[المنتهي215]

نبي كل واحد يعطينا المواقف الطريفة اللي مرت عليه سواء من العدادين أو الأسر اللي مروا عليها العدادين وحصل لهم موقف معه
وأبدأ بنفسي بما إني عداد
والمواقف كالآتي /
الأول / إني طقيت على بيت وطلع علي رجال قال نعم
عرّفته بنفسي
قال أقولك أنا أدري انه فلان مرسلك يمّي تبي تذبحني
قلت له أنا ..
قال أقولك أنا عارف انه غدّار ولا يواجه الرجاجيل
لكن إذا مارحت من اهنيّا والله ومان الله إني لا أذبحك ذبحة الشاة
طبعا بهالوقت تخيلت انه ذبحني وبكرا بعناوين الصحف بالبنط العريض مواطن يقتل أحد العدادين وتفرح صحيفة عاجل بالخبر بما انها تفرح بالأخبار الشينة والسيئة والفضائح واللي مامنها فايدة إلا نشر الغسيل وتشويه صورة المجتمع
المهم قلت له ياعم أنا من التعداد وهذي بطاقتي
قال أقول عوّد وراك .... عوّد وراك أحسن لك
في الأخير ضحك وقال تفضل أعطيك البيانات
دخلت عنده وقلت له وش السالفة قال أنا عداد مثلك وحصلي هالموقف وقلت أبيك تذوق ماذقت
والثاني / دخلت عند واحد وقعد يمليني البيانات عطاني اسمه بعدين زوجته بعدين اعياله وبعدين أهله كلهم واخوته اكثارين الله يصلحهم
طبعا ملينا استمارة واستعنا باستمارة إضافية وعطان اسم الشغالة والسواق
وفي النهاية قلت له خلاص مافيه بيانات ثانية
قال إلاّ فيه قلت وش هي
قال البيت مافيه إلا أنا وزوجتي وبنتي ادع الله انه يصلحه قلت الله لا يصلح بك مبط إبره
ليش سوّيت كذا قال وبكل برود أمزح معك
بغيت أرتكب جريمة لكني تعوذت من إبليس
وأخيرا سألني واحد قال وش لون أعرف العداد يمكن يكون مزوّر البطاقة
قلت شف اثيابه إذا فيهن أثر طامس وقلم رصاص وقلم أزرق وأخضر تراه عداد

[أبو غــلا]

هههههههههههههههههههه

أضحك الله سنك




انا أعرف واحد يقول :: طقيت على بيت و ردت عجوز من وراء الباب
قالت : مين ؟؟ ,, قلت أنا رجل التعداد ..

قالت العجوز : خوفي ولااك حرامي وش يظمن لي ؟!!!

قال هذي استمارة التعداد ..

قالت لا ورنا بطاقتك ؟؟

ويدخلها من تحت الباب ..

شافتها العجوز .. قالت هيييي !! أنتم الكلاكين . أنت جاي تفتن الناس , أنت جاي تبي تهك على بناتنا

والرجال تدحوس .. ياعمه والله اني حق التعداد والله اني مابي شر , يآعمه تكفين ..

يآعمة هاتي البطاقة مابي شي خلاص !!!


يوم طلعت البطاقة و طلعت معاها الاستمارة مملؤه .

وقالت له رح الله يصلحك ودي أني أهك عليك دامي أملاهـ


يعطيك العافيه

[البروفيسور.........]

انا سمعت انه فيه واحد راح لبيت يبغا يعد ,
ولقى راعي البيت ينزل اغراض ثقيله(ثلاجه وغساله ..... الخ)
وقاله اعلمك بالمعلومات اذا نزلت معي الاغراض :
d
قسم بالله

[تمر القصيم]

ههههههههههههههههههههههههههههههههههههههههه

كثير من المواقف هاذي وجا لم بيتنا واحد من حقين التداد شكله مايدري وين الله حاطه
قال لي على طول اول مافتحت الباب وبصوت قوي قال ابوك كم متزوج من مره قلت عسا
ماشر جاي تخطب له قال تنكت انت ككككم له من مره -طبعا يهاوش- قلت تقلع لو سمحت
لمين جا واحد من الجيران وشافنا وقال وش السالفة قلت له السالفة قال اعذره تراه من
الصبح وهو قاعد يكتب قلت طيب وش خلي به قال هاذا حق التعداد قعدت اضحك لين مادمعت
عيني هههههههههههه المواقف كثيرة


وصراحة بعضهم دبشه ام جيراننا قاعد يحاكيها وهو يصرخ عندكم شغاله كم انتم ولله الحارة كلها سمعته

[الوساااام]

انا حصلي موقف مو مضحك بل موقف مستغرب منه ..!!
كنت في الرياض في وقت التعداد وكنت مستأجر شقه ...
الغريب في الامر أن لما أخذ المعلومات كامله مني ..
فيه شاب صغير مو كبير عمره تقريباً 31-32 سأله موظف التعداد كم عدد اولادك قال 13 ماشاء الله عليه ..
والله ماتوقعت هذا العدد ماشاء الله عليه ..
حتى موظف التعداد أستغرب وسأله اكثر من مره ..؟؟
ولا تأكد موظف التعداد حتى طلع كرتين عائلة ..

[a..عضو..a]

الله يعينهم

[خلفان]

اوكيه وراه ما دعيت عليه ؟

[طروالي سويل]

هههههههههههههههههههههااااااااااااااااااااااااي

[ام لمى ودرر]

حنا جانا الرجال ثلاث مرات ولا حصل زوجي لانه دايم مشغول على قولته قال وين امكم رديت عليه من ورا الباب وعطاني استماره وقال خلو ابوكم يعبيها وبمر بكرا العصر آخذها........ طبعا بم ان ابونا دايم طالع عبيتها قلت بنفسي اذا عطيته الورقه ابي اقوله اذا لقيت بيت ثانى بنفس الأسم تعال قلي الرجال شكله معرس موب كل هذا شغل !!!!!!!! جاء من بكرا العصر وانا اراوي اقوله او لا وبعدين قلت عيب عليك تسوين كذا انتي حرمه وعاقله لا تخلين الشيطان يلعب بعقلك عطوه عيالي الورقه يووووووووووووم قرا اسم ابونا قال هلاااااااااااااا انتم عيال افلان !!! وشلونكم وشلون ابوكم طيب قولوله فلان يسلم عليك واخذ رقم جوال ابونا ؟؟؟؟؟؟؟؟؟ والحمد لله على سلا متى . تراها مجرد تفكير بس... الي قلته وطلع يعرف ابونا صحيح

[راشدالراشد]

هههههههههههه

[أبــوبــاســل 99]

فيه بعض الناس ساكن بيت ملك داخل بريده وعايش فيها بعضهم مولود فيها وبعضهم محسوب على المشائخ ,,,,


الغريب يسأله حق التعداد يقوله كم عدد ابناءك ,, يرد أولا انا من القريه الفلانيه ولااني من بريده فقط مسير عليها و إلا أنا من القريه الفلانيه ,,,,


يقسم لي أحد الشباب انها حاصله اكثر من مره مع حقين التعداد وخصوصا في شرق بريده ,,,


مادري لماذا هذا النكران وكفران العشير ,,,


الحمد لله على العافيه ,,,


هذا أغرب موقف سمعته هذه المره ,,,,,,,,,,,,,,,,,,,,,,,,,,

[نجم سهيـل]

طيب والي طق على ناس وقال بسرررعه كم انتم ووش اساميكم , بسررعه فيه مباره للنصر

هههههههههههههههه

[المنتهي215]

اقتباس المشاركة الأساسية كتبها الوساااام انا حصلي موقف مو مضحك بل موقف مستغرب منه ..!! كنت في الرياض في وقت التعداد وكنت مستأجر شقه ... الغريب في الامر أن لما أخذ المعلومات كامله مني .. فيه شاب صغير مو كبير عمره تقريباً 31-32 سأله موظف التعداد كم عدد اولادك قال 13 ماشاء الله عليه .. والله ماتوقعت هذا العدد ماشاء الله عليه .. حتى موظف التعداد أستغرب وسأله اكثر من مره ..؟؟ ولا تأكد موظف التعداد حتى طلع كرتين عائلة ..

هذا طال عمرك مسّكه السهباء يعني صرفه

[ريــــم]

اقتباس المشاركة الأساسية كتبها الوساااام انا حصلي موقف مو مضحك بل موقف مستغرب منه ..!! كنت في الرياض في وقت التعداد وكنت مستأجر شقه ... الغريب في الامر أن لما أخذ المعلومات كامله مني .. فيه شاب صغير مو كبير عمره تقريباً 31-32 سأله موظف التعداد كم عدد اولادك قال 13 ماشاء الله عليه .. والله ماتوقعت هذا العدد ماشاء الله عليه .. حتى موظف التعداد أستغرب وسأله اكثر من مره ..؟؟ ولا تأكد موظف التعداد حتى طلع كرتين عائلة ..

لا اله الا الله، هذا شكله متزوج وعمره سنتين...