[صعبة مراس]

السلام عليكم ورحمة الله وبركاته..
الصراحه إنتشرت ظاهرة وبكثرة في الشوارع وخاصة عند الإشارات وهي.....
النظر إلى السياره الأخرى اللي واقفه جنبك الله يهديهم بعض السائقين كأنه يعرفك من شدة نظره إلى السياره اللي واقفه جنبه وخاصه إذا كان في السياره حريم والله الوحده ماتقدر تاخذ راحتها وهي بسيارتها كأن فيها تشنج من شدة إنها ماتقدر تحرك
قال تعالى (وقل للمؤمنين يغضوا من أبصارهم)
وكذلك السائق يتضايق من هذه الظاهره وقد تسبب مشاكل
وشكرآ لكم..

[..انتل100..]

بعض العالم مابقى الايركب ودي انزل ادخل وجهه بالطارة ..

[سميتـك غ ــلاااتــي]

صادقه شوي ويركبون معنا باالسياره

[≈•[ آפــتآجــگ ]≈•]

هههههههههههه

اذا ماحد التفت يمين ولا يسار ويطب مع راعي السياره

مايسمى بريداوي ههههههههه


امنيتي تزول هالحركه وربي قاهرتني

مظلل السياره عشان هالحركه

[أبوسياف]

فعلا ضاهره قذره اتمنى زوالها

[ξــزتــےِ مَالهَـآ כــد]

ظاهره الايمو
ظاهر الاعجاب بين الفتيات هداهن الله والكثير الكثير
شكرا لك

[عصير مشوي]

بالنسبة للحريم ومالحريم ماعليك اللي متستر موهب جايه الا العافيه ثانيا ترى الظاهرة ذي بس موجوده ببريده لاحد يقولي لا انت غلطان الا بلى بس ببريده انا رحت لكثير من المدن الواحد لاوقف عند الاشاره لو ابجنبه اخوة مادرى عنه وبعدين اذا شفت احد يناظرك بمدينة ثانية شبك معه تراه بريداوي ههههههههههههههه

[هاوي الربع]

لا تعليق !!

[سعيد بن مسعدة]

بعض النساء هي من تريد أن ينظر إليها والله إن لا حظت ذلك فإذا وقفت السيارة تبدأ تحرك يديها وتصلح عباءتها وتظهر ذراعها كأن لا يسمح لها بالتحرك إلا عند الإشارة ، ثانيا بعض الناس الصراحة موسوس وشكاك فإن وقفت سيارة بجانبه بدأ يتقدم ويتمنى فتح الإشارة بأسرع وقت كل الناس عندهم حريم فلا تصيرون شكاكين .

[مافـﮯشـﮯءاسمہ محال]

الله يهديهم..
بعدين مو بس بريده اللي كذا ..

[a7la_may]

اقتباس المشاركة الأساسية كتبها عصير مشوي بالنسبة للحريم ومالحريم ماعليك اللي متستر موهب جايه الا العافيه ثانيا ترى الظاهرة ذي بس موجوده ببريده لاحد يقولي لا انت غلطان الا بلى بس ببريده انا رحت لكثير من المدن الواحد لاوقف عند الاشاره لو ابجنبه اخوة مادرى عنه وبعدين اذا شفت احد يناظرك بمدينة ثانية شبك معه تراه بريداوي ههههههههههههههه

ههههههههههههه قسم بالله انك صادق اختصرت كل الكلام ماتصير هالحركه الا ببريده
تراها لااراديه احس انهم تعودو على اللقافه وماشاء الله نظره وحده يلقط كل شي بالسياره واللي فيها

[1000هد]

البعض من شدة تركيزه على السيارة المجاورة
كأنه يدور الأخطاء العشرة !!

[نضرتي هيبه]

عااااادي ان الانسان من طبيعته بيلتفت حوله والطبيعي اللي انا اقصده تكون نظره وحده بكل انسان على الكره الارضيه>
بس هنا المشكله صادقه ياصعبة المراس =>> وشي التتنيح يتنح يبتلن عيونه هذي الصفه انتشرت اللهم لك الحمد ترى عييب
الانسان يعكس تربيته وخلاقه باالظواهر

[عزيزالنفس]

طيب الحل الوحيد ضلل زيرو ثري وكذا يشوف وجهه في المرايه