 |
|
|
|
|
03-06-2010, 03:10 PM
|
#1 |
|
عـضـو
تاريخ التسجيل: Jul 2009
البلد: بوريده
المشاركات: 1,939
|
•|||||||||||||||[ ياليتني مت قبل هذا][انتاج مخمخة ماقبل الاختبارات ]||||||||||||||| •
 السلام عليكم ورحمة الله وبركاته << اكيد جيفنشــي فرح يقول [ وعلــــــــــيكــوووووم السلاااااااااام ورحــــــــمتوووو الــــــــلـــــــه وبركـــــــاتوووه  ]ايه وشبه جفنشــي ردوا كلكم يهالسملق  ياأيها القايز  اليوم وانا طالع من المدرسه بعز الظهر والشموس  << الشمس وه بس  وانا أحط الشنطه فوق راسي وامشي واوزع نظرات من هنا وهناك والبسمة تشرق من شفتاي لما رأيت رجل المرور ، رجل الوفاء ، حماة هذا الوطن ، امين هذه الامه << وين يبوو تراك زودته  رأيته يقاقي [ قاق قاق ] لراعي فورد ، فنزل أليه وكتب له قسيمة عدم تشغيل نور  <<< يحلفون انه يولف  مادريت الا ودميجتي لازخة بالماصورة [ طراااااخ ]  ويجيك واحدن من الشباب ويخدزلن ويقول تستاهل خل النحاسة عنك ،والله مظلوم ليه اصير نحس  عشاني احب رجل المرور ليه خليتون نحس لاني افرح لمني شفته مر من عندي  ليه ماتبونن احبه ، وهو يحمي هذا الوطن  ليه وليه وليه <<<<< يقولون يبي توقف عظويته المهم واركب مع حدا الصــيـع  وانا اقوله / وينك من مبطي عنك والله هواريو وهو يناظرن باستحقار ويسطرن هكالطراق [ طبعا يقاله يمون ] وهو يقول / الله يحييك ويخليك يابعدي  عاد انا عديت الامور على خير ووصلت البيت بأمان وسلام  / بس ماقطعنا ولا اشارة وادخل البيت وطوالي الاب توب  << ترا ذي يتنزا موب لاب توب >> اجل [ تراوه acer ] الحين تقولون يدعدع/ وافصخ الثوب وانبطح لك على بطني بالسرير   ، واشغل الكمبيوتر وانا فاتحن هالكشرة وبراءة الطفولة تبدو على ملامح خشتي وافتح لك المسن : ويجيك واحدن فرح من طقة لمـــاح ويرسل لي رابط وانا ازود من فتحة الخشة من الوناسه وشو ذا اللي يعطين رابط  لا وبعد يقول لي اهداء لك / اهليييييييييييين  واجيك المطفوق وافتح الرابط ولاوه [ الجدول الرسمي لاختبارات نهاية الفصل 1431  ] موقع وزارة التربية والتعليمويويلي وتختفي جميع معالم براءة الطفولة من خشتي وابدا من هول الصدمه يتناثرن سنوني  << مب تقل تسبيره شوي سالفة السنون  ودوك تلحيس بالكيبورد لين بدا يزمر حرف الـ[ خ ] ياخوي فاردز هناك منتب معقول وشي عاد تراه اختبارات / راس مالك تبي تطيز اوم امينه بالعطله  عاد تصدقون والله اني حبيت حرف الـ/خ من قلب  وسع صدري شوي صح انه يزمر هالمهايطي لكنه حنون لكن يبقى اني شايلن هم  تعرفون يا عيال الاختبارات قربت والدراسه بتخلص وحنا ياويلي مغلوب على امرنا ووو <<< بالله آآهــات --------------- ياخوي وش القلق هذا اختبارات وضيقة صدر  ياسعد التعليم العالي هم اللي فالين اميييينه ياشيخ  يجيك عــدنـــان ماغير دوران وسعسقه بهالشوارع من الفضاوة <<< الا مير عدنان وش قصة اخوك اللي وده يصير هندي ولا يجيك ومــيض الهرجه بالنهضة مادري منيل يجيب هالفرااااااغ ياخوي لاتجحد علمنا منيل لك هالفرااااغ شي يقهر ياخي يضيق الصدر ياخي ، موب معقوله ، حنا مكروفين معنويا وجسديا واخلاقيا وشي ثاني ماينقال ياخي ليش ياخي <<<< خلوه ياعيال يفضفضالواحد منا كرف من الساعه 6 لين 2 مايطلع لين يكرف والدينه  لا وحتى ماقدر استانس مثل خلق الله ، لاصار هكاليوم مهنا اختبار  ، ياويلي مابه الا النهضة  قبال مدرستنا ، يعني وراي وراي مهنا فكه <<< وبعدين الا ابو شهد يقولون انك شرير هو صدز هههههه تراي اولف الحين يجيك جروح يفزع به الا على طاري جروح وين[ س د ر 999] ماله حس ايه نرجع لموضوعنا  قسم بالله مهيب معقوله الاختبارات واللي ياهي هــــم لين بعد شوي لا واللي يجيب الهم كالتالي 1- ايام ماقبل الاختبارات يجيك الواحد مايروح منا ولا منا الا والهرجه جت الاختبارات قربت الاختبارات مامنه فكه لا وتبدا حركات المصلحه يجيك [ ريمــان ] ويبدا من هالعزايم للعيال همن قبل مايتعشا يلمح له دفتري ناقص ولا انكب عليه ماء يشوف ان صار يبي يعطيه دفتره ولا خدزله من الباب  ويروح يدور واحدن غيره [ ريمـــان ] خلاص اترك هالحركات عنك لايبدون العيال ينادونك المصلحة تراك كبرت 2-ايام الاختبارات  شارع النهضة ماتقدر تقطعه من هالدوران ، تبدا تشوف الكشابير مزايــيين من ضيقة الصدر والهم الخشة بتله مكشره ، الموتر ماتركبه من الملخصات ، والله لو هو يرقم اصرف لهوالهرجه اول مايطلع من الاختبار ماعلي ولا غلطه تقول نيوتن الثقة زايده فوق اللزوم  طبعا تفحيط مافي والهرجه لقال ابوه وين انت هافن له / قال بروح ادرس مع العيال  3- ليالي الاختبارات  سبحان الله تقل الولد صار ملك منزل من السماء  ماتقول له امه ولا حدا خواته ابيك تودينا الا وهو مشغلن السيارة لا وبعد بدون يحميه من القلق والكسل ودك تطلع من البيت باللي هوبه بس كل اخوياك يدرسون موب طالعين  همن تطلع بلحالك للنهضة مكسور الخاطر << وه بس قسم ان كل من يمر ويشوفك وده يتصدق عليك بحدا عياله يونسك لا وبعد تنفق حديقة الفايزيه يروح ويدور عنده بس حق تضيع الوقت موب عشان شي ثاني هع 4- صبحية الاختبارات  اووووووه فله وابو فلة  توك طالعن من الختبار تشوف الطاقية لزقة من التكتير بهالدميجة ودالقن هالكشرة من الوناسه هماو طلع بس عاد تلقاوه يشوف خويه سندوشة عسل والثاني قوطي ميرندا <<< اوم الشهية ياشيخ بعذره والله انه بعذره زين ماراح لمزرعتهم ياكل علف <<<< تراوه موب يعني جفنشي فـــــــــــــــــاصـــــــــــــــــــــــل قـــــــــــصـــــــــيـــــــــــر . كايدهمـ يابعدي قم واقف وناظر هالنقطه لمين اقضي كاتبن الموضوع بـــــــــــــــــــــــــااااااااااااااااااااك وصلنا 5 ؟ 5- برنامج نوم الطالب ايام الاختبارات  اولاه خلون مسكت لاتقلبون المواجع النوم وما ارداك مالنوم ذذ طبعا مايمر وقت من اوقات اليوم ( عصر ، ظهر ، مغرب ، عشاء ) الا وانت ماخذن لك غفوة خفافية  << اي خفافية يارجالياويلي من الطماجه اللي جته من رجة الاختبارات تدخل عليه وهو نايم تلقاوه يلحس ركبتوه ولا يحط نقطه بالجدار ويناظره مثل خوينا فوق ^هذا غير انه تصبيخ بجبهته  ولا تصيقع بالهجدران زودن على  تقول له السلام عليكم يقول لك [ آمين ] هالمفروض بعد كل اختبارات تصرف وزراة التربة والتعليم لكل طالب [ بدل مخ ] يعوض به اللي راح لا وبعد من الروتين اليومي تلقاوه يسبح بللي الحوش >>> تسمع ابو جاسر 6- الدراسة وااااااااااااااوتس ياعيال اغديكم معفينن عنه  يكفي اني اصير مثل هالخشة >>>  ياويلي تلقى المعامله زفت وقليل من الطماجه  ان قلت غبي ، رصه ، ترنجه ، عنبه ، مخفة ، ماتوفي حقه هكاليوم وانا ادرس مادة هالماخوذ دق علي ابوي وقال لي ياوليدي تراي جايبن ضب نبي نتعشى عليه الليلة وانا تطير عيوني واقول بنفسي شلون ضب ، وابحث لك بقاموس هالدميجة عن الضب مالقيت الا ويمر من عندي ولد اختي واتغصه واقوله قل ضب يوم قاله امر اشوف وش يتخيل امر اشوف شكله واعرفه قلت لبوي الله الله اغدينا شاوينه يابن الحلال قال ابوي ياوليدي مايسوى عاد انا لزمت عليه وقلت له يرجال اغديك مستخير قال وش بلاك مايسوى قلت والله ماتعشى معك خله لك يالفرح عاد ابوي قال خلاص يابعدي ولا يهمك نشويه <<<< شرايكم عاد بمعاملة [بيي ] << معناه يبه بس انطقه باللبناني ترا ابوي موب يعاملن تسذا ماعنده الا الزبريه مع الظهر طالع ظهري تقل كرب نخل من التلزيخ بس ابوي قنوع << كثر لياذا قربت الاختبارات يعاملن معاملة خاصة تقدر تقول أشبه بمعاملة [ مرضى التوحد ] لمــاح ياقلي بالله تجيب لنا هالكلام ذا اللي فوق بعطسة وحده <<<< موب تقل بتلت تهمق اخلص علينا <<< ياخوي وش معجلك تو الليل بأول شبابه^ موب بقلد أحد ابد 7- حال الوالد مع عياله  وش كلمته ( ياولدي ترا رداسك اهم ) دايم يقوله وانا اتقهوا ( ياولدي ترا رداسك اهم ) وانا اتغدا ( ياولدي ترا رداسك اهم ) وانا اكلم ( ياولدي ترا رداسك اهم ) حتى حك الاذان ماسلم ( ياولدي ترا رداسك اهم ) لا وليتهم بعد يعطونك دوافع ومغريات اذا نجحت ولا جبت نسبة زيتة ولا يمكنهم فاقدين الامل بنا ! تهقون تسذا وميض صدز طلعت خريج سجون راعي سوابق يالمهايطي ^ ابو ساقي ، فتك / شدو عليه الا يقولون ان مشرف هالقسم انه داااافور هو صدز لا وبعد يقولون انه بيغلق القسم قبل الاختبارات باسبوعين عشان يتفرغ للدراسة وراه مايفتح له قسم ويعطينا دورات نستفيد من ورا هالدميجة <<< قولو عليه السلام والله مايفلت من المشرف يالمشرف / وه بس  ولا مستبخلهن علينا <<< ريمــان تحداك تكرره 5 مرات جميعواعلمك شلون تمسك التتنه تهقون صحيح الخبر ان التتنه تجيب السرطان ايه المهم ماصارت اختبارات الواحد يفكر ينتحر مليون ابو طعش مره ولا حد دري عنه ياويلي تطلع مرارته ، تلقاوه ماغير يردد [ ياليتني مت قبل الاختبارات ] 8- حبيبة الألب / الشافي القاتل  واخيرا وصلنا للزبده من كرف 12 سنه وهي اخر المطاف وبها يحدد طريقك اما النجاة او الهلاك من حظرة الوالد <<< وراوه يضرس على ابوه ياعيال بهــــا تحدد اما تصبح عند بيتنا كل يوم اطلع لك الزبالة مع ابتسامه خفيفة او تصير دكتور زمانكبهـــــا تقدر تشمي والعالم تضرب لك سلام اوانك بكل لفه تمشي به يجيك معلب من مهايطية الحارة بهــا <<<< خلااااص على شحمه الشهـــــــادة ايه الشهـــــــــادة باختصار ان جبت نسبة شينه من نفسك اعرفه رح شل فراشك ووسادك واقرب براحه او نسبة تبيض الوجه وترفع الراس همن يقولك ابوك مبروك  مبرووووووووك ! مبرووووووووووووك !! 12 سنه واخرته مبرووك !! ايه وراه ماملت عينك / يكفي اني جبتك لهالدنيا وربيتك وانا اللي اصرف عليك من اللي دخلك المدرسه ومن اللي شرالك سيارة ومن! ومن! ومن! ومن! ؟؟؟ لمين تحب راس ابوك عشان يسكت وتبتل تشكره وانا اقول لكم مبروووك خلص الهمق the end < تذكرت توم وجيري اذا خلصت يكتبونه ياشباب اشكر الله انه من علي بوقت اكتب به هالموضوع <<< تلاحظون انه للحين يدعدع هههههههههههه طبعا ترا هالكيلام كله تسذب × تسذب بس حق الوناسة واللي طولته معه يعذرن بس يقالي امون ذذ واسفين على الاطالة طبعا الموضوع هذا اهـــــداء لحبايب قلبي @جروح@ - فتك – علي الساقي^ ترا كل هالهمق من مخي <<< والله يالتنسيق يجيب الاحباط وراه مايحطون الصندوق الماسي الخامس ثكرا ابو شهد على التعديل آخر من قام بالتعديل CREATIVE; بتاريخ 03-06-2010 الساعة 03:58 PM. |
|
|
| الإشارات المرجعية |
|
|
النمط الأحادي