[بقايا فـــــرح ..]

أولا السلام عليكم ورحمة الله وبركاته

وصباحكم ..ومساكم خير ..حيثما كنتم قرأتم الموضوع ..

أبي أنزل لكم هالسالفه والله ياهي تفطس ضحك وترى فيها فائده

<<<< يعني قصدي أزبطها مع المشرفات عشان ماينحذف الموضوع ياحبي لهم بس

المهم الفائده : ألا وهي إنه الوحده ماتفلسف وذاك من ذيك الأمور << اها تكفين بس وصلت أكيد

ويالله بحكي لكم الموقف والله ياهو فشله بتاريخ ورد بقوهـ

هذاك يا طويلات العمر أنا وأبوي قاعدين كنا لحالنا وأشوى إنا لحالنا <<< ياحبي للتفاصيل

المهم كنت لابسه <<إيه صح مانبقى تفاصيل ههه

والله إني ما أتوب من كثر هالهرج أنا أذكر يوم اني صغيره ترسلني أمي أجيب حاجه من الجيران

أعل كبد أمي رحت ولقيت الباب مغفل ورحت الباب الثاني وماادري من فتح لي الباب وقابلت ماادري من وبعدين جاني ماادري من

وصار ماادري وشو وثمن بالأخير مالقيت الي تبينه يمه <<<عاد بذاك الوقت أمي تضحك يسعد لي قلبها وتقول هين ,, أه متى بس ربي يفكك من كثر الهرج ,,وهي لو معها الموت ودها تفكه علي

أما لو كان الي مرسلتني وحده من خواتي والله يجيني التكفيخ والتقبيع وينقال لي تعلمي الإختصار والإيجاز أزين لك

<<<<<<<< الشهاده لله بدرس التعبير التلخيص ماادري ذاك وش اسمه إني كنت أكثر الطالبات اجتهادا فيه هع لأني كنت أبي أفيد نفسي بس حسافه لا حياه لمن تنادي

المهم نرجع لي ولأبوي

عاد أبوي ناظر فيني يمين وشمال وخطرت على باله هالسالفه يبي يضحك لكن هين

قال ورد عندك وقت فاضي أسمعك بيت من القصيده توني قايلها

طبعا نفخت بنفسي وقلت له عندي وأنا أبو هندي قول وأنا أقيم

المهم قال البيت ذا : يقول الصبي للحمار ياغبي فيقول الحمار للصبي ياعربي

وش رأيك عاد ؟

المهم والله إني انبهرت بموهبة أبوي وأعطيه مدح ومن ذاك الخريط كان أقول يبه وشهوله تكتفي ببيت واحد

قال لي خلاص المقصد وصل ياقلبي مايحتاج كثر الهرج <<< ترى قلبي أنا زودتها ولا أبوي ماقالها <<أبقى أسوي جو عاد هههه

وبعد قام والدي حفظه الله بالطلب مني بتقييمه بقصيده أخرى له من شدة إطرائي له ولشدة سعادته بذكائي :

بمعناها والله بقولها لكم لأنه الحين موب حولي تقول القصيده

في الصباح أيقظني منبه الساعه وقال ياابن العرب أكمل نومك <<ومن هالكلام هع

<< لو يدري عني أحمد مطر والله لراحت علومي

المهم عاد قبل ما أبدأ بالتقييم له قال لي يسعده ربي ترى بس هالقصيده مو بقوة هذيك كتبتها كذا على عجل

وما أحسها بجودة ذيك << عاد هو الله يصلحه أثر علي بكلامه ذا على التقيم له

ثمن قلت له صدقت يبه والله موب قوة ذيك وتحسها شوي ركيكه الأسلوب ومن هالنقد هع

المهم ما إنتبهت الا وجه أبوي ما أدري وشلون أوصفه لكم وميت ضحك وكأنه ماسكا ضحكه من سنين

وثمن قال لي والله انك نكته أجل إنتي تقيمين أحمد مطر ولا بعد أنا أكتب كذا

وميت ضحك و ثمن قال والله اني عمري ماشفت أحد بذكائك ومن ثم أخذ بالدعاء لي أن يحفظني الله له وكيف لا يحق له وأنا بكل هذا الذكاء ههه وبدأ بتعليقاته علي الى مالانهايه

وطبعا لكم أن تتخيلون أهلي وتعليقاتهم عندما إنتشرت السالفه وانفضحت والله صدق فشله بتاريخي

عارفه لم أتقيد بالإختصار بس والله هرجي كثير وش أسوي ؟ أرجو الحل

يسعد لي ربي قلوبكم والله طرحت الموضوع لأنه تو صاير لي من أيام وأحببت أن أطرحه وأونسكم ولا ننسى الفائده من الموضوع وهو ترك التفلسف في الي ما تعرفون هع

ويالله عاد الله الله بالردود الي تونس الواحد ياحبي لكم ياقصيميات

<<<مانبي نقول ذيك الي تخبرونها وتزعلون لأني والله أحبكم من كل قلبي وما أبي أزعل أي أحد منكم

وحلفت عليكم يالمشرفات مانبقى تثبيت للموضوع ولا أنا عارفه أهميته ههه

وخذوا ذا الموقف بعد والله تو صاير لي هو لابس النظاره ويبي يروح للصلاه للمغرب ويقول لي وينها وهو لابسها

وأنا أدور وماخليت مكان الا وأنا فتشته وهو يناظر فيني بالأخير انتبهت و قلت يبه تراها عليك أحسبه مو منتبه الا انه

صاير ميت ضحك علي <<<بصراحه نصيحه عطوها لأبوي ترى والله بس يفشلني

همسه : دعواتكم بأن ربي يسهل أموري ويحقق لي أمنيتي ,,


محبتكم : ورد

[ρίє¢є Όƒ Сђoсoζάtє]

اوجعن راسي عيت تبدا السالفه وعيت تقضي
شكلتس تصلحين لاستراحة الخميس فسحه يعني

اقتباس همسه : دعواتكم بأن ربي يسهل أموري ويحقق لي أمنيتي

( وعلى نياتكم ترزقون )

[بقايا فـــــرح ..]

اقتباس المشاركة الأساسية كتبها ρίє¢є Όƒ Сђoсoζάtє اوجعن راسي عيت تبدا السالفه وعيت تقضي شكلتس تصلحين لاستراحة الخميس

يمينا بالله عارفهـ إني كثيرة قرقه بس شسوي ؟

ياحبي لك بس,, أسعدني مروركـ يالغلا ,,

ورد

[ρίє¢є Όƒ Сђoсoζάtє]

اكتبي قصص او اشعري دايم اللي راعي سواليف خياله واسع <-- احلى يالمنيف

[بقايا فـــــرح ..]

اقتباس المشاركة الأساسية كتبها ρίє¢є Όƒ Сђoсoζάtє اكتبي قصص او اشعري دايم اللي راعي سواليف خياله واسع <-- احلى يالمنيف

أتمنى وافي قصيمي معك المره القادمه ياوخيتي << مافهمت المنيف

لا شعر والي يرحم والدينك كافي صابتني عقده من أحمد مطر هع ..وقصص بلاشي بعد

أما عن السواليف أحس هي أزين لي عشان أرج رؤوسكم هع

ورد

[ρίє¢є Όƒ Сђoсoζάtє]

احوك وش دخل الوافي ؟
المنيف ذا دكتور وصاحب قلم متألق
بمان الله ..~

[بقايا فـــــرح ..]

اقتباس المشاركة الأساسية كتبها ρίє¢є Όƒ Сђoсoζάtє احوك وش دخل الوافي ؟ المنيف ذا دكتور وصاحب قلم متألق بمان الله ..~

تشرفنا والله بمعرفتهـ وإن شاء الله أقرأ له..

ويسعد لي قلبك على مرورك ,,لاعدمتك يالغلا ,,

ورد

[حَنِيني لِطيْبة]

أم كاكاو لا عمرتس تنصحين !

ورد
رَحِمَ الْلَّهُ امْرَءً عَرَفَ قَدْرَهُ نَفْسِهِ .
اخبرتس حاطه موضوع بالساحه أنتس بتطلعين !

[بقايا فـــــرح ..]

اقتباس المشاركة الأساسية كتبها حَنِيني لِطيْبة أم كاكاو لا عمرتس تنصحين ! ورد رَحِمَ الْلَّهُ امْرَءً عَرَفَ قَدْرَهُ نَفْسِهِ . اخبرتس حاطه موضوع بالساحه أنتس بتطلعين !

هلا والله ياغاليه ,,

وأسعدني مرورك ,,مع إني مافهمت كاكاو ماادري وشو ,,

وعموما أسأل الله لك السعاده الدائمه بالدارين ووالديك ,,

ورد

[مهاااااااااااوي]

هرجك وسواليفك لها فائده
فاادخلتي الابتسامه لقب والدك
امااا النظاره فنكته بجد وردهههههههههههههه
اجل تدورينها وهي عليه<<صاير لها نفس الموقف
دمتي بود

[بقايا فـــــرح ..]

اقتباس المشاركة الأساسية كتبها مهاااااااااااوي هرجك وسواليفك لها فائده فاادخلتي الابتسامه لقب والدك امااا النظاره فنكته بجد وردهههههههههههههه اجل تدورينها وهي عليه<<صاير لها نفس الموقف دمتي بود

شكرا من القلب بقدر ماتسعدين القلب بمرورك الأكثر من رائع غاليتي ,,

وأسأل الله أن يرزقك من حيث لا تحتسبين ويجعل لك من كل هما فرجا ومن كل ضيقا مخرجا ,,

أما عن النظاره أشوى حتى بوه وحده غيري تعاني هههه ,,

محبتك دوما : ورد

[أبتهاج]

هههههههههههههههههههههههههه

[بقايا فـــــرح ..]

اقتباس المشاركة الأساسية كتبها أبتهاج هههههههههههههههههههههههههه

دوم الضحكه يا عيوني ,,

لا عدمت مرورك ,,

ورد

[بريداوية ام الهبال]

اقتباس رَحِمَ الْلَّهُ امْرَءً عَرَفَ قَدْرَهُ نَفْسِهِ .

كزّتس قوقل تشكيل
والله يالتشكيل دمار اص لا تسمعه أبلى سلـ .. ..

ورد / الله يخلي لتس ابيّتس .. ونصيحة اقري للمنيف تراوه متألق على قولة شكلط