[انا البدر اذا طل..]

إذا المراجل لبسة شماغ وعقال
قل للعذارى يلبسنّ العمايم



ما عاد يفرق زول حرمه ورجال
دام الفعايل تشبه البعض دايم

المرجله ما هيب كلمه وتنقال
وتروح ما راحت هبوب النسايم

وإلا خشونة صوت أو رفع الأثقال أو رزة صدور وفعل الزلايم


ولا هي بعد مفتاح موتر وجوال
وإلا ردى لسانن حديثه شتايم

المرجله شيمه عن القيل والقال
رفيع نفس (ن) حر بالجو حايم

المرجله عقلٍ وزن وزنه جبال
ودون العقل وش فرقنا والبهايم

يا مسندي لو مايل الوقت بي مال
يا ولد أبويه يا عظيم العزايم

يا معرب الجدين من العم والخال
يا نخوة المفزوع وقت الهزايم

المرجله يا خوي هي طولة البال
هي العزم هي الصبر فالظلايم

فيها الكرم عزه دله وفنجال فيها الكرامه عن ردى الطبع شايم

والدين لامنه خذا القلب منزال
مشى طريق الحق وابليس نايم

ومن لا عرف ربه في طيب الحال
لابد وقت الضيق بالهم هايم

حتى صلاتك مع جماعات ورجال
في خيرها يا خوي نعم الغنايم

ولامن نصف ليلك قم صفي البال
يا عظم أجرك بين ساجد وقايم


ولا من رفع ربي له كل الأعمال
حسن الذكر لا قالو فلان صايم

وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في دب الأنذال
وتتبع خوي إبليس راع النمايم


النفس خيل لك إذا كنت خيـال
ومن لا قوى نفسه قوته الهزايم


((ولا صرت ما تدري لو يش أنت رجال
والله خسارة فيك ذبح التمايم))


..اتمنى ان يحـوز على اعجابكم..

تقبـلوا مـروري: (انا البدر اذا طل..)

[عـ :]

القصيدة هذي أول مره قريته اكتشف ان كل بيت فيها قصيدة بلحاله .
البيت هذا صار مثل :
ولا صرت ما تدري لو يش أنت رجال
والله خسارة فـيــك ذبح الـتمايم

[{*القنـ ميموــاصه*}]

ههههههه

أيو الله وأنت الصادز..

أصلاً رجال وألا مو رجال ..خساره عليه ذبح التمايم..

[مجنون القصيم]

قصيده رائعه جدااااااا,,,,

[الأمل بالله]

راآأإآأإآأإآئعة

شكرا

.

[صديقه الجوري]

مشكوؤوؤوؤوؤر...

رووعهـ صرااحهـ..

[انا البدر اذا طل..]

اشكركم احبتي لتعطير الموضوع بمروركم..لكن مقولة رجال ولا مو رجال خسارة فيه ذبح التمايم,,فاشله بل الرجال هم اهمية الحياة..

تحيـاتي,,

تقبـلوا مـروري: (انا البدر اذا طل..).

[فتاة الورد]

بالصميم ..
خصوصاً بداية القصيده .. زي كذا بعض الرجال .. أو بالأصح أطفال !

مشكور أخوي ~

[{*القنـ ميموــاصه*}]

اقتباس المشاركة الأساسية كتبها انا البدر اذا طل.. اشكركم احبتي لتعطير الموضوع بمروركم..لكن مقولة رجال ولا مو رجال خسارة فيه ذبح التمايم,,فاشله بل الرجال هم اهمية الحياة.. تحيـاتي,, تقبـلوا مـروري: (انا البدر اذا طل..).

أخبره المره اللي له أهميه بالحياهـ...

الوكـــــااد/ كلن ورايوهـ..

[الخيال الصامت]

ســـــــوســـــــو
واللـــــــه من التـــــــوليـــــــف
هع