[قدوتي المصطفى]

بسم الله الرحمن الرحيم

أعتقد أن كل مدخن يريد الإقلاع عن التدخين يحتاج إلى من يعينه وينير له الطريق الموصل إلى الراحة والعافية من هذا الداء الذي ابتلي به أعداد ليست بالقليلة من الناس - عافاهم الله -
ولعل مشاركتي هذه تفيد كل من يريد الإقلاع عنه... فإلى هذه المشاركة:-

" المطلوب من المدخن عند الإقلاع "

يقول المدخن: (ممكن لو سمحت…واحدة...واحدة…عشان أفهم المطلوب مني بالظبط…لأن بصراحة أنا كرهت الدخان..وأتمنى أخلص منه..)

الجواب: لن يستفيد المدخن من العلاج إذا لم تكن لديه الرغبة الأكيدة في ترك التدخين، وأن يكون لدى المعالج الإحساس بذلك، وعلى المعالج ألا يبدأ العلاج إلا بعد التأكد من جديه المدخن في الإقلاع ويطلب منه بعد ذلك ما يلي:-

1) إخلاص نية الإقلاع لله تعالى.
2)الإرادة.
3)التخلص من الدخان بكل أنواعه.
4) تغيير العادات المرتبطة بالتدخين.
5) جلسة صادقة مع النفس.
6)إتباع أسلوب غذائي.
7) الحذر من السمنة.
8)عقد نية عدم العودة للتدخين مرة أخرى.

* سأتناول في المواضيع القادمة ذكر مراحل التخلص من التدخين، وشرح المطالب التي تطلب من المدخن شرحا مبسطا...

وشكرا لكل متفاعل مع الموضوع...،،،

[loquacious]

كويس جاء في وقته , لأني ابغى اقنع شخص عزيز علي

وابغى استغل فرصة السفر والإجازة , ولكن يكون بلا تنكيد ..

يعني اهو مقتنع ان الدخان مش كويس ومضر بالصحه بس متعلق فيه .. !

يبغى يتركه خاصه باليومين هذي لأنه تعبان , ابغى اساعده لكن بطريقه حللوه .. !!

نظامه زيي مايبغى احد يقوله هذا غلط وانه يضر لأننا عارفين مضاره ,

احتاج شغلات احطها في أكل في شرب بدون مايدري مع كلام لين ..

مع العلم هو مش سمين يمشي يومياً .. كبير بالسن ..

الله يوفق اللي بيساعدني , وعجلي علينا عشان يتركه قبل رمضان بإذن الله ..

لي عودهـ

[شفق]

جزاكي الله خير موضوع رائع وننتظر المراحل في المواضيع القادمة بكل شغف، أعرف شخصاً (مُدخن)

لا يكاد يسأم من بيان مساوئ التدخين وذكر ما ألحق به من أضرار ومع ذلك يقبل النقاش بكل شيء إلا

الكلام في إمكانية أن يتخلص من ذلك الداء الوبيل، أسأل الله أن يجعل ما تكتبين في ميزان حسناتك.

[&المسبار&]

هناك طريقه سهله لترك التدخين وبسيطه وهي ان يقتنع المدخن ان الدخان حرام حرام حرام اذا وقر في قلبه انه كذلك وانه سوف يتركه لله اولا وانه يقتله ببطء ويذهب بماله عندها سوف يتركه بكل بساطه اكرر يقتنع انه حرام وسوف يتركه لله الموضوع بسيط من هذه الزاويه ولا يحتاج الى تعقيد

[جاسم ..]

انا عندي الوالد اللي يحفظه ياارب ..

يدخن وابغا طررريقه حلوه يترك فيها الدخاان بدون مايدري اني انا مسوي له هالحركه ,

عندي عمي متوفي بسبب هالدخان ونااس كثييره اعرفهم متوفين كل من هالدخان ,

اللي عنده طريقه يعلمني بدون مايدري .. يعطيكم العافيـه ..

[الحمد لله]

كثرت الايام هذي مواضيع الاقلاع عن التدخين

ولاحظت في ناس كثير يقولون انهم جربوا كل وسيله وما نفعت معاهم

انا مدخن من 5 سنوات .. وكنت ادخن بكتين باليوم ... " مالبور ابيض"

بس تركته ولله الحمد

حاولت اوقفه كم مره

وكل ما اوقفه ... على طول بعد ساعه تجيني زي الانتفاضه وكذا لازم ادخن ..

اذا جيت افكر كيف اوقفه ...

ما اقدر اتخيل نفسي جالس كذا اتقهوى وما ادخن

ما اقدر اتخيل نفسي جالس كذا ماسك طريق وزحمه وما ادخن

ما اتخيل نفسي اشرب شاهي بدون ما ادخن

ما اتخيل نفسي اجلس مع الشباب واسولف بدون ما ادخن

ما اتخيل نفسي العب بلوت (ايام اول) بدون ما ادخن

في حاجات كثير منعتني عن توقيفه

حاولت

وجربت "العلوك" الخاصه للامتناع عن التدخين

ههههههههههه ما صمدت الا نص ساعه

جربت اللزقات او الباتشات اللي تلزقها بيدك

برضوووووا ما نفعت .. بس صمدت المره هذي ساعتين

المهم اني جربت اشياء كثييييييييييييييير

وكلها ما نفعت

قبل فتره

كلمني واحد من الاصدقاء وقالي في حبوب جديده اسمهاchantix

يقول ان عمه مدخن من 30 سنه .. ووقف الدخان عن طريقها

انا ما صدقت .. وقلت له ابي اكلم عمك

كلمت عمه وقالي كلامه صح .. وقالي انه يعرف ناس كثير وقفوا الدخان عن طريق االحبوب هذي

يقول ناس صار لهم يدخنون فوق الـ 20 سنه ووقفوه

المهم

واروح واتصل على الدكتور تبعي وقلت له السالفه وقام هو ودلني على دكتور ثاني

جا ذاك اليوم واجهز تأميني واوراقي عشان اروح لموعدي ( بامريكا يطلبون تأمين ) ورحت للدكتور

الامريكي ..

وطبعا قبل ما ادخل عنده لازم زقاره الطريق ههههههه

المهم

خلونا نشرح بطريقه مبسطه كيف الحبوب

chantix

اول حاجه ,,

## ليش الواحد يدخن ؟

الواحد يدخن .. ويستنشق النيكوتين ..

النيكوتين هذا يروح لحاجه يسمونها receptor في الدماغ

الريسبتر هذا يستقبل النيكوتين والنيكوتين يخلي الدماغ يرسل رسائل او نبضات لدماغك عشان

يخليه يفرز انزيم كيميائي اسمه Dopamine

الانزيم هذا يعطيك شعور "بالمتعه" المؤقته .. وركزوا على كلمه مؤقته ...

مؤقته... يعني تروح المتعه بعدها على طول انت تبي ترجع للمتعه هذي وتدخن زياده.. عشان كذا

الجزء اللي قلنا عنه الريسبتور يطلب المزيد من النيكوتين

عشان كذا تدخن اكثر واكثر ...

هذي بأختصار فكره التدخين

الحين ,,

# وش تسوي حبوب الـ Chantix ?

حبوب شانتكس تمنع الجزء اللي في دماغك اللي قلنا عنه اللي اسمه recptor

يمنع الجزء هذا من استقبال النيكوتين .. يعني تسوي زي الحاجز بين الريسبتور والنيكوتين

يعني لو تدخن من اليوم الى بكره .. النيكوتين ما راح يروح للجزء هذا ..

واذا النيكوتين ما راح للجزء هذا .. خلاص دماغك او الريسبتور ما راح يطلب نيكوتين بعدها

لانه بطريقه مبسطه .. خلاص ملللللللل ما يقدر يجيب نيكوتين .. يعني خلاص تلقائيا راح

يستغني عن النيكوتين

هذي صوره مبسطه تشرح اللي جالس اقوله



# ''طريقه استخدام حبوب chantix ?

1- اول شي تسويه .. اشتر الحبوب هذي .. او رح لدكتور وخله يوصفها لك ...

عندنا بامريكا يسمونها Chantix .. اعتقد بالسعوديه يسمونها Champix

الحبوب هذي سعرها بامريكا حول الـ 400 ريال ...

اذا شريت الحبوب راح تلاحظ ان فيها 4 علب .. علبه البدايه لونها اخضر الحبوب لونها ابيض .. و3

علب لـ الاسبوع ما بعد البدايه لونها ازرق

الحبوب لونها ازرق بعد

مده مرحله الاقلاع النهائيه = 12 اسبوع واحتمال تكون 5 اسابيع

2- حدد موعد لترك التدخين ... يعني مثلا قل بتاريخ الفلاني راح اوقف .. خلنا مثلا نقول 7-1-2008

3- قبل اسبوع من الموعدد اللي حددته لترك التدخين .. ..يعني في حالتنا هنا بتارريخ 1-1-2008

تبدا تاكل الحبوب حقت البدايه اللي

هي بالعلبه الخضراء .. تاكل حبه وحده كل صبح .. مع استمراريه التدخين .. تاكل الحبوب

وتدخن .. يعني تقدر تدخن

ما يحتاج توقف على طول ..

4- اليووم الثاني2-1-2008 .. والثالث3-1-2008 .. نفس الحاجه .. تاكل حبه وحده كل صبح ...( من

العلبه الخضراء) ------ مع ملاحظه انك تقدر تدخن اليوم هذا

5- اليوم الرابع ,, 4-1-2008 ... تاكل حبتين وحده الصبح ووحده الليل ( من العلبه الخضراء ) ------

مع ملاحظه انك تقدر تدخن اليوم

هذا

6- تستمر تاكل حبتين باليوم حتى تخلص العلبه الخضراء ----------- مع ملاحظه انك تقدر تدخن

الايام هذي

7- راح تلاحظ بالاسبوع هذا .. انك ما تحس برغبه بالتدخين .. حتى راح تلاحظ لو كنت تدخن

بكتين باليوم .. راح تنقص لـ بكت واحد باليوم او

حتى اقل

وهذا يرجع للحبوب اللي بالعلبه الخضراء .. بدت تمنع الريسبتور انه يجيه نيكوتين .. حتى راح تكره

الدخان وريحته

8- الحين جا الموعد حقنا حق الاقلاع ..اللي حددناه .. 7-1-2008

باليوم هذا توقف الدخان ... وراح يكون سهل مره لأنك الحين بمرحله كره الدخان ...

باليوم هذا تبدا بالحبوب اللي بالعلبه الزرقاء .. راح تاكل حبتين زرقاء كل يوم .. لمده 11 اسبوع ..

وحده بالصبح ووحده بالليل

مع ملاحظه انك اذا جا يوم بذاك الاسبوع وحسيت انك تبي تدخن ومرره ما قدرت وودخنت زقاره

غصب هههه .. فهذا ما يعني انك الخطه هذي فشلت

بالعكس استمر باكل الحبوب هذي لمده 11 سبوع .. كمل المده .. وصدقني راح توقف ..

الحبوب طبعا يبي لك تشتريها كل شهر مره .. لان العلبه تكفي لشهر واحد ..

هذي طريقه الحبوب هذي ...

## تجربتي

- بعد ما خلصت اول اربع ايام .. بديت اكره الدخان معي اني اقدر ادخن ..

صرت ادخن في الساعه زقاره .. بدل ما ادخن 4 زقاير بالساعه ...

صرت مابي اشتري دخان

صرت اتمنى يجي اليوم اللي انا حددته عشان اوقف الدخان ..

جا ذاك اليوم .. ووقفته ..

اول يوم .. عادي ما همني .. جا اليوم الثاني .. وبالغلط خذت زقاره .. بس يوم خذتها ما كملتها ..

كرهتها . كرهت ريحتها كرهت كل شي فيها ..

والحمد لله انا موقف الحين .. وصرت اكره الدخان كررررره

لو الزقاره انسان .. مستعد اذبحه وادخل السجن عشانه الحين ههههههههههههه وش رايكم

بالتشبيه

## تجارب غيري ::

- هذا واحد اسمه براين يقول

" كنت ادخن بكت ونص يوميا لمده 30 سنه .. الحين راح شهر وانا استعمل الحبوب هذي وما دخنت ولا زقاره .. يقول اي رغبه تجيني بالتدخين .. تروح في ثواني .. الحبوب من جد تخليك توقف وتكره الدخان .. اي حاجه جسديه ممكن يحس فيها جسدك بعد ترك التدخين .. تروح عنك بعد 4 اسابيع .. وخلاص انتهى الموضوع وانتهينا من الدخان "

- هذا واحد ثاني اسمه سكني .. يقول

" حددت موعد الاقتلاع عن التدخين في اول يوم من شهر جانوري ... وبديت اكل الحبوب قبل اليوم هذا بخمس ايام .. لقيت اول الايام شوي صعبه لكني الحاجه العجيبه اني قدرت اقلل مقدار الزقاير اللي ادخنها ... كنت ادخن بكتين باليوم لمده 30 سنه ... الحين في 4 ايام الاولى دخنت بكتين في 4 ايام !!! .... كل زقاره اخذها احس اني اكرها ... والزقاره اللي بعدها اكرها زياده وزياده .. بالحقيقه لقيت نفسي احاول ابعد عن الدخان والبكت مابي اشوفه

صرت مابي اشرب قهوه عشان ما افكر بالدخان ... وصرت اذا شفت احد يدخن .. انحاش من عنده مابي اشم الريحه اللي اكرها ريحه الدخان .. الحين صار لي سبوعين ما دخنت ولا زقاره .. اتمنى التوفيق للجميع "

- هذا سيندي .. يقول

" بديت اكل الحبب قبل 15 يوم .. اخر زقاره خذتها قبل 7 ايام .. شي عجيب ومذهل كيف الحبوب هذي باول 7 ايام وانت تدخن ما تحس بالمتعه اللي تحس فيها اول .. انا حاليا متفاجئ كيف اني ما ادخن الحين

.. اذا شربت قهوه او اي حاجه صرت ما افكر بالزقاره ابدا .. "

- طبعا كلهم اشتركوا بحاجه وحده انهم جربوا كل شي وما نفع معهم .. بس الحبوب هذي نفعت ..

اعتقد اني خلصت من الموضوع

الموضوع كتب للفائده العامه ..

وياليت نبدا حمله لمقاطعه الدخان ..

اللي يعرف احد من الاقارب او الاصدقاء يدخن

ياليت يخليه يشوف الموضوع هذا

على فكرة سعر العلبة 177 ريال

منقول (دعواتكم)

[الحمد لله]

بيان إلي كل مدخن


قل لي لماذا تدخن ؟

· هل من أجل أن تتخلص من الضغط العصبي الواقع عليك؟ أشاروا عليك أنك تنفث التوتر والضغط مع دخان السيجارة فتهدأ وتستطيع التركيز في العمل؟

· هل كنت تجلس وسط مجموعة من الأصدقاء وبدءوا يدخنون فوجدت نفسك مضطرا للمسايرة والمجاملة ؟

· هل رأيت أكابر النجوم تنتشر صورهم في كل مكان والسيجارة معلقة في طرف الفم والإبتسامة الجذابة الآسرة على الطرف الآخر .... فنويت أن يكون شكلك أكثر جاذبية مما هو عليه وتناولت السيجارة لتدخنها ؟

هذه هي الأسباب الثلاثة الأكثر انتشارا للتدخين وهى أسباب كاذبة لا أساس لها من الصحة فلقد أثبت الدراسات الطبية الحديثة أن الضغط العصبي والتوتر لا يتأثر سلبا بالتدخين على العكس فالتدخين له آثار سلبية على الجهاز العصبي كما أنه لا يساعد اطلاقا على التركيز أو الإبداع على العكس. أما بالنسبة لمجاملة الأصحاب فهل أنت ضعيف لدرجة أن تنتحر أو تقتل نفسك من باب المجاملة ؟؟ هل شخصيتك سلبية إلي هذه الدرجة ؟ إنك لا تعرف أن تقول لا فيم يضرك !!!

نأتى للسبب الأكثر انتشارا بين الشباب :..المظهر الجذاب ..... ربما كان هذا صحيحا في الماضي قبل أن يكتشف العلم مساوئ التدخين أما الآن فلقد اختفى تقريبا التدخين من المجتمعات الراقية الأوروبية والأمريكية لدرجة حصر المدخنين في أماكن بعينها وكأن الرسالة إليهم: لستم مقبولين بيننا أثناء تدخينكم.

إن منظر الشاب الصغير والسيجارة في فمه مضحك ومبكى في نفس الوقت ..مضحك لأنه يتصور أنه بهذه الصورة دخل في مجتمع الرجال وهو بالضبط مثل الطفلة التي ترتدى ملابس أمها فتغوص فيها بشكل مضحك ينم عن تفاهة وطفولة ومبكى في حقيقة أنه يقتل نفسه وهو مازال غض صغير يتفتح للدنيا.

إن شاب في العشرينات لا يستطيع أن يستكمل شوط واحد في مباراة كرة لأن لياقته البدنية منهارة وينهج بعد دقائق هو شاب يستحق الرثاء ويدعو إليه.

لقد قال رسول الله صلى الله عليه وسلم : إياكم ومحقرات الذنوب فإنهن يجتمعن على المرء حتى يهلكنه....

ولقد أجمعت كل الفتاوى أن التدخين حرام في مصر والسعودية فهى وإن اعتبرتها من الذنوب الصغيرة ألا إنها بكثرتها قادرة على التردى بك قاع جهنم.

إن شعب مدخن معناه شعب منهك ..شعب مريض

هل تصورت كم تنفق دولة مثل مصرعلى علاج الأمراض الناتجة عن التدخين: 3 مليار دولار سنويا... والسعودية 3 مليون دولار على البند نفسه. هل تتصوروا حجم المبلغ بالنسبة لشعوب تحتاج إلي كل إمكانياتها ومواردها ؟



وأنت كشخص هل تستطيع أن تتخيل حجم إنفاقك على التدخين لو اعتبرنا أن متوسط عمرك 65 سنة وأنك بدأت التدخين من الخامسة عشرة ...هل تتصور كم أنفقت في خمسون عاما ,,, أرجوك تناول ورقة وقلم واحسبها ...ستجدها مئات الالاف .. هل تتصور ماذا كنت تستطيع أن تفعل بهذه الأموال؟ تغير السيارة ! تشترى بيتا أكبر !!! تتنزه !! تسافر حول العالم !!! باختصار كنت تستطيع أن تحيا حياة أفضل . هذه حسابات التدخين فقط غير ما ستدفعه لعلاجك من آثارها ولعلاج من حولك أيضا ..عشرات المئات من الألآف .. فماذا فعلت بالمال؟؟ أحرقته ... وليتك أحرقته فقط بل أحرقته وآذيت نفسك ومن حولك.

ثبت أن آثار التدخين السلبى خطيرة جدا على المحيطين بالمدخن : فـ65% من أمراض الجهاز التنفسى والحساسية عند أطفال لأباء وأمهات مدخنين.

نسبة الإجهاض أعلى بـ40% عند المدخنات ... وولادة طفل مشوه أعلى بـ30% هذا علاوة وفاة المواليد وعدم اكتمال نموهم.

وهذه أرقام أخرى أعلنتها منظمة الصحة العالمية: عدد الوفيات بسبب التدخين 4 مليون شخص في السنة في لبنان 3500 حالة وفاة, في الخليج 14000 في مصر 26% من الوفيات بسبب التدخين!!! وفيات السجائر أعلى من وفيات الخمور .. الوفيات الناتجة عن القاء القنبلة الذرية كانت ربع مليون فقط!!!

هل مازلت مصمم على التدخين ؟؟

هل مازلت تتصورين أنك امرأة أكثر جمالا ورقيا؟

والتدخين ينطبق على السيجارة وعلى الشيشة ولست أعرف من أين آتت المقولة أن الشيشة أخف ضرراً ... إن شيشة الفواكة تحتوى على فواكة قد تخمرت فبداخلها جزء من خمر ...ليس مسكرأ وهو يطير مع الدخان ولكنه خمر قل أو كثر.

ماذا ستقول لرب العباد حين يتحقق فيك حديث رسول الله صلى الله عليه وسلم : "‏لا تزول قدم عبد يوم القيامة حتى يسأل عن أربع عن عمره فيما أفناه وعن جسده فيما أبلاه وعن ماله من أين اكتسبه وفيما وضعه وعن علمه ماذا عمل فيه" ..فأنت لن تجد إجابة عن بلاءك لجسدك بيديك .. وعن عمرك الذي أضعته عامداً بالمرض وعن مالك الذي أنفقته حرقا بالدخان.

هل تعلم أيها المدخن أن كبرى شركات التدخين في العالم 52% من مبيعاتها التي تبلغ 88 بليون دولار تتم في العالم العربى ؟؟؟؟؟

تعالى معي نحاول أن تتوقف عن قتل نفسك وإيذاء الآخرين ‍‍‍‍‍‍‍‍ ‍‍!!! لن تستطيع .. بلى أنت قادر.. خفف من استهلاكك اليومى أو الأسبوعى .. أبدا حسبة لوجه الله تعالى حتى إذا ما أدركك الموت استطعت الإجابة يوم الحساب ... حتى تحفك الملائكة ... بدل من أن تحيط بك الشياطين فإن الملائكة تتأذى مما يتأذى منه الإنسان ( حديث شريف ).

الإختيار لك صحة ومال وجنة ورضوان الله وصحبة الملائكة أو مرض ورائحة كريهه وعقم وأطفال مشوهه وأصدقاء من شياطين الإنس والجن.



منقول

[قدوتي المصطفى]

أسأل الله أن ينفع بما قدمت للأعضاء الكرام

[قدوتي المصطفى]

" مراحل التخلص من التدخين "

المدخن عادة ما يمر بعدة مراحل في طريق تخلصه من التدخين:
أولا: مرحلة ما قبل التفكير في الإقلاع.
ويحتاج فيها المدخنون إلى التشجيع وتوفير الحوافز، والمقصود بذلك هو تشجيع المدخن على الإقلاع بإظهار فوائده الصحية والاقتصادية والشرعية، وتقوم العيادة بهذا الدور بما تقدمه من ندوات ومحاضرات للتوعية في مختلف القطاعات والمحافل، وبتوسيع دائرة التوعية بأضرار التدخين وفوائد الإقلاع عنه بكل الوسائل المتاحة لها مثل ( نشرات .. كتيبات .. كتب .. أفلام .. برامج كمبيوتر .. الخ )، بالإضافة إلى عمل المسابقات ورصد الحوافز المادية والمعنوية اللازمة.
ثانيا : مرحلة التفكير في الإقلاع.
وفيها يحتاج المدخن إلى المعلومات التي تساعده على التخلص من التدخين، وهى متوفرة بالعيادات على مختلف أشكالها ووسائلها إما بالأجهزة المتوفرة بالعيادة، أو ببعض الوسائل الأخرى مثل (لاصقات النيكوتين .. اللبان .. بعض الأقراص .. الخ ).
ثالثا: مرحلة الاستعداد والعمل.
وفي هذه المرحلة يحتاج المدخن إلى وضع برنامج وتحديد موعد للبدء في الإقلاع، وفي هذه المرحلة تساعد العيادة المدخن على اتخاذ القرار والبدء في الإقلاع، وتقوم بتبصيره لما يمكن أن يشعر به من علامات سحب النيكوتين خلال فترة التخلص، وكيفية تقليل وتجنب ذلك، بالإضافة إلى متابعة المدخن بعد الإقلاع لفترات طويلة للاطمئنان على تمام عملية الإقلاع.... منقول للفائدة...

في المواضيع القادمة سأقدم لكم شرح المطالب المطلوبة من المدخن ليقلع عن التدخين بإذن الله سالما غانما

[الصمت الهادئ]

جزاك الله خيرا

[m المنهل m]

موضوع رائع ومفيد
جزاك الله خير
تقبلي مروري

[m المنهل m]

الله يهدي كل مدخن ومدخنة ويكرهم بالدخان
من أسباب التدخين أصحاب السوء
فالحذر الحذر منهم
جزاك الله خيرا وجعله في موازين حسناتك.

[الـعـابـر]

دائما اشوف كلام عن الحبوب و علاجات تساعد على ترك التدخين
وهذه كلها لا تساعد على ترك التدخين ان لم يكن هناك إرادة حقيقة واذا كان هناك ارادة فعلية فهي كافية لترك التدخين
بدون صرف اموال لشراء حبوب و لصقات و فلاتر لا فائدة منها
وكل الموجود بالصيدليات من حبوب وعلاجات فقط لمجرد التجارة و الاستفادة من المتضررين كفائدة مصنعي الدخان
لترك التدخين هناك امرين لا بد من الاقتناع
الامر الاول هو ان تضع في بالك انك وقعت بالتدخين وانت في مرحلة كنت فيها صغير مراهق
و الان تستطيع ان تتركه وانت رجل قادر إلا اذا كنت مازلت بالمرحلة الاولى
الامر الثاني هو ان تقتنع بأنك وقعت بالتدخين بإرادتك واختيارك لذا قرر ان تتركه بإرادتك وقوتك .. وهذه ايضا تعتمد على الرجولة
التدخين وباء و ابتلى اسأل الله ان يعافي كل مبتلى به وان يرحمنا برحمته وان لا نبتلى به ولا بغيره