[تحدوهـ البشر]

السلام عليكم

كثرت العطاله بهاذا الوقت الى متي ابي اعرف

ليش ندرس ونكافح وباالاخير نجلس باالبيت ؟

اذا مافيه وظائف ليش يخلوننا ندرس ونتعب ؟

ليش فاتحين المدارس الى الان ؟

باالسنه الواحده كم عطيل يجلس باالبيت ؟

مو معقوله هاذا الشي يصير لنا ادرس وباالاخير اجلس باالبيت ومعي كومه شهادات

1- شهاده جامعيه تقدير جيد جدا
2- شهاده الكلية التقنيه تقدير امتياز
3- دبلوم صحه قسم صيدله جيد جدا

كلهن مجمعهن باالبيت واكحل فيهن الى متي ياناس

كل ماقدمت على شي يقلون ندق عليك مافيه شي الحين

رحت للرياض والشرقيه والقصيم بس بدون فائده


يعني تعبي يروح كذا بدون فائده عاطل ثلاث اسنيين وماشفت شي الى الحين


يعني لازم الواحد يسرق وباالاخير يدخل السجن ويقلون له ليش سرقت

وشلون ليش وانا معي كل الشهادات ومافيه وظائف

وش تبونن اسوي يعني اجلس باالبيت كذا الى متي وابوي يصرف على

ممكن تعطون حل

لا تقولون دور نقص طولى من التدوير تسحلن رجليني وانا ادور

كل ماقدمت على شركه قالو جيب لنا خبره لك لا تقل عن سنتيين من وين اجيب لكم خبره وانا مااشتغلت

قسم بايات الله مو حاله هاذي

[نـــــــــــــــواف]

الله يوفقك اخوي
فأذا كانت هذي شهاداتك وما توظفت فكيف اللي شهادته عادية أتمنى يصرف راتب للعاطلين والله معاناه ناس مامعه شهادات متوظفه بأحسن وظيفه وانت وغيرك يتعبون و يدرسون ولا يحصل شي والله حرام وحسبي الله على من كان السبب فأخوي انصحك نصيحة انك تصبر وتطلب ربك ان الله يرزقك الوظيفه

[مراقب امن]

حط شهاداتك بالدولاب ربي يحميك وقلهن طال الصبر ومنتظر مل صبرة
وتتفاجا واحد معة متوسط وتوضف بعدك عللى بند وانت تناظرة وتغني طال الصبر

[صمت النار]

اقتباس 1- شهاده جامعيه تقدير جيد جدا 2- شهاده الكلية التقنيه تقدير امتياز 3- دبلوم صحه قسم صيدله جيد جدا

ممكن أعرف تخصصك الجامعي , وشهادة التقنية في أي تحصص ..؟؟؟

[خب الجطيلي]

الله يسهل أمرك
لاتنسى تراه فيه تقديم بالتخصصي ببريدة
لايفوووووووووووتك .

[loquacious]

وكل الشهادات هذي ماتسوى شيء إلا بواسطة تحركها ,,
لا تدور على شغل دور على واسطة , عشان تتوظف ..
من جد قهر .. ناس تقديرها مقبول ووظيفتها بالدرج تنتظرها ,
وناس تقديرها جيد جداً وجالسة بالبيت ,, شوف مستشفى الملك فهد منزلين وظائف جرّب حظك والقلب داعي لك ..
مع العلم ان صحة القصيم معروف عنها ماتمشي إلا بواسطات ..تلاقي الوظائف المطروحة معروف اصحابها .. !
هذا رابط الموقع >> http://kfshb.med.sa/ar/

[رعشة خفووق]

.

الى أن يرث الله الارض ومن عليها

.

[السامي البريداوي]

الله يسهل أمرك تراي أنا مثلك جلست عاطل ثلاث سنين وعندي بكالوريوس ودورات حاسب وغير حاسب
حتى يسر الله ووظيفة حكومية ممتازة ولله الحمد . أكثر من الإستغفار ويصيرلك ماتريد وأكثر .

لكن طلب العلم والدراسة للعلم ثم للرزق وليس طلب العلم فقط للوظيفة والمدارس لم تفتح لتخرج للوظائف
بل يتعلم الناس ويتنروا .
وأنا متأكد يا أخي لو تدعم المصانع والشركات الكبرى مثل باقي دول العالم المتقدم ما شفت شاب جالس .

[جيورين]

.. الحــــــــــال من بعـضه .. الله يوفقك , الدعاء ثم الدعاء ثم الدعــــــــــــــــــــــــــــــــــــــآء ..

[تحدوهـ البشر]

اقتباس المشاركة الأساسية كتبها نـــــــــــــــواف الله يوفقك اخوي فأذا كانت هذي شهاداتك وما توظفت فكيف اللي شهادته عادية أتمنى يصرف راتب للعاطلين والله معاناه ناس مامعه شهادات متوظفه بأحسن وظيفه وانت وغيرك يتعبون و يدرسون ولا يحصل شي والله حرام وحسبي الله على من كان السبب فأخوي انصحك نصيحة انك تصبر وتطلب ربك ان الله يرزقك الوظيفه

هلا وغلا فيك اخوى نواف

مشكور يابعدي على مرورك

امين يارب والله يسمع منك

لو معك ياخوى كومة شهادات باالقصيم فيها حسد مو معقول بينهم

والله لو انت لحالك فيها ماتوظف من الحسد الى نشوفه بعيوننا

[تحدوهـ البشر]

اقتباس المشاركة الأساسية كتبها مراقب امن حط شهاداتك بالدولاب ربي يحميك وقلهن طال الصبر ومنتظر مل صبرة وتتفاجا واحد معة متوسط وتوضف بعدك عللى بند وانت تناظرة وتغني طال الصبر

والله انك صادق يابعدي احطه باالدولاب احسن

من يوم الثانويه والناس تقول راح تعلق الشهاده وباالاخير علقناااااااااااااااااه

[تحدوهـ البشر]

اقتباس المشاركة الأساسية كتبها صمت النار ممكن أعرف تخصصك الجامعي , وشهادة التقنية في أي تحصص ..؟؟؟

الجامعي فيزياء

التقنيه مبرمج اكترونيات

[تحدوهـ البشر]

اقتباس المشاركة الأساسية كتبها خب الجطيلي الله يسهل أمرك لاتنسى تراه فيه تقديم بالتخصصي ببريدة لايفوووووووووووتك .

اي تقديم يابعدي هاذي مطبوخه من زمان واصحابه موجودين بس حطوها علشان مايتكلمون الناس

سوووووها من قبل

[تحدوهـ البشر]

اقتباس المشاركة الأساسية كتبها loquacious~~ وكل الشهادات هذي ماتسوى شيء إلا بواسطة تحركها ,, لا تدور على شغل دور على واسطة , عشان تتوظف .. من جد قهر .. ناس تقديرها مقبول ووظيفتها بالدرج تنتظرها , وناس تقديرها جيد جداً وجالسة بالبيت ,, شوف مستشفى الملك فهد منزلين وظائف جرّب حظك والقلب داعي لك .. مع العلم ان صحة القصيم معروف عنها ماتمشي إلا بواسطات ..تلاقي الوظائف المطروحة معروف اصحابها .. ! هذا رابط الموقع >> http://kfshb.med.sa/ar/

هلا فيك اختي المشكله اذا كانت عندك واسطه بس ماتنفعك تنفع غيرك

هاذا حال اهل القصيم ولدهم ماينفعونه بس ينفعون الغير

للاسسسسسسسسسسسسسسسسسسسسسسسسسسسسسسسسسسف