[رجـاوي]

السلام عليكم ورحمة الله وبركاته ..

يا ناس انا معروض علي شغاله ، بس انا ماني خبيره في اسعار الشغالات ..
تكفـــون ابي مساعدتكم مابي انظلم في السعر ..
الشغاله اندنوسيه باقي في خدمتها سنه وما عندها إقامه ..
يعني السعر مشمول بالاقامه والغرامه ونقل الكفاله ..

وابي اعرف كم تكلف الاقامه ..وكم الغرامه اذا كان لها سنه كامله بدون اقامه ..
وهل نقل الكفاله لها رسوم ؟ وبكم ؟

انتم فاهمين .. يعني الشغاله لها سنه عند الناس وباقي لها سنه ثانيه ..

[ابو تالاِ]

إختـي على حسب فيـه بعض الشغآلإت .. طبآخـِه .. وفيه بعضهم رإعيـت حلى وطبخ وخيـاطه بـ نفس الوقت ..،

يعني اغلب النـااس .. يستغلون خدمآت الشغآلـه بهآلوقت ..،

لكن مآقدر افيـدك بـ الاسعـار بـ صراحـِه ..،

الله يكتب الي فيه الخيـر لكم ولهـاا ولـ صآحبهـاا الاول ..،

لكِ وديٌ ..}،

[شموخ نجد]

انا خبره بالشغالات من كثر ما بعت وشريت

اشرط عليها عن طريق مكتب استقدام انها تعمل عندك سنتين ولو رفضت بعد العقد تسفر على حسابها وتغرم رواتب خمس شهور

الخادمة اللي راح عليها اقل من ست شهور بيعها ب 13500 شامله نقل الكفاله والاقامة وكل شيء

نقل الكفالة للمرة الاولى ب 2000 ريال وللمرة الثانية ب 4000 ريال ولا ادري ينفع تنقل ثالثة او لا

الاقامة ب 500 والغرامة حول هالمبلغ يعني 1000 تقريبا للاقامة

وانصحك تنتظر اسبوعين وتقدم ب 6000 ريال تجيك من المطار لبيتك وعلى قولة المثل لو فيه خير ما قطة الطير

[شموخ نجد]

على فكرة ممكن يقول لك كفيلها انها طباخة ويوهقك تصير ما تعرف غير رز ودجاج يالله لك الحمد على النعمة ما ينفع ولا نفيعة

[صائد الفوائد]

كلام شموخ نجد صحيح
ماعدا السعر فهو 10000 بدل 13500

[رجـاوي]

اقتباس المشاركة الأساسية كتبها شموخ نجد انا خبره بالشغالات من كثر ما بعت وشريت اشرط عليها عن طريق مكتب استقدام انها تعمل عندك سنتين ولو رفضت بعد العقد تسفر على حسابها وتغرم رواتب خمس شهور الخادمة اللي راح عليها اقل من ست شهور بيعها ب 13500 شامله نقل الكفاله والاقامة وكل شيء نقل الكفالة للمرة الاولى ب 2000 ريال وللمرة الثانية ب 4000 ريال ولا ادري ينفع تنقل ثالثة او لا الاقامة ب 500 والغرامة حول هالمبلغ يعني 1000 تقريبا للاقامة وانصحك تنتظر اسبوعين وتقدم ب 6000 ريال تجيك من المطار لبيتك وعلى قولة المثل لو فيه خير ما قطة الطير

الله يجزاك خير على ردك ..

بس ما دري يعني 10000 الآف مع الاقامه ونقل الكفاله
(يعني تكون الاقامه ونقل الكفاله على الشاري )وكيف اشرط على صاحب الشغاله وإلا الشغاله نفسها ..

[رجـاوي]

اقتباس المشاركة الأساسية كتبها صائد الفوائد كلام شموخ نجد صحيح ماعدا السعر فهو 10000 بدل 13500

الله يجزاك خير ..
بس ابي توضيح 10000 مع الإقامه ونقل الكفاله ..

[رجـاوي]

رفع .......................

[شموخ نجد]

رجاوي لا تشريون الشغالة الا بعقد مع مكتب استقدام نفس المكتب اللي جابها

وقع معهم عقد بنود ضمن هالبنود انها تعمل لديك سنتين

خذ الشغالة لبيتك وريها البيت وعدد افراد الأسرة ونظامكم

مثلا تصحين الصبح الساعة 6 وتنظفين دورات المياة والبيت ثم تجهزين الافطار

انا اقول لك مثلا

وهذا البيت وهذا العمل المطلوب منك

تبي تشتغلين هنا سنتين والا لا؟؟

اذا انا دفعت فلوس لكفيلك ما ترجعين الا بعد سنتين او اخذ منك راتب 5 شهور شهرين تذكرة وثلاثة غرامة حسب العقد الموحد مع العمالة الاندنوسية

ضمن العقد المبلغ اللي تدفعه شامل نقل الكفالة والاقامة ما تنقل مفالتها انت ولا تطلع لها اقامة انت

والاهم تاخذ من كفيلها ورقة انها استلمت كل مستحقاتها عنده مالها عندهم رواتب ويكتب في العقد اللي بتوقعه مع المكتب

الاقامة والكفالة على الشاري بس ما تدفع وتسكت توقيع على ورق ان المبلغ شامل للقل والاقامة


تذكررر

القانون لا يحمي المغفلين

ان ضبطت معك البيعة مثل ماقلت لك والا ترى بدالها الف غيرها


انتبه عمي شروا شغالة من واحد وقبل لا يدفعون له قالوا لها انك تبي تشتغلين هنا سنتين قالت لا انا بسافر قايلة لكفيلي وقال لي اشتغل هنا بس شهر وبعدين يسفرني

يعني ناوي يورط عمي فيها عشان يسفرونها هم!!

اهم شيء لاحظوها من حيث ترززها ونظراتها للرجال لان كل عيوب الخدم تحتمل الا ان تكون قليلة ادب

والاهم صلاة الاستخارة والدعاااااااااء

[طش ورش]

انصح ا ختي ابتعدي عن الاندنوسية لاتدخلينة بيتك ابتعدي عنها دوري لك جنسية اخرى تراهن حقودااات ونغورات ولايحبن المدام ابداااااااااااا نصيحة لوجة اللة وعن تجربة0

[عبدالله الصالح]

أخونا يقصد عشرة آلاف شامل ..

لكن الي اعرفه أختي إذا لها سنه فعلى الأقل يكون المطلوب 8000 مع نقل الكفالة ... الإقامة 350 وغرامة تأخير 500 ريال والمجموع 9350 .. ونصيحة لوجه الله دام لها سنه هنا فليس على كل حال تبي تدوم عندك .. يعني تريثي بقبولها ولو حاجتك ملحّه .. جربي اتصلي بالمسحل الي بعنيزة ربما تجدين خادمة بكرتونه حضرت ولاناسبت مع أناس وتناسب معك انتي ولايطلبون منك غير تكاليفها 12000 مع نقل الكفالة ولعلمك برمضان سوف تنخفض التكلفة حسب موعد المجلس التجاري السعودي بإندنوسيا .. يعني أدرسي قرارك برويّة وتمعن والله يبصرك بالخير المباركة.

[رجـاوي]

شموخ نجد ماقصرتي الله يجزاك خير
عبد الله الصالح الله يجزاك خير
طش ورش الله يجزاتس خير على النصيحه ..
كفيتوا و وفيتوا والف الف شكر

[نبض المشاعر]

اقتباس المشاركة الأساسية كتبها عبدالله الصالح أخونا يقصد عشرة آلاف شامل .. لكن الي اعرفه أختي إذا لها سنه فعلى الأقل يكون المطلوب 8000 مع نقل الكفالة ... الإقامة 350 وغرامة تأخير 500 ريال والمجموع 9350 .. ونصيحة لوجه الله دام لها سنه هنا فليس على كل حال تبي تدوم عندك .. يعني تريثي بقبولها ولو حاجتك ملحّه .. جربي اتصلي بالمسحل الي بعنيزة ربما تجدين خادمة بكرتونه حضرت ولاناسبت مع أناس وتناسب معك انتي ولايطلبون منك غير تكاليفها 12000 مع نقل الكفالة ولعلمك برمضان سوف تنخفض التكلفة حسب موعد المجلس التجاري السعودي بإندنوسيا .. يعني أدرسي قرارك برويّة وتمعن والله يبصرك بالخير المباركة.

جزااك الله خير كيف سوف تخفض التكلفه ممكن تشرح لنا الله لا يحرمك الاجر

لاننا ناوين نقدم ..؟؟؟

[عبدالله الصالح]

اقتباس المشاركة الأساسية كتبها نبض المشاعر جزااك الله خير كيف سوف تخفض التكلفه ممكن تشرح لنا الله لا يحرمك الاجر لاننا ناوين نقدم ..؟؟؟

وانت كذلك ..

إنخفاض التكلفة حسب كلامهم في رسوم الإستقدام وذلك من 30% حتى 40%

آلية العمل ليس لي فيها خبر .. لكن حدد الوقت انه بداية من رمضان..

http://www.saudiinfocus.com/ar/forum...d.php?p=117341

تجدين في هذا الرابط جزء من الشرح مع أن الخبر الأساسي لم أجده وإلا أنزلته هنا كاملا ..

كوني بخير.