[سليق المشرح]

الفضاوة وطبعاً الفضاوة كلن يعيشها وأولها اللي يكتب خواطر وخرابيط فارغة هاللي يقرى مقالتي الحين لأني أعتقد أنه لو كان عنده أوعندها شغل مهم ماضنتي لقا وقت يقرا هالمقاله. المهم أن الفضاوه اخلقت أعمال غريبة خلت الواحد يفكر بأمور يمكن ما تطري على أحد عشان ينشغل بها «انشهد من الفضاوه الواحد وده يمسك طريق مكه ويمتره بقلم رصاص ولايأخذ فوطه وسطل مويه ويروح ينظف قزاز المملكه» المهم أن الفراغ أو بلهجتنا الفضاوه اللي نعيشها خلتنا مثل البزر اللي واقف على سيف البحر ويناظر الرمل ولا هوب داري وش يسوي به قصر ولا سياره ولاعلبة آيس كريم المهم أن الفراغ القاتل يخلي الواحد يفكر بأمور غريبة وأنا واحد من هالناس اللي انتابني هالاحساس لدرجة أني فكرت أسوي زي الرحالة السوري الفاضي اللي ماعنده شغل وراز لي كم علم على كتفه وجالس يحوس بين هالدول بحجة إحياء التراث على دباب سزوكي ولا الرجوع للماضي وتراث أجدادنا بغلاية مولينكس الفرنسية اللي تشتغل بالبطارية المهم أنا أعتبره ذكي لأنه استطاع أنه يشغل نفسه بخرابيط لو يجيني ويعرض علي المشاركة معه كفخته بمساكة المطبخ حق المجلة ولاجبت حزام مقهوي المجلة (هاشر) اللي يقول انه هدية من أمه وضاحكتن عليه هالأم كل ما بغت منه يحول قروش قالتله ياهاشر ياماما لاتنسى الحزام اللي شريته لك حطه بعيونك ومن يومها الهندي يلف الحزام في وجهه ومخلي البنطلون عرضه لمساءلة الهيئة المهم كان خذت هالحزام حقه وربطته على سلة الدباب حقه.
نرجع لموضوع الفراغ وفي الحقيقه ماعندي حلول جذرية لكن عندي حلول مؤقتة لين ربي يوفقك (واقصد العزابي) في بنت الحلال وتلهي نفسك بمشاكلها مع اني أنصح جميع الفاضيين أنهم يتزوجون مدرسات عشان كل ما فضى جلس يصلح معها دفاتر الطالبات المهم عشان ماطول عليكم تعالوا معي أعطيكم بعض الطرق لاشغال الفراغ.
1 - اشتر سرير هاينز وفرش الريش من ايكيا واجعل فترة النوم لا تقل عن 18 ساعة «ما نبغى ناخذ اليوم كله شغل عط نفسك فرصه تاكل وترتاح وترجع تنام».
2 - اشتر خمس شرايح من أمهات 200 ريال واجلس في الثمامه وامسك الدليل واتصل على احد الاخوان السودانيين اللي في البطحا المختصين بالفول والقلابه واسأله عن الخلطه السرية حقتها داير كيف تسونها.

3- اذهب لحد المراكز التجارية وقف على بابها واجلس عد عدد الجزم «الله يكرمكم» اللي تطلع وتدخل وحاول تفرز ألوانها وتجمع الأوان بالأخير تشوف لون الجزمه الدارج بين البنات وبكذا راح تقدر تشغل فراغك في انك تعرف مين اللي ساكنة السليمانية ومين اللي ساكن خارج منطقة التغطية ومين اللي تستخدم بطاقات أمريكن اكسبريس الذهبية ومين اللي تستخدم بطاقات مرحبا امهات 25 ريال.
4- حاول تشتري أشرطة مباريات كأس العالم الأخير وتشوفها وتشغل فراغك «يمكن لا رجعت الشريط للخلف ربي يهدي المنتخب الألماني ويقصي الفريق الأول حقهم ويخلي فريق الناشئين يلعب معنا وينغلب المنتخب بستة بس».
5- وأخيراً حاول تشتري لك كيس رز 45 كيلو واجلس نظف فيه ولا خلصت تنظيف احسب كل كيس رز كم صحن بخاري يطلع منه وعقبه بتعرف مطاعم أحمد سفر للبخاري كم يربح في الكيس «العاطي في السما والفاضي في مجلة فواصل».

[مهندس دايخ]

ياما ناس ضاعت وصارت ضحيه للمخدرات والضياع بسبة الفضواه اللي للاسف كثير من الناس تلقاه فاضي لكن مايفعل السبب من ناحية الحركه والرزق وغيره

[ابوولعfموقوف]

اشغل فراغك في طاعة الله موب تروح تعد الجزمات الله يصلحن ويثبتن على طاعته


والحمدلله الفراغ مأثر فينا لانه في تنظيم للوقت

[قلب صدام]

اكيد عد الجزم تصلحلك تضيع وقتك فيها

[بحرالفكر]

اولا:الي يكتب خواطر مايكتب الا عشان يفرغ الي بخاطره

ثانيا: انا ماعمري جربت الفضاوه عشان افكربعلاج وقتي صلاة قران اهلي صديقاتي دراستي نت اكل نوم كتابةخواطر

يعني متى فضيت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سليق المشرح]

اقتباس المشاركة الأساسية كتبها مهندس دايخ ياما ناس ضاعت وصارت ضحيه للمخدرات والضياع بسبة الفضواه اللي للاسف كثير من الناس تلقاه فاضي لكن مايفعل السبب من ناحية الحركه والرزق وغيره

صدقت اخوي ولعل الفضاوة تسوي اكثر

اقتباس المشاركة الأساسية كتبها ابوولعfموقوف اشغل فراغك في طاعة الله موب تروح تعد الجزمات الله يصلحن ويثبتن على طاعته والحمدلله الفراغ مأثر فينا لانه في تنظيم للوقت

مشكور على مرورك وإن شاء الله يرفع عنك الحضر من الادارة الحاقدين

اقتباس المشاركة الأساسية كتبها قلب صدام اكيد عد الجزم تصلحلك تضيع وقتك فيها

هههه مشكور على المرور اهم شي يضيع الوقت

اقتباس المشاركة الأساسية كتبها بحرالفكر اولا:الي يكتب خواطر مايكتب الا عشان يفرغ الي بخاطره ثانيا: انا ماعمري جربت الفضاوه عشان افكربعلاج وقتي صلاة قران اهلي صديقاتي دراستي نت اكل نوم كتابةخواطر يعني متى فضيت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صدقتي اختي بحر الفكر الفضاوة علاجها القران و الصلاة و طاعة الله سبحانه وتعالى

[ديما - - -]

لو معااي سياره ماكنت فاضيه والله ياعندي اشغاااااااااااااااااااااااال (( يااارب ترزقنا سوااق ))

[الوباء المدمر]

وش قاعد تقول انت

[**يوسف**]

موعظه تجعل الحليم حيران !!
حذاري ياشباب كل من قرأ هذا الكلام الفارغ سوف يتجه للمخدرات..

لا عدمنا خماتسيرك سليق المشرح <<هع هع هع

[المدلهم]

ماني فاضي أقرأ

عموما شكرا

[خلفان]

جميل جدا وعلى ما قالوا الفضاوة تسوي اكثر