[المشاغبة]

السلام عليكم ورحمة الله وبركاته

نطب بالموضوع علطوووووول... وكل الي مختبرين قدرات تحصيلي ينتبهووون طبعاً كثير من الطلاب والطالبات نزلت نسبهم بسبة هالإختبارين ماعدا طالبات ثانويات عقلة الصقور لانهم يدخلون الجامعة بدووون اختبار ((ويين العدل والله العظيم قهر انا ما احسدهم لاكن المفروض يساوون بيننا يعني حرام نصير جايبين مثل نسبهم بعدين حنا يخسف بنا الاختبار وهم يدخلون الجامعة بنسب عالية وقبول اكثرويييين العدل والمساواة))

والي ماصدقن يدخل موقع جامعة القصيم ويشوف النسب المطلوبة وبيلاحظ ان..بريدة وعنيزة والمذنب والرس والبكيرية..مايدخلون الجامعة الابنسبة موزونه اومكافئة اما طالبات عقلة الصقور قبول بشهادة الثانوية..
بعدين شوفوا اعلى النسب المقبولة واقلها للانتظام والانتساب ..ببريدة وعنيزة والمذنب والرس والبكيرية.. وبتشوفون ان نسبهم اعلى ولا بالفرق



والسلام عليكم ورحمة الله وبركاتة

[الصباخ]

غير صحيح هذا الكلام، فاختبار القياس والتحصيلي إجباري على جميع الطلاب ولا تفرقه مابين منطقة وأخرى، وأصلاً التحصيلي والقياس غير مرتبط بمكان أو مدينة وإنما مرتبط بنفس الجامعه والطالب نفسه.

[المشاغبة ..]

اقتباس المشاركة الأساسية كتبها الصباخ غير صحيح هذا الكلام، فاختبار القياس والتحصيلي إجباري على جميع الطلاب ولا تفرقه مابين منطقة وأخرى، وأصلاً التحصيلي والقياس غير مرتبط بمكان أو مدينة وإنما مرتبط بنفس الجامعه والطالب نفسه.

هذاك قلتها إجباري واللي مايختبر قدرات وتحصيلي الكليات ماتقبل نسبة ثانوي بس يا نسبة موزونة (قدرات وتحصيلي ومعدل الثانوية العامة التراكمي 2و3ث) أو مكافئة (قدرات ومعدل الثانوية العامة التراكمي 2و3 ث ).
بس كلية عقلة الصقور تقبل هي الوحيده بجميع الأقسام نسبة الثانوية بس (قسم اللغة الإنجليزية إنتظام ,اللغة العربيه وآدابها أنتظام وإنتساب, العلوم والآداب إعداد العلوم الطبيعية إنتظام ) ..
يعني أهل عقلة الصقور وسكانها والقرى والمحافظات القريبة منهم يسهل عليهم القبول بالكلية عشان النسب عالية مافيه قدرات وتحصيلي يخسفها زي باقي المناطق (وأنا وربي ماأحسدهم بس ليه حنا مانكون زيهم )

أضرب لك مثال بسيط لجل تفهم بس :

سحر جابت نسبة 89% بس بعد القدرات والتحصيلي صارت 72% ولا تقدر تدخل القسم اللي ترغبه في نفس مكان إقامتها (بريده عنيزة الرس ... إلخ
وهيفاء جابت نفس نسبة سحر 89% ودخلت القسم لأنها بكل بساطه ماهي ملزمة تختبر قدرات وتحصيلي !! وليه تختبر وفي منطقتها كليه تقبل نسبة ثانوية بس؟!؟

ولو تروح سحر وتقدم بنسبتها الثانوية بس في كلية عقلة الصقور قبلت بكل سهولة,,
بس الكلية بعيده عن مكان إقامتها ..
وهيفاء دخلت الكلية بكل سهولة وراحة لأنها بنفس المنطقة..

وهذا الرابط لجل تتأكد :

http://www.qu.edu.sa/Default.aspx?tabid=3316

الصدق عاد مافيه ظلم !!؟؟!؟


وعلى فكرة تراني باقي ماتخرجت من الثانويه بس الحق حق وربك يعين ..

[المشاغبة]

اللي ما صدق هذي الروابط

الاقسام المتاحة للطالبات والنسب

http://www.qu.edu.sa/Default.aspx?tabid=3314


النسب المقبولة حتى الان

http://www.qu.edu.sa/Default.aspx?tabid=3316


وشوفوا عقلة الصقور

المشاغبة

[الفارسه الملثمه]

أيه سمعت أن عقله الصقور مآيشمله إختبار القيآس

وهي فرصه للي ودهـ تكمل درآستهآ وهي متخرجه من زمآن

يعني مآلحقت تختبر قيآآآس


..


=)

[.. عبدالله ..]

انا اللي فاهمه ان فيه كلية عقلة الصقور تقبل حقت الثانوي بس ..
بس احس مافيها ظلم لان ذيك الديرة بعيدة وصعبة بيجون الطالبات خصوصا لاختبارات مركز القياس..

[الصباخ]

فعلاً سألت وأخبروني أن بعض الكليات تقبل بدون قياس وتحصيلي، لكن اللي فهمته إن حتى هالكليات هذي بصدد تطبيق القياس والتحصيلي على طالباتها في المستقبل، يعني السنة الجاية أو اللي عقبه.

[أبو برق]

الله يعينكم

[المشاغبة]

مشكووورين على ردودكم..
يالله يارب انهم يلغون اختبار القياس والتحصيلي

[AL-joury]

إحلفي

عساهم مانبقايله إن شاء الله