 |
|
|
|
|
10-06-2010, 07:11 AM
|
#1 |
|
موطن الجمال
تاريخ التسجيل: Jan 2008
البلد: اللهم اهدني ونوّر بصيرتي .
المشاركات: 4,249
|
كفّخووه خلووه يعرف أد إيه الشوء بيعزّب < بمناسبة تعيين ماتهاب .
السلآآم علاكم يالربع .
 وعلومكم ؟  وش دخلكم موضوعي هاه  , انا وش سويت لكم مافيه خصوصية .هاهاهاااااااا طلعوا من الموضوع خافوا من.  صادووووره  < = ظفي .احم احم في احدى الصباحات الجميلة . حيث النجوم المتلألأه. كان كوكب الزهرة يشعّ بضوء وردي @_! ؟ نعم لقد كنت ألهو مع معزتي الجميلة في سفوح جبال الهمالايا الخضراء  لم استطع مقاومة النوؤ الوضاء وإذ بي أركض , أركض ..ثم خطرفت لي رمثه و طحت على وجنتاي فاحمرّتا . وجا بيتر يقوّمني  , و مير يشوف خدودي محمرات من الطيحه و استانس يحسبن استحيت منه  ولكنّي نهرته وقلت له : انقلع الحين وش دخلك يومنّي اطيح انت تاكل تبن وتنقلع يامجرم ياحقير وين عنزتي ! قال : لقد لقد لقد ارتاعت ونكبتتس يوم طحتي وهجّت !قلت : ايا الفتّان النمام تبين احبك زي عنزتي تخسى أيا المروح انت وبلوزك المرقّعه . ولم اكمل جملتي وإذ بعنزتي تنابط جايتن لي واخمها واوبّخ بيتر . و طأطأ راسه و ابتعد غير مأسوفا عليه <- تعلمو يابنات عقل عقل ايه نكمل سالفة النور الوردي اللي من كوكب الزهرة اللي جاي من السماء <= قـــآء . نعم , وإذ بي اراكض اراكض واصقع ب اثله قلت : آآآي كله من عيون بيتر المشفوح .قالت عنزتي : لا والله البلا بعيونتس يالحولا  .ومير يطيح وجهي واضفّه واكمل مسيرتي . يوم اني اركض و لا جدي يصوّت لي << والله البلشه الواحد ما يتهنى : هايدي هايدي قصدي , بحووور بحووور ماتوحين ؟ هاه لي تسم وانا ازاعق لتس من باب الكوخ وانا ماغير مزاعق . : الله يصلحك هذاك قلته من باب الكوخ شايفن لي اذنين سبير هناك ؟ شلون بسمعك يعني - ومير اتذكر انه جدي وليس منا من لم يوقر كبيرنا <- اللهم لارياااء- قلت : سمعا وطاعة آمر وش تبي بس : لماذا لم تحلبي البقرة مشتهي حليب نياق هو1 ! : والله من الحوله بعد ؟ مشكلة الشيبان الحين البقره طلع له سنام مثلا ؟ وإذا اشتهبت الله واكبر عاد توحّم مثلا ؟ < به وحده بتوقّر الكبير  : يالله عاد اهم شي حليب ابيض ! تلحلحي واذهبي إلى البقرة ياعزيزتي . : ويييييع : اخسسي وش عندتس هاه اجل ويع وانت ماغير تخمخمين هالعنز اللي مامنوه فايدة . : لا انا الحين اعيش نفسية البنت المتحضرة مثل سالي التي تقطن في المدينة , لاتخرب الجو . وعنزتي هذي يقاله قطوه . : والكوبه , قطّنتي بالخبوب ! يالله اشوه قدامي . : جدي !!! الا ترى اللون الوردي ؟ : بتضيعين السالفة , ترا وراتس وراتس . : جدي ! انا بحور ياجدي . جدي !!! <- فخر بريده وش الاخبار ؟ عندي شغل الحين بعد شوي اجي . : اوكيه ذذ يا هيلاري كلينتون خذي راحتك ياقلبي, انا سأحلب البقرة اخاف ينقز مر عاد يتبيّن من حواري مع جدي انه رقيق وحبوب و الدليل ع طول طاع اني اكمل شغلي .- فــــــــــــــاصل دعوي - لفته : الله يرحم جدي وجدي وجدتي وابوي و عمي وخالي وخالتي وخالتي وخالتي . والله يعيننا على حقنا عــدنا .  ايه وين وصلت ؟ ايه انتم تحبون تدرسون بالنهار وإلا بالليل ؟ منول احب الليل , لكن الان لانهار ولا ليل .الاختبارات هذي مادري كيف .  يا 9 /7 . يامعشوووقي تعال ياحبيلك بسرعة تصدقون بعد اسبوعين ان شالله كلنا معطلين وناسة اجتهدوا هماه . وخلوكم زيي واتركوا عنكم النت واتكلوا على الله ولاتتواكلو ايه نرجع لسالفة الضوء الوردي . <- مسويه فيها حمااااااس واركض واركض ومير القى سبب النور الوردي اثره مهب من الزهرة مدري المريخ لا لا حاقة تانية هنـــا ذذ ايييه وطيران ع المطبخ سويت تشيز كيك بتاع خطاك ضيّع غلاك . طبعا ب مناسبة انه ماتهاب صارت مشرفة .< الله من الصدز تقبلي اهدائي ب صدر رحب .<- متكافخه مع احد مثلا ؟  عاد اتحداتس تذوقينه ياماتهاب . لفته : << بالله ماعورتكم ارقابكم فكس وحدة بوحدة ومن هنا أقف وقفة اجلال < عاد هرج الصدق مالي خلق اقوم . وتحية كبيرة لـ حايليه , شهد العسل , بنت الشماسية , البازوكة , متفائلة , نيران , القلب الوردي , العابرة . <- ملزمة ع الازرق وكل من سعى لخدمة المنتدى جعله الله في موازين اعمالكم مانوفيكم حقكم ص2 . مو بس المشرفات فيه كثير لا يحصرون . طبعاالاختبارت مفيدة للعقل والجسم . حيث انه ثبت علميا انه يرتفع معدل القراءة بالسعودية إلى 70 % ويختلف من الوالدين والطلاب والطالبات والابلات والابلين . < حلو الجمع ويقول الدكتور الشهير المعروف ا . ن , انه من الاشياء الجديرة بالذكر اننا نستمتع بتجاوب الطلاب واطلاعهم . نعم . و قضت الهلوسة  .المطلوب من الموضوع / 1 - انفع اصير قصّاصة ؟ وإلا اهك ع عيال اخواني بس ؟ 2 - تهنئة ماتهاب بمناسبة الاشراف والاقلاع عن التدخين .. اوو قصدي المخالفات عشان ماتتعب <- يالبى قلبي وانا رحومه . ذذ3 - مدح تشيز كيكي اذا جاز لكم . 4 - مدح تشيز كيكي إذا ماجاز لكم . 5 - تقييم الموضوع فايف ستارز واستاهل اكثر . 6 - الدعاء لي بالنجاح والتوفيق , عشان انزل لكم موضوع به سواليفي < - محد داعي 7 - الدعاء لي بالنجاح والتوفيق عشان ماانزل لكم موضوع به سواليفي . 8 - الدعاء لي بالنجاح والتوفيق ومااحمل ولا مادة عشان ما ادرسه مرة ثانية . وانا ادعوا للجميع بالنجاح والتوقيف . قصدي التوفيق ق1 . 99 - وشي خاص لـ ماتهاب ترا عادي اسمح لك تجربين التثبيت على موضوعي . جزان الله خير متعاونة ماقصرت <- ع هالتعدادات تذكرت الثقافة الموضوع نزل بدون اي مراجعة بس دراسة ذذ , مجموعة من الهمق التسثير بهالصبح الحلو وباقي ع الاختبار يومين ياحظنا بنختبر واو ياسعدنا ياربيه لاحد ينحتنا بس .. ايه والحين ابعتقكم .. قضينا . وصلى الله وبارك استغفر الله واتوب اليه , سبحان الله وبحمده سبحان الله العظيم , صلوا على الحبيب .< - خلون اطلع بشي واحد مفيد عقب هالقرق ذذ 
__________________
' إنّ الله معنا . , آخر من قام بالتعديل 乂♥ متفائلة ♥乂; بتاريخ 10-06-2010 الساعة 08:27 AM. السبب: شكل الموضوع تطبيق الاخطاء الاملائية بس غضوا البصر مالي خلق اعدل ذذ |
|
|
| الإشارات المرجعية |
|
|
النمط الأحادي