[ستي بلازا]

السلام عليكم..

مثل ماانتم عارفين العطله جايه..والله يعجل فيها عشان نرتاح من شقاء الدراسه
اللي ابيه منكم لا هنتوا..استفسار عن المراكز الصيفيه..ابي اشتغل فيها..مو ادرس ..
لاني انا كبيره وبحاجة شغل لو بسيط مررره بالعطله..


ومااعرف اي معلومات عن هالمراكز نهائي..لاني اول مره احاول ادخل فيها..
عطوني المراكز اللي تكون بغرب بريده او المراكز اللي بحاجة لموظفات فيها..
واكون شاكره لكم..

[أبوغسان]

غرب
اعتقد الموطأ ومنتجع المريدسية فيها مراكز صيفيه
واددارة التعليم للبنات تفيدك
والله يرزقك من واسع فضله

[جودالسمآء]

دوري لي معك

[ستي بلازا]

طيب كيف اتواصل مع ادارة التعليم..؟؟

شاكره لك ابو غسان

[الصمت الهادئ]

يالغالية أنتهى التقديم واختاروا والأولوية للمعلمات
موفقة ان شاء الله تقبلي مروري

[@سموالذوق@]

اقتباس المشاركة الأساسية كتبها الصمت الهادي يالغالية أنتهى التقديم واختاروا والأولوية للمعلمات موفقة ان شاء الله تقبلي مروري

ليه كذا يعني وهالمسكينات اللي متجطلات بالبيت

[ستي بلازا]

اقتباس المشاركة الأساسية كتبها الصمت الهادي يالغالية أنتهى التقديم واختاروا والأولوية للمعلمات موفقة ان شاء الله تقبلي مروري

طيب ليه ماعلمونا ولا حطوا اعلانات ولا شي..

وبعدين المعلمات عندهم شغلهم بالمدارس ووقت الدراسه..حتى بالاجازه واقفات بطريقنا؟؟

انا جامعيه يعني بصف المعلمات..ومع ذلك اصف بصف طالبات الثانوي والمتوسط!..

حرام عليهم..والله

[انثــــى كلاسيـــكية]

الله يرزقك من واسع فضلة

[الصمت الهادئ]

انا كنت مدرسة فيها العام الماضي واعدونا اننا نصيرالسنه الجايه فيها
ولادريت الا من وحده من قريباتي ان فيه تقديم للمركز موزعين اوراق للمدارس
ويوم جيت اقدم قالوا انتهى بس ودنا نفيد ماأدري وشلون المعلمات بيتحملن
والله العام تعبنا بس عادي حنا ماورانا شي لانه فيه أنشطه تبي لها مجهود ذهني وجسدي
مااقوال الاالله يعينهن ورزقنا على الله

[ستي بلازا]

اقتباس المشاركة الأساسية كتبها الصمت الهادي انا كنت مدرسة فيها العام الماضي واعدونا اننا نصيرالسنه الجايه فيها ولادريت الا من وحده من قريباتي ان فيه تقديم للمركز موزعين اوراق للمدارس ويوم جيت اقدم قالوا انتهى بس ودنا نفيد ماأدري وشلون المعلمات بيتحملن والله العام تعبنا بس عادي حنا ماورانا شي لانه فيه أنشطه تبي لها مجهود ذهني وجسدي مااقوال الاالله يعينهن ورزقنا على الله

اهااا..يعني متفقين معكم من العام..
طيب تقدرين تعلميني كيف اقدر اتواصل مع المسؤول عن هالمركز؟
وانتي بعد ماتقدرين تتوسطين لي هع..

[الصمت الهادئ]

هههههههه ياعمري انت لوعندي واسطه ماحطيت يدي على خدي
التسجيل فات له شهر الله يخلف علينا ان شاءالله نكون مع التعين هالسنة
والي تديرالمراكزبالأشراف الي في الاسكان معرف اسمها أسالي عنها

[الفائزالاول]

الله يوفقك ويرزقك