عاااااجل محل ( مروج الزهور للعطور ) في العثيم موووول والنصب والاحتيال !!!!!

أبو قرون · 11-09-2010, 06:16 PM

السلام عليكم ......

طبعاً زوجتي غالية علي كما هو الحال للجميع

فطلبت مني أن أشتري لها عطر من محل (مروج الزهور للعطور ) اسمه ( ستيل ) طبعاً مالي بهالعطور وما أعترف إلا بالبخور ودهن العود

<< شااايب

ذهبت أنا وزوجتي المصون إلى العثيم مووول في تاريخ 22/9 ليلاً الساعة 11 ، ودخلت محل ( مروج الزهور ) في العثيم مول لشراء عطر ( ستيل ) 50 ملم ، حسبما طلب مني ، فتكلمت مع اللبناني البائع ( القذر ) أبو عيون خضر .

( تراي أقول أبو عيون خضر لأنه مركب عدسات لا تحسبونن أتطنز )

بخصوص هذا العطر فأعطاني العطر في كيس وكان سعره ( 110 ) ريال ( 50 ) ملم !!

ذهبت وأعطيت المبلغ للمحاسب وخرجت ( طبعاً بالشبكة) << تذكروا هذه ..... ، ذهبت إلى البيت وبعدما وصلت فتحت علبة العطر ماذا أرى

العطر الذي أعطاني إياه ( ستيلا )

وريحته ريحة سودانيين

وشلون ؟؟؟؟؟؟ أخس يا هالبناني

والله ما تلعب علي وأنا ولد أبوي

الصراحة بتكلم بالعامية لأني حمدزت وأنا أكتب والسالفة له كم يوم

رجعت يوم 23/9 الساعة خمس العصر ودخلت عليه وقلت له السلام عليكم قال عليكم السلام قلت يا الحبيب أنت بعت علينا أمس عطر ( ستيلا ) وأنا طلبت منك عطر ( ستيل ) ؟؟؟

طبعاً عيوني مولعة شراااااارر أبعلكة

قال خلاص ( خود اللي بدك إياه )
صارت خشتي تسذا

قال عندي لك عطر عليه عرض سعره قبل العرض ( 309 ) ريال ( 50) ملم وبعد العرض بـ ( 195) ريال ( 50) ملم اسمه ( فلنتينو ) ، ( طبعاً نصب واحتيال )

قلت خلاص زين .

قال ( أعطيني فرء المبلغ خمسة وتمانين ريااااال ) << لبناني قذر

عطيته المبلغ وحط العطر بكيس ومشيت << فرح

رحت للبيت وفكيت الكرتون أبتعطر وابجخ عند المره وخوياي

<< يسمع بالعطر

وإلاي وش أشوف العطر ( 30 ) ملم وسعره الحقيقي ( 140) ريال

وكان عليه عرض في جريدة الوسيلة وعندي الجريدة !!!

قلت إيييه هين ياللبناني يصير خير

رجعت للمحل العصر يوم 24/9 ومعي الجريدة

أبفطر عليه هاللبناني

اتصلت على مسؤول الفروع وسألته عن سعر العطر الـ ( 30) ملم وقال لي بـ (140) ريال

قلت طيب شكراً .

رحت للعثيم وأنا أضررررس

دخلت المحل ولقيته قلت يا الحبيب أنت ما نتب مخلي عنك اللف والدوران إلى هالحين قال ( وش بدك )

قلت بدييييييي أرجع العطر هذا وأخذ دراهمي فاتح لي محل حرامية ونصابين وتنصب على هالحريم تحسبن حرمة

وهذي الجريدة معي وهذا عرضكم فيها

أنت ما تدري إنك تتعامل مع رجال وقمصان وبريداويين

قال ( ما دخلني أنا التلاك هذا سعره ميه وخمسة وتسعين وإنتا إبلت ) << يعني وش دخلي بك أنا قلت لك قبل هذا سعره وأنت قبلت

قلت له ( إبلت ) << قبلت ...... يالحرامي وأنت وعيونك الخضر ( 50 ) ملم مهب ( 30) ملم يالحرامي يقالك ذيب !!

قال ( إعمل اللي بديك إياوه أنا ماني مرجع العطر ولا الفلوس ) !!

بعدين مو سعره (195) ريال سعره ( 167) ريال وهو ناسي إني محاسب بالشبكة

يعني اخذ لحسابة الخاص ( 28 ) ريال أووم الدناءه

قلت هاه أخس والله لأوريك .

كلمه من وكلمة منه فقال أبجيب لك الأمن قلت أنت تجيب الأمن ؟؟ قال إيوه .... قلت جب اللي تبي وأنا أجيب ابن سعود ( الله يخليهم لنا )

وأربيك الحين يا كسرة اللبنان

والله لأخذ قروشي غصب على خشمك والله يا الشنب لأحلقه إن ما رجعت قروشي

تجمعت العالم حولنا وبديت الجلج عليه

وقلت هذا حرامي ومحتال ويلعب على الناس !!

هنا مصيبة !!!!!

كان فيه رجال معه زوجته - الله يخلف على زوجته - مسكن على جنب قال يا رجال مشها وهي أول مرة يلعبون علينا !!

قلت والله ما دمرنا إلا أنت وأشكالك

اتصلت على الشرطة وأنا داخل المحل وجاء الأمن وجت الشرطة

نزلونا تحت عند البوابة رقم ( 1 )

قالوا الشرطة وش السالفة ؟؟

علمت باللي حصل .....

قال له العسكري عط الرجال قروشه وإلا إمش معنا للمركز

جاء المدير المسؤول عن محلات العطورات ( لبناني طبعاً ) قال وش السالفة علمته بالسالفة كله ....

قال أنت اللي اتصلت علي قلت إيه أنا !

قال ( خلاص نعطيك اللي بدك إياوه بس الله يخليك ما بدنا فضايح ) قلت أنا خلاص أنا ابغى حقي بالغصب مهب بالطيب

لأنه حرامي ومحتال !!

عطون قروشي ريال ينطح رياااااال

قال خلاص وأرسل واحد وجاب القروش .

عاد هاللبناني جته الصيحه وخنقته العبرة

قلت له أنا ما همنن الدراهم بس ما تلعب يا اللبناني .

جيت مسكت بزر عمره يمكن سنتين وعطيته القروش كلهن قدام اللبناني وقلت هذوي لك يا حلو

عاااد البناني حمدز قووووه وبغى يصيح

عاااد مسكون حقين الأمن وقالوا لي تراه هاللبناني مشاكله كثيرة وعليه أكثر من قضية وآخر شي له قضية مع حرمة قبل رمضان بأيام !!!

الوكاد عاد رحت بطريقي .....

ما يستفاد من الحادثة :

- إلى متى يلعب علينا ونسكت ؟؟؟؟

- الشيء الأهم واللي يبط التسبد ..... من هو بأمره أنك إذا رجعت بضاعة لازم تأخذ غيره .؟؟ يعني ممنوع ترجع فلوسك ؟؟؟

- المفروض ترجع اللي تبي عصب على راعي المحل وتأخذ قروشك ولكن بشرط ... إذا لم تستخدمة !

- ما دمرنا إلا أن الواحد يقول يارجال بكيفه همن عاااد .... !! مثل اللي مسكن بالمحل .

- ترى حنا اللي خلينا هالأجانب وغيرهم يلعبون علينا لا قال خذ بدالة طمبست راسك وقلت خلاص أخذ غيره !!
لا قل له معصي تعطين قروشي وإلا أجيب لك الشرطة وعلمه وشلون يربونه عيال الرجال ، لا تخليه يلعب عليك ...

وووو بس .

وبغيت أنبهكم عن هالحرامي وخاااصة ( الحريم ) !!

أنتبهوا منه هالقذر ....

سلااااااام

**أبو غــلا** · 11-09-2010, 06:21 PM

والله يَ أنت كرربت على أبو مرررسوووله

بس كفو والله تعجبن يالزيز يارايق

طيب إلى متى يخطي ونسكت له ؟ يعني مافيه أحد يرده !!!

مدمن نت · 11-09-2010, 06:41 PM

اقتباس

المشاركة الأساسية كتبها أبو قرون


	( ) << ( ) عاد هاللبناني جته الصيحه وخنقته العبرة عاااد مسكون حقين الأمن وقالوا لي تراه هاللبناني مشاكله كثيرة وعليه أكثر من قضية وآخر شي له قضية مع حرمة قبل رمضان بأيام !!! الوكاد عاد رحت بطريقي ..... ما يستفاد من الحادثة : - إلى متى يلعب علينا ونسكت ؟؟؟؟ - الشيء الأهم واللي يبط التسبد ..... من هو بأمره أنك إذا رجعت بضاعة لازم تأخذ غيره .؟؟ يعني ممنوع ترجع فلوسك ؟؟؟ - المفروض ترجع اللي تبي عصب على راعي المحل وتأخذ قروشك ولكن بشرط ... إذا لم تستخدمة ! - ما دمرنا إلا أن الواحد يقول يارجال بكيفه همن عاااد .... !! مثل اللي مسكن بالمحل . - ترى حنا اللي خلينا هالأجانب وغيرهم يلعبون علينا لا قال خذ بدالة طمبست راسك وقلت خلاص أخذ غيره !! لا قل له معصي تعطين قروشي وإلا أجيب لك الشرطة وعلمه وشلون يربونه عيال الرجال ، لا تخليه يلعب عليك ... وووو بس . وبغيت أنبهكم عن هالحرامي وخاااصة ( الحريم ) !! أنتبهوا منه هالقذر .... سلااااااام

يعطيك ربي الف عافيه على التنبيه

واحيي فيك شهامتك ورجولتك على اقدامك عليه

فعلا الى متى السكوت او الصمت عن الغلط ... الساكت عن الحق شيطان اخرس

اذا انا سكت وغيري سكت من يصحح لنا اخطاءنا فقول الحق تصحيح الخطأ لغيرك

بارك الله فيك اخوي وفعلا قصه انت بطلها ونجمها

والله يجعل ايامنا وايامكم فرح وسعاده ... اللهم آمين يارب العالمين

≈•[ آפــتآجــگ ]≈• · 11-09-2010, 06:54 PM

عدآك العيــــب ..

يآهيـك شغـل يآبلأإْء ..

ولـك تآبر عيـونيُ .. هههههههه

أماسي نجد · 11-09-2010, 07:10 PM

عشت يا أبو قرون
الله يكثر أمثالك والله أكلونا هالأجانب أكل
الله لا يكثرهم...

~ ĵ Ő ĵ Ő ~ · 11-09-2010, 07:33 PM

مــــشـــكوور ع التـنـبـيـــه

سـلـطـان · 11-09-2010, 07:35 PM

كل الموضوع بكبره تدور بدائره .. وكل من صار له شي كتبه.. نرجو من الاداره فتح قسم للي فاضين شخمط شخميط لخبط لخبيط رسم الحيط

مهاااااااااااوي · 11-09-2010, 07:50 PM

ورب البيت صارت معي قلت اسم عطر عطاني اخر ليش ماادري
قبل رمضان ؟؟

كياني محد يهزه · 11-09-2010, 08:30 PM

جزاكــ الله خير على التنبيه

أبو قرون · 11-09-2010, 08:31 PM

اقتباس

المشاركة الأساسية كتبها أبو غــلا


	والله يَ أنت كرربت على أبو مرررسوووله بس كفو والله تعجبن يالزيز يارايق طيب إلى متى يخطي ونسكت له ؟ يعني مافيه أحد يرده !!!

أنت صااااااادز

لأنه مافيه أحد سوى معه نفس الطريقة هذي قبل وتمرد

لكن رح الحين وشف هو يسوي هالحركة مرة ثانية وإلا لا .......

حبيبي يا لزيز .....

سمو المعالي · 11-09-2010, 08:35 PM

كفوا والله يالذيب والله انك شنب

wooow · 11-09-2010, 08:58 PM

احيي فيك شجاااعتك

تدري وش اللي يقهرك ان اغلب الحريم يستحون من الاجانب باي سعر تشتري الحرمه

انا مره حصل لي قصه مع ابويمن اللي بالنخيل كنت مودي الاهل وجت اختي وقالت اشتريت اكسوار وعلى طول قلت لها كااااسرتي ابويمن بالسعر قالت لا قلت ليه اختي حبيبتي قالت استحي
انا جتني ضحكه مع شويت قهر قلت لها ليه تستحين بس من ابويمن طيب انا ليه ماتستحين مني يوم تطلبين الفلوووس هههههههههههه

المهم رحت اسأل ابويمن وقلت كم هذي قال لي عشانك بكذا
قلت طيب ليه تعطيها البنت بسعر مرتفع جلس يطلع بنصف عين وكانه يقول اختك
قلعتها ماتبي تكاااسر حقها ومجاااها

شفت كيف الاجانب لاعبين بحسبتنا لعب وخاااصتن الحريم يلعبون عليهن ولاحسيب ولارقيب
يحط اي سعر في راااسه

على العموم انا قريت قصتك وحست اني انا البطل مهوب انت من زود الفرح خل اللبناني على قولت
يعرف ان الله حق
ومسكين مايدري انه ببريده نااااس ماتقبل الاستغفال يااحبي لهم ياحول اللي ماله بريده

أبو قرون · 11-09-2010, 09:10 PM

اقتباس

المشاركة الأساسية كتبها مدمن نت


	يعطيك ربي الف عافيه على التنبيه واحيي فيك شهامتك ورجولتك على اقدامك عليه فعلا الى متى السكوت او الصمت عن الغلط ... الساكت عن الحق شيطان اخرس اذا انا سكت وغيري سكت من يصحح لنا اخطاءنا فقول الحق تصحيح الخطأ لغيرك بارك الله فيك اخوي وفعلا قصه انت بطلها ونجمها والله يجعل ايامنا وايامكم فرح وسعاده ... اللهم آمين يارب العالمين

وأنت نجم موضوعي

شكراً لك .

šα3β αηšαķ · 11-09-2010, 09:17 PM

هههههههههههههههههههه والله انك شنب بس لو انا مكانك والله لاالعن جدفه مايحتاج شرطه

11-09-2010, 06:16 PM	#1
أبو قرون Registered User تاريخ التسجيل: Dec 2008 البلد: قلب القصــــــ بريدة ــــــــم المشاركات: 789	عاااااجل محل ( مروج الزهور للعطور ) في العثيم موووول والنصب والاحتيال !!!!! السلام عليكم ...... طبعاً زوجتي غالية علي كما هو الحال للجميع فطلبت مني أن أشتري لها عطر من محل (مروج الزهور للعطور ) اسمه ( ستيل ) طبعاً مالي بهالعطور وما أعترف إلا بالبخور ودهن العود << شااايب ذهبت أنا وزوجتي المصون إلى العثيم مووول في تاريخ 22/9 ليلاً الساعة 11 ، ودخلت محل ( مروج الزهور ) في العثيم مول لشراء عطر ( ستيل ) 50 ملم ، حسبما طلب مني ، فتكلمت مع اللبناني البائع ( القذر ) أبو عيون خضر . ( تراي أقول أبو عيون خضر لأنه مركب عدسات لا تحسبونن أتطنز ) بخصوص هذا العطر فأعطاني العطر في كيس وكان سعره ( 110 ) ريال ( 50 ) ملم !! ذهبت وأعطيت المبلغ للمحاسب وخرجت ( طبعاً بالشبكة) << تذكروا هذه ..... ، ذهبت إلى البيت وبعدما وصلت فتحت علبة العطر ماذا أرى العطر الذي أعطاني إياه ( ستيلا ) وريحته ريحة سودانيين وشلون ؟؟؟؟؟؟ أخس يا هالبناني والله ما تلعب علي وأنا ولد أبوي الصراحة بتكلم بالعامية لأني حمدزت وأنا أكتب والسالفة له كم يوم رجعت يوم 23/9 الساعة خمس العصر ودخلت عليه وقلت له السلام عليكم قال عليكم السلام قلت يا الحبيب أنت بعت علينا أمس عطر ( ستيلا ) وأنا طلبت منك عطر ( ستيل ) ؟؟؟ طبعاً عيوني مولعة شراااااارر أبعلكة قال خلاص ( خود اللي بدك إياه ) صارت خشتي تسذا قال عندي لك عطر عليه عرض سعره قبل العرض ( 309 ) ريال ( 50) ملم وبعد العرض بـ ( 195) ريال ( 50) ملم اسمه ( فلنتينو ) ، ( طبعاً نصب واحتيال ) قلت خلاص زين . قال ( أعطيني فرء المبلغ خمسة وتمانين ريااااال ) << لبناني قذر عطيته المبلغ وحط العطر بكيس ومشيت << فرح رحت للبيت وفكيت الكرتون أبتعطر وابجخ عند المره وخوياي << يسمع بالعطر وإلاي وش أشوف العطر ( 30 ) ملم وسعره الحقيقي ( 140) ريال وكان عليه عرض في جريدة الوسيلة وعندي الجريدة !!! قلت إيييه هين ياللبناني يصير خير رجعت للمحل العصر يوم 24/9 ومعي الجريدة أبفطر عليه هاللبناني اتصلت على مسؤول الفروع وسألته عن سعر العطر الـ ( 30) ملم وقال لي بـ (140) ريال قلت طيب شكراً . رحت للعثيم وأنا أضررررس دخلت المحل ولقيته قلت يا الحبيب أنت ما نتب مخلي عنك اللف والدوران إلى هالحين قال ( وش بدك ) قلت بدييييييي أرجع العطر هذا وأخذ دراهمي فاتح لي محل حرامية ونصابين وتنصب على هالحريم تحسبن حرمة وهذي الجريدة معي وهذا عرضكم فيها أنت ما تدري إنك تتعامل مع رجال وقمصان وبريداويين قال ( ما دخلني أنا التلاك هذا سعره ميه وخمسة وتسعين وإنتا إبلت ) << يعني وش دخلي بك أنا قلت لك قبل هذا سعره وأنت قبلت قلت له ( إبلت ) << قبلت ...... يالحرامي وأنت وعيونك الخضر ( 50 ) ملم مهب ( 30) ملم يالحرامي يقالك ذيب !! قال ( إعمل اللي بديك إياوه أنا ماني مرجع العطر ولا الفلوس ) !! بعدين مو سعره (195) ريال سعره ( 167) ريال وهو ناسي إني محاسب بالشبكة يعني اخذ لحسابة الخاص ( 28 ) ريال أووم الدناءه قلت هاه أخس والله لأوريك . كلمه من وكلمة منه فقال أبجيب لك الأمن قلت أنت تجيب الأمن ؟؟ قال إيوه .... قلت جب اللي تبي وأنا أجيب ابن سعود ( الله يخليهم لنا ) وأربيك الحين يا كسرة اللبنان والله لأخذ قروشي غصب على خشمك والله يا الشنب لأحلقه إن ما رجعت قروشي تجمعت العالم حولنا وبديت الجلج عليه وقلت هذا حرامي ومحتال ويلعب على الناس !! هنا مصيبة !!!!! كان فيه رجال معه زوجته - الله يخلف على زوجته - مسكن على جنب قال يا رجال مشها وهي أول مرة يلعبون علينا !! قلت والله ما دمرنا إلا أنت وأشكالك اتصلت على الشرطة وأنا داخل المحل وجاء الأمن وجت الشرطة نزلونا تحت عند البوابة رقم ( 1 ) قالوا الشرطة وش السالفة ؟؟ علمت باللي حصل ..... قال له العسكري عط الرجال قروشه وإلا إمش معنا للمركز جاء المدير المسؤول عن محلات العطورات ( لبناني طبعاً ) قال وش السالفة علمته بالسالفة كله .... قال أنت اللي اتصلت علي قلت إيه أنا ! قال ( خلاص نعطيك اللي بدك إياوه بس الله يخليك ما بدنا فضايح ) قلت أنا خلاص أنا ابغى حقي بالغصب مهب بالطيب لأنه حرامي ومحتال !! عطون قروشي ريال ينطح رياااااال قال خلاص وأرسل واحد وجاب القروش . عاد هاللبناني جته الصيحه وخنقته العبرة قلت له أنا ما همنن الدراهم بس ما تلعب يا اللبناني . جيت مسكت بزر عمره يمكن سنتين وعطيته القروش كلهن قدام اللبناني وقلت هذوي لك يا حلو عاااد البناني حمدز قووووه وبغى يصيح عاااد مسكون حقين الأمن وقالوا لي تراه هاللبناني مشاكله كثيرة وعليه أكثر من قضية وآخر شي له قضية مع حرمة قبل رمضان بأيام !!! الوكاد عاد رحت بطريقي ..... ما يستفاد من الحادثة : - إلى متى يلعب علينا ونسكت ؟؟؟؟ - الشيء الأهم واللي يبط التسبد ..... من هو بأمره أنك إذا رجعت بضاعة لازم تأخذ غيره .؟؟ يعني ممنوع ترجع فلوسك ؟؟؟ - المفروض ترجع اللي تبي عصب على راعي المحل وتأخذ قروشك ولكن بشرط ... إذا لم تستخدمة ! - ما دمرنا إلا أن الواحد يقول يارجال بكيفه همن عاااد .... !! مثل اللي مسكن بالمحل . - ترى حنا اللي خلينا هالأجانب وغيرهم يلعبون علينا لا قال خذ بدالة طمبست راسك وقلت خلاص أخذ غيره !! لا قل له معصي تعطين قروشي وإلا أجيب لك الشرطة وعلمه وشلون يربونه عيال الرجال ، لا تخليه يلعب عليك ... وووو بس . وبغيت أنبهكم عن هالحرامي وخاااصة ( الحريم ) !! أنتبهوا منه هالقذر .... سلااااااام آخر من قام بالتعديل أبو قرون; بتاريخ 11-09-2010 الساعة 06:27 PM.

11-09-2010, 06:21 PM	#2
أبو غــلا مشرف أخبار بريدة تاريخ التسجيل: Feb 2010 البلد: بريــدة \|\| ~ المشاركات: 3,242	والله يَ أنت كرربت على أبو مرررسوووله بس كفو والله تعجبن يالزيز يارايق طيب إلى متى يخطي ونسكت له ؟ يعني مافيه أحد يرده !!! __________________ قال أحدُ الصالحين : .. { نسْالُ الله تعالى أنْ يعطينآ .. فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..! لإن العطآء إختيآرُنا .. والمنعُ إختيارُ اللّه .. ~ وإختيار اللهِ . خيرٌ من إختيآرنا .. ! } ..

11-09-2010, 07:33 PM	#6
~ ĵ Ő ĵ Ő ~ عـضـو تاريخ التسجيل: Jun 2010 البلد: ღ ﭘـﺮﯾــدتـنـٱ ٱڵـجـﻤـيڵــﮧ ღ المشاركات: 523	مــــشـــكوور ع التـنـبـيـــه __________________ أنـّا مًابيُ مـْن الـَدنيـّـآ لآ مُڪسَــْب َولآ أرُبـآحْ .. أبّـيُ لآمرَّ ذڪـّـرَآيّ تّقـوُل النـَآس يَـآطيبّــْـهُ ..

11-09-2010, 07:50 PM	#8
مهاااااااااااوي عـضـو تاريخ التسجيل: Oct 2009 البلد: مهم! المشاركات: 1,389	ورب البيت صارت معي قلت اسم عطر عطاني اخر ليش ماادري قبل رمضان ؟؟ __________________ بعيده كل البــــعـــــد عن التصنع والمثاليه!

11-09-2010, 06:54 PM	#4
≈•[ آפــتآجــگ ]≈• Registered User تاريخ التسجيل: Jul 2010 البلد: هنـاا المشاركات: 97	عدآك العيــــب .. يآهيـك شغـل يآبلأإْء .. ولـك تآبر عيـونيُ .. هههههههه

11-09-2010, 07:10 PM	#5
أماسي نجد عـضـو تاريخ التسجيل: Aug 2010 البلد: السعوديه المشاركات: 211	عشت يا أبو قرون الله يكثر أمثالك والله أكلونا هالأجانب أكل الله لا يكثرهم...

11-09-2010, 07:35 PM	#7
سـلـطـان Guest تاريخ التسجيل: Sep 2010 البلد: بريده المشاركات: 65	كل الموضوع بكبره تدور بدائره .. وكل من صار له شي كتبه.. نرجو من الاداره فتح قسم للي فاضين شخمط شخميط لخبط لخبيط رسم الحيط

11-09-2010, 08:30 PM	#9
كياني محد يهزه عـضـو تاريخ التسجيل: Aug 2010 البلد: بريدة المشاركات: 172	جزاكــ الله خير على التنبيه

11-09-2010, 08:35 PM	#11
سمو المعالي Registered User تاريخ التسجيل: Jan 2010 البلد: السعودية المشاركات: 203	كفوا والله يالذيب والله انك شنب

11-09-2010, 08:58 PM	#12
wooow Registered User تاريخ التسجيل: Aug 2010 البلد: a المشاركات: 216	احيي فيك شجاااعتك تدري وش اللي يقهرك ان اغلب الحريم يستحون من الاجانب باي سعر تشتري الحرمه انا مره حصل لي قصه مع ابويمن اللي بالنخيل كنت مودي الاهل وجت اختي وقالت اشتريت اكسوار وعلى طول قلت لها كااااسرتي ابويمن بالسعر قالت لا قلت ليه اختي حبيبتي قالت استحي انا جتني ضحكه مع شويت قهر قلت لها ليه تستحين بس من ابويمن طيب انا ليه ماتستحين مني يوم تطلبين الفلوووس هههههههههههه المهم رحت اسأل ابويمن وقلت كم هذي قال لي عشانك بكذا قلت طيب ليه تعطيها البنت بسعر مرتفع جلس يطلع بنصف عين وكانه يقول اختك قلعتها ماتبي تكاااسر حقها ومجاااها شفت كيف الاجانب لاعبين بحسبتنا لعب وخاااصتن الحريم يلعبون عليهن ولاحسيب ولارقيب يحط اي سعر في راااسه على العموم انا قريت قصتك وحست اني انا البطل مهوب انت من زود الفرح خل اللبناني على قولت يعرف ان الله حق ومسكين مايدري انه ببريده نااااس ماتقبل الاستغفال يااحبي لهم ياحول اللي ماله بريده

11-09-2010, 09:17 PM	#14
šα3β αηšαķ عـضـو تاريخ التسجيل: Jul 2010 البلد: تـآجــ(بـريدهــ)ــآلقـصـيـم ~ المشاركات: 184	هههههههههههههههههههه والله انك شنب بس لو انا مكانك والله لاالعن جدفه مايحتاج شرطه