[الـدعساوي]

السلآم عليكم ورحمة الله وبركاته <== سلآم من غير نفس من قوة القلق
هذا الموضوع برعاية| طفش بن قلق بن كسلآن آل نكد |
هالأيام امر بحالة كئيبة وقلق وطفش , وكسل , ونكد <-- كلهن وآحد بس تكثير
ياشينه لاسافرت وأنن مالك خلق , كلش تسويه , والوقت يدبي دبيْان
ومثل ماقلت لكم كلش شيء صلحته | اقوم الظهر , افتح النت وامر بريدة ستي , ودقيقتين وانا طالع منه , من قوة الطفش والقلق اللي به , من فلان الكده لعلان ثقيل الدم , مانب لمكم ,<-- أجل من عني يالهيس , أحس شيء موضوع الخفاش بتوع تركيا , وذالن مرسولنا به , , اطلع منه اسير على مكشات , برضه قلق , نطلع لبريدة نت , برضه قلق , اطلع للماهر , مآدري وش هم يحتسون به , عجزت امسك لهم سالفة , اطلع مجتمع الريف , القى الخشب نيم , كل ثلاث ايام مشاركة , وكل شهر موضوع , اطلع للبالتوك , غدي به مسابقة , اقعد شوي معه بحاول أجاوب , اعجز مآغير ادربي الدميجة معهم , ولا جاوبت سؤال خلاص اطلع من الفرح , اطلع منه أسير على مسابقات زيزوم , خبركم ندور العيشة , صرآفة الجامعة تقول بآقي له 30 يوم , وتنتهي , اللي لا يعيدهم , المهم , اطلع من زيزوم , اقفل الكونكت , اطلع برى , أوقف تكس , ابآصل البيك , اركب مع تكسي يضيق الصدر , على طاري التكاسي بمكة
غريبين , مرة ركبت مع وآحد كدة , ومرة تركب مع وآحد يدربيه مآيدري وين الله حاطه ,
عاد اليوم ركبت مع تآكسي , طلعت من الحرم قلت له المحبس , ركبت معه ودريت انه يدربيه , قريت الورد يوم شفته , اول مامشينا طفت السيارة , ويشغله , وتطفى عشر مرآت قبل لاناصل المحبس , وصدمنا مرة , ومرتين حدينا بآص , مايعرف يمزح هو وخشته , باص مرة وحدة
ايه نرجع لسالفة الطفش , بعد مآ أرم من البيك , يبدأ وجع البطن , غريبة هالمطعم من انه يوجع البطن الا انه طعم , الصدز اني اشك به أنا
,,,, ايه وهذا هو روتيني اليومي <-- هي تجي
على طاري البيك / هو صدز ممطرة ببريدة والريآض <-- تكفون لاتقولون ايه

والله ياهي /
كسسسسسسسسسسسسسسسل
لا أحد يرد , ترى بي كدة مهب بأحد
ولا احد يشره , كلش صلحته الا موضوع جديد , قلت خلنا نفضفض , على اني أدري انكم مآعندكم الا الدجة وتدربونه <-- فيس يناظر جروح

[عبدالرحمن الشايع]

,

هههههههههههههههههههههههههههههههههههه
جآآيك يآخلفهم إن شآء الله بكرى بمكة
بس ياخي ماتلآحظ شي ؟ بهم غشامه مهب باحد والله ياعليهم خطمات اوب معقولة
والله إني أقرى المعوذات من القهر إذا ركبت معهم من زود الغشامه

اقتباس ولا احد يشره , كلش صلحته الا موضوع جديد , قلت خلنا نفضفض , على اني أدري انكم مآعندكم الا الدجة وتدربونه <-- فيس يناظر جروح

[الـدعساوي]

جروح / الله يعينك على الغثاء , والزحمة والقلق
والله ياتبي تصير بك كدة مهب بأحد
<-- الا ورآه ماتشيل التهنئة , لا أشيلك عن الأرض

[ولد حمد]

بمكه وضايقن صدرك

ترى المعاصي له أثر بالقلق فمن هالمنطلق انتبه لنفسك

أجل آل نكد

[ŔǺỶĀЙ]

غريبه .!!


لي اسبوعين بمكه ولاجيت إلا قبل يومين والله انه ونيسه : )



بس اذاء صار معك احد من الشباب اوب لاحالك تهش الذبان

[الجادي المدوف]

أبو دعس بمكة يالله من فضلك تطوف وتعبد ربك وتدعيه وتشرب ماء زمزم احمد ربك على النعمة << رد عجوز

[بدر بن عبدالله]

ما تشوف شر يا أبو عبد الله ، فترة بسيطة وتفك الحالة إن شاء الله

[خـآالد]

مكه وضيقة صدر ..

الدعسآوي
كثر من ذكر الله ..



<~ اتحدآكـ تقول شيء بردي

[عبدالرحمن الشايع]

اقتباس المشاركة الأساسية كتبها الـدعساوي جروح / الله يعينك على الغثاء , والزحمة والقلق والله ياتبي تصير بك كدة مهب بأحد <-- الا ورآه ماتشيل التهنئة , لا أشيلك عن الأرض

لآآ أبشرك هونت .. ,, ههههههههه ..

[الضَمَـادَا ®]

شف تسانك راعي علاقات وتدخل مع الناس على طول أنصحك بـأن تكثر السواليف مع الخلق .. بالذات مع الناس الأجانب تبي تلقى عجايب
و الله إني أذكر سالفتن بتلت أضحك عليه / إلى حزك
بس لعله ما تنفع هنا : / ..

* لا تنسانا من دعاك

[wméédh]

اقتباس المشاركة الأساسية كتبها الـدعساوي افتح النت وامر بريدة ستي , ودقيقتين وانا طالع منه , من قوة الطفش والقلق اللي به , من فلان الكده لعلان ثقيل الدم ,

هذي انا معك
والله ياطريقة الإقتباس شييييييينة !

[أبو رزان]

أنا لاجيت لمكة ما أطلع من الحرم أبد << نجدع له أبو ركعه

خذ لك جاويه ولا شنقيطية على سنة الله ورسوله وتبي تستآآآآنس << وهقه

[كآيدهمـ]

هلا دعوستي
هلا والله بحبيب قلبي
عنديلك شي يوسع صدرك
ويشرح لك ويخلية مثل ساحة ابتدائية << < للي مال يفهم حوش مدرسة ابتدائية حكومية

اقر قران بتوسعة الملك فهد تحت اثرية من الثريات الكبار وخل معك كاس زمزم

حشى شعوذة ذي

وتقبل مروري لموضوعك يالطفشان

[الفهد الأسود]

وراه ما تطلع لجده تفسق وترجع

تاخذ لك عمره تكفر ذنوب