{}ْ{ قصص من أيــ(( 1 ))ــام الطفولة }{}

الصيوان · 16-03-2003, 03:59 PM

بسم الله الرحمن الرحيم ..

...::: <>|<>|<> ((( === {}{ قصص من أيــ(( 1 ))ــام الطفولة }{} === ))) <>|<>|<> :::...

ما بين القوسين ( ...... ) هو توضيح لبعض الألفاظ الغير مفهومة عند البعض .

===============================================

في ذات مساء جمعة عليل اتجهنا يم ( هذه صيغة الشيبان والعجز وهي تعني : لم ) خالي ، ركبنا السيارة وصلنا .. لم الهدف !! ... وبعد يوم مليء بالمغامرات قضت العزيمة ،،

جيت عاد لم أمي أتمصلح: يمه الله يعافيك ويخليك ويزوجك !! ودي أمرح عند خالي ؟؟ ( الإمراح هو المبيت عند أحد أقاربك إلى أن يطلع الصباح وعقب الظهر إلى الليل يسمى قاعد عندهم <=== ولا حرف هههه ) .
الأم : لا لا يا وليدي امش وشوله تقعد ، عاد أنت مذكور بخير ما شاء الله !! (( تقصد بالحركة وكثر اللعب ))
فخامتي : يا بنت الحلال هالمرة بس <=== تحلف إنه من العيال
الأم : أقولك امش اركب ولا يكثر .. أبوك يحترينا بالسيارة قطعتنا يالله امش .
فخامتي : ها يمه تكفين ..
الأم : لا وألف لا .. !!

فكرت وفكرت .. وش أزين وعلى طووول نسّيت لخالي ( النسّ ــ بتشديد النون وفتحها وتشديد السين وسكونها ــ هو الهروب بالخفية من عين خصمك !!) .. وشرحت له القصة وأني ودي أمرح وبصير رجال .. وغيرها من الأمور ....

وجرّيته لم أمي وقابلته وجه بوجه ..

ها يمه .. شفتي خالي يقول ما يخالف خله يمرح <=== حافه
خالي : يا بنت الحلال هاليوم بس ما يضر .. وواعدن يبي يصير رجال إن شاء الله .
الأم : على شانك والله يا اخيي ( بالتصغير ) ، ما ودي أردك .. بس ما ادري عن أبوه ..
خالي : ما عليك إن شاء الله . يبي يوافق أعرفه أنا .. خليه عليّ بس ..
الأم : ما أقول شي ، بهواك والله ( الهوى : هو ميل النفس ورغبتها ، ومنه قول الشايب وحكمته المشهورة ــ إكرام النفس هواها خخخ )

ما أطــــــــول عليكم ..

أمرحت ويوم صار من بكرا الفجر .. قال خالي : ها تبي تخاونن يم سوق الحمام معي حمام أببيعهن ؟
قلنا : وماله معك .. على رأي المثل ( شي ببلاش ربحه بيّن ) .

امتطينا صهوة الددتسن الـ 85 ( غمارة ) وصندقنا أنا وعيال خالي .. ( أي ركبنا بالصندوق ) ويممنا وجوهنا شطر السوق .. وصلنا السوق .. نزّلنا الحمام وقعد خالي عندهن وقعدنا معه ..

المهم بعناهن وأخذنا الدراهم ومشينا ..

يوم ركبنا السيارة ولاه الساع 8 تقريباً .. قلنا لخالي : ودنا نروح لسوق ثاني غير ذا .. سوق الحمام وشفناو نبي سوق الغنم ..
قال : لا سوق البقر ما كيد طبيتوه .. خل أوديكم يمه ..
فرحنا فرحاً شديداً <=== أبرياء

المهم وصلنا لم السوق ، لبقنا الددتسون بعيد ونزلنا رجليه ( لبقنا : من التلبيق وهو وضع السيارة في مكانها المخصص الذي وضعه المرور بعد تقديم وترجيع وأيضاً لف الدركسون يمين ولا يسار حتى تكون بأبهى حله ــ وش دعوى يااا ...... ــ ) ( أما قولنا رجليه ــ بكسر الراء وسكون الجيم وكسر اللام <== يا حول ، وتشديد الياء وهي عموماً بالترقيق خخخ : فهي المشي على الأرجل لمسافات بعديه .. ومنه قولهم توبيس 11 أي باص متنقل مريح بدون صرفيات ) .

ودخلنا بالسوق .. ولا ما شاء الله بقر تهيل العقل ( الهيلان : هو انشغال الذهن بالمنظور والاستغراب منه بحيث يصل الأمبير Full !! ) هذي لونه بنية وذي سوداء وذي تثغي ( إموووااااااااء ) وذاك ثور مربوط بخشمه حديدة ويقطر من شي لذيذ جداً !! ( تمالكت نفسي حين رأيته بحيث بغيت أنطلق كالصاروخ وألحس بكل حواسي!! <=== تحس إنه وصخ ) ومربوط بالشبك القريب منه . أنا بتلت ( البتلة : هي الدوام طويلاً ) أناظره وهو يناظر بي ،، وأرفع جفوني عليه وكأني أتحاده .. الرجال فهمها وشكله مسكه عليَ ( كما سنعرف لاحقاً ) ..

وذا يحرج وذاك يهوش .. منظر مذهل ما تدري وش تبدي ( التبداة : هي البدأ بالأول ) ..

درنا بالسوق ودرنا .. واستوقفني منظر بقرة مع عجلتها الصغيرة في أحد زاويا السوق .. وهي ترضع من أمها وألمسها وأمسح عليها ، وأنا منسجم مع الوضع .. نادني ولد خالي : تعال يقول أبوي يا لله مشينا .. قلت : طيب هذي جيت .

وفجأة !! يا هيــــــه يا ولد .. يا هووووه يا ولاااااااااد .. هج بسرعة جااااااك ..

وألتفت .. ولا وش أناظر.. ثور كبيــــــر منزّل راسه لتحت وناحرن نحر ( نَحرَ ينحرُ نحراً وهو قاصدك أنت لا غيرك ) ويمش طليون 100000 km بالساعة .. وااااااااوك بلشت بعمري .. وعلى طول فركت له .. ما أدري وين أنا به انخرط طبلوني هالسرع وأدخل بين السيارات وادخل وهو وراي ، وتسمع زعيق الناس لف يمين لف يسار ( لو هو بمكاني كان عرفوا وش يقولون بس جيدين بالهرج ) المهم وأنحجر بين سيارتين وقدامي جدار .. عدل بدل ما به مطاليع ( وهي أماكن للهروب ) حجرة كما يقال ( حجرة بس ) أي أيقن بالمسك عليه ..

نأخذ فاصل إعلاني ..

طبعاً خالي وهو وعياله يدورونن .. يوم شافوا ثور يلحق واحد .. خلوا التدوير وبدوا يناظرون ( كما قالوا لي بعدين ــ زعموا ــ ) أويل كبيدك يالصيوان بس .. آخر من يفكرون به أنت !!

نرجع للمسكين المحجور !!

وجاو الناس وتحرجموا على السيارتين ( من الحرجمة وهي اكتظاظ الناس حول مكان معين ) ــ علماً أنه صفة ذميمة لأهل بريدة للأسف .. فلا يكاد يخلو أي حادث إلا وتسمع أصداء الخبر بآخر بريدة !! وأيضاً هذه الصفة تجي مع البزر حال الولادة مربوطة بكيسة ، فمنهم من يجرّعها ابنه ( من التجريع وهو رميها بالبطن على طول دون مضغ !! ) ومنهم من يرميها ، وقد أحسن صنعاً من فعل ذلك !! ــ .. المهم قرّب الثور لمي وقرّب .. وأنا أرجع وراء لم الجدار .. إلا أن صبخ ظهري الجدار .. وهو يمشي حبة حبة إليّ وحانت ساعة الصفـــر !!

يوم برّق خالي بالملحوق أثره ولد إخته ( والتبريق هو فتح العينين بشدة اتجاه شخص قد أصابه شيء ، أو به حالة غريبة أو رأى شيئاً لم يره من قبل ــ كما يفعلون مشاهدين الفضائيات في وضع قضابات على عيونهم عشان ما يفوتهم شي من مناظر النساء الكاسيات العاريات ــ ) المهم بعد الكشتة عن الموضوع ههههه نرجع له أدري إنكم على أعصابكم ...

يصوت خالي : الصيوان الصيوان ادخل تحت السيارة بسرررعة .. أنا على طول نفذت اللي يقول وصاروخ تحت الجمس وبديت أزحف على بطني .. وتسمع الناس يصوتون : يا رهيب يا رهيب .. الثور دخل راسه لمي وبدا يرجف ويضرب وينابط الله يجزاهم خير الشريطية والدلالين على طول مسكوه وربطوه بحبال ( الشريطية والدلالين هم من يقومون بالتحريج على البضاعة المجلوبة للسوق سواء كانت غنم ، بقر ، سيارات ، جح ، طماط ، بطاطس ، أوادم خخخ / علماً أن بعضهم يمتلك مهارة عالية جداً في الكذب والخداع والدليل على ذلك إدخل أقرب سوق بالجردة أو غيره وبصّ داخل مخباته تلقى شهادة من جامعة السوق كلية الخيانة قسم الكلك والخداع وسبحان الله أغلبهم متفوقون !! ).

المهم طلعت من الجهة الثانية وأنا ما صدقت .. الحمد لله نجيت من موت محقق .. وثوبي غدا زيطة مرررة ( الزيطة : هي قمة الوسخ الواقع على الثوب ) ويوم تبقشت الأمور ( التبقيش : هو التحري والتأكد والسؤال عن شيء معين ، ثم بعد ذلك يظهر لك شيء لم يكن في الحسبان !!) أثر البقرة هي وعجلته اللي قاعد أناظرهن وألمسح عليها .. زوجت الثور !!

فسبحان من ألهمه هذه الغيرة التي جعلته يقطع الحديد !! ( وياليت الرجال ذا ــ أعني الثور لأنه فعلاً رجال ــ يعدي بعض الثورة عفواًُ الرجاجيل عندنا ــ وإن كان اسم رجال ليس أهلاً له ــ في الغيرة على أهله والحفاظ عليهم ..

وبعد عناء وهواش مع خالي قال خلاص أبوديك لأهلك .. أنا الغلطان اللي أخليك تمرح عندنا .. وراك ما جيت يوم يناديك ولدي يوم بقولك يالله مشينا .. سااااادّة عاقبك الله هذا اللي ما يسمع كلام خاله قلت له طيب وش أخطيت به <=== كأنه ما زين شي .. قال : اسكت بس ولا كلمة !! وحنا ماشين للسيارة أكلت ــ الله يكرمكم ــ حزمة تبن محشية بزيتون !!

وسيدا للخبووووب .. قالي خالي : سلم لي على أبوك وأمك وقلهم الله يخلف عليهم !! وأجي عند الباب وأطق المهم فتح أخوي الصغير ولا والله الوالد والوالدة قاعدين يتقهوون تحت هالنخيلات ، قال الوالد : عسى ماشر وراك جيت الحين .. ورا ثوبك وسخ ؟؟
فخامتي : لا أبد شي بسيط .. !!
الوالد : وش أنت مزين قلي ، ما جابك إلا إنك مزينن شي ؟؟!!
فخامتي : .............. !!

قحص أبوي لأقرب عسيب ( القحص : هو القفز من المكان بسرعة شديدة جداً تضاهي سرعة الضوء !! والعسيب : هو أوراق النخل الطوااال اليابسات ) وطاااااح طيييييح طووووح .. هماي قايل لك لا تمرح ياللي ما تستحي .. الله يخلف عليّ بوليد مثلك .. دايم تجيب لنا المشاكل .. دايم تهاوش .. دايم .. دايم ..
عاد الوالدة قامت تفك الهوشة وتهدي أبوي .. يابن الحلال خله المرة بس .. دايم تضربه .. على شاني خله .. وخذ صياح ورغيان من ولا تسأل عن المنطقة الوسطى من جسمي كيف أصبحت زرقاء خلال دقيقتين فقط !!

أبسألكم يا ناس وش مزين أنا ؟؟!! زينت شي غلط ؟؟!!
فهموني غلط .. الله يسامحهم .. أميـــــــن ..

تـمّ هـذا العـمل باستوديوهات : (( منتديات بريدة )) .
الإخراج الفني والهندسة الصوتية : (( الصيوان )) .

=== ((( النهاية ))) ===

ملاحظات :

1 / هذه القصة حقيقة وليست من نسخ الخيال .
2 / حقوق القصة محفوظة للصيوان فقط .. إلا من أراد قراءتها أو طباعتها !!
3 / نستقبل أي ملاحظات أو استفسارات حول هذه القصة ..

شكرا لكــــــــم ..

:D

:D

بدر الشايع · 16-03-2003, 04:11 PM

ههههههههههه
هههههههههههههه
هههههههههههههههههه
الصيوان تدري وش ودي ... ودي كنت بالسوق ومعي الكميره وقاعدن أصورك :D :D
والله ياشكلك نكته , وأنت هاجن عن الثور

إلا أبسألك سؤال ....
أنت قلت أن الحرجمة صفة سيئة لأهل بريدة ؟
وتجي مع البزر مع ولادته !
وشي بالضبط ؟؟؟؟؟

تسلم على هالبطولات

بس أعلمك , أنهم ظالمينك بالضرب

المفروض خلوك تمرح زود أسبوع عند خوالك , مكافأة للعمل البطولي ( إي هين )

see you

نور الشمس · 16-03-2003, 04:26 PM

اخي الصيوان ..

بصراحه ابدعت جدا في كتابتها ..
وفعلا احداث مثيرة جدا ..

شكرا اخي ..

حي على الجهاد · 16-03-2003, 07:24 PM

خخخخخخخخخخخخ

مامريت بالشماس

بس أهم شيء الصراحة والباقي وررررررررررررررررر سلة المحذوفات

فـارس القبيلـة · 16-03-2003, 09:18 PM

عه هع عه هع عه هع عه هع
والله رهيبه

جزاك الله خير اخي

بقلم الفقير لربه -على نياته

المنخرش · 16-03-2003, 11:13 PM

مشكور
ههههههه

محمد الفاتح · 16-03-2003, 11:40 PM

كرا اك اخوي ودنا نحطها بفيلم
ههههههههههههههههههه

الصيوان · 18-03-2003, 04:31 PM

=(( ذيبان ))=

مشكور يا بعدي ..
واللي تقول هي البجاحة ‘ن صح التعبير ..

وبشكل واضح بأهل بريدة .. مع إني منهم بس الشكوى لله ..

=(( نور الشمس ))=

أهلا بك وإن شاء الله نشوفك منك المرة الجاية ..

=(( حي على الجهاد ))=

ما فهمت ؟ ياليت توضح ؟

=(( على نياته / المنخرش ))=

الشكر موصول لكم ــ تكثير مشاركات !!

=(( محمد الفاتح ))=

يالله على يديك .. الله يقويك ...

تحياتي

شيخ بريدة · 18-03-2003, 10:13 PM

ههههههههههههههههههه والله ياانت تنسيييييم ياالصيوان ياالقروي هههههه امزح امزح<< احلف ياالمتمدّن.

اجل تقول الحرجمة من صفات اهل بريدة....تدري يابعدي إن هالحرجمة اللي تقوله هي صفة من صفات العرب يعني كثير من العرب الأولين اللي قبل الرسول صلىالله عليه وسلم كانت صفاتهم تسذا واقول لك ماهوبكلهم بل بعض منهم.....المصدر موثودز(موثوق<< متكلف باالهرج).

تسلم لنا ياوخيي على هالقصص اغدي الاجزاء التالية يجن إن شاء الله نحتريك على احر من الثلج.

رويسيلة خاصة لذيبان:

يابعدي يااستاذ ذويبان ترانا عرب قسم بالله لاتقعد تهرج قلينزي بذا يعني إني متطور تبيزع قدامنا هخخخخخخخخخخخ امزح بس لاعمرك تعود له تفهم.

المرصاع · 19-03-2003, 04:00 PM

ههههههههههههههههه تنسيم ..........

الصيوان أقترح انك تصير كاتب قصص

...........

غـنـدر · 20-03-2003, 02:10 AM

ههههههههههههههههههههه
والله انك
نششششششششششششششششششششبه

الصيوان · 23-03-2003, 04:17 PM

=(( شيخ بريدة))=

شرفتنا بجيّك هنيّا .. لا تخلينا بالجزو الثاني

=(( المرصاع ))=

سم وابشر .. وين اللي يشجع بس <=== رقاو أثل :D

=(( غـنـدر ))=

شكرا لك .. تكثير مشاركات ..

تحياتي ..

16-03-2003, 03:59 PM	#1
الصيوان عـضـو تاريخ التسجيل: Oct 2001 البلد: القصيم - بريدة المشاركات: 1,099	{}ْ{ قصص من أيــ(( 1 ))ــام الطفولة }{} بسم الله الرحمن الرحيم .. ...::: <>\|<>\|<> ((( === {}{ قصص من أيــ(( 1 ))ــام الطفولة }{} === ))) <>\|<>\|<> :::... ما بين القوسين ( ...... ) هو توضيح لبعض الألفاظ الغير مفهومة عند البعض . =============================================== في ذات مساء جمعة عليل اتجهنا يم ( هذه صيغة الشيبان والعجز وهي تعني : لم ) خالي ، ركبنا السيارة وصلنا .. لم الهدف !! ... وبعد يوم مليء بالمغامرات قضت العزيمة ،، جيت عاد لم أمي أتمصلح: يمه الله يعافيك ويخليك ويزوجك !! ودي أمرح عند خالي ؟؟ ( الإمراح هو المبيت عند أحد أقاربك إلى أن يطلع الصباح وعقب الظهر إلى الليل يسمى قاعد عندهم <=== ولا حرف هههه ) . الأم : لا لا يا وليدي امش وشوله تقعد ، عاد أنت مذكور بخير ما شاء الله !! (( تقصد بالحركة وكثر اللعب )) فخامتي : يا بنت الحلال هالمرة بس <=== تحلف إنه من العيال الأم : أقولك امش اركب ولا يكثر .. أبوك يحترينا بالسيارة قطعتنا يالله امش . فخامتي : ها يمه تكفين .. الأم : لا وألف لا .. !! فكرت وفكرت .. وش أزين وعلى طووول نسّيت لخالي ( النسّ ــ بتشديد النون وفتحها وتشديد السين وسكونها ــ هو الهروب بالخفية من عين خصمك !!) .. وشرحت له القصة وأني ودي أمرح وبصير رجال .. وغيرها من الأمور .... وجرّيته لم أمي وقابلته وجه بوجه .. ها يمه .. شفتي خالي يقول ما يخالف خله يمرح <=== حافه خالي : يا بنت الحلال هاليوم بس ما يضر .. وواعدن يبي يصير رجال إن شاء الله . الأم : على شانك والله يا اخيي ( بالتصغير ) ، ما ودي أردك .. بس ما ادري عن أبوه .. خالي : ما عليك إن شاء الله . يبي يوافق أعرفه أنا .. خليه عليّ بس .. الأم : ما أقول شي ، بهواك والله ( الهوى : هو ميل النفس ورغبتها ، ومنه قول الشايب وحكمته المشهورة ــ إكرام النفس هواها خخخ ) ما أطــــــــول عليكم .. أمرحت ويوم صار من بكرا الفجر .. قال خالي : ها تبي تخاونن يم سوق الحمام معي حمام أببيعهن ؟ قلنا : وماله معك .. على رأي المثل ( شي ببلاش ربحه بيّن ) . امتطينا صهوة الددتسن الـ 85 ( غمارة ) وصندقنا أنا وعيال خالي .. ( أي ركبنا بالصندوق ) ويممنا وجوهنا شطر السوق .. وصلنا السوق .. نزّلنا الحمام وقعد خالي عندهن وقعدنا معه .. المهم بعناهن وأخذنا الدراهم ومشينا .. يوم ركبنا السيارة ولاه الساع 8 تقريباً .. قلنا لخالي : ودنا نروح لسوق ثاني غير ذا .. سوق الحمام وشفناو نبي سوق الغنم .. قال : لا سوق البقر ما كيد طبيتوه .. خل أوديكم يمه .. فرحنا فرحاً شديداً <=== أبرياء المهم وصلنا لم السوق ، لبقنا الددتسون بعيد ونزلنا رجليه ( لبقنا : من التلبيق وهو وضع السيارة في مكانها المخصص الذي وضعه المرور بعد تقديم وترجيع وأيضاً لف الدركسون يمين ولا يسار حتى تكون بأبهى حله ــ وش دعوى يااا ...... ــ ) ( أما قولنا رجليه ــ بكسر الراء وسكون الجيم وكسر اللام <== يا حول ، وتشديد الياء وهي عموماً بالترقيق خخخ : فهي المشي على الأرجل لمسافات بعديه .. ومنه قولهم توبيس 11 أي باص متنقل مريح بدون صرفيات ) . ودخلنا بالسوق .. ولا ما شاء الله بقر تهيل العقل ( الهيلان : هو انشغال الذهن بالمنظور والاستغراب منه بحيث يصل الأمبير Full !! ) هذي لونه بنية وذي سوداء وذي تثغي ( إموووااااااااء ) وذاك ثور مربوط بخشمه حديدة ويقطر من شي لذيذ جداً !! ( تمالكت نفسي حين رأيته بحيث بغيت أنطلق كالصاروخ وألحس بكل حواسي!! <=== تحس إنه وصخ ) ومربوط بالشبك القريب منه . أنا بتلت ( البتلة : هي الدوام طويلاً ) أناظره وهو يناظر بي ،، وأرفع جفوني عليه وكأني أتحاده .. الرجال فهمها وشكله مسكه عليَ ( كما سنعرف لاحقاً ) .. وذا يحرج وذاك يهوش .. منظر مذهل ما تدري وش تبدي ( التبداة : هي البدأ بالأول ) .. درنا بالسوق ودرنا .. واستوقفني منظر بقرة مع عجلتها الصغيرة في أحد زاويا السوق .. وهي ترضع من أمها وألمسها وأمسح عليها ، وأنا منسجم مع الوضع .. نادني ولد خالي : تعال يقول أبوي يا لله مشينا .. قلت : طيب هذي جيت . وفجأة !! يا هيــــــه يا ولد .. يا هووووه يا ولاااااااااد .. هج بسرعة جااااااك .. وألتفت .. ولا وش أناظر.. ثور كبيــــــر منزّل راسه لتحت وناحرن نحر ( نَحرَ ينحرُ نحراً وهو قاصدك أنت لا غيرك ) ويمش طليون 100000 km بالساعة .. وااااااااوك بلشت بعمري .. وعلى طول فركت له .. ما أدري وين أنا به انخرط طبلوني هالسرع وأدخل بين السيارات وادخل وهو وراي ، وتسمع زعيق الناس لف يمين لف يسار ( لو هو بمكاني كان عرفوا وش يقولون بس جيدين بالهرج ) المهم وأنحجر بين سيارتين وقدامي جدار .. عدل بدل ما به مطاليع ( وهي أماكن للهروب ) حجرة كما يقال ( حجرة بس ) أي أيقن بالمسك عليه .. نأخذ فاصل إعلاني .. طبعاً خالي وهو وعياله يدورونن .. يوم شافوا ثور يلحق واحد .. خلوا التدوير وبدوا يناظرون ( كما قالوا لي بعدين ــ زعموا ــ ) أويل كبيدك يالصيوان بس .. آخر من يفكرون به أنت !! نرجع للمسكين المحجور !! وجاو الناس وتحرجموا على السيارتين ( من الحرجمة وهي اكتظاظ الناس حول مكان معين ) ــ علماً أنه صفة ذميمة لأهل بريدة للأسف .. فلا يكاد يخلو أي حادث إلا وتسمع أصداء الخبر بآخر بريدة !! وأيضاً هذه الصفة تجي مع البزر حال الولادة مربوطة بكيسة ، فمنهم من يجرّعها ابنه ( من التجريع وهو رميها بالبطن على طول دون مضغ !! ) ومنهم من يرميها ، وقد أحسن صنعاً من فعل ذلك !! ــ .. المهم قرّب الثور لمي وقرّب .. وأنا أرجع وراء لم الجدار .. إلا أن صبخ ظهري الجدار .. وهو يمشي حبة حبة إليّ وحانت ساعة الصفـــر !! يوم برّق خالي بالملحوق أثره ولد إخته ( والتبريق هو فتح العينين بشدة اتجاه شخص قد أصابه شيء ، أو به حالة غريبة أو رأى شيئاً لم يره من قبل ــ كما يفعلون مشاهدين الفضائيات في وضع قضابات على عيونهم عشان ما يفوتهم شي من مناظر النساء الكاسيات العاريات ــ ) المهم بعد الكشتة عن الموضوع ههههه نرجع له أدري إنكم على أعصابكم ... يصوت خالي : الصيوان الصيوان ادخل تحت السيارة بسرررعة .. أنا على طول نفذت اللي يقول وصاروخ تحت الجمس وبديت أزحف على بطني .. وتسمع الناس يصوتون : يا رهيب يا رهيب .. الثور دخل راسه لمي وبدا يرجف ويضرب وينابط الله يجزاهم خير الشريطية والدلالين على طول مسكوه وربطوه بحبال ( الشريطية والدلالين هم من يقومون بالتحريج على البضاعة المجلوبة للسوق سواء كانت غنم ، بقر ، سيارات ، جح ، طماط ، بطاطس ، أوادم خخخ / علماً أن بعضهم يمتلك مهارة عالية جداً في الكذب والخداع والدليل على ذلك إدخل أقرب سوق بالجردة أو غيره وبصّ داخل مخباته تلقى شهادة من جامعة السوق كلية الخيانة قسم الكلك والخداع وسبحان الله أغلبهم متفوقون !! ). المهم طلعت من الجهة الثانية وأنا ما صدقت .. الحمد لله نجيت من موت محقق .. وثوبي غدا زيطة مرررة ( الزيطة : هي قمة الوسخ الواقع على الثوب ) ويوم تبقشت الأمور ( التبقيش : هو التحري والتأكد والسؤال عن شيء معين ، ثم بعد ذلك يظهر لك شيء لم يكن في الحسبان !!) أثر البقرة هي وعجلته اللي قاعد أناظرهن وألمسح عليها .. زوجت الثور !! فسبحان من ألهمه هذه الغيرة التي جعلته يقطع الحديد !! ( وياليت الرجال ذا ــ أعني الثور لأنه فعلاً رجال ــ يعدي بعض الثورة عفواًُ الرجاجيل عندنا ــ وإن كان اسم رجال ليس أهلاً له ــ في الغيرة على أهله والحفاظ عليهم .. وبعد عناء وهواش مع خالي قال خلاص أبوديك لأهلك .. أنا الغلطان اللي أخليك تمرح عندنا .. وراك ما جيت يوم يناديك ولدي يوم بقولك يالله مشينا .. سااااادّة عاقبك الله هذا اللي ما يسمع كلام خاله قلت له طيب وش أخطيت به <=== كأنه ما زين شي .. قال : اسكت بس ولا كلمة !! وحنا ماشين للسيارة أكلت ــ الله يكرمكم ــ حزمة تبن محشية بزيتون !! وسيدا للخبووووب .. قالي خالي : سلم لي على أبوك وأمك وقلهم الله يخلف عليهم !! وأجي عند الباب وأطق المهم فتح أخوي الصغير ولا والله الوالد والوالدة قاعدين يتقهوون تحت هالنخيلات ، قال الوالد : عسى ماشر وراك جيت الحين .. ورا ثوبك وسخ ؟؟ فخامتي : لا أبد شي بسيط .. !! الوالد : وش أنت مزين قلي ، ما جابك إلا إنك مزينن شي ؟؟!! فخامتي : .............. !! قحص أبوي لأقرب عسيب ( القحص : هو القفز من المكان بسرعة شديدة جداً تضاهي سرعة الضوء !! والعسيب : هو أوراق النخل الطوااال اليابسات ) وطاااااح طيييييح طووووح .. هماي قايل لك لا تمرح ياللي ما تستحي .. الله يخلف عليّ بوليد مثلك .. دايم تجيب لنا المشاكل .. دايم تهاوش .. دايم .. دايم .. عاد الوالدة قامت تفك الهوشة وتهدي أبوي .. يابن الحلال خله المرة بس .. دايم تضربه .. على شاني خله .. وخذ صياح ورغيان من ولا تسأل عن المنطقة الوسطى من جسمي كيف أصبحت زرقاء خلال دقيقتين فقط !! أبسألكم يا ناس وش مزين أنا ؟؟!! زينت شي غلط ؟؟!! فهموني غلط .. الله يسامحهم .. أميـــــــن .. تـمّ هـذا العـمل باستوديوهات : (( منتديات بريدة )) . الإخراج الفني والهندسة الصوتية : (( الصيوان )) . === ((( النهاية ))) === ملاحظات : 1 / هذه القصة حقيقة وليست من نسخ الخيال . 2 / حقوق القصة محفوظة للصيوان فقط .. إلا من أراد قراءتها أو طباعتها !! 3 / نستقبل أي ملاحظات أو استفسارات حول هذه القصة .. شكرا لكــــــــم .. :D :D __________________ [c] [/c]

16-03-2003, 04:11 PM	#2
بدر الشايع عـضـو تاريخ التسجيل: Sep 2001 البلد: بريدة المشاركات: 1,286	ههههههههههه هههههههههههههه هههههههههههههههههه الصيوان تدري وش ودي ... ودي كنت بالسوق ومعي الكميره وقاعدن أصورك :D :D والله ياشكلك نكته , وأنت هاجن عن الثور إلا أبسألك سؤال .... أنت قلت أن الحرجمة صفة سيئة لأهل بريدة ؟ وتجي مع البزر مع ولادته ! وشي بالضبط ؟؟؟؟؟ تسلم على هالبطولات بس أعلمك , أنهم ظالمينك بالضرب المفروض خلوك تمرح زود أسبوع عند خوالك , مكافأة للعمل البطولي ( إي هين ) see you __________________ تسعدني زيارتكم لموقعي الشخصي www.badr.cc

16-03-2003, 04:26 PM	#3
نور الشمس عـضـو تاريخ التسجيل: Jan 2002 المشاركات: 1,078	. اخي الصيوان .. بصراحه ابدعت جدا في كتابتها .. وفعلا احداث مثيرة جدا .. شكرا اخي .. __________________

16-03-2003, 09:18 PM	#5
فـارس القبيلـة عـضـو تاريخ التسجيل: Oct 2002 البلد: في قلب من يحبني المشاركات: 2,005	عه هع عه هع عه هع عه هع والله رهيبه جزاك الله خير اخي بقلم الفقير لربه -على نياته __________________ لاحول ولاقوة الا بالله >> كنز من كنوز الجنة فـارس القبيلـة == على نياته سابقاً_((-( اذا رأيت شخص غير مسلم وترغب بدعوته الى الإسلام,, ماعليك الا أن تكتب رسالة قصيرة الى الرقم l 0555988899 l تكتب فيها رقم هاتفه ولغته وهم سيتولون الباقي بأذن الله,, منذ انطلاقة هذه الطريقة أسلم أكثر من 850 شخص ولله الحمد والمنة تذكر قوله صلى الله عليه وسلم: ((لأن يهدين الله بك رجل واحد خير لك من حُمر النِعم))أو كما قال عليه الصلاة والسلام ايضاً تذكر لاتحقرن من المعروف شيء )-))_

16-03-2003, 11:13 PM	#6
المنخرش عـضـو تاريخ التسجيل: Mar 2003 البلد: بريده (رضي الله عنه) المشاركات: 13,063	مشكور ههههههه __________________

16-03-2003, 07:24 PM	#4
حي على الجهاد عـضـو تاريخ التسجيل: Jan 2003 المشاركات: 15	خخخخخخخخخخخخ مامريت بالشماس بس أهم شيء الصراحة والباقي وررررررررررررررررر سلة المحذوفات

16-03-2003, 11:40 PM	#7
محمد الفاتح عـضـو تاريخ التسجيل: Feb 2003 المشاركات: 924	كرا اك اخوي ودنا نحطها بفيلم ههههههههههههههههههه __________________ للبحث عن اي كراك لاي برنامج اضغط هنا

18-03-2003, 04:31 PM	#8
الصيوان عـضـو تاريخ التسجيل: Oct 2001 البلد: القصيم - بريدة المشاركات: 1,099	=(( ذيبان ))= مشكور يا بعدي .. واللي تقول هي البجاحة ‘ن صح التعبير .. وبشكل واضح بأهل بريدة .. مع إني منهم بس الشكوى لله .. =(( نور الشمس ))= أهلا بك وإن شاء الله نشوفك منك المرة الجاية .. =(( حي على الجهاد ))= ما فهمت ؟ ياليت توضح ؟ =(( على نياته / المنخرش ))= الشكر موصول لكم ــ تكثير مشاركات !! =(( محمد الفاتح ))= يالله على يديك .. الله يقويك ... تحياتي __________________ [c] [/c]

18-03-2003, 10:13 PM	#9
شيخ بريدة عـضـو تاريخ التسجيل: Dec 2001 البلد: مدغشقر المشاركات: 1,317	ههههههههههههههههههه والله ياانت تنسيييييم ياالصيوان ياالقروي هههههه امزح امزح<< احلف ياالمتمدّن. اجل تقول الحرجمة من صفات اهل بريدة....تدري يابعدي إن هالحرجمة اللي تقوله هي صفة من صفات العرب يعني كثير من العرب الأولين اللي قبل الرسول صلىالله عليه وسلم كانت صفاتهم تسذا واقول لك ماهوبكلهم بل بعض منهم.....المصدر موثودز(موثوق<< متكلف باالهرج). تسلم لنا ياوخيي على هالقصص اغدي الاجزاء التالية يجن إن شاء الله نحتريك على احر من الثلج. رويسيلة خاصة لذيبان: يابعدي يااستاذ ذويبان ترانا عرب قسم بالله لاتقعد تهرج قلينزي بذا يعني إني متطور تبيزع قدامنا هخخخخخخخخخخخ امزح بس لاعمرك تعود له تفهم. __________________ ^&)§¤°^°§°^°¤§(&^ياحول يااللي ماله بريدة^&)§¤°^°§°^°¤§(&^

19-03-2003, 04:00 PM	#10
المرصاع عـضـو تاريخ التسجيل: Apr 2002 البلد: بلاد الحرمين المشاركات: 2,405	ههههههههههههههههه تنسيم .......... الصيوان أقترح انك تصير كاتب قصص........... __________________ [/c]

20-03-2003, 02:10 AM	#11
غـنـدر عـضـو تاريخ التسجيل: Mar 2003 البلد: -- الـفـلـوجـة -- المشاركات: 3,620	ههههههههههههههههههههه والله انك نششششششششششششششششششششبه

23-03-2003, 04:17 PM	#12
الصيوان عـضـو تاريخ التسجيل: Oct 2001 البلد: القصيم - بريدة المشاركات: 1,099	=(( شيخ بريدة))= شرفتنا بجيّك هنيّا .. لا تخلينا بالجزو الثاني =(( المرصاع ))= سم وابشر .. وين اللي يشجع بس <=== رقاو أثل :D =(( غـنـدر ))= شكرا لك .. تكثير مشاركات .. تحياتي .. __________________ [c] [/c]