 |
|
|
|
|
|
|
17-09-2010, 04:58 AM
|
#1 |
|
شيف مُميز
تاريخ التسجيل: Dec 2009
البلد: في قلوب المخلصين!!
المشاركات: 1,668
|
عيدنا وعيدكم أحلى~~~
 مسّاكم الله بالخير
 ياهلا بالربع كلّهم من كبيرهم لصغيرهم  عيدكم مبارك وياعسى أيّامكم كلّه أعياد يارب  وش أخباركم بعد الخبة واللجة والصجة والحوسة صدق والله ياهم إزعاج هالمبزرة  بس والله انهم ونآآآآآآسة وخاصة خبّتهم بالعيد  ياحبي لهم وهـ بس عاد المهم هذا الله يسلّمكم عيدنا وخبّتنا من ليلة العيد  تعفون بما ان بيتنا دايمين مفتوح لاإلّه إلا الله جتنا اختي وبزارينه بعد العِشاء وسهرنا فوق كل وحدة بلشتن له بشغله  يوم صارت الساعة أربع ونلبّس عيال اختي وهـ بس ياطعمهم بسم الله عليهم ذولا هم مبسوطين باللبس الجديد  لايفوتكن كل واحد يطالع برجلين الثاني من الفرحة المهم وتخلص متلبسة لأنه هي عيدهم بعد الصلاة مباشرة .. بعد صلاة الفجر زيّنت أمي القهوة وشوكولاته جايبه ابوي ونسيت أقولكم بالليل جاب ابوي جداع وجدّعنا شوكولاته ومكسرات بس مااخذت صورة له وقبل صلاة العيد تقهوينا وحلّينا اتباعاً بسنة المصطفى    هذي بنت اختي جوجو ياطعمه قبل الصلاة متجهزة  وهذا الطعيم والمزعج وه بس  منظر للشروق وأنا لابسة عبايتي  بابا بالبشت الله يحفظك موقف مضحك قسم بالعشر قاعدة أسولف أنا واختي عاد أقوله اللحين الحريم اللي يوزعن عيديات وريالات بالمسجد وراه مايعطننا والله تسان افرح بهن وفطست من الضحك عاد تخيّلو وأنا داخلة المسجد واثر هكالمرة اللي قاعدة عند الباب توزع عيديات على البزران يوم دريت أومير تعطين منهن واجيتس واستانس تقل معطيتن ذهب الله يجزاتس خير > قلته له من قلب هذي العيديّة  صلّينا الحمدلله وطلعنا ...  ومن عادة حيّنا يطلعون عيد بالحارة .. حنّا وعمي كل واحد دوره سنة يطلّع عيد .. والسنة هذي كان العيد عند عمي يعني حنّا مازينّا شي بس طلّعنا قهوة ...  هذي القهوة اللي طلّعناها للرجال ..  وحنّا تعيدنا بالبيت .. قهر مااخذت صورة للعيد  يوم صار الظهر وننام دايخييييين .. همّن قمنا عاد العصر وجو خواتي واخواني وتقهوينا .. بعد صلاة المغرب تلبسنا ورحنا لعيد لخوالي ياحبي لهم أم الوناسة الله يخليهم  وهذي العيديّات اللي جمعته من خوالي  ^ هذي عيديّة خاصة من بنت خالي فوفو ياحبي له خاصة للصبايا حلاوة ديور + خمسة ريال وتعشينا وخلّص عيد خوالي همّن طلعنا للبيت ومعنا خواتي .. يوم صارت الساعة ثلاث مدري أربع تسحرنا .. ونمنا ورانا سفر للرياض بكرى ~لي باك [/BACKGROUND] |
|
|
|
17-09-2010, 05:38 AM
|
#2 |
|
قبس دائم
تاريخ التسجيل: Jul 2008
البلد: في ارض الله الواسعه
المشاركات: 12,834
|
مدهش هيه اناالاولى     ماشاء الله هني وجمعنا الله بك في جنته كل عام وانتي بخير ياجعلك ماتذوقين حزنه ...
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
يآاااارب
إنّ أمنيتي تنبض في قلبٍ هو مُلگگ
فَلا تحرمني من ( فرحة تحقيقہآ )
فَإنگ آلوحيد القائل للشي:
" كـنّ . . فَيكون " سبحانك ...
|
|
|
|
|
17-09-2010, 06:13 AM
|
#3 |
|
شيف مُميز
تاريخ التسجيل: Dec 2009
البلد: في قلوب المخلصين!!
المشاركات: 1,668
|
[BACKGROUND="70 #000000"] رجعنا لكم بعد الفاصل تذكرت فاصل العملاق أبشركم شريناو والله ياهو صدز ينظف .. يلمع .. يعقم .. يعطر نكمل عيدنا ثاني العيد عند عمومتي بالرياض .. قمنا من بكرى الساعة عشر وجهّزنا الأغراض .. ومشينا بعد صلاة الظهر مباشرة حنّا وخواتي واخوتي وهذي لقطة للقش  وانطلقنآآآآآ على بركة الله  بنت اختي وحنّا بالسيارة  بداية المسير .. ^ هذا الدايري مسكنا الخط على قولتهم بعد كذا نمت مادريت إلا وحنا داخلين الرياض حمداً لله على السلامة .. عاد ولاأخذت صورة المهم كان اخوي الثاني واصلن قبلنا واخذلنا شقة .. وصلنا الشقّة ..  وهذي صور لشقتنا  عروسة بنت اختي  وصلينا العصر بالشقة بعدين رحت أزين القهوة للفطور خبركم صايمين قبل الدراسة وبعد ماافطرنا المغرب .. وين الكنادر الزينات شكلي ماجبتهن ياويلي  أبتسم .. هاه وش بك  وش اسوي نسيت كنادري .. احلف .. وراك تسذا وش تسوي اللحين ..  لقيت فكرة ألبس السبورت اللي أنا جايب حقّات الجري .. هاو لاياولد الله يفشلك مصري ..أبتسم .. هاه وش صار ... أبشرتس لقيتهن بالسيارة ..احلف .. اشوى يارب لك الحمد ^ محاورة بيني وبين اخوي .......... بغى ينسى كنادره همّن تلبسنا وقضينا الحمدلله .. وطلعنا بعد صجة ابوي واخوتي .. يالله صيّفتو وش تسوون اللحين كل ذا تلبّس  وطلعنا الحمدلله على السلامة مشينا بعد صلاة العشاء لاسترحة عمومتي وهذي بعض من العيديّات  ^ للأمهات  ^ عيديّة الشباب والرجال  من الخلف .. وفيه عيديّات كثير بس نسيت آخذ صور لهم ... غداً .. زرنا شاليهات قرية الثمامة أمممممـ أحبّهن  لقطة للبوابة وحنّا بالسيارة ..  دخلنا القرية على آذان المغرب .. بعد الصلاة راح اخوي ياخذ شاليه ..  عذراً .. الصورة مهزوزة بالسيارة نمشي ... وأخذنا شاليه رقم 61 .. أول كنّا ناوين ناخذ من بيوت الطين لأن أمي ملزمتن عليهن بس خسارة .. فل ..بعد كذا قعدنا نتقهوى   هذي القهوة وخرابيشه  أمممممـ أحبهن مستحيل نجي للرياض ولاشرينا منهن  بعد ماتقهوينا رحنا نتمشى ودخلنا نتزلج بصالة الثلج من حظنّا كان الوقت كله للنساء إلى الساعة 12 .. بس كانت البوابة مزحومة ولاقدرت اخذ له صورة ... برد .. وجميدة .. وتزحلق .. وطرابيش .. وجاكيت فرو .. وروس تصبّخ بعض .. وبنات خواتي يصيحن  ياعمري وحدة تجمّدت والثانية طاحت وتدحرجت بالثلج وداخ راسه بس والله ياهي شييييي همّن طلعنا عاد .. وراح اخوي يجيب عشاء  بيت الشوّاية بعدين قمنا نتمشى وهذي بعض من الصور ...     ودّعنا القرية وطلعنا .. ثمّن رحنا للرياض قاليري  المعذرة الصورة مهتزة .. ولد اختي يدفدف دخلنا السوق .. وهذي بعض من الصور ...    تمشينا وطلعنا بعدين مشينا لبريدة الساعة وحدة بالليل ... ووصلنا الساعة أربع والحمد لله على السلامة .. تسحرنا وصلينا الفجر ونمنآآآآآ ...~وبكذا انتهى عيدنا .. وكل عام وأنتم بخير مؤخراً [/BACKGROUND]
آخر من قام بالتعديل أبتسم وكُلـ أمل ـي; بتاريخ 17-09-2010 الساعة 06:21 AM. |
|
|
|
|
17-09-2010, 06:28 AM
|
#4 |
|
عـضـو
تاريخ التسجيل: Sep 2010
البلد: في بريدتي
المشاركات: 69
|
ماشاء الله عيدكم يهبــــــــــــل
الله يديم عليكم الجمعه يااااااارب |
|
|
|
|
17-09-2010, 06:29 AM
|
#5 |
|
عـضـو
تاريخ التسجيل: Jul 2010
البلد: تاج القصيم بريده
المشاركات: 101
|
ماشاء الله تبارك الله واضح ان عيدكم فللللللللللللللللللللللللللللللله الله يهنيكم ويديم الفرحه عليكم
|
|
|
|
|
17-09-2010, 06:31 AM
|
#6 |
|
عـضـو
تاريخ التسجيل: Jul 2010
البلد: تاج القصيم بريده
المشاركات: 101
|
ياختي روناء ليش بعد الردود مكتوب اقتباس الا انا مكتوب حذف واقتباس علمين تراي اعليميه
|
|
|
|
|
17-09-2010, 06:36 AM
|
#7 |
|
قبس دائم
تاريخ التسجيل: Jul 2008
البلد: في ارض الله الواسعه
المشاركات: 12,834
|
عدت مرة اخرى مدهش عاد تصدقين اني الى هالحين ماطبيت شاليهات الثمامه ولا الدونات يميم ولا كله ولا رزبيت الشوايه وخاصه الحراق مع سلطه سعوديه واو .. .
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
يآاااارب
إنّ أمنيتي تنبض في قلبٍ هو مُلگگ
فَلا تحرمني من ( فرحة تحقيقہآ )
فَإنگ آلوحيد القائل للشي:
" كـنّ . . فَيكون " سبحانك ...
|
|
|
|
|
17-09-2010, 06:43 AM
|
#8 |
|
عـضـو
تاريخ التسجيل: Aug 2009
البلد: في بريدتنا الغاليه
المشاركات: 282
|
ماشاءالله تبارك الله
ياطعم عيال اختك رحلة حلوووووووووووووووه ؤتقرير احلى الحمدلله على السلامة
__________________
أمي في لحظة تشعرين أنك شخص في هذا العالم بينما هناك شخص يشعر أنك العالم بأسره أسأل الله السميع المجيب أن يشفيك وجميع مرضى المسلمين أبنتك |
|
|
|
|
17-09-2010, 06:58 AM
|
#9 |
|
عـضـو
تاريخ التسجيل: Jun 2009
البلد: بين الالوآآآآن والأورآآآآق ...|||
المشاركات: 409
|
.
عيدكم يهبل مشاء الله الله يديم عليكم الفرحة الا على طاري المره الي عطتس عيديه الله يجزاه الف خير احس انه تحس بالواحد  وشسمه ذا ايه صح ابتسم كل يوم جيبي لنا مواضيع زي تسذا .
__________________
. سأظل أطلب صحبتك ..|| أذكر حلاوة أخوتك ..|| وتظل عيني للأبد ..|| عين تحن لرؤيتك ..|| |
|
|
|
|
17-09-2010, 07:18 AM
|
#10 |
|
Registered User
تاريخ التسجيل: Sep 2010
البلد: بريده
المشاركات: 149
|
ماشاء الله عليكم ياختي حنا ايقلنا نبي نتعيد همن نروح لمكه بس مادري وش جاو ابوي وهون تكفوووون ادعولنا اننا نروح لمكه تراي الى اللحين مافقدت الامل
|
|
|
|
|
17-09-2010, 07:23 AM
|
#11 |
|
عـضـو
تاريخ التسجيل: Mar 2010
البلد: في قلب بريدهـ
المشاركات: 3,297
|
عييييييييدكـمـ روووووووووووعهـ
يسلموو قلبوو
__________________
ربـاه توفيقك   |
|
|
|
|
17-09-2010, 07:44 AM
|
#12 |
|
عـضـو
تاريخ التسجيل: May 2010
البلد: هناك .!
المشاركات: 3,749
|
عيدكم مبارك
عسى دايم سعادتكم بصراحه تقريرك يهبل يستاهل التميز
__________________
(وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يُرِدْكَ بِخَيْرٍ فَلَا رَادَّ لِفَضْلِهِ يُصِيبُ بِهِ مَنْ يَشَاءُ مِنْ عِبَادِهِ وَهُوَ الْغَفُورُ الرَّحِيمُ) .. |
|
|
|
|
17-09-2010, 07:47 AM
|
#13 |
|
عـضـو
تاريخ التسجيل: Aug 2010
البلد: نجد
المشاركات: 29
|
ماشاء الله تبارك الله
|
|
|
|
|
17-09-2010, 08:18 AM
|
#14 |
|
كاتبة مميّزة
تاريخ التسجيل: Feb 2009
البلد: أسأل الله أن يهديني طريق الصالحين
المشاركات: 5,046
|
تقبل الله منّا ومنكم صالح الأعمال
تقرير راااائع وعيدكم ماشاءالله يهبل .. يكفي انه بالرياض
__________________
** " اللهم خذ بيدي أخواننا في سوريا , وعجل بنصرهم " ** |
|
|
|
 |
| الإشارات المرجعية |
|
|
النمط المتشعب
