تقرير رآئع يا ابو شهد
بس مآ ودكم اخآويكم الطلعة الجآية ..
|
|
|
|
|
06-03-2010, 05:00 PM
|
#11 |
|
كاتب مميّز
تاريخ التسجيل: Mar 2010
البلد: الرياض ~ بريدة
المشاركات: 2,699
|
من المملوح ذا ؟
مهب تسنه معنا بالمنتدى ؟!! |
|
|
|
|
06-03-2010, 06:59 PM
|
#12 |
|
إلى اللقاء ، سأشتآق
تاريخ التسجيل: Aug 2008
البلد: حيث وجدت لنفسي راحة ~
المشاركات: 3,756
|
شغل عدل يا أبو شهد
صراحة التقرير بلحالة ودي أعلق على الصور لكن يوم دريت أنهم معنا هونت خفت يعلكونن
__________________
تويتر ، انستقرام
s_196 |
|
|
|
|
06-03-2010, 07:09 PM
|
#13 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
ماشاء الله أبوشلقة ... رحلتكم ممتعة .. وجميلة . ماشاء الله .
المرة الثانية ماتبون خوووي ..
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
|
|
06-03-2010, 08:35 PM
|
#14 |
|
عـضـو
تاريخ التسجيل: Mar 2008
البلد: buraydahcity
المشاركات: 3,894
|
اوووه يا ابو شهد تقرير مهبوول و عقبال الفوز ان شاء الله ..ودي اعلق على الصور بس كثار اللي بهن ضحك خله المره الثانيه شكراً لك abo yosef |
|
|
|
 |
| الإشارات المرجعية |
|
|
النمط المتتابع
