 |
|
|
|
|
16-06-2010, 01:44 PM
|
#1 |
|
عـضـو
تاريخ التسجيل: Apr 2009
البلد: اتمنى ان انتمي للمدينة الفاضلة
المشاركات: 629
|
شوفوا الخبث واللؤم وين وصلها خخخخخخخ
بكتب لكم قصة سمعناها من فترة وصج صج القصة عجيبة وحقيقية
كانت في مدرسة تسولف بالدوام وتقول صراحة انا زوجة حماي(الحمى اخو الزوج) حيل طيبة وعلى نياتها وماتشوف غير بيتها وزوجها وطلباتها احس انها مو مهتمة بحماي كرجل (يعني ماتكشخ له وتسوي له جو) لدرجة طيبتها مرات اقول يلا ياحمارة قومي سوي شاي وقهوة(على اساس غشمرة) وبنت الحلال هذيج تسوي(حاطة في بالها انها مثل اختها والمدرسة تستهزىء فيها) شوفو الحريم وخبثهم شافت معاها مدرسة ثانية مو متزوجة وقالت لها اشرايج ازوجج حماي وهذيج قالت انا موافقة راحت تمدح في المدرسة هذي قدام حماها (طبعا الزوجة الضعيفة ماتدري عن شي) لحد ما حست انه اهتم وخاصة قالت له انت تحتاج زوجه تهتم ودلعك و.الخ الخ (والله انقهرت منها) المهم قالت له اشرايك تتزوجها صدقني راح تهتم فيك الاخ وافق وفعلا راح مع اخوة (زوج المدرسة الخبيييييثة) وخطبوا طبعا الزوجة ماتدري عن شي وحددوا موعد الملكة بيوم الملكة كشخ العريس المفترض وزوجته تبخره وتعطرة(ماتدري عن شي) راح الاخ سال زوجته شرايج فيني يام فلان قالت ماشاء الله كانك معرس قال لها واذا قلت لج اني فعلا معرس واليوم عرسي : قالت له .................. يجيني خبر عرسك ولا يجيني خبر موتك الرجال انصدم من الرد وتاثر حيييييييييييييييل فيه وعرف ان محد يسوى ظفرها اللي ترضى له بكل شي من حبها له (ماشاء الله على ردها) نزل لاخوة وقال له انا هونت مراح اتزوج عصب اخوه قال لاتفشلنا مع الناس عطيناهم كلمة قال له مالي شغل مراح اتزوج على مرتي وماهموني الناس راح الاخو وقال خلاص انا املك عليها بس مانحرج نفسنا عقب ماوعدناهم قال كيفك مالي شغل راح الاخو(زوج المدرسة) وملك عليها وقالو ترا خلاص ملكنا الزوجة الخبيثه استانست مادرت انه زوجها قالو خلاص ملكنا وثاني يوم جابت الحلووووو والقهوة عشان صديقتها المعلمة عبالها تملكت على حماها سألوها شنو المناسبة قالت فلانه ملك عليها حماي ردت المدرسة لا والله مو حماج زوجج اللي ملج علي خذيت زوجج وصارت مذبحه في المـــــــــدرسة شرايكم بالقصة؟؟؟؟؟ ~~~~~~~~~~~~~~~~~~~~~~~~~~~ هههههههههههههه القصة منقولة بس قسم انها تحححفففة تستاهل الشريرة المتكبرة لا وواثقة من زوجها مررررررررره خخخخخخخخ  صدق من قال من حفر حفرة لأخيه وقع فيها وأحب لأخيك ماتحبه لنفسك وأبغض له ماتبغضه على نفسك!!! أتمنى تعجبكم 
|
|
|
16-06-2010, 01:55 PM
|
#2 |
|
[ Pharmacist ]
تاريخ التسجيل: Mar 2009
البلد: بريدة
المشاركات: 3,787
|
لا ياشيخة
 الدعوى حبشة ولا مليحق ترى ذا زواج مهب إذا عييت خلاص جب واحدن ثاني ذذ |
|
|
|
16-06-2010, 01:59 PM
|
#3 |
|
عـضـو
تاريخ التسجيل: Apr 2009
البلد: اتمنى ان انتمي للمدينة الفاضلة
المشاركات: 629
|
وش السوات اذا بعض الرجال ماخذينها حبشة ولا مليحق ولا غميمة
|
|
|
 |
| الإشارات المرجعية |
|
|
النمط المتتابع
