 |
|
|
|
|
08-04-2010, 03:50 PM
|
#1 |
|
Registered User
تاريخ التسجيل: Apr 2010
البلد: القصيم
المشاركات: 65
|
اييييييييييييي تجربة سيئة جداً
السلام عليكم
 وشلوونكم ووشلون اضراسكم عساها طيبة وبخير موضوعي هذا توحفة ((مثلي توحفة كما تخبروني احم احم احم)) الموهم جاي لكم بموضوع ابي فيه الكل يشارك !!!!! نبيكم ونبي سيرة حياتكم ونبي سيرة ضروسكم ونبي ابضا صوركم ((لاتصدقون لاتصدقون ترى مافيه تقديم على وظايف)) تخبرون انه حسب اخر الدراسات العلمية لايوجد شخص بالمملكة ماقلع له ضرس والا حشا له ضرس!!! حتى البزورة الصغيرونين بعد ماسلمت ضروسهم بل ان بعض الاولاد المواليد يطهرونه ((ويحشون له ضرس)) ((لاتصدقون لاتصدقون امزح)) يعني بالعربي مافيه احد ضروسه صفة سليمة كلها مثل مانشوف بالاعلانات البطلة مبتسمة ورازت الخشة وصفة اضروووسها تقولون تبرق المهم هذا موقف لي وابيكم بعد تتحفونا بمواقفكم الحلوة يوم من الايام بهذلني ضرسي .... غربلني ضرسي .... سهرني ضرسي... عذبني.... صدع براسي وكما يقولون بالعربية ((أٌقض مضجعي))!!!! قلت خلاص مايبي لها(( نشدة شيخ ولا مشاور ذيخ )) تنبيه ضروري ((العبارة السابقة من انشائي الخاص حقوق الطبع محفوظة خخخخخ)) فقلت يالله على اقرب مستوصف حكومي !!!طبعا لان سمعة المستوصفات الحكومية منتازة جدا ولا يهمهم الفلوس بقدر مايهمهم اتقان العمل!!! المهم رحت للمستوصف وكان به دكتور مصري الطبيب:ــ ازايك يا محمد محمد :ــ وشلونك دكتور الطبيب:ــ سلامات قرا لك ايه محمد:ــ والله ضرسي مبهذلني وابيك تعالجه الطبيب:ــ سلامات سلامات محمد:ـ الله يسلمك ويبقيك الطبيب:ــ افتح بؤك!!! محمد :ــ((ماط بؤه على الاخر علشان يوري الدكتور !!!) الطبيب:ــ ماشفتش حاقه هو فين؟؟؟ محمد(ومازال ماط بؤه):ــ شوف شوف بالاخير!!! الطبيب:ــ آآآآآآآآآآآآآآآه ايوه انت اصدك ضرس العأل محمد :،، عليك نووور الطبيب:ــ يانهار ابيض!!!!دا سنك وحش اوي ؟؟؟ محمد:ــ ......!!!!!!!!!! الطبيب:ــ خلاص يافندم سكر بؤك!!!! محمد((مسكر بؤه)):ــ ان شالله يب له حشوة بسيطة؟؟؟ الطبيب:ــ لا لا دا يبي له خلع من الاخر!! يوم سمعت الخلع الله لايوريكم حسيت قلبي انخلع من مكانه !!!عيوني بغت تنخلع هي الاخرى المهم بدأت اجراءات الخلع ودقني بابرة بنج او ابرتين الظاهر عرفت ان الضرس مو ناوي على خير ....المهم بدي اشوف العدة((عدة الخلع)) شي شفته كانه زرادية !!! المهم وبدأت عملية الخلع احس مع الخلع اسمع او اشعر بشيء يتقطع كانه لحم او شي وشيء  يتكسر بس مع الم خفيف والدكتور يحرك الزرادية الطبية يمين ويساروفوق وتحت حسيت انه كانه يقلع له شجرة نابتة في فمي!!!!! الموهيم ومع مجريات الاحداث مادريت الا الطبيب يصيح الطبيب:ــ سيب سيب ياابني سيب!!!  محمد :ــ ((عاض بكل قوته ))  الطبيب :ــ ياابني ماتأطعش اصباعي يابني سيب  اثرني نسيت انني عاض على اصبع الدكتور !!!!!!وبعد فترة كانها طالت تم خلع الضرس على مرحلتين(لان الضرس انكسر !!!)  واضطر الدكتور للاستعانة بصديق ((الممرضة اللي معاه))المهم انتهت العملية على خير بس الله لايوريكم يوم انتهى مفعول البنج!!!!حسيت بآلااااااااااااااااااام فضيعة  لدرجة انني ماكنت اعرف اتكلم ولا افتح فمي ولاحتى ابلع ي شي!!!!اثر الدكتور صار توه جديد عالشغل او ماادري وش سالفته!!! امهم تعلم في ضرسي وكدت ان اروح فيها بعدين الظاهر انه مو خلع الضرس بس الا خلع الضرس ومعه بعد بعض اللثة المحيطة بالضرس) يعني كدت ان اهلك ذاك اليوم صار فمي على حلقي يوجعني لدرجة انني رحت مرة ثانية للمستوصف وعطوني مضادات علشان الجراثيم ماتلعب في الفم يووووووووه كانت تجربة سيئة جدا يالله ياحلوين عطوني تجاربكم مع ضروسكم 
|
|
|
| الإشارات المرجعية |
|
|
النمط الأحادي