[Nova]

السلام عليكم

يا ميت أهلين بالصبيا

ما راح أطول عليكن وأبدأ بموضوع يهم كل بنت مقبلة ع الزواج أو توها جديدة بالحياة الزوجية


طبعاً كلنا من ديرة وحدة وبالغالب طبائعنا واحدة في التعامل الاجتماعي والحمولة و والزوج والواجبات الي عليكي والي لكي ووو

أنا متزوجة من شهور وانتقلت مع زوجي خارج القصيم بحكم عمله و كل شهر أو 3 أسبايع يكون فيه زيارة ونشوف أهلنا

مشكلتي أنا أول وحدة أتزوج و دائم أول وحدة ينقصها الخبرة او نقول ما تستفيد من تجارب أخواتها الكبار أو عماتها أو خالتها لأن خالاتي وعماتي يا صغار لسى ما تزوجوا أو كبار فحالهم و طريقة حياتهم وخبرتهم فيها اختلاف عني وعن الي في جيلي وكلكم عارف المتغيرات بجيلنا

أنا محتارة لما أجي للقصيم كيف أقوم بحقي وحق أهلي وحق زوجي وحق حمولتي وحق حياتي الخاصة كلها يومين أو ما تكمل الأربعاء طريق والجمعة طريق ما يصفي إلا الخميس فقط ومرات يكون فيه اجتماع شهري لعائلة حمولتي من الصعب أتخلى عنه و أيضا من الصعب إني ما أشوف خالتي أم زوجي وأبو زوجي إلا يوم الاجتماع مو حلوة بحقهم مع انهم ما قصروا يعني تكفيهم إن أشوفهم بذا الخبة والعالم المجتمعة ولا يقولون شيء مع إن زوجي شديد من الناحية الاجتماعيه ويهتم فيها ويحب التوجيب حتي بالرياض لاحظت طبعه كذا يحب الترابط الاجتماعي وانا زوجته مرات يبني اروح لناس او يعزم ناس من قرابيه عمانه خواله أقاربه و ع حسب ما سمعت من كان صغير يحب الوصل لكن هذا تعبني

أيضاً حمولتي مجهزين في بيتهم جناح خاص لزوجي لكن عمري ما جلست فيه إذا جينا للقصيم أجلس عند أهلي وسؤالي طبعاً ما راح أجلس كل ما جينا لكن يا بنات شيء حلو اني ما اجلس أو مرة كذا ومرة كذا لو كل 3 شهر مع ان زوجي ما قد قالي او اجبرني ع هالشي لكن وش الافضل والي فيه تقدير

سؤالي يا بنات كيف طريقة زياراتكن للحمولة سواء كنتي بنفس البلد أنتي وأهلك وحمولتك أو الي مثل حالي زوجها عمله برى الديرة متى تجين للحمولة وكم الوقت الي تجلسين عندهم ووو والي ما لها تجربة ممكن تنقل تجربة خواتها قريباتها وهيك شغلات

أيضاً هل لازم اجتماعات حمولتي لازم أحضرها لا سيما أن الي في حالي كل شهر تجي مرة بالغالب يكون اجتماع الحمولة الكبير فانا محتارة لازم احضر كل اجتماع او لا

طبعاً هذا الموضوع ما أبغاه على شكل حالة خاصة فيني أبغاه نقاش عام وفائدة للجميع البنات وتبادل الخبرات وأنا ذكرت لكن حالتي كمدخل لنقاش عام بدون قيود

[مهاجره بغلاكم]

روحي لحمولك مثلا غدا يعني الخميس تغدي معهم عشان تشوفين ام وزوجك وابوه والمساء لاهلك
اوغداء الجمعه
بعدين موكل اجتماع للحموله لازم تحضرينه ما انتى مجبوره اطلاقا..........لان الاهم ام زوجك وابوه
وجهة نظري

[نسايم ليل]

وعليكم السلام
شوفي يانوفا اذاجيتي الاربعاء سيدا للحموله ونامي عندهم وبعدين الخميس روحي تغدي عند اهلك وتعشي ونامي ومن بكرا تغدي عند الحموله وسلمي عليهم وامشي لديرتك ...وبالنسبه لاجتماع الحموله من رايي انك تحضرينه علشان مايقولون عنك وررررررره وتكبرين بعيونهم بيقولون وهي بعيده ماتركت اجتماعنا هذا من وجهة نظري وانتي عاد ابخص بحمولتك .تحياتي

[شموخ انثئ]

هلابك

مبروووك الزواج >>بدري

انا من رايي لجيتو الأربعاء روحي لأهلك اصلن بتصيرين تعبانه عقب السفر

ومن بكرئ العصر روحي لحمولتكـــ وتعشئ عندهم وأسهري وفليه اذا كان عندهم بنات وناسه

بعدين روحي لأهلكـــ نامي عندهم

وخلاص انحلت المشكله

اما الاجتماعات بتاع الحموله ضروري تحظرينه خصوصا لصارت مرهـ بالشهر بالعكس لاتخلين الاجتماع

والله يووووفقكــــــــــــ ويسهل عليكـــــــــــــ)))

[ورود الأمل]

الله يعيننا وياك

[حلمي المآستر]

مادام قدروك وحطولك جنااااح حاولي لو بعض الايام تنامي عندهم وتقومي الصباح وتسوي القهوة يقومون كلش جاهز مايضرك

[عايشه بحلمي]

الله يكون في عونك ياختي
روحي لهم بعض الوقت او خلي بعضه لهلك

[هايين]

يختي اتفقي انتي واياه
اما خلي لهم مره واهلك مره
ولازم تزورينهم لحالهم


الله يصخر لك ويصخر لك

...

[هايين]

معليش
تقولك اختي حاطين لك جناح ومقدرينك وتاركتهم
المفروض النهار تسيرين على الي تبين
بالليل تنامين عندهم

موفقه

..



..

[أم غادة]

اقتباس المشاركة الأساسية كتبها نسايم ليل وعليكم السلام شوفي يانوفا اذاجيتي الاربعاء سيدا للحموله ونامي عندهم وبعدين الخميس روحي تغدي عند اهلك وتعشي ونامي ومن بكرا تغدي عند الحموله وسلمي عليهم وامشي لديرتك ...وبالنسبه لاجتماع الحموله من رايي انك تحضرينه علشان مايقولون عنك وررررررره وتكبرين بعيونهم بيقولون وهي بعيده ماتركت اجتماعنا هذا من وجهة نظري وانتي عاد ابخص بحمولتك .تحياتي

إذا تبين رأيي يا نوفا:
أنا مع رأي الأخت نسايم ليل, إذا جيتي على طول انزلي على الحمولة وتقهوي معهم وخلي الأربعاء لهم, وإذا عند أهلك طلعة بالليل روحي مع أهلك, وارجعي نامي عند الحمولة وفطري زوجك الصباح واجلسي مع أم زوجك الظهر أو أول العصر ثم روحي أهلك واسهري معهم, وودعي أهل زوجك الجمعة, يعني أهم شيء أول ما تقابلين وآ خر من تقابلين هم, والصامل والسهرات عند أهلك, يعني يبقى لأهل زوجك بس أطراف اليوم والأوقات الي ما يكونون أهلك مجتمعين فيها, وبالنسبة لاجتماعات أهل زوجك, أنا ما شوف له داعي تحضرينها بانتظام خصوصا أنك ما جبت عيال, يعني لو بيجي يوم تملين وتبتدين ما تروحين, بيقولون وش بدا للبنية؟ ليه خلتنا؟؟ والا قبل طافة والحين راحت الطفة(ما أطيق هالكلمة), وبعدين لمن الله رزقك بطفل طفلين, تحطين لهم حق كامل!
وصدقين بالنسبة لأم زوجك ولأبوه, بتشق خواطرهم إذا جلست عندهم النهار خصوصا أنه أوقات ما يجتمعون عيالهم وبناتهم فيها! فيشبعون منك, مو مثل لو سهرتي عندهم مع العالم!

وأعرف بنات يسوون كذا ولهم معزة بقلوب أهل زوجهم!
مو لازم تهينين نفسك وتتركين اجتماعات أهلك عشان يحبونك, فيه طرق ذكية تخلينهم يحبونك ولا يشرهون عليك, وبنفس الوقت تسوين الي تحبينه!!

[أتعبني غروري]

أنا أقترح عليك أنك تجين الاربعاء وعلى طوووول تروحين لحمولتك
وتنامين عندهم ويوم الخميس كله لأهلك وتناميييين عندهم لبكرى حتى تمشون وماله داعي تروحين للحموله يوم الجمعه لانك شفتيهم الاربعاء ...
وأنصحك ماتعودين زوجك انك لازم تنامين عند أهله كل الايام لأن ((الرجال ماينعطون وجه))
ودامه ماقال شي أفضل لك ..

وهذي الطريقة طريقة زوجة أخوي (دوامه بمدينه ثانيه ويجون كل ثلاث أسابيع) ..وصراحه معجبتن بالحييييل ..

[انفاسي]

الاهم رضاء الله ثم الزوج

[مديرة متميزه]

خير الامور الوسط 0

[هــواهــا شداوي]

’
آولآ آهنيك لآنك آخترتي المكان المناسسب
جيتي بين اهل الديره الي به حمولتك واهلك
وبآلنسبة لمشكلتك
لآتلفين يمين وشمآل شوفي الي يعجب
زوجك آولآ وآخيررآ

وشموخ آنثى آرى آن حلهآ منآسسب مره وآنتي على حسب حمولتك

مانقدر نحكم عليهم =)

.

بالتوفيق يالغاليه