جدتــي موضي .. الحر ماله وماعليه .. سي يو ..

**مدحت شوقي بريده** · 19-07-2010, 08:35 PM

السلام عليكم ..

حيالله شباب واعضاء وعضوات بريدة ستي ..
ياربيه وش هالحر يادافع البلى ..
مسائكم ( حر ) معطر برائحة ( .. ) .. يعني حر وش تبون تحسون بوه ..

تعرفون هالايام درجات الحرارة نازلة .. والكهرب مايطفئ ابد ..
وفي هذة الاجواء الجميلة الرائعة ..

دخلت على جدتي موضي ولقيته متوسدة ثلجة من قوة الحر ..
واول ماشافتن مقبلن عليه .. قالت لي .. تعال شف هذي ثلجة ..
لاتقعد تشوف هالمياهه تحتي تحسبن مسوية شي ..
ماغير والله ذبحنا هالحر ..

تصدق ياوليدي إني أشرب الماء البارد وإنه على طول يطلع ( عرق ) باااااارد ..
مايمديه يآخذ دورة بالجسم .. الا هو مسرسب عرق ..

ياوليدي الله أعلم أن المثانه يابسة ماله علم بالمياه ..كل السوايل يطلعن عرق ..
مير أغدينا بالصيف نمدد له ونوصله بالمعده ونستفيد منه بدال جلسته فاضيه ..

بعدين ياوليدي لاتحسب إن الحر بس عندكم هالاياااااااااااام ..
حتى حنا اول .. جانا ( حر ) اللهم ياكافي ..

أنا ماأنسى يوم عرسي ..
جدك سليمان جاي ياخذن وماعليه إلا فانيلة علاقي وسروال سنة من شدة الحر ..

ويدخل علي ورجلينه وسيقانه طين ..
ياويلي وهو يمشي بالطريق غبرات و رجليه يلثقن عرق .. ( وطينن ) ..

يوم شفته واقوم اركض بسرعة .. قلت لوه وش بك فرقعين جدي .. منين هالطين ..
ويناظرن وهو يستحي .. وهي هاك المرة اللي استحى به بس ..
واقوم وأغطس سيقانه بالزير .. ويوم حس بالبراد ويصلق كلوه وسط الزير ..
وابلش بوه هاك اليوم وشلون اطلعه من الزير .. ماطلع غير شوشتوه ..

وانا كاشخة لابستن لوه هاك المقطع ( الزم ) .. خضر بوه وريدات حمر ..
وحاطة ( بكلة ) متسلفته من حدا بنات الديرة ..

عااااااااااد من تلبس بكلة هاك الأيام ..
مايلبسه الا بنات التجار اللي عندهم بقرتين فأكثر ..
وحمارين واكثر .. واحد للحراثة والثاني للنقل .. والثالث للتمشي ونقل العفش ..

ياوليدي أحمدو ربكم .. أنتم عندكم مكيفات وإسبيلتات ..
ونوم بهالنهاااااااااار وسعسقة بالليل اذا برد الجو ..

الغرفة مكيفة .. والصالة مكيفه .. والسيارة مكيفة .. والمسجد مكيف ..

حنا اللي اذا جانا الحر منول .. هلكنا .. نموت مووووووت ..
ماعندنا إلا مهفات الخوص .. وتقضي كله بإثم جدك سليمان ..
كل يوم كاسرن منه عود يتنقش بوه ..

وهذا كله هاللي جانا .. وشو عند حرارة جهنم .. الله يكفينا واياكم شره ..
حرارة الجو .. ماقدرنا نتحمله .. كيف اجل بنار جهنم ..
والا ظلمة القبر ووحشته وضيقه وحشرته ..
البيت كامل بحجرة الوسيعة ماتتحمله من شدة الحر .. فكيف بقبر مترين في نص متر ..

مااقول الا الله يرحمنا برحمته بس ..

سي يو ..

رفيــع الشانــ · 19-07-2010, 08:42 PM

مدحت شكلك جدتك فيها تنسم وإلا الماء على طول يطلع
الله يحفظ جدتك ويطول بعمرها

أكيد الأولين كانوا يعانون من الحر والبرد
لكن هم ما تعود على الرفاهية مثل الآن فيه مكفيات بالحر وتدفئه بالشتاء
وبعد الحر كل سنة يزود عن السنة الى فاتت يقولون طبقة الأوزون كل سنة توسع ويزيد الحر <<< طبعاً كلام العلماء مو كلامي

سي يو بنكهة مدحت شوقي

ْْْXXXراكب بورشXXX · 19-07-2010, 08:52 PM

هههههههههههه ياحبيلتس يامويضي وويزين سويلفاتس.......
ماشاء الله ياحظ مدحت كل النهار وهو عندتس ياسعده بتس ............

مدحت اهنئك بوجود جدة لك تسمعك احلى الحكايا الجميله وانت منصت لها بإهتمام ثم لاتلبث الا قليلا وتذهب في نوم عميق

لك شكري وتقديري وتقبل مروري

شفق · 19-07-2010, 08:55 PM

الصراحة مهيب حلوة عندكم مكيفات وسبيليتات والجدة موضي بنت العز وزوجة سليمان توسّد ثلجة

صدقت يا أخي الله المستعان ويجزاك ربي خير على التذكير فقد جاء في صحيح البخاري عن النبي
‏
صلى الله عليه وسلم ‏أنه قال:{‏اشتكت النار إلى ربها فقالت رب أكل بعضي بعضا فأذن لها بنفسين

نفس في الشتاء ونفس في الصيف فأشد ما تجدون من الحر وأشد ما تجدون من ‏ ‏الزمهرير}.

**الـصـمـصـام** · 19-07-2010, 08:57 PM

الله يرحمنا برحمته ..
مشكور .. فاقدينك والله يابو إبراهيم ..

أتعبني طموحي · 19-07-2010, 09:02 PM

..

قال رسول الله صلى الله عليه وسلّم :
( مَايُصِيْب الْمُسْلِم مَن نَصَب وَلِاوَصَب وَلَاهَم وَلَاحَزَن وَلَا اذِى
وَلَاغَم حَتَّى الْشَّوْكَه يُشَاكُهَا الَا كَفَّر الْلَّه بِهَا خَطَايَاه )
بإّذن الله مأجورين في تحمّل مثل هذه الأجواء ,,

وإن شدة الحر من فيح جهنم كما أخبرنا نبينا محمد صلى الله عليه وسلم
أسأل الله أن يعيذنا منها برحمته ,,

وفقكم الله وبارك فيكم ,,

..

Chocalain · 19-07-2010, 10:02 PM

الله يكفينا من حرارة جهنم
ويجعل ما اصابنا تكفير لذنوبنا

**بدر بن عبدالله** · 19-07-2010, 10:10 PM

رائع حبيبنا أبو إبراهيم ، وصدقت ( قل نار جهنم أشد حراً لو كانوا يعلمون ) اأسأل الله أن ينجينا منها
و أسأل الله أن يرحمنا برحمته وأن يلطف بنا ، اللهم آمين.

شاكر لك أبا إبراهيم هذا الطرح الجميل، ونتمنى أن نراك قريباً.

الصمت الهادئ · 19-07-2010, 10:44 PM

الله يعطيك العافية

اللهم حرم اجسادنا على النار يارب العالمين

اللهم أعذنا من نار جهنم جميعا

هاوي الربع · 20-07-2010, 12:50 AM

اقتباس

المشاركة الأساسية كتبها ْْْXXXراكب بورشXXX


	هههههههههههه ياحبيلتس يامويضي وويزين سويلفاتس....... ماشاء الله ياحظ مدحت كل النهار وهو عندتس ياسعده بتس ............ مدحت اهنئك بوجود جدة لك تسمعك احلى الحكايا الجميله وانت منصت لها بإهتمام ثم لاتلبث الا قليلا وتذهب في نوم عميق لك شكري وتقديري وتقبل مروري

نفس الرد

تقبل مروووري يالغلآآآآآآ

xX DUNHILL xX · 20-07-2010, 01:22 AM

يوم شفت ( الحر ) جيت امشي ألف احسبك تقصد ( الطير )

اجل هذي سواليف جدك يعني ماجيت من بعيد انت ..
الله يخليه لكم يارب ,,

xX DUNHILL xX

ليمتد · 20-07-2010, 01:36 AM

الله على مواضيعك الخطيره صراااااااااحه قمه في الروعه

دائما متابع لمواضيعك بصمت وشوق لجديدك

دمت بود

((ابوعبدالله)) · 20-07-2010, 01:42 AM

حلوه ما يلبس البكلة الا التاجر الي عنده بقرتين وحمارين
والاحظ ان جدتك امحدت جدك سليمان

والله يجزاك خير

ورود المساء · 20-07-2010, 02:25 AM

فكره رائعه ومفيده جدا لتوصيل العلومات......طرح مميز....

19-07-2010, 08:35 PM	#1
مدحت شوقي بريده .. وللشطوب نكهة و نكهة .. تاريخ التسجيل: Feb 2002 البلد: هناك المشاركات: 16,085	جدتــي موضي .. الحر ماله وماعليه .. سي يو .. السلام عليكم .. حيالله شباب واعضاء وعضوات بريدة ستي .. ياربيه وش هالحر يادافع البلى .. مسائكم ( حر ) معطر برائحة ( .. ) .. يعني حر وش تبون تحسون بوه .. تعرفون هالايام درجات الحرارة نازلة .. والكهرب مايطفئ ابد .. وفي هذة الاجواء الجميلة الرائعة .. دخلت على جدتي موضي ولقيته متوسدة ثلجة من قوة الحر .. واول ماشافتن مقبلن عليه .. قالت لي .. تعال شف هذي ثلجة .. لاتقعد تشوف هالمياهه تحتي تحسبن مسوية شي .. ماغير والله ذبحنا هالحر .. تصدق ياوليدي إني أشرب الماء البارد وإنه على طول يطلع ( عرق ) باااااارد .. مايمديه يآخذ دورة بالجسم .. الا هو مسرسب عرق .. ياوليدي الله أعلم أن المثانه يابسة ماله علم بالمياه ..كل السوايل يطلعن عرق .. مير أغدينا بالصيف نمدد له ونوصله بالمعده ونستفيد منه بدال جلسته فاضيه .. بعدين ياوليدي لاتحسب إن الحر بس عندكم هالاياااااااااااام .. حتى حنا اول .. جانا ( حر ) اللهم ياكافي .. أنا ماأنسى يوم عرسي .. جدك سليمان جاي ياخذن وماعليه إلا فانيلة علاقي وسروال سنة من شدة الحر .. ويدخل علي ورجلينه وسيقانه طين .. ياويلي وهو يمشي بالطريق غبرات و رجليه يلثقن عرق .. ( وطينن ) .. يوم شفته واقوم اركض بسرعة .. قلت لوه وش بك فرقعين جدي .. منين هالطين .. ويناظرن وهو يستحي .. وهي هاك المرة اللي استحى به بس .. واقوم وأغطس سيقانه بالزير .. ويوم حس بالبراد ويصلق كلوه وسط الزير .. وابلش بوه هاك اليوم وشلون اطلعه من الزير .. ماطلع غير شوشتوه .. وانا كاشخة لابستن لوه هاك المقطع ( الزم ) .. خضر بوه وريدات حمر .. وحاطة ( بكلة ) متسلفته من حدا بنات الديرة .. عااااااااااد من تلبس بكلة هاك الأيام .. مايلبسه الا بنات التجار اللي عندهم بقرتين فأكثر .. وحمارين واكثر .. واحد للحراثة والثاني للنقل .. والثالث للتمشي ونقل العفش .. ياوليدي أحمدو ربكم .. أنتم عندكم مكيفات وإسبيلتات .. ونوم بهالنهاااااااااار وسعسقة بالليل اذا برد الجو .. الغرفة مكيفة .. والصالة مكيفه .. والسيارة مكيفة .. والمسجد مكيف .. حنا اللي اذا جانا الحر منول .. هلكنا .. نموت مووووووت .. ماعندنا إلا مهفات الخوص .. وتقضي كله بإثم جدك سليمان .. كل يوم كاسرن منه عود يتنقش بوه .. وهذا كله هاللي جانا .. وشو عند حرارة جهنم .. الله يكفينا واياكم شره .. حرارة الجو .. ماقدرنا نتحمله .. كيف اجل بنار جهنم .. والا ظلمة القبر ووحشته وضيقه وحشرته .. البيت كامل بحجرة الوسيعة ماتتحمله من شدة الحر .. فكيف بقبر مترين في نص متر .. مااقول الا الله يرحمنا برحمته بس .. سي يو .. __________________ . . . .. قلب البحطلة ينبض .. ينبض ينبض ينبض .. . آخر من قام بالتعديل مدحت شوقي بريده; بتاريخ 19-07-2010 الساعة 08:46 PM.

19-07-2010, 08:52 PM	#3
ْْْXXXراكب بورشXXX عـضـو تاريخ التسجيل: Jun 2010 البلد: في قلب النملة المشاركات: 1,007	هههههههههههه ياحبيلتس يامويضي وويزين سويلفاتس....... ماشاء الله ياحظ مدحت كل النهار وهو عندتس ياسعده بتس ............ مدحت اهنئك بوجود جدة لك تسمعك احلى الحكايا الجميله وانت منصت لها بإهتمام ثم لاتلبث الا قليلا وتذهب في نوم عميق لك شكري وتقديري وتقبل مروري __________________ واحد واحد واحد الراجحي احسن واحد

19-07-2010, 08:57 PM	#5
الـصـمـصـام عبدالله تاريخ التسجيل: Jun 2004 البلد: . المشاركات: 9,705	الله يرحمنا برحمته .. مشكور .. فاقدينك والله يابو إبراهيم .. __________________ ياربي ..افتح على قلبي .. و طمئنه بالإيمان و الثبات و السلوة بقربك .. [عبدالله] من مواضيعي : آية الحجاب من سورة الأحزاب ( أحكام و إشراقات ) ::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة)

19-07-2010, 09:02 PM	#6
أتعبني طموحي عـضـو تاريخ التسجيل: Dec 2009 البلد: الرياض المشاركات: 1,199	.. قال رسول الله صلى الله عليه وسلّم : ( مَايُصِيْب الْمُسْلِم مَن نَصَب وَلِاوَصَب وَلَاهَم وَلَاحَزَن وَلَا اذِى وَلَاغَم حَتَّى الْشَّوْكَه يُشَاكُهَا الَا كَفَّر الْلَّه بِهَا خَطَايَاه ) بإّذن الله مأجورين في تحمّل مثل هذه الأجواء ,, وإن شدة الحر من فيح جهنم كما أخبرنا نبينا محمد صلى الله عليه وسلم أسأل الله أن يعيذنا منها برحمته ,, وفقكم الله وبارك فيكم ,, .. __________________ . لا مَرْحَباً بــ سُرورٍ عاد بالضَرَرِ !

19-07-2010, 10:02 PM	#7
Chocalain عـضـو تاريخ التسجيل: Jun 2010 البلد: بريدتنا المشاركات: 582	الله يكفينا من حرارة جهنم ويجعل ما اصابنا تكفير لذنوبنا __________________ اللهم اشفي والدي والبسهما لباس الصحه والعافيه

19-07-2010, 08:42 PM	#2
رفيــع الشانــ Registered User تاريخ التسجيل: Sep 2008 البلد: بريدة المشاركات: 206	مدحت شكلك جدتك فيها تنسم وإلا الماء على طول يطلع الله يحفظ جدتك ويطول بعمرها أكيد الأولين كانوا يعانون من الحر والبرد لكن هم ما تعود على الرفاهية مثل الآن فيه مكفيات بالحر وتدفئه بالشتاء وبعد الحر كل سنة يزود عن السنة الى فاتت يقولون طبقة الأوزون كل سنة توسع ويزيد الحر <<< طبعاً كلام العلماء مو كلامي سي يو بنكهة مدحت شوقي

19-07-2010, 08:55 PM	#4
شفق عـضـو تاريخ التسجيل: Mar 2010 البلد: سُوريّا والأشواق تحملني****يـــــا أجمل الدور يا أحلى عشيقاتي المشاركات: 392	الصراحة مهيب حلوة عندكم مكيفات وسبيليتات والجدة موضي بنت العز وزوجة سليمان توسّد ثلجة صدقت يا أخي الله المستعان ويجزاك ربي خير على التذكير فقد جاء في صحيح البخاري عن النبي ‏ صلى الله عليه وسلم ‏أنه قال:{‏اشتكت النار إلى ربها فقالت رب أكل بعضي بعضا فأذن لها بنفسين نفس في الشتاء ونفس في الصيف فأشد ما تجدون من الحر وأشد ما تجدون من ‏ ‏الزمهرير}.

19-07-2010, 10:10 PM	#8
بدر بن عبدالله نسألك يارب غيثاً مغيثاً تاريخ التسجيل: Apr 2008 البلد: الرياض. المشاركات: 7,025	رائع حبيبنا أبو إبراهيم ، وصدقت ( قل نار جهنم أشد حراً لو كانوا يعلمون ) اأسأل الله أن ينجينا منها و أسأل الله أن يرحمنا برحمته وأن يلطف بنا ، اللهم آمين. شاكر لك أبا إبراهيم هذا الطرح الجميل، ونتمنى أن نراك قريباً. __________________ . . (( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))

19-07-2010, 10:44 PM	#9
الصمت الهادئ قبس دائم تاريخ التسجيل: Nov 2009 البلد: ~لم أسّتقرْبَعدمآآزلتُ أبحثُ عنْ مقرّي~ المشاركات: 4,843	الله يعطيك العافية اللهم حرم اجسادنا على النار يارب العالمين اللهم أعذنا من نار جهنم جميعا __________________ ** .. [RAMV]http://dc09.arabsh.com/i/02454/gbpbj3vxcc3r.swf[/RAMV]

20-07-2010, 01:22 AM	#11
xX DUNHILL xX عـضـو تاريخ التسجيل: Jul 2010 البلد: .. جنوب ((ن)) عن الديره .. المشاركات: 546	يوم شفت ( الحر ) جيت امشي ألف احسبك تقصد ( الطير ) اجل هذي سواليف جدك يعني ماجيت من بعيد انت .. الله يخليه لكم يارب ,, xX DUNHILL xX __________________ \|\| عودي علي ان كان قلبك اســـيري ان كانه بعصمة يديني رهينـه وان كانه مملوك في الهوى لحد غيري لايمنعك يوم العزاء تحضريـنه \|\|

20-07-2010, 01:36 AM	#12
ليمتد Registered User تاريخ التسجيل: Aug 2008 البلد: في اعلى الجبل المشاركات: 498	الله على مواضيعك الخطيره صراااااااااحه قمه في الروعه دائما متابع لمواضيعك بصمت وشوق لجديدك دمت بود

20-07-2010, 01:42 AM	#13
((ابوعبدالله)) عـضـو تاريخ التسجيل: Jul 2010 البلد: في بيتنا المشاركات: 733	حلوه ما يلبس البكلة الا التاجر الي عنده بقرتين وحمارين والاحظ ان جدتك امحدت جدك سليمان والله يجزاك خير __________________ عدد زوار مواضيعي وردودي من تاريخ 13\5\1432هـ

20-07-2010, 02:25 AM	#14
ورود المساء عـضـو تاريخ التسجيل: Mar 2007 البلد: بريده المشاركات: 677	فكره رائعه ومفيده جدا لتوصيل العلومات......طرح مميز.... __________________ اللهم اغفر لأمي واخواني والمسلمين...واجمعنا وإياهم في جنات الفردوس الاعلى...