|☀ وقفــة مع جـــــدّة [ نجديــــة ] ~

乂♥ متفائلة ♥乂 · 11-07-2010, 01:20 AM

صباحكم ومساؤكم عجوز ودلة قهوة

لقاؤنا اليوم مع جدة الغالية نجدية

أطال الله بعمرها على طاعته وحفظها لمن يحبها ~

ما كنيتك ؟

- يعني شلون ؟
-يعني أنتي أم أيييش

- إيييييييييه أم فهد أم فهد
زاد وراه ماتحتسين عربي معي

> بتسكين العين

- طيب طيب

كم عمرك يمّه ؟

-عمري !
عمري يابنيتي سبعين
ايه سبعين لازيادة ولا نقصاان

كم لكِ من الأولاد والأحفاد ؟

لا إله إلا الله ! وش هالسؤال !!
عدد عيالي / ثنين , والبنات / أربع
الله يحفظهم لي إن شاء الله
أما الأحفاد

/
تقريباً / 75 ماشاء الله تبااارك الله , الله يحفظهم يارب !

موقف محرج وآخر محزن ؟

إييييييييييييه يابنيتي هذي يبيله تذكّر
ودراسة !

لكن أبقول اللي أذكره الحين
الموقف اللي سبب لي روعة /
وفاة عثمان ولد بنيتي حصه الله يقدس روحه
بجنات النعيم

واللي يفرح /
يوم رزق الله عبدالعزيز ولد اللولو
وليد عقب كم سنة , ويااربي لك الحمد
كأني شفت الجنة من فرحتي له !

ماطريقة دراستك في الماضي ؟

ييزي تراتس أوجعتي راسي
أبصلي العصر

انفهدزي شوي أبقوم اتوضا !

- تكفين يووووه , باقي اسئلة شويات بس
- هها انجزي وشو السؤال , تقولين دراستنا بالماضي!
يابنيتي ماعندنا مدارس ولا قرّايات زي الحين
كل واحد يتعلم من بيته , أنا تعلمت من أهلي أشياء
كثيرة كلهن غيب

منه المعوذات والدين
والعلم مثل الحديث
والكلمات اللي حنا نقضب

ونورة الجاسر هاك المرأة الطاااهرة , أوحي وش هي تقول /
وحده مات له أربعة عيال وتقول / الحمدلله أللي بلغن الله أجرهم

ماشاء الله عليه , ويننا عنه !

ماأفضل لعبة كنتِ تلعبينها في الصغر ؟

- نلعب , ممم نلعب الدور أنا والأصحاب
>> مادري منين جايبة كلمة أصحاب

ونلعب سبع الحجر

والسباااحين بالتراااب

ايه يازمن أول !
خلااص ييزي ابقوم اصلي
وخري عن

اصبررري يمة , نصيحة توجهينها للفتيات الصغار والمراهقات؟

كم دولة دالت وعالت
وحكم غير حكم الله يزول
ننزل في منازل (..... ) > ماسمعته زين وخفت أقول عيدي وتهوشن

ينزل في منازلنا نزول

- وشي يوه ذي الأبيات ؟
- هذي موعظة لكن يالمراهقات

كيف كان زواجك في السابق ؟

هههههههههههههههههههههههه
تصدقين جالسة احصد العصر واعرست بالليل

مادريت إلّا يوم دخلت البيت ومسكون وقالوا اليوم
عرستس وحطولي ورد وجدايل كثااار يهبلن

وزفون بحمار

>> مزفوفة بلكزس عندهم

وهـ ياكثر هرجكم , قطعتين
عن الصلاة الله ياااقاتس

الله يجزاتس الجنة ياأم فهد ويخلي لتس عيالتس ويرزقتس برهم
ويجمعنا بجنات النعيم يارب

شكـراً نجدية

~

11-07-2010, 01:20 AM	#1
乂♥ متفائلة ♥乂 مشـرفة سـابقة .. تاريخ التسجيل: Jun 2007 البلد: بريدة الحبيبة ~ المشاركات: 7,546	\|☀ وقفــة مع جـــــدّة [ نجديــــة ] ~ صباحكم ومساؤكم عجوز ودلة قهوة لقاؤنا اليوم مع جدة الغالية نجدية أطال الله بعمرها على طاعته وحفظها لمن يحبها ~ ما كنيتك ؟ - يعني شلون ؟ -يعني أنتي أم أيييش - إيييييييييه أم فهد أم فهد زاد وراه ماتحتسين عربي معي > بتسكين العين - طيب طيب كم عمرك يمّه ؟ -عمري ! عمري يابنيتي سبعين ايه سبعين لازيادة ولا نقصاان كم لكِ من الأولاد والأحفاد ؟ لا إله إلا الله ! وش هالسؤال !! عدد عيالي / ثنين , والبنات / أربع الله يحفظهم لي إن شاء الله أما الأحفاد / تقريباً / 75 ماشاء الله تبااارك الله , الله يحفظهم يارب ! موقف محرج وآخر محزن ؟ إييييييييييييه يابنيتي هذي يبيله تذكّر ودراسة ! لكن أبقول اللي أذكره الحين الموقف اللي سبب لي روعة / وفاة عثمان ولد بنيتي حصه الله يقدس روحه بجنات النعيم واللي يفرح / يوم رزق الله عبدالعزيز ولد اللولو وليد عقب كم سنة , ويااربي لك الحمد كأني شفت الجنة من فرحتي له ! ماطريقة دراستك في الماضي ؟ ييزي تراتس أوجعتي راسي أبصلي العصر انفهدزي شوي أبقوم اتوضا ! - تكفين يووووه , باقي اسئلة شويات بس - هها انجزي وشو السؤال , تقولين دراستنا بالماضي! يابنيتي ماعندنا مدارس ولا قرّايات زي الحين كل واحد يتعلم من بيته , أنا تعلمت من أهلي أشياء كثيرة كلهن غيب منه المعوذات والدين والعلم مثل الحديث والكلمات اللي حنا نقضب ونورة الجاسر هاك المرأة الطاااهرة , أوحي وش هي تقول / وحده مات له أربعة عيال وتقول / الحمدلله أللي بلغن الله أجرهم ماشاء الله عليه , ويننا عنه ! ماأفضل لعبة كنتِ تلعبينها في الصغر ؟ - نلعب , ممم نلعب الدور أنا والأصحاب >> مادري منين جايبة كلمة أصحاب ونلعب سبع الحجر والسباااحين بالتراااب ايه يازمن أول ! خلااص ييزي ابقوم اصلي وخري عن اصبررري يمة , نصيحة توجهينها للفتيات الصغار والمراهقات؟ كم دولة دالت وعالت وحكم غير حكم الله يزول ننزل في منازل (..... ) > ماسمعته زين وخفت أقول عيدي وتهوشن ينزل في منازلنا نزول - وشي يوه ذي الأبيات ؟ - هذي موعظة لكن يالمراهقات كيف كان زواجك في السابق ؟ هههههههههههههههههههههههه تصدقين جالسة احصد العصر واعرست بالليل مادريت إلّا يوم دخلت البيت ومسكون وقالوا اليوم عرستس وحطولي ورد وجدايل كثااار يهبلن وزفون بحمار >> مزفوفة بلكزس عندهم وهـ ياكثر هرجكم , قطعتين عن الصلاة الله ياااقاتس الله يجزاتس الجنة ياأم فهد ويخلي لتس عيالتس ويرزقتس برهم ويجمعنا بجنات النعيم يارب شكـراً نجدية ~ __________________ صَمْتُ رَحيلْ !. آخر من قام بالتعديل 乂♥ متفائلة ♥乂; بتاريخ 11-07-2010 الساعة 03:18 AM.