[أحمد 1412]

أنا رجعت لكم اليوم بعد أن من الله علي بالصبر والهداية وأشكر كل من وقف معي وأشكر أختي الغالية
التي عرفت ما في نفسي أكثر من أمي وأخوي سامحهم الله والله لا أنسى فضلها ماحيت ونذر علي إلى يوم القيامة أن تكون هي أمي وأبوي وأخوي ولو طلبت مني أي شيء ماني مقصر معها يكفي أنها تواصلت مع زوجها بكتمان الموضوع وحله بطريقتهم صحيح أنهم طولوا بالموضوع شهور لكن الحمدلله أن الله ستر علي وأشكر زوج اختي الله يوفقه ويكفيه شر العمال لدرجة إنه غير لي الرقم وجاب لي جهاز جوال عشان يقول هاذي هدية منه والرقم المميز منه بعد وصار يتابعني وأحسه أنه أحسن واقرب لي من أخوي . تصدقووون بعض المرات ودي أنه يكون أخوي.

أنا اليوم مارجعت لكم عشان أقوول لكم قصتي وأطلع من المنتدي أنا رجعت لكم عشان اقول انتبهوا لعيالكم أنا الله ستر علي وطلعت منها لكن وش ذنب اللي مثلي اللي أبوه متوفي ولا فيه أحد يتابعه وين عمانهم وخوالهم وين أهليهم وين جيرانهم ترى الرسول وصى بالجار

واشكر كل من وقف مع أخص اخواني عبدالله الصالح وعمر الصالح و ابراهيم اليوسف ولا أدري من هو اللي تواصل معي منهم لاني كنت خايف صحيح إني ماقلت له بعض الاسرار وقررت أني أطلع من الموضوع وكل من وقف معي ومن أرسلي على الخاص
واطلب من ربي أنه يغر لي وتصبحون على خير ولاتنسون تدعون لي ان الله يغفر لي

وهاذي قصتي يوم كتبتها لكم قبل 11 شهر ..

اقتباس أخوني والله ماني عارف أنام لا ليلي ليل ولا نهاري نهار حتى مالي نفس بالمدرسة حتى مستواي نازل حتى المرشد الطلابي لاحظ هالشيء علي وكلمني بس أقوله أن ثاني طبيعي صعبه واصرفه حتى والله اني فكرت بالانتحار كذا مرة والسبب هالبنقالي الله يلعن اليوم اليوم اللي تعرفت عليه . قبل أكثر من سنة قلت بركب دش في البيت عشان المبارايات لأنها ماعاد تنقل على الرياضية مثل أول المهم طلعت لعمارة البرج عشان اجيب عامل يركب لنا الدش وياليت ماطلعت له ياليت صار علي حادث ومت بالطريق جاء معي ينقالي وجاب معه اغراض الدش وركب الدش في البيت بعدها بمده تعطل الدش ورحت للبنقالي وجاء مع نفس البنقالي وصلحه ببلاش واخذت رقمه عشان أي شيء يصير اتصل بدل ما اطلع له ونفس الحكايه تعطل بعد مده وجاء معي البنقالي وغير الصحن والعين وركب صحن لي 100 ريال وعلى هالحالة صار يعرف مكان البيت ورقمي وصار يعطيني سديات بصراحة انا أدمنت عليهم وكل مده اطلع له وأخذ من عنده سي دي وحاول اترك السيديات والحمدلله تركتهم لكن البنقالي صار بجيح كل يوم يدق علي يقول ليش مايجي تاخذ سي دي فقلت أنا تركتهم وجلس يقول ليش أنت مطوع قسم بالله اني طفشان من نفسي ياااعالم بعد ما ازعجني بالاتصالات طلعت له وهددته قالي وهو يتبسم ( أنا معلوم مكان بيت أنت ) انا رديت عليه أنا خلااص مايبغى سي دي أو بعلم الهيئة قال أوكيه كل واحد شهر يجيب 200 ريال وهددني لو علمت الهيئة عنه راح يعلم اخوياه وبصراحه انا خااااااااااااااايف لأنه يعرف البيت وحتى لو علمت اخوي الكبير أخاف من البنقالين والله ياعالم خايف اقسم بالله اني افكر كل يوم بالإنتحار ودي انتحر وارتاح وريح اهلي ولايجي لهم شيء بسببي تكفوووون لاتخلووووني والله ان دموعي على خدي خوووف ورعب حتى النوم ما جاء لي ولو انتحر وش بقولون عنا الناس ياااربي

[خلفان]

البنقاليين فيهم الخير

[ADEEL]

هلا اخوي احمد
مانسيت ايام موضوعك السابق
لاكن فزعة وين مكان البنقالي . والله يانا ابتعلم عليه جميع انواع العاب الرياضه
مصارعه كارتيه تايكوندو إلى قفز الحواجز ابخليه قفز الجرذي ابخليه يكوكي لاوصلته ابخلقه خقله مابعده خقله

عموما
ماقصر الاخوان اللي ذكرتهم وهذا ليس بمستغرب منهم ويعطيهم الصحة والعافيه
وكان الله بعونهم مادامو بعونك

[البروفيسور.........]

تكفى البنقالي وين مكانه ؟؟؟؟؟؟؟
ابلعن كلفاته ,وش عليه يهددك .؟؟؟؟؟؟؟

انا لي تعاملات معهم , انت راعي مباريات, مثلي ؟؟؟؟؟؟؟؟؟؟؟؟؟؟
عندي لك حل, اذا تبيه؟؟؟

[الحزين]

مركز هيئة الصفراء

3822852

3832223

أسأل الله لك الثبات

[رحيل الفؤاد]

نحمد الله أن كفاك شره.. وستر عليك..

فلا تنسى أخينا شكر الله على هذه النعمة العظيمة..والتي أسأل الله أن يديمها عليك..

..كذلك أدعو جميع من هم في مأزق أن يحسنوا اختيار من يساعدهم في حل مشكلاتهم..

وأن لا يداوى الخطأ بخطأ أكبر منه..!!

،،

وفقكم الله ورعاكم

،،،

[فقدتك بس مانسيتك]

الحمد الله.................

[ابو يزيد.]

بلغ عليه الهيئة ولا تخاف

[@سموالذوق@]

اقتباس المشاركة الأساسية كتبها البروفيسور......... تكفى البنقالي وين مكانه ؟؟؟؟؟؟؟ ابلعن كلفاته ,وش عليه يهددك .؟؟؟؟؟؟؟ انا لي تعاملات معهم , انت راعي مباريات, مثلي ؟؟؟؟؟؟؟؟؟؟؟؟؟؟ عندي لك حل, اذا تبيه؟؟؟

بيورطة مره ثانيه

امزح
لا لا لامباريات ولا شي

البروفيسور حبيب الكل لاتلعن

[@سموالذوق@]

اول شي الحمد لله على سلامتك ورجعتك
ثانيا كل الشكر لك لانزالك هالموضوع متابعه لموضوعك السابق
وكل الشكر للرجال اللي ساعدوك ووقفو بجنبك وهذي مو غريبة على رجالنا فديتهم والله
وترا الحمدلله مشكلتك تهون عن اللي متورط معاهم بمخدرات او جرائم اغتصاب او اي شي من قذارتهم

مره ثانيه حمد لله على سلامتك

[الهواء الغايب]

تكفى ابي محل البنقالي

ارسلي على الخاص محله والله لا ادعيلك

[أبو ريّـان]

الحمدلله الدنيا دروس عبر ..
ونصيحة لك أن تستغل وقت فراغك بحفظ القرآن وحضور الدروس المفيدة ..
الله يوفقك .. وبارك الله فيمن أعانك ..

[أبووجيه]

الله يعطيك العافية يابعد حيي

والله خوش موضوع

ننتظر المزيد

[الأميرة الهادئة]

لاحول ولاقوة إلا بالله وين الأهل عن فلذات أكبادهم ..؟؟

الحمدلله إن الله فرج همك , وأكثر من الإستغفار .