 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
18-07-2010, 06:27 AM
|
#1 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
حموله لا تعرف الهدوء ..
حموله لا تعرف الهدوء .. السلام عليكم ورحمة الله وبركاته .. أسعد الله صباحكم بالخير والمسرات .. ياهلا والله بالوجيه الطيبه .. قبل البداية .. حموله / يطلق على أهل الزوج .. وكذلك يطلق على العائلة الكبيره .. سأكتب لكم الحكاية بعد انتهاء الاختبارات كلمت المدير وأخبرته إني أبروح لأهلي .. قال خلاص رح لكن يوم السبت الموافق 28/7 لا زم تجي لأختبار الدور الثاني ..! وكلمت راعي الشقه قلت أبجي الأسبوع القادم أقصد يوم السبت علشان أشيل العفش وينتهي آجاري بنهاية شهر 7 .. ويوم الجمعه عزمت الرحيل إلى مدرستي وصلت يوم الجمعه بالليل .. قبل ما أوقف عند باب الشقه شفت سيارات كثار .. بصراحة استغربت واللي استغربت منه بقوه فيه جمسين وثلاث سيارات .. قلت ما شاء الله وش السالفة ..! وقبل ما أوقف السياره شفت شباب كثارين والأشد من هذا كل شوي يطلع واحد من العماره أنا شكيت وضاق صدري وقلت بيني وبين نفسي وش السالفه .. وأنا نازل أشوف الشباب يناظرونن أكلون أكل إلتفت عليهم وقلت السلام عليكم .. استحوا شوي .. وانحرجوا المهم .. العماره تتكون من ثمانية شقق أربعه تحت وأربعه فوق .. وشقتي فوق .. وأول ما أدخل العماره وأسمع صراخ ولجه قلت ياولد وش السالفه .. لا أصير غلطان وداخل بيت عوائل .. ويوم رقيت مع الدرج وأرقى وأول مارقيت أشوف الشقق الثلاثه اللي فوق مفتوحه .. وأشوف البزارين هذا طالع وهذا داخل وفجأة .. تطلع مره ( يعني إمرأة ) أووووه بصراحة تغطيت أنا مهب هي اللي تغطت .. ويوم جيت أفتح باب شقتي .. وتطلع علي عجوز من الشقة اللي بجنبي قلت إييه الحمد لله شوي ويركدون.. وأنا تعبان ومنهمك من السفره قلت أبرتاح وجلست وأول ماجلست .. أسمع صراخ ولجه .. قلت إييه تونا الليل شوي وينامون ..! ويوم تمت الساعة 12 .. تقريباً .. أشم ريحة تتن . صرعونا صرع قسم بالله إني أحس اللي يتتن قدامي من قوة الريحه ..! قلت اييييه الله يعين .. ويوم أنسدحت أبنام وأشم ريحه ثااانيه أثره معسل وااااااوه ياسبدي .. عاد زوجتي تقول عطرهم هذا مهب زين ووع >> مادريت إنه معسل ..! عاد اجتمعن تتن ومعسل.. بغيت أسكر من ريحتهن قلت الله يصبرنا .. ماهجدوا إلا يمكن الساعه 2 أو 3 بالليل .. ويالله نمت .. ومن الغد رحت للمدرسه وأنا طالع للمدرسه أشوف بالدرج .. بقع بيبسي وقراطيس وعسكريم ألوان ومدري ايش حسيت إني بوسط زباله وأنتم بكرامه ..! رجعت للبيت الساعه تقريباً 8:30 // قلت أبرتاح .. والساعه 10 .. يالله صباح خير ..! أشم ريحة تتن .. شكل فطورهم تتن وغداهم وعشاهم .. تتن ..! وقبل الظهر وبدأ الإزعاج يعود من جديد .. تسمع هذا يهاوش وهذا يلعن حتى إني سمعت صوت أحدهم يقول ياملعون .. وكلهم تلعين أنا شكيت مدري ساكن بشقه عوائل أو إستراحة شباب ..! يوم أذن العصر وأنا أسمع بزارينهم صراخ وإزعاج وفي نفس الوقت يلعبون كوره ماغير تسمع الكوره صبخ بالباب .. بصراحة ودي أطلع وأقمزهم مع الكوره .. المشكله المكان ضيق جداً . مادريوا هم يحسبونه أستاد الملك فهد .. يعني صراخ وهوشه وصبخ بالكوره .. حتى البزارين يحاولن يفتحون باب الشقة .. أسمع عروةة الباب وهم ماسكينها يعني يبي يفتحون شقتي بالغصب .. ! وإن طلعت من الشقة لا زم يطلع أحد بوجهي واللي قاهرني يدرون إني ساكن ولا كأن في أحد .. قبل مايجون ويسكنون كنت أطلع من شقتي أحط الشماغ فوق راسي وهو مسفوط .. لكن يوم سكنوا عندنا الحموله بديت أول ما أطلع من البيت أتغطى .. لأني عارف وش الوضع .!! وصراحة لجتهم حتى الآن بوسط إذني.. لو أحط قطن وأسد آذاني .. راح تسمع صراخهم عاد ملو من الإزعاج والصراخ ولعب الكوره .. توقعوا وش زينوا .. أقصد بزارينهم ..! يويدزون مع الباب ( يعني / ينظرون من تحت الباب ) وبدون مبالغة شوفوا وش سويت : ^ ^ ^ ^ ^ ^ ^ ^ ^ ^ ^ ^ ^ ^ ^ ^  وقبل آذان المغرب رحت لم صاحب العماره في مكتب العقار وأخبرته عن الإزعاج قال والله مدري منهم .. وقال قبل العصر غسلت الدرج لأنه مليان بيبسي وعسكريم يعني حوووسه ..! قلت طيب هل العائله من أهل المنطقة لأني مستغرب مهب منطقة سياحية أو فيها سياحة .. يعني منطقه مافيها شيء أبد >> وأنا أقول بيني وبين نفسي مافيها إلا الدجه ..! قال جايين علشان عرس .. ويبي يمشون بعد العرس .. عاد يوم السبت بالليل بعد العشاء مافي إزعاج ولا شيء .. قلت شكلهم راحوا للعرس .. أغديهم مايجون إلا الصبح إذا قمت من النوم ..! وأثناء الهدوء فجأة وبدون مقدمات صراخ وإزعاج وهوشه ومدري ايش حتى أصوات حريمهم عاليه بالكلام والهواش .. يعني ما كأن فيه أحد ساكن بجنبهم ..!! وقلت يارب تسكنهم مساكنهم .. والحقيقة آذوني مرره ونصيحتي للعوائل الكبيره إذا عجزوا عن تسكيت الأطفال .. لا يبدون بالإزعاج .. يعني البزارين لحالهم يرحلون ديره . وشلون لو أجتمعوا الحريم مع الرجال والبزاارين ..! ولا يؤذوا ويحاولون تخفيف إزعاج الأطفال بقدر المستطاع ..! والله يعين اللي يسكنون بجنب حموووله كبيييره ..!!
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
18-07-2010, 07:22 AM
|
#2 | |||||||||||||||||||||||
|
كاتبة مميّزة
تاريخ التسجيل: Feb 2009
البلد: أسأل الله أن يهديني طريق الصالحين
المشاركات: 5,046
|
الحمد لله الذي عافانا مما ابتلاهم به وفضلنا على كثير ممن خلق تفضيلاً
الكثير الأن يعيش يومه بالطريقة التي تعجبه أيًا كانت , غير مبالي بحقوق الجار قصرت مدة الجوار ام طالت أنا أسكن بدور علوي وكثيرًا مايؤذينا الجار الي يسكن بالدور الأول فتجده يخرق جدار أو يطرق مسمار أو غير ذلك في وقت الظهيرة وبعد عودة الموظفين وفترة القيلولة غير مهتم بمن ذهب لوظيفته منذ ساعات الصباح الأولى ولكن لن نقول غير الشكوى لغير الله مذلة
__________________
** " اللهم خذ بيدي أخواننا في سوريا , وعجل بنصرهم " ** |
|||||||||||||||||||||||
|
|
|
18-07-2010, 07:24 AM
|
#3 |
|
عـضـو
تاريخ التسجيل: May 2010
البلد: السعوديه
المشاركات: 413
|
خخخخخخخخ
الله يعينك بس تصبر مابقى شي.. واذا كانو حموله مافي امل يهجدوون من يسكتوون ومن يخلون لااله الأالله..
__________________
حين تتعرقل معك الأشياء , وتبدو الدنيا انها تتآمر ضدك ! جرب أن تغمض عينيك : ) ومن كل قلب نادِ * يــارب .. معرف مشتركَ .. |
|
|
|
18-07-2010, 07:26 AM
|
#4 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
ههههههههههههههههههههههههه الله يعينك يالبي .. اقول لايصيرون اهلي بس .. تراي خابرهم رايحين يحضرون عرس ويبي يرجعون .. عاااااااد تصدق .. اذا راحوا تبي تفقدهم .. وتقول ياليتهم بس يجون كل اسبوع .. بعدين خذ نصيحتي لكل الأحوال .. دائماً .. اذا لم تستطيع المقاومة فحاول ان تستمتع .. يعني ماقدرت توقفهم وتسكتهم .. خربه معهم .. رح طق التكميلة والعب معهم كورة .. وتزحلق معهم على الدربزين .. الين يروحون .. ويفرجه الله .. ونسلم عليك .. سي يو ..
__________________
. . .  .. قلب البحطلة ينبض ..ينبض ينبض ينبض .. . |
|
|
|
18-07-2010, 07:56 AM
|
#5 |
|
عـضـو
تاريخ التسجيل: Mar 2010
البلد: سُوريّا والأشواق تحملني****يـــــا أجمل الدور يا أحلى عشيقاتي
المشاركات: 392
|
يا بن الحلال أنت الآن مرتاح تعال عندنا جيران عائلة صغيرة تتكون من مجموعة أطفال لكن
(كما يقولون) الله لا يوريك إزعاج غير طبيعي، الله يحفظهم ويخليهم لعين ترجيهم ياأخي لسنا نشعر بالهدوء إلا وقت نومهم بالليل حيث يخلدون مُبكرين. |
|
|
|
18-07-2010, 09:17 AM
|
#6 | |||||||||||||||||||||||
|
عـضـو
تاريخ التسجيل: Jun 2008
البلد: ܔْށburaydahܔْށ
المشاركات: 3,502
|
ههههههههههههههههههههههه ،، مدحت ان جايبه علي ان تستمتع ..  اهنييييييييك ، لكن اللي صار لأبو عبدالرحمن ما نقول غير الله يعينه المسكين .!! وبشر ابو عبدالرحمن عسسسسسساهم راحو الحين ..
__________________
يحق لك عاشرت غيري وسلآك ،، لآ والله اللي بي نويت القطيعه |
|||||||||||||||||||||||
|
|
|
18-07-2010, 05:35 PM
|
#7 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
مشكوره يامتصفحة ..
كلام رائع وسليم ..
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
|
18-07-2010, 05:37 PM
|
#8 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
...flbynoo..
أشكرك على الرد .. لكن فيه حموله مؤدبين لكنهم صعب وجودهم ..
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
|
18-07-2010, 05:38 PM
|
#9 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
مدحت
هههههههههههههههههههههههههه ههههههههههههههههههههههههههههههه ههههههههههههههههههههههههههههه ههههههههههههههههههههههههههههههه ... ياهي صعبه أطلع وألعب كوره .. إزعاجهم يرحل ديره ..! الاستمتاع صعبه .. ومشكور يا ألبي على الطله ..!
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
|
18-07-2010, 05:40 PM
|
#10 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
شفق ..
البزارين يرفعون ضغط اللي مايرتفع من إزعاجهم .. كود تاخذ عشر كراتين بنادول .. من وجع الراس ..!
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
|
18-07-2010, 05:41 PM
|
#11 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
حنيت ..
حياك الله .. وأبشرك رحت وخليتهم وارتحت ..! الله لا يعيدها ..! ومشكور على الرد يالغالي .!
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
|
18-07-2010, 05:43 PM
|
#12 |
|
عـضـو
تاريخ التسجيل: Jun 2010
البلد: القصيم ..بريدة
المشاركات: 318
|
اللهم لاشماته
|
|
|
|
18-07-2010, 05:45 PM
|
#13 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
aaa
أشكرك على الرد ..!
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
|
18-07-2010, 06:15 PM
|
#14 |
|
مشرف الساحة المفتوحة
تاريخ التسجيل: May 2004
البلد: بريدة
المشاركات: 5,346
|
أعانكم الله
فلكم رحل شخص بسبب مثل هذه العوائل هداهم الله إزعاج وتتن وقلّة صلاة الله يصبّر من سكن عندهم
__________________
إذا مررت من هنا فتذكر
أن دعوة لأخيك بظهر الغيب سيكون لك مثلها فلعل دعوة واحدة تسعدك بحياتك وبعد مماتك أنت ومن دعوت له |
|
|
|
| الإشارات المرجعية |
|
|
النمط المتتابع
