[** حَـنيـنُ الأُخـوَّة **]

بسم الله الرحمن الرحيم


بتاريخ : 27 / 7 / 1431 هـ



انطلقت رحلتنا من بريدة الحبيبة إلى طيبة الطيبة .. حيث رافقتنا وشرفتنا أحلى 3 عمات .. استضفناهنّ في قلوبنا قبل منزلنا ..
كانت معنا : الغالية : 乂♥ متفائلة ♥乂 و الحبيبة : / آنثى ملائكيه / .. و الحلوة : ® A7labnt ®
وايضا كان برفقتنا :




انطلقنا قبل أذان المغرب بدقائق .. يوم الجمعة ..







و هذي صورة السيارة ..



التقطتها أثناء الطريق .. حيث توقفنا لأداء صلاة المغرب والعشاء جمعا و قصرا .. و لقينا في المحطة حشووود بشرية كبيرة .. لدرجة يصلون بالشارع ... المسجد يذرف ...



لذلك آثرنا الوقوف قريبا من المحطة في منتزة صغنون قريب اسمه كما ترون :










طبعا الجدار هذا تشوفونه على بعد 10كيلو بسبب اللمعة القوية << كأنه فستان عجوز مسبووطة .. ههههه

المهم خلوكم مع الصور الآن :



وهنا فرشنا سجادات عشان نصلي جماعة



وهذي جزمتي .. فيه شخص عنيف رماهن بعييد برجله .. << ياحرام كسرت خاطر قلبي !!




وهنا بخط الأستاذة : ....



وهنا جلسات مدري وش فايدتها .. بس فيه شخص ذكي خلاها لوحة اعلانية لمنتدى .. تم طمس اسم المنتدى مراعاة لقوانين بريدة سيتي << أحلى يا أم القوانين ..



وبعد الصلاة أخذنا مفرحات من بقالة المحطة ..



وهنا صار للبطاطس حقي حادث بسيط .. الحمدلله على سلامتي



و هذا المشرووب المفضل لناس معنا بالرحلة ..




بالعافية يارب


وهذي صورة بعيدة شوي للتفتيش ... تغطن يا بناات ?




ويوم قربنا نوصل المدينة .. انكسرت رقابنا وحنا ملتفتين يمين .. نترقب وكلنا شوق وخاصة ضيفاتنا الحبيبات .. نترقب رؤية أنوار الحرم النبوي على ساكنه أفضل الصلاة والتسليم ..

حاولت آخذ صورة بس ماقدرت .. مع انها تبان من بعيد حتى قبل توصلون المدينة .. سبحان من اعطاه النور والهيبة ..

وصلنا بحمد الله وسلامته وهذي صورة اغراضنا وشناطنا :



وتم اعداد عشاء سريع :




وبالعافية على قلوبكم .. << ودي ادري وش سالفة السكينة الخاطمة ؟!! من حطها ؟!!! أحد يدري ؟!!

نرجع ليوميات الرحلة :

اليوم الأول ( السبت ) :
تفضلوا على غدانا .. برياني دجاج وملوخية ..



ثم ذهبنا العصر إلى مجمع الراشد ميغا مول ..

وهنا صور في الطريق إليه :








وهذا المجمع يلوح من بعيد






وصلنا ..




صور من داخل المجمع :





جلستنا الحلوة


الصورة من تصوير أنثى ملائكية








جوالي القميل بسم الله عليه



وهذا الشيء المميز بالمجمع : النوافير الملونة بداخل البحيرة ..




















صلينا المغرب في المجمع ثم انطلقنا إلى مسجد قباء .. الذي أخبر رسول الله صلى الله عليه وسلم أن الصلاة فيه تعدل عمرة ...


وهذة لقطات حين وصلنا المسجد ..
















ومن المواقف التي اسميها المضحك المبكي أننا رأينا امرأة كبيرة بالسن ( 50 سنة أو أكثر ) وبيدها سيجارة طويلة تدخن في ساحة قباء امام البوابة !!!!
الحمدلله الذي عافانا مما ابتلاها به ..




وبعد الصلاة رجعنا للبيت ..

وجلسنا نتقهوى ...





الشوكولاته متفائلة جابتها وكانت هدية جايتها بمناسبة خاصة جدا << إشاااعة ههه فيس مطلع لسانه ..

بسبوسة من يديني الحلوين وه بس





كنا مخططين للعشاء خارج المنزل .. لكن تغيرت الخطة ... وأقسمت الحلوة أحلا بنوتة انه تسوي العشاء .. وتعشينا من يدينها احلى شكشوكة .. وه بس ..

وهذي صورة .. اكيد بتدوخون من منظرها المغري .. وش لو عاد تذوقونها ...





[url=http://www.rofof.com][/url



اليوم الثاني .. كان يوم الأحد .. رحنا العصر إلى المنار بلازا على الطريق الدائري الثاني .. بجانب سوق الخضار المركزي بالمدينة .. المجمع هذا يوجد فيه العفيف للاكسسوار << اكسسواراته جدا راقية وحلوة ..
وفيه بنده ايضا ومحلات اقمشة وفساتين جاهزة .. واحلى شي فيه برأيي دايسو << المحل الياباني .. فيه فرع في الشرقية والرياض فقط وهذا الثالث ..


و فيه مطاعم و الهرم بلازا ..






وبعد ماطلعنا من السوق توجهنا للحرم النبوي .. حيث الصلاة فيه بألف صلاة .. اللهم صلي على نبينا محمد ...
وفي الطريق شفنا حريق من بعيد .. وكان مطبخ يحترق !! الله يعوض على اصحابه .. حاولت اصور وهذي النتيجة ..







وهنا لقطة لمدخل مواقف الحرم :






كان الحرم مزدحما كما هي العادة هذة الأوقات ...

لم استطع ان التقط صورا هنا بسبب وجود النساء ..



و في الليل رحنا تعشينا في مطاعم مجموعة هات .. وكان عشاء مميز و لله الحمد ... وكان فيه جلسات مطلة لكن اخترنا جلسة داخلية ..

وهذي صور من المطعم :


صورة للجلسات من برى :<< المعذرة مهزوزة <<< متفائلة تزتّن خخخخ






الطاولة قبل



المقبلات خخخ





الصور مهزوزة ... عذرا تعبت عيونكم














وفي نفس الليلة متفائلة كالعادة مرابطة على بريدة سيتي << عطوها بدل دوام بالإجازة ههه

وتمت إقامة منافسة حامية الوطيس بيني وبين أحلابنوتة وانثى ملائكية .. وهذة النتيجة ..


حنين الأخوة فازت وكسرت خشومهم .. هع هع أنا اتوقع ان متفائلة ما دخلت بالمنافسة لأنها خايفة على خشمه ..






وهذة لقطة لمفرح سريع قبل الفجر






اليوم الثالث .. بسبب ظروف عمل ولي أمر العائلة جلسنا في البيت .. وسويت مع أحلا بنوتة أحلى تشيز كيك

وهنا لقطات لها معنى في قلوبنا :




هذا صحن أحلا بنوتة :



وهذا صحن حنين




وهذا صحن أنثى ملائكية ..



ومتفائلة ماحطينا صورة .. شكله تخاف من العين .. << فيس مطلع لسااانه ..


وبعد صلاة العشاء خرجنا إلى : مجمع النور وهذي لقطة بس ماضبطت مرة .. اعذروني ..




وأخذنا جولة سريعة بالسوق .. ثم توجهنا لجهة المطاعم وعزمتنا متفائلة الله يخلف عليها يارب ويطعمها من ثمار الجنة ..











وهذي الليلة كانت آخر ليلة لأننا من الغد رجعنا لديارنا الحبيبة ..

مشينا بعد صلاة العصر وماتغدينا ذاك اليوم ..

اشتهينا فلافل من حمص ريفي << لايفوتكم يازوار المدينة .. بلا بيك بلا هم ..


لكن تهئ تهئ مسكر !!



الحمدلله لقينا جنبه دومينووز

وتم طلب بيتزا .. سوينا مسابقة خفيفة بتوقع نوع البيتزا الي طلبنا ..

والجائزة بقيمة 5 ريال لكل توقع صحيح .. وهذي الجوائز .. كالعادة متفائلة ماله نصيب .. ههههه













مفرحات الطريق:



صورة اثناء طريق العودة :






طبعا يتخلل الطريق نوم وكسل <<< كماهي العادة في طرق العودة من أي رحلة سعيدة ..

وهنا وصلنا ولله الحمد و المنة بالسلامة ..


البرج ياحوووبي له :




صور بتقنية الغالق البطيء

فقط لمحترفي التصوير

والي مايفهم بالتصوير ينسخها ويحطها خلفية وبس














هذي صورة خاصة إهداء لأنثى ملائكية وأحلا بنوتة .. سر ما أحد راح يفهمها غيرهم .. لا أحد يسألني ..



...............



وفي نهاية رحلتكم معي ... اشكر الثلاثي الحبيب ضيفاتنا الحبيبات الي ودي امكع عيوني واحطهن مقلقل لهن .. وه بس

ياحوبي لكن عودنّه علينا ..

و شكـــــــــر خااااص لخالي الحبيب أبو خالد . جزاك الله خيرا وبارك لك في مالك و ولدك وعمرك .. وأطال الله بقائك على طاعته .. وفي صحة وسلامة ..

لولا الله ثم أنت لما كان كل هذا .. تمنينا حضورك لكن لعلك تعوضنا ..



شكر خاص لمن ضبّط لي الصور .. أخي الغالي : فتك .. تعبتك معي ولكن لا أقول إلا جزاك الله خيرا .. وبارك لك في علمك وعمرك وعملك ..

كانت معكم ساكنة المدينة .. حنين الأخوة من بريدة سيتي ..

لكل من عطر موضوعي بمروره ..

والمعذرة تأخرت بالموضوع شهر كامل .. بسبب ظروف السفر وقلة وجود النت .. وكثرة الصور ..

حبيت يكون التقرير ذكريات حلوة نسترجعها مع ضيفلتنا الكريمات .. ومرحبا ألف بكل من زارنا وفرحت به قلوبنا وأرواحنا ..

[القلب الوردي]

ماشاء الله

تقرير مفصل وتصوير بطل عيشتينا الجو وكأننا معك بالرحلة
التشيز شكله يشهي عليكم بالعافية يارب

الله يديم عليكم الفرحة والوناسة ولا يفرق بينكم يارب وإن شاء الله رمضان الجاي تصورين لنا عفشك راجعة لبريدة وتصير روحتك للمدينة مجرد زيارة


( حنين الأخوة , متفائلة , أنثى ملائكية , أحلى بنت )
أحبكم

[|• هَبْ العِطِرْ]

+مميز

الله الله يآ حنين وش هالرحلة البطلة ذي..

اولا صراحة تفآجئت بمستواتس بالتصوير..

خطــــيــــــــرة



جازلي قداً انيق تكسرينه بالعافيه



أبي صحن
عليكم بالعافية



يآبعدي يآ فيمتو لتس مني خمسة


ماشاء الله عليتس يآ حنين تقرير مميز وصور كثيرة وختم الصور بحقوقك

لآتبطين علينا

[نجود]

صراحه حلووووووووووو ايه والله الحمص الريفي احسن من البيك

يسلمو على التغطيه ياحنين الاخوة والضيفات متفائلة واحلى بنوته واثنى ملائكيه

[® A7labnt ®]

اقتباس كنا مخططين للعشاء خارج المنزل .. لكن تغيرت الخطة ... وأقسمت الحلوة أحلا بنوتة انه تسوي العشاء .. وتعشينا من يدينها احلى شكشوكة .. وه بس .. وهذي صورة .. اكيد بتدوخون من منظرها المغري .. وش لو عاد تذوقونها ...

يالبى روحك تستآهلون اكثر < والله لو هو مفطح


آمـآ الكررش اصلاً ماكان لي مزآج العب من شـآن هيييك فزتي علينــآ

التشششششيز كيك يممممم يمممممم يجنن حنو تسلم إيدينك ياخلفاتهم

اقتباس هذي صورة خاصة إهداء لأنثى ملائكية وأحلا بنوتة .. سر ما أحد راح يفهمها غيرهم .. لا أحد يسألني ..

ههههههههههههههههههههههههههههههههه آحلى إهدآء وربــي يسلم لنا الإبــدآع


مفرحات الطريق: مفرحـآت .. محزنـآت ...

آمـآ آلمطآعم حكــآيه ثآنيه

تسلم ايدينكم يالغوآلــي .. وربي احلآ سفره

تسلمين يالغلا على الموضوع .. لاهنت قلبي

[تحلو الذكرى]

تسلمي على التغطية الحلوه

رائعه جداً

بورك فيك

[تحلو الذكرى]

تسلمي على التغطية الحلوه

رائعه جداً

بورك فيك

[نجديــــة]

البيك
ثم
البيك
ثم البيك
آآهـ بس ياناس أحبّه بشكل ماتصورونه أبد !

وهـ بس تغطية تجنن وشااملة
أمتعتينا ياحبيبتي , ماأقول إلا ياسعدك
بهالعمات وياسعد العمات بك ماشاء الله

بالتوفيدز

[/ آنثى ملائكيه /]

اقتباس وفي نفس الليلة متفائلة كالعادة مرابطة على بريدة سيتي << عطوها بدل دوام بالإجازة ههه وتمت إقامة منافسة حامية الوطيس بيني وبين أحلابنوتة وانثى ملائكية .. وهذة النتيجة .. حنين الأخوة فازت وكسرت خشومهم .. هع هع أنا اتوقع ان متفائلة ما دخلت بالمنافسة لأنها خايفة على خشمه ..

متفائلة اصلاً 24 سـآعه عنده .. <

ووشسمه يآطعمممه ذيك اللعبة بس قبل لاتنسين اللي لعبنآهآ مع خيوو

فزت عليكم وكسسرت خشومكم

اقتباس وتم طلب بيتزا .. سوينا مسابقة خفيفة بتوقع نوع البيتزا الي طلبنا .. والجائزة بقيمة 5 ريال لكل توقع صحيح .. وهذي الجوائز .. كالعادة متفائلة ماله نصيب .. ههههه

متفآئلة خليهآ تزين نيته وربي تشوف كل خير .. < قووست

والبيتزآء طعم ولا آآآآآروع ..

اقتباس البرج ياحوووبي له

والله لو تشوفون آشكآلنآ وحنآ ننتظر البرج صدق مآلنـآ غنآ عن بريــده

اقتباس هذي صورة خاصة إهداء لأنثى ملائكية وأحلا بنوتة .. سر ما أحد راح يفهمها غيرهم .. لا أحد يسألني ..

يووووه .. آروع إهدآء من آروع إنسآنه .. خطييييييره الصوره ..

اقتباس وفي نهاية رحلتكم معي ... اشكر الثلاثي الحبيب ضيفاتنا الحبيبات الي ودي امكع عيوني واحطهن مقلقل لهن .. وه بس ياحوبي لكن عودنّه علينا ..

يآحبيل قلـبك حنين .. سفره ولا آروع من آروع شخصين بـآلدنيـآآآ ..

مقلقل يآلبى عيونك .. طول عمرك ماتقصرين يالغالية ..

تغطية رآئعة

سـلمت يمنآك حنيني

[tHE rEd floWEr]

مآشاء الله الرحلة حلوة جدا
ياريـــــــــــــــت لو كنت معاكم
خلاص المرة الجاية لمن أجيكم في السعودية بإذن الله ح تصوري طلعاتي معاكي بي الزبط زي ما عملتي في الرحلة دي وح تنزليها في بريدة ستي
ههههههههههههههههه,,,,ِشفتي كيف الغيرة دي

بس بي الجد وحشاني مرررررررررررررررررررررة يا حنين الأخوة
ربنا يخليك لي يا صديقتي الحبيبة
سلامي الحار لي متفائلة وأنثى ملائكية وأحلى بنت

[جووري]

ماشاء الله تقرير قمييل
بس تقل انك غلطه بالتاريخ والا انا واهمه؟

[عآشقة قسمهآ ..]

وقصم تمنيتن معكم ..
الله لايضركم مآشآء الله دمتوآ على هالمحبة والتآلف ..


حنين انتي أكوس أحد يآحوبي لكـ ..
يآليتكـ مرة اخوي أنا ..
يآسعد فلفل بكـ ..

[عآشقة قسمهآ ..]

وقصم تمنيتن معكم ..
الله لايضركم مآشآء الله دمتوآ على هالمحبة والتآلف ..


حنين انتي أكوس أحد يآحوبي لكـ ..
يآليتكـ مرة اخوي أنا ..
يآسعد فلفل بكـ ..

[غ دير المح ـبة]

رحله ماشاء الله

موفقين وربي لايفرق بينكم

وتصوير شي ! خاصة هالصور المهزوزه<