[أبو شهـــــد]

السلام عليكم ورحمة الله وبركاته ,,
---


ماهقيت ان البراقع يفتنني*** ليـن شفت ظبى النفود مبرقعاتي
الله واكبر ياعيون ناظرني ***فــــــــاتنات ناعسات ساحراتي
في هواهن يا سعد كيف طرحني ***راح عمــــري من مودتهن فواتي
كان مما صابني ما عالجني *** الـــــــوكاد اني خطير بالمماتي
يا سعد خبر طريف الطول عني *** كــان وده لي بعمر في الحياتي
من لحظني بس اهوجس به واوني*** ما تركني هاجسي لو بالصلاتي
الأمير الشاعر : خالد الفيصل





عبر مر الدهور الأزلية كانت المرأة محط أنظار فتيان القبيلة وكانت مضاوي هي سيدة الجمال آن ذاك , الجدير بالذكر أن البرقع يعتبر أمراً مهماً لدى فتيات القبيلة وتعتبر من مسائل المرجلة <-- أي مرجله .. تتكلم عن نسوان يرحم أمك ..

^
عاد شرايكم بي وانا مقدم بالقناه الوثائقية ..



البرقع قديماً :
هو غطاء أسود يوضع على وجة المرأة لجحب جمالها عن الرجال , وهو ما أمر به الأسلام

البرقع حديثاً :
هو ما يوضع على وجة المرأة لمحاولة تلطيف الجو العام للبدي الموجود بجبهتها ,
بعد فشل عمليات التجميل في هيك شكل ..

وفي كلا الحالتين هو مفتوح من جانب العين والفرق بالعين يا بعد حيي يا ويل حالي يا ناااس ..


البرقع براً :
هو ما يوضع على رأس الصقر لحجب نظرة عن الفريسة ..

البرقع عربجياً :
هو ما يوضع على القير الهولوكس .. شرط أن تكون موديل قديم .. أما الجديد ما يركب .. صغير والصغير وع



من التعاريف السابقة ..

يوضح أن البرقع يغطى به عين الصقر .. ويفتح به عين الحرمه ..
نعنبو دارهم ذولا ما لقو أسم غير البرقع مشترمين به ..

يعني الفائدة المرجووة منعدمه

وطيب لو كان الصقر مغمض عيونه عن الفريسه .. يعني الفريسة تهجم عليه
<--- ططاااااااااااااااااط ..



ماعلينا .. نرجع ..

قديماً بالأفلام البدوية .. <-- أجل أفلام ..
أذكر كنا نروح لخالتي وبعض المرات نصادف حركات بدو بالتلفزيون ..
لأن الوالد ما يرى الشاشة الله يحفظة .. <--- شف التربية بس ..

كانت شمطاء تجي تقابل عجلان فوق جبل المهادي , عاد المخرج على باله يبي يظهر الحب العذري ملبسن الممثله بشت ولو يطير الهواء كان شفت حدرة البلاوي .. خبرك التصوير بالظهر ولا تحمل .. لأنه من بنات الشام ولا هيب من بنات الجزيرة العربية السعودية والنعم
سااااااااااارعي للجبن والزيتون .. مجدي لخالق الليمووووون ..


ما ينبغى هذا .. نسأل الله السلامه .. <--



الشاهد بالأمر أني كنت مع زوجتي قبل أيام بسوق غرناطة بالرياض ( جروح ترى غرناطة دعاية حرره ) , وكالعاده .. شاب سعودي مطير عيونه لأنه مقاطع
<== مقاطع : لها تفسيران
الأول : شخص يشرب شاهي مع الشوررما لأنه مقاطع ولا يشرب الغازي ..
<--- اللحين أي غازي أمريكي .. , طيب لو قلنا واحد أسمه غازي العتيبي .. يصير أمريكي .. فلللله والله .. طيب لو أسمي بنتي شوكلاته الحربي تطلع سويسرية .. والواضح انك لو تسمي ولدك نمر ولا جلد ثعبان يبي يحصل على مقعد بنهائيات كاس العالم ..
الثاني :
مقاطع أي تيوب .. يعني فديوا .. معلوم صديق ..

والثالث كل واحد يسرح بخياله ..

R <== يبي يريوس للموضوع

وكالعاده .. شاب سعودي مطير عيونه لأنه مقاطع وفي محض الصدفة لقيت واحد من ربعي يشتغل بدبنهامز <-- عندكم دبنهامز .. الدعساوي قل دبنهامز 10 مرات وأبحاول براعيه يفتح فرع بالدعيسة ..

ومع السوالف قلت كيف البنات يا وحش ..
قال أحمد ربك أنك معرس .. قسم بالله أنه به بلاوي ما تذكر .. يجيك ناس تبلاك ..
فا أشيد بكم أنكم ماتروحن لدبنهامز ..

ذذ

وقبل لا أطلع من السوق قلت لأم شهد عطيني السبحة يامرة ..
قالت سم حبيبي ..

وأنا أخذه وأقول هالبيتين .. ذذ



ما هقيت ان البراقع يفتنني *** عقب شفت شين الحنايا مبرقعاتي
الله وأكبر يا فشيلة لاحقتني *** كاسيات عاريات مفصخاتي
في هواها يا خالد ما جذبني *** راح فكري بغزلك يا جناتي
كان اللي معي ما ترجهني *** والله لأسمعك غرور صيحاتي
ياخالد خبر قزم الطبايع عني *** قله ترى العمر بعدك غناتي
من لمحني عنه أهرب و أغني *** ياحامي البيت أحمى حماتي

الأمير الشاعر : أنا

[[ لــمّــآح ]]

ههههههههههههههه
ههههههههههههههههه

ما وك الوآحد يتمنى هههههههههه

اقتباس الشاهد بالأمر أني كنت مع زوجتي قبل أيام بسوق غرناطة بالرياض

اقتباس أذكر كنا نروح لخالتي وبعض المرات نصادف حركات بدو بالتلفزيون ..

أي البدو تصآدف دنوش وإلآ وآحدن غيره ..
المغربية منول ما تخلى من بدو ..
عآد ايقآلهم نخوة ورجولة يجتمعون عند الغدير وسوآليف ووشسموه ..

اقتباس وقبل لا أطلع من السوق قلت لأم شهد عطيني السبحة يامرة .. قالت سم حبيبي ..

تشهو بس ..

[الـصـمـصـام]

هههههههه الله يقطع حكاويك ..
والله تطورات .. أبو ساقي مبروك الإشراف ..

و أنت يابو سليمان كرهتك الصدز لأنك تغلى .. من زينك عاد عشان أبيك ..
والله لو أنت من راعيات البراقع ..

خلك مثل الشيخ عمر .. نشوفه كل شهرين على أقل تقدير

[[ لــمّــآح ]]

^

مثلاً يعني كل شهرين ..

[GIVENCHY]

^
ركبه له فاصل لا قطع
ولو آثرك عنتر زمانك ياشلقة على هالشعر

<-- محلفون عليه يرد

[الجادي المدوف]

اقتباس المشاركة الأساسية كتبها شلّقـــــــــــة البرقع عربجياً : هو ما يوضع على القير الهولوكس .. شرط أن تكون موديل قديم .. أما الجديد ما يركب .. صغير والصغير وع

والصغير وع << تناقض ذا
إلا انتسانك تقصد شيٍ ثاني
مزيداً من التوضيح رجاءً

اقتباس المشاركة الأساسية كتبها شلّقـــــــــــة الشاهد بالأمر أني كنت مع زوجتي قبل أيام بسوق غرناطة بالرياض وقبل لا أطلع من السوق قلت لأم شهد عطيني السبحة يامرة .. قالت سم حبيبي ..

من ورانا أبوشهد
(سم حبيبي) من متى وحنا نسمع هالكلمات

[الـدعساوي]

هههههههههههههههههه <== لزم نحط هالضحكة وأنا مآدري وش السآالفة
ولو عندك معلومتا ثرية , هذا وانتم من الأخوان قديما <== اسأل لماح يقولك وش هم الأخوآن
الموضوع اقلآلآع لولا بعض التخطيمآت , الهرجة جرجرة لامسكت معك بسآالفة دخلت بسآالفة ثآنية
الله والعالما انك حليت ثلاثة ارباع القضآيا بهاالموضوع

وبعدين وش انت شآيفن

اقتباس بدبنهامز

قسم اني يوم قريته قلت وشلون كتبه قبل

حبيب قلبي يآبوشهد , وياليت تحرص على موضوع جديد , لان استفيد شخصيا من موآآضيعك <== بس مب بالحيل
خلفهم يآولد الخضرآن
الاوش يصيرون لك خضرآن الدعيسة

[قلم جريء]

الشاهد بالأمر أني كنت مع زوجتي قبل أيام بسوق غرناطة بالرياض ( جروح ترى غرناطة دعاية حرره )

ـهههههههههههههـ

أجل دعايه حره

[mr.muhmmed]

لي رجعه .. بعد الصلاة ..

[عمر اليحيى]

موضوع مشكور



<<<<<< محلوف عليه يرد

[wméédh]

هههههههههههههههههههه
تعجبن يالصيعي الماصل لا قعدت تمخمخ .. احس انك من كثر المخمخة والتعب بالتفكير
تبي تموت وانت عمرك 60 < إقالووهـ خاسفن بالعمرر

تقولي اجل ان الحجاب يغطي جمال المرأه ههههههههههه / مهب على كل حال وانا اخوك
والله يابعضهن قسمبلاه وجهه تقل مقفّى حصان لا شفته / تقمط من شينه .. الله يستر عليهن
لكنه الحجاب جعل خوفاً على الفتنة لان الشين والزين كلهم لهم زي بعض

مرتن انا بـ بيرشكا < مهب بس انت اللي تعرف ماركات
عندي سواليف الصراحه عن الماركات < يفهمهن ابو ساقي وشلقة
ماعندي فسحة اكتبهن .. اذا فضيت صار لي باك

شف ياشلقة /
كن ماصلاً ترا الوجود جميلاً .. قصدي ينلعن خيّرك

[الديزلية]

أكبر منسم راته عيني

[ŔǺỶĀЙ]

ههههه تنسيم

اقتباس الأمير الشاعر : أنا

متى آخر مره تعشيت زبادي <<

اقتباس البرقع حديثاً : هو ما يوضع على وجة المرأة لمحاولة تلطيف الجو العام للبدي الموجود بجبهتها

تحت البراقع ضفادع

[ابن الإسلام]

حبيبي أبو شهد مشكور على الفلسفه
تري ما فهمت شي