[زمن فتن]

ما رأيكم بالمشاريع التالية ( أيها أفضل كعائد مادي ) :
1- صيدلية .
2- محل منظفات و بلاستيك ومستلزمات المطبخ .
3- مغسلة ملابس كبيرة مثل آمـــاز .
4- تموينـــــــات كبيرة .
وإذا فيه مشروع أفضل تنصحون فيه ياليت تشيرون علي مشكورين .

علما أنني قد خصصت مبلغ 300ألف ريال .

[تقوى الهجر]

صيدلية أفضل عائد مادي انصحك نصيحة اخوا

[!!..Wolf]

اقتباس المشاركة الأساسية كتبها زمن فتن ما رأيكم بالمشاريع التالية ( أيها أفضل كعائد مادي ) : 1- صيدلية . 2- محل منظفات و بلاستيك ومستلزمات المطبخ . 3- مغسلة ملابس كبيرة مثل آمـــاز . 4- تموينـــــــات كبيرة . وإذا فيه مشروع أفضل تنصحون فيه ياليت تشيرون علي مشكورين . علما أنني قد خصصت مبلغ 300ألف ريال .

بصراحه انا عندي لكـمشروع يكسب ذهب بس يبي مكان زين وعماله صح ..!!
المشروع طول الله عمرك هو تفتح مغسلة سيارات!!

[زمن فتن]

اقتباس المشاركة الأساسية كتبها تقوى الهجر صيدلية أفضل عائد مادي انصحك نصيحة اخوا

الله يبارك فيك , ويكثر من أمثالك ..
سؤال / كم نسبة الربح بالنسبة للمبيعات هل يصل إلى 15%أم أقل ؟؟مثلا بعت بــ 2000هل يصل الربح إلى 300ريال ؟

[زمن فتن]

اقتباس المشاركة الأساسية كتبها !!..wolf بصراحه انا عندي لكـمشروع يكسب ذهب بس يبي مكان زين وعماله صح ..!! المشروع طول الله عمرك هو تفتح مغسلة سيارات!!

حلو لكن يكلف ويبي رأس مال كبير.

[(زورق الايمان)]

عند أقدامك لأي مشروع لاتنسى صلاة لاستخاره وهذا أهم سئ

والله يوفقنا وياك وكل مسلم

[أبو غــلا]

300 ألف جدااا ممتآزة


طبعا كل الي أنت قلت يحتاج تجديد . يعني يحتاجن بضاعه بشكل دائم وكذا ..


لكن عندي لك مشروع مايحتاج تجديد بضاعه ولا شي .


الفكره : صالة ألعاب رياضيه

7 طاولات بلياردو . الطاوله الوحدة تشتريها من النت تكلف عليك مع التوصيل 3500

2 طاولات تنس .

2 فريرا .

و6 شاشات و 3 بلاي ستشين 2 و 3 بلاي ستيشن 3

وشاشتين كبار وإشتراك بالجزيرة كورة

مع الديكور والحركات

ولا أنسسى [ كوفي صغير ]

والأهم .. إعلانات وتخفضيات بالبدايه والموقع المميز

أحد الصالات ببريدة تدخل 45 الف شهريا من دون راس مال

أنت قل أبدخل 20.000 وإجتهد وعلى الله رزقنا ورزقك .. دعواتك

[تقوى الهجر]

اقتباس المشاركة الأساسية كتبها زمن فتن الله يبارك فيك , ويكثر من أمثالك .. سؤال / كم نسبة الربح بالنسبة للمبيعات هل يصل إلى 15%أم أقل ؟؟مثلا بعت بــ 2000هل يصل الربح إلى 300ريال ؟

أكيد هناك ارباح طائلة

على سبيل المثال

اسعار الدواء - اسعار ادوات الاستحمام - اسعار منظفات الاطفال ....... الخ

كلها تباع بسعر أكثر من 17%

[سويم]

مافيه تجاره مثل تجاره العقار والاراضي

مضمونه اخوي صاير مليونير من تجاره الاراضي

[عبود ومزون]

الله يوفقك انشالله لكن انا اقترح عليك بما ان راس مالك زين
تقدر تحط لك بقاله ومغسلة ملابس الصراحه يدخلن لك 8 الاف بالراحه وانت قاعد
الطريقه تسلمهن عمال تتفق انت وياهم انه راعي المغسله يعطيك 5 او4 الاف كل شهر ولا لك دخل بالاجار والا اي مصاريف انشالله يدخل 10000عشر الاف مالك دخل فيه ماعليك الايجييك حقك كامل كل شهر0
كذلك نفس الشي راعي البقاله ماشالله والله دخل صح ولافيه تعب اسال مجرب واغلب اللي اعرفهم مسوين كذا وبالتوفيق0 وعلى فكره المحلات تدور لك شي محطوط تقبيل او اذا كانت ناجحه وزينه تطلع صاحبه منه رغبه يعني تدفع سعر معقول احسن لك عشان ماتقعد تشري الالات واغراض للمغسله يعني تكون مجهزه والبقاله بعد مثل0

[روح اهلها]

صيدليه
اتوقع احسن شي
الله يوفقك ويرزقك

[راقي الفكر]

وأنا أضم صوتي لصوت أخونا الذيب

(مغسلة سيارات) مشروع ناجح بإذن الله

أما صيدلية ما أتوقع عارف ليش ؟

لأن هنا في بريدة الصيدليات كثير ما شاء الله

تحصل بين كل صيدلية وصيدلية ... صيدلية

[متصفحة]

اقتباس - مغسلة ملابس كبيرة مثل آمـــاز

أمرها عجيب ..

اسأل الله لك الرزق الواسع

وتذكر دائمًا مقولة الأجداد

( العقار ولد بار )

[الحزين]

اقتباس المشاركة الأساسية كتبها زمن فتن ما رأيكم بالمشاريع التالية ( أيها أفضل كعائد مادي ) : 1- صيدلية . ممتاز وأنصحك فيه .. 2- محل منظفات و بلاستيك ومستلزمات المطبخ . الناس الحين متجهين لأبو ريالين وخمسه .. ما أنصحك فيه .. 3- مغسلة ملابس كبيرة مثل آمـــاز . ممتاز جداً .. ولا يلزم تكون كبيرة خلها متواضعه جداً لكن في مكان مناسب تدر ذهب وبالأمكان تفتح أكثر من فرع بشرط أن لا تكون بعيدة عن بعض ويكون الغسيل بمكان واحد وكل فرع يكوي ملابسه وفي هذه الحالة يلزمك سيارة كذلك توفر الشيء الكثير .. ( طبعاً مجرب شغل المغاسل ) 4- تموينـــــــات كبيرة . لا فائدة فيها .. فلوسك عند الناس .. علما أنني قد خصصت مبلغ 300ألف ريال . أنصحك أن تشتغل بـ ( 100 ألف ) حتى تعرف السوق وتعرف وش أنت عليه ..

مغسلة السيارات .. في الوقت الحالي لا فائدة منها ..

أتمنى لك التوفيق