[السامي البريداوي]

بسم الباسط بسطت سهمي ولا ني مبسوط ..
وسريت خلف السياَل قلمي .
يسيل كل ما سندته فوق السطور المسطرة بأصبعي
سرى يسَّري, ويسرَي ويسمو للسعادة الي كل الناس لهـا ساعين .

تسلسل من سراديب فكري سلاسل

سوالف كلها سين مالها أجوبي ؟

يسير وصوت الي على ساقه صحى المساجين .

صحى الي غارق بنومه والي بهموم ساكنين قلوبهم غارقين .

دخل سردابه بعد ماسار النوم سير ماله مرجعي

إلى بعد ماتسير الشمس فوق المساكين .

كيف يهتني ؟ كيف يشتكي ؟ كيف يعيش ؟ وكيف صدى السوالف لها أنيس ؟

.

[عبدالله الصالح]

أستمتعت بالنظم وتذكرت ألغاز جدتي ..

فك الشفرات مابين السطور لاهنت......

[أبو رقية]

عجينة تمخضت لربما كانت معانيها عميقة
و لكن تعميق المعاني استتار وراء جدران الاحتمالات
وهو منافٍ لأصالة القلم و رسوخ الفكر

طيّبُ التحيا يعانق همهماتك .

[ابو قلبين]

اقتباس المشاركة الأساسية كتبها السامي البريداوي بسم الباسط بسطت سهمي ولا ني مبسوط .. وسريت خلف السياَل قلمي . يسيل كل ما سندته فوق السطور المسطرة بأصبعي سرى يسَّري, ويسرَي ويسمو للسعادة الي كل الناس لهـا ساعين . تسلسل من سراديب فكري سلاسل سوالف كلها سين مالها أجوبي ؟ يسير وصوت الي على ساقه صحى المساجين . صحى الي غارق بنومه والي بهموم ساكنين قلوبهم غارقين . دخل سردابه بعد ماسار النوم سير ماله مرجعي إلى بعد ماتسير الشمس فوق المساكين . كيف يهتني ؟ كيف يشتكي ؟ كيف يعيش ؟ وكيف صدى السوالف لها أنيس ؟ .

كان الله في عونك ..

[مدحت شوقي بريده]

السامي البريداوي ..

وش جايك بسم الله عليك ..
حسيت انك لابسن عمامة وبشت وواقفن بالصالة وتلعلع بهالسين ..

سلام تسليم سلم السلامات ..
يسلم مسلم سالم السليمين ..


حبيب البي .. حاولت افكر اني افهم ..
بس مخي قالي من زينك انت وخشك .. مافكرت بالبسيط علشان تفكر بهذولي ..



وعلى قولة عبدالله الصالح اغديك تفك الشفرات ..




الشفر .. آت .. <<((==
هذا ابوجهل كان معه ( شفر ) وشافه ابو لهب من بعيد وقعد يعلم اخوياه ..
( الشفر ات ) ياقوم .. ( الشفر ات ) ..


نسلم عليك يالبي ..



سي يو ..

[جودالسمآء]

حاولت افك الشفرات واتضح لي انك تصف حالة واحد مسجون

او واحد ساجنته الهموم والمشاكل

وضايقتن بوه الوسيعه

قلي اذا صح علي ولا لا

[السامي البريداوي]

اقتباس المشاركة الأساسية كتبها عبدالله الصالح أستمتعت بالنظم وتذكرت ألغاز جدتي .. فك الشفرات مابين السطور لاهنت......

حياك المولى أستاذي
شرفت متصفحي وإن شاء الله ؟بعد ما نسمع أراء الأخوان .

[السامي البريداوي]

اقتباس المشاركة الأساسية كتبها أبو رقية عجينة تمخضت لربما كانت معانيها عميقة و لكن تعميق المعاني استتار وراء جدران الاحتمالات وهو منافٍ لأصالة القلم و رسوخ الفكر طيّبُ التحيا يعانق همهماتك .

إذا أكثر منه .

أبو رقية شاكر قدومك .

[لسـ المواطن ـان]

لا أدعي أنني فككت رمزاً من رموز هذه السين .. !!

ولكن لي معك سهم ، وإسهام هو حصاد تلك السنين . !!
فالليل عندي سرمداً .. يطول بعيني ، وعين الساهرين ..!!

إلا أن للسين من ليلي معنى سليم ..!!
سلام .. ستر .. سعادة .. وأنتم من سقمٍ سالمين ..!!

فقد سرت والقمر ..!! فكلانا في الليل سائرين ..!!
فسال في ليلي الدمع قبل الحبر وكلاهما لسبب قد أُسيل .. !!
فكان الرسم في سيله قولٌ بسيط قد يغضب سلاطين ..!!

فليس من قليل سئمت .. ولكن غيري كثيرٌ سائمين ..!
سياط .. وسلاسل .. كما في أساطير السابقين ..!!

فمن مقالك أخي سعيت بالفكر إلى ذك صاحب الشين ..!!
عندما قال والناس من مثله له سامعين !! عندما ردد شينه بشيء مشين ..!!
فقال :
" الشين في شيء .. وشي مخفي .. وشي شفته أنا " ..!!

فهل سينك هذه هي كتلك الشين.؟ فهأنا اليوم لك من السائلين ..؟

[الصباخ]

هههههههههههه أعجبني النظم وخاصة السنسينيات .

[عبدالله الصالح]

هههههه

عزيزي ..

قمت من النوم ..

أفطرت ..

صحصحت ..

فتحت ستي بريده ولموضوعك جاي بدوسه وحده ..

فكرت .. ثم فكرت .. ثم تحيرت ..

مره أقول نعي ؟؟

مره أقول خواطر تفييض ..

بس الوكاد كأنك تخاطب أحد تت التراب وتنشد عن أحواله ..

ربما ؟؟ من يعلم..

لكن من راحة بالي أبتابع حتى أرى الحقيقه..

كن بخير أستاذنا الغالي.

[المسفهل]

كان الله في عونك

وهذه مشكلة قلّ من يسلم منها ، حيثُ أن الجميع يعاني منها ولكن لا عليك فنحنُ راحلون وعلى ربنا متوكلون ، فسر على بركة الله ولا تهتم ولا تغتم .

==>> يقاله فاهم المقصود


أغديك وأنا أخوك تفهمنا مرادك .

[السامي البريداوي]

اقتباس المشاركة الأساسية كتبها مدحت شوقي بريده السامي البريداوي .. وش جايك بسم الله عليك .. حسيت انك لابسن عمامة وبشت وواقفن بالصالة وتلعلع بهالسين .. سلام تسليم سلم السلامات .. يسلم مسلم سالم السليمين .. حبيب البي .. حاولت افكر اني افهم .. بس مخي قالي من زينك انت وخشك .. مافكرت بالبسيط علشان تفكر بهذولي .. وعلى قولة عبدالله الصالح اغديك تفك الشفرات .. الشفر .. آت .. <<((== هذا ابوجهل كان معه ( شفر ) وشافه ابو لهب من بعيد وقعد يعلم اخوياه .. ( الشفر ات ) ياقوم .. ( الشفر ات ) .. نسلم عليك يالبي .. سي يو ..

هلا بألبي أبو إبراهيم
( بالعكس فكرك وعقلك أرقى من خرابيطي ذولي يا أستاذي )
قريت رواية لسجين يصف نفسه بالسجن والضيق الي يمر عليه والتكاك وضيقت الصدر التي تمر عليه

أحياناً وهو في سجنه الإنفرادي

يقول أنه في يوم مرة عليه ضيقة عظيمة ولا عنده شي يوسع صدره

وإذ بنملة مسكينة تدخل زنزانته شافه وفرحبه

وقعد ساعة يحدده ويتفكر بمشيته يمين ملت وأنسدحت على ظهره .هههه

سي يو

[السامي البريداوي]

اقتباس المشاركة الأساسية كتبها جودالسمآء حاولت افك الشفرات واتضح لي انك تصف حالة واحد مسجون او واحد ساجنته الهموم والمشاكل وضايقتن بوه الوسيعه قلي اذا صح علي ولا لا

جود السماء

شاكر جود مرورك

والله يكون في عون المساجين ويصلح حالهم .