[BU7OOR]

حلا قهوة : بسكوت الجوزاء .

السلام عليكم ورحمة الله .

أخبار الدراسة ؟ < - آوت :D

اليوم جيت من الكلية وأحاول انام بس ماش - بما إني مصدومة بروعة الامتحان!!! لفترة امتدت حتى بعد عودتي لبيتنا الجميل -.

و تجيكم الشيفه بحور . :D
وتدخل المطبخ وتولّف حلا على قدّه .
و الحمد لله لذيذ ,
بالوسوم- حلا جديد - فإذا كان حلا قديم او معروف فتراي مادريت به - الجوزاء والاوريو كلن يحوس بهن ويولف-. <- تبرئة ذمة !

بسم الله .

المقادير :

صينيه :D , شغّلي الفرن من تحت على نار هادئة .
أ )
بسكوت الجوزاء بالشوكولاته - بكتين -.
ملعقه نسكافة مذوبة بماء حار - كذا بيالة وشوي -
أول شي :
اغمسي البسكوتة غمسه بسيييطة وصفيها بصينية والجزء الرطب للأعلى .
غطّي كامل الصينية .
ثم :
ضعي طبقة أخرى من البسكويت فوقه . وهالمرة رطبيها اكثر وصفيها فوق طبقة البسكوت الأولى .
<- طبعا بتصير البسكوتة بعد شوي لينه .

ب )
علبة قشطة + كأس حليب محموس + 3 ارباع كأس سكر + 4 حبات جبنة كيري ( و احسه كثيرة جربوا 3 حبات)
+ بيالة أو أقل ماء + ملعقتين كاكاو بودة .
← بالخلاط , ويتكون لدينا خليط ثخييييين .
صبي الخليط على طبقتيّ البسكوت ودخليه الفرن (على نار هادئة من تحت والصينيه تصير بعيدة فوق بالدرجة الثانية - إذا انتم زي فرننا ) كذا 5 دقائق ثم طلعيه وكسري -قوة-فوقه بسكوت شاي أو - سميد محموس أو جوز هند اللي تحبين .
ثم اعيديه عزيزتي القارئة إلى الفرن مرة اخرى لمدة ثلث ساعة تقريبا أو أكثر بشوي < :D

بعد ما تخرجيه من الفرن غطيه بفوطة وليس بقصدير <- تعليمات ياعالم !
لأن القصدير متل ماانتو عارفين بيجمع البخار ثم ينقط عليه ثم يخرب <- ملقوعة سابقا .
الزبدة لا طلعتيه خليه لمين يبرد شوي كذا نص ساعة ض1 ثم دخليه الثلاجة أربع ساعات أو أكثر .
اتوقع كل ماكان بالثلاجة اكثر ازين ض1 .

وتفزّلوا /






وبالهناء والعافية .
غير مسؤولة عن اللي تاكله وهي جوعانة ثقيل وحلو مايصلح ع فراغ <
دعواتكم أنجح بكل المواد
سبحانك اللهم وبحمدك نشهد أن لاإله إلا أنت نستغفرك ونتوب إليك .

[جووري]

يعطيك العافيه

[بريدة كلك حلا]

تسلم الايادي شكله لذيذ ربي ينجحك ويوفقك

[نــديم الجــرح]

وقسسسم تعـــذيييييب
لالا مآآآآلكم حق صرآآآآحه
تسللم الأيآآدي

[أبتسم وكُلـ أمل ـي]

وآآآآو حركات يابحور

تسلــــــــم ايديك


هذا وانتي تمتحنين أجل وشلون لافظيتي

صدق ينفق الشغل بالامتحانات سبحان الله

[حَنِيني لِطيْبة]

اقتباس بسكوت الجوزاء بالشوكولاته - بكتين -.

صار دخـَ.... أستغفر الله
الله يوفقنا وياتس ، الفل مارك أن شاء الله

ايه والحلا طعم

[القلب الوردي]

مادام فيه بسكوت جوزاء واللي مصلحته بحور أكيد بيطلع شيء

تسلم إيدينك والله يوفقك بالدنيا والآخرة وكل مسلم يارب



ياليت كل يوم يصير عندك امتحان عشان تتسنعين وتنزلين لنا من هالأشياء

[هلا ومرحبا]

الله يوفقك يارب تعرفين الطاقة ماتطلع الا بالاختبارات يسلموا من جد روعة
*****

[|• هَبْ العِطِرْ]

شوفي اعلمتس

لو تحطين قشطة باوريو يطلع طعم

هماه بحور بس


تسلم ديآتك والله يوفقك..


وو يووووووفقن


*وينتس عن الحفل

[ح ـنايـا الـ ق ـلب]

.

بحور هذا اعلان حرب ولا وشو

بسكوت جوزاء
حبيب ألبي ..
تسلمين على الحلى ..
ولا يهمك اطبقه على اهلي

اقتباس غير مسؤولة عن اللي تاكله وهي جوعانة ثقيل وحلو مايصلح ع فراغ <

المشكله الكبرى ما أكل حلى إلا وأنا جوعانه ..
وش الحل !

[َ ربـــــــــــى]

ماشاء الله تبارك الله

بس الله يصلحك مالقيتي تنزلينه الا تو وينك يوم انا افرفر ادور حلا هههه

يارب توفقك وتنجحك في جميع المواد ويحقق لك كل ماتتمنين ...


الله يحرم هاليدين عن النار ... جاري الحفظ والتجريب في اقرب فرصة ..

[BU7OOR]

نسيت شي بمقادير الخليط (ب) .
ملعقتين بودرة كاكاو .

اللي تمر من المشرفات تزوده مع المقادير .


لي عودة بعد الاختبار ان شالله ضض

[هايين]

هههههههههههه
هذا النسيان من اثر الاختبارات

..
حلى مدهش من فتاة تختبر مدهشه

بس الي نغمس فيه الجوزا بارد ولا حار
لان الحار يذوب البسكويت بسرعه



شكرالك
..

[BU7OOR]

^

هلا والله .
المويه حاره بس بسرعه اغمسي .

/

المغرب الحلا كأنه كيك , والحين تغيّر وبيّن انه طبقتين جمدت الطبقة اللي فوق وصارت شوكولاته لذييييذة < - اختي تحسبه شوكولاته مذوبه .
بس تقول ثقييييييل , قلت كل منتجات البقرة به وش تبين يصير
^
آراء المتذوقين .