[نوسا]

السلام عليكم ورحمة الله وبركاتة

اولا= اهنيئكم بالسنة الدراسية الجديدة

ابدخل بالموضوع ع طووول
اليوم رحت مع طفلتي للمدرسة طبعا صف اول ابتدائي (طافة

ففوجئت بان الادارة والمشرفات والمدرسات كبيرات بالسن

اعمارهم من 40 الي 50 سنة

كيف راح يتعاملون مع صغار السن

موبس كذا القو علينا محاظرة قديمة جدا من يوم كنت بالابتدائي
وانا اسمعها نظافة \\قمل \\مافية شي جديد

والاهم من ذلك ليش كبار السن مايتقاعدون ويتركون المجال لغيرهم والله انبطت كبدي على الجامعيات اللي بالبيوت

راح عمرهن مازاولن المهنة وغيرهم امبلبط فيها والله انقهرت

والسلام

[المتذوق]

مدام انهن يدرسن طالبات ( بنات ) مايمنع حتى ولو كان اعمارهن اكثر من 50 بل بالعكس كل ما كبر سن المعلمه زادت خبرتها .

ولا يهمك حاملات شهادة الجامعة فبعضهن لا يعرفن كيف تعاملن مع الواقع فالدراسة شيء والتطبيق شيء آخر يحتاج الى خبرة ومعلومة

[متصفحة]

أختي نوســآ ..

لآيضر العمر تقدم أم تأخر .. الأهم من ذلك الفائدة

معلمة بناتي بالصف الأول لم يبقى على تقاعدها إلا القليل

ولكن كانت طريقة تدريسها جدًا رائعه .. بعكس معلمات حديثات عهد ..

وأذكرك غاليتي أن المرأة كلما زاد عمرها حنت على الأطفال أكثر وأكثر

لذلك أفضل ان تكون معلمات المستويات الأولى كبار بالسن

لنجني فائدة عظمى ..

[•˘ميمونه الليمونه˘•]

الله يسلمك عاديـ ـأهم شئ يعرفن يتعاملن مع البنيات مو لازم العمر }..

[&المسبار&]

مايصيرعلى البزران الا الكبار لو على الجديدات مغرورات وشايفات انفسهن

[بقايا فـــــرح ..]

ايه والله صدقتي ماله داعي يخلون فرصه لغيرهم ويتقاعدون وكذا كذا الراتب بيمشي ..

عموما الله يوفق بنيتك يارب وتجيب الأولى على الدفعه < نست انه تقويم وتجيب كلها واحد هع ..

بالتوفيق يالغلا ..

[ابن بطووووطة]

الله يصلحك ليش كل هالتحامل على كبيرات السن .. بالعكس هن افضل بكثير من اللي معهن شهادة جامعية بحكم الخبرة .. و طولة البال ,, و الصبر على الطالبات .. وانا اتكلم من واقع لاني مشرفة تربوية .. ويمكن فيه قلة من المعلمات ما تعرف كيف تعطي الدرس و كيف تعامل الطالبة .. بس الله يجزاهن خير ما قصرن عطاء بلا حدود .
** وليش كل هالمسبه للمعلمات القديرات ** ما طلعنا صح الا الله ثم هن .

[فيري]

الصراحه اتمنى يحيلون المعلمات القديمات للتقاعد او على الاقل يعطونهم دورات عشان يعلمون المناهج الجديده

مو لشي بس المناهج تغيرت وصارت تحتاج لخبرات جديده

[هايين]

اجل مدرس اوليدي اليوم بدا بهم
انتبهو تنظمو
انت لاتصير كسلان
بدل مايقول خلك شاطر



يابنت الحلال الكبار احسن من الي جاي ركض من الجامعه للاطفال على طول



...

[أم الوليد]

تقولين أعمارهن 40 يعني باقي على ال 60 سنة 20 سنة الله يطول أعمارهن!!
هذي الوظيفة خاصة بهذي المعلمة يعني نازلن اسمه على هذي الوظيفة يعني ملكه !!! أنا أتساءل هل يا ترى كل وحدتن تطالب بتقاعد المعلمات القديرات الكفؤ مربيات الأجيال هل ياترى إذا وصل عمره 40 تتقاعد.. إيه هين يطلع علمن ثاني!!!!
بدل ماتضيعون وقتكم بمطالبتهن بالتقاعد طالبن باستحداث وظائف جديدة تغنيكن عن النظر لهؤلاء المعلمات الفاضلات الأكفاء واللي خبرة الوحدة تساوي شهادة 100 معلمة حديثة التخرج يالله شدن حيلكن ترى المدارس يوجد بها نقص معلمات وكلمة الحق ما ينزعل منه

[زهره الرمانه]

حبيبتي موكل كبيره ماتعرف تعامل مع الطالبات بل بالعكس الخبره لها دور

أمامن ناحية يتقاعدن ليستفيد غيرهن فهذا صحيح

ومن ناحية القمل فبصراحه معهن حق لأن بعض الطالبات مليانات قمل ويعدن اللي بجنبهن

وأنا رأيت واحده بفصل بنتي وكل أم تأتي وتقول لاتصير بنتي بجنبها

[متصفحة]

اقتباس المشاركة الأساسية كتبها فيري الصراحه اتمنى يحيلون المعلمات القديمات للتقاعد او على الاقل يعطونهم دورات عشان يعلمون المناهج الجديده مو لشي بس المناهج تغيرت وصارت تحتاج لخبرات جديده

ومن قال أنه ماعطوهم دورات ..

كل خطة جديدة تنزل وكل تطوير يعمل له دورات تدريبية

للمعلمات المختصات بتلك المرحلة المراد تطويرها

[توبه منك يادنيا]

الله يكوون بالعوون
والله هو على حسب التعاامل و فن التدريس
لا هو على صغيره ولا كبيره
وانا عن نفسي اعتبر التدريس فن موهبه مو اي احد يقدر يطبقها
مهنة التدريس

[ذكــرى]

والله اتنمى انه ما يدرّس الا كباااااار .. اغلب بنات هالزمن نفسيااااات ( نفس شينه و جلد مروح )

اللهم زدهن ( كـ ) و قللهن ( ص )..