[نصراوي عسل]

في رمضان شفت واحد شكله يدل على إنه محتاج صدق وسيارته واضح إنه سيارة واحد فقير

وقفته وقلت من غير لف ودوران أنت محتاج سبحان الله ارتسمت على ملامحه الخجل وشيئ

من الحزن وأخرج ورقه عقد آجار منتهي وورقه من إمام المسجد يؤكد أنه محتاج وذكر لي أن راعي

البيت مهدده مالم يدفع الآجار سيطرده من البيت فأعطيته المقسوم < زكاة < وابتسم ابتسامة المريض

حين يتشافى ولم يشفى ودعالي وانصرف واعطيته جوالي واتصل بي قبل العيد يشكو الحال

وساعدته وقبل ايام شفت اسمه ضمن مكالمات لم يرد عليها

سبب كتابتي ما ادري وش اسوي معه انا عطيته من الزكاة وهي لن تكفيه ابد ورجل لديه عائله

وليس لديه دخل ثابت وضعه صعب ومهماأعطيته لن أدوم له بصراحه والله يرزقنا ويبارك لنا ويديم

علينا الصحه وطولة العمر على الطاعه ويوفقنا لفعل الخير واياكم اجمعين

احتاج آراؤكم ماذا اقول له

[MISS PINK]

جزاك الله خير وما خاب من استشار
مجرد إقتراح لو إني بمكانك صحيح إني بساعده مره ومرتين بس مو على طول على حسب الظروف بس يمكن بالنسبة له يتمنى أنك تذكره عند شخص مقتدر من أهل الخير وبإذن الله يتواصل معه ويعطيه ( فيه ناس تدور عن فقراء ومحتاجين بس مايلقون والأكيد ان الواحد يرغب بإعطاء المتعفف ) ويوصلك الأجر إن شاء الله
الله يرزقه من واسع فضله

[شمعة حنين]

جزاااك الله خير ع ما فعلت
ياليت تعطي رقمه أهل الخير و بأذن الله هم ما يقصرون

[أبوسياف]

اخوي المستودع الخيري مامنع احد سبق وعملت فيه مستحيل يردون احد ويعطونه كل مايحتاجه ومايكفيه واولاده بل انهم وضعو اسماء و سجلات للمحتاجين بالكمبيوتر متصله بالانترنت بجميع المستودعات الخيريه اتصل عليه وخله يتوجه للمستودع الخيري والله يغني الفقراء من فضله.......؟

[نصراوي عسل]

اقتباس المشاركة الأساسية كتبها miss pink جزاك الله خير وما خاب من استشار مجرد إقتراح لو إني بمكانك صحيح إني بساعده مره ومرتين بس مو على طول على حسب الظروف بس يمكن بالنسبة له يتمنى أنك تذكره عند شخص مقتدر من أهل الخير وبإذن الله يتواصل معه ويعطيه ( فيه ناس تدور عن فقراء ومحتاجين بس مايلقون والأكيد ان الواحد يرغب بإعطاء المتعفف ) ويوصلك الأجر إن شاء الله الله يرزقه من واسع فضله

وين يابنت الحلال لو تروح لتاجر وتذكره له هالشخص وش يضمن مايتهمك إنك متفق معه مثلا

هالأمور ماقدر عليه مستحيل مشكوره الله يوفقك لمافيه الخير

[نصراوي عسل]

[quote=*.* بحبوحـــه *.*;2529622]

جزاااك الله خير ع ما فعلت
ياليت تعطي رقمه أهل الخير و بأذن الله هم ما يقصرون

[/quote



يابحبوحه وينهم اهل الخير وانا مستحيل اروح لحد اخشى من مجرد الشك تعرفين الناس اليوم

سوء الظن هو الغالب إلا من رحم ربي مشكوره

[نصراوي عسل]

اقتباس المشاركة الأساسية كتبها أبوسياف اخوي المستودع الخيري مامنع احد سبق وعملت فيه مستحيل يردون احد ويعطونه كل مايحتاجه ومايكفيه واولاده بل انهم وضعو اسماء و سجلات للمحتاجين بالكمبيوتر متصله بالانترنت بجميع المستودعات الخيريه اتصل عليه وخله يتوجه للمستودع الخيري والله يغني الفقراء من فضله.......؟

كلنا فقراء إلى الله مشكور ابو سياف ابقوله مع أي اتصال معه وانشوف رده موفق

[نالا]

ماعليك انت من الشك وان شاء الله ربي بيعينك على تقديم الخير للناس

والله كثارين اهل الخير اللي يبون يساعدون محتاج زي هذا وهذا اتوقع انه مايبي يروح للمستودع

وانت قل لامام مسجدكم اذا يعرف احد تاجر وخله هو من يقوم بالمهمه

جزاك الله خيرا وكثر من امثالك وجعل الجنة مثوانا ومثواك

[مـريـر الـشـوق]

ولله الحمد الحكومه ما قصرت وفرت الضمان الاجتماعي للمساكين

والجمعيات الخيريه ما قصرت

واهل الخير ما قصروا

اخو الجمعيات الخيريه تسدد الاجارات وتطعم المساكين

وصف لي بيته وانشا الله راح اساعدة بقدر المستطاع وراح ادل اهل الخير له

والله يجزاك خير ويرفع عنه الــبلاء

[الطيف الهادئ]

جزاك الله خير
وكثر الله من أمثالك
مثل ماذكرو الأخوه
ممكن تدله على أهل الخير المقتدرين أو المستودع الخيري أو الضمان
وأهل الخير في هالبلد ماشاء الله مايقصرون

[في داخلي قلب طفلة]

جزاااك الله خير على ما فعلت
ياليت تعطي رقمه أهل الخير

[نصراوي عسل]

اقتباس المشاركة الأساسية كتبها نالا ماعليك انت من الشك وان شاء الله ربي بيعينك على تقديم الخير للناس والله كثارين اهل الخير اللي يبون يساعدون محتاج زي هذا وهذا اتوقع انه مايبي يروح للمستودع وانت قل لامام مسجدكم اذا يعرف احد تاجر وخله هو من يقوم بالمهمه جزاك الله خيرا وكثر من امثالك وجعل الجنة مثوانا ومثواك

الله يجزاك خير الجزاء ويحفظك من كل مكروه أسعدتني كلماتك ودعواتك الصادقه

ياختي امام المسجد مرة شحد لواحد طلب من المساعده تقريبا اللي عطوه ماياصلن

200 ريال

ولمعلوميتك الفقراء كثير مريت أمرأة وعطيته الفطره والله بيتهم الخيمه افضل منه وقالت

ابجمع الفطره لعدة سنوات

والله فيه فقراء بس وين اللي يعطي

[نصراوي عسل]

اقتباس المشاركة الأساسية كتبها مـريـر الـشـوق ولله الحمد الحكومه ما قصرت وفرت الضمان الاجتماعي للمساكين والجمعيات الخيريه ما قصرت واهل الخير ما قصروا اخو الجمعيات الخيريه تسدد الاجارات وتطعم المساكين وصف لي بيته وانشا الله راح اساعدة بقدر المستطاع وراح ادل اهل الخير له والله يجزاك خير ويرفع عنه الــبلاء

جزاك الله خير وبقوله هالشي وبشوف وش يقول

[نصراوي عسل]

اقتباس المشاركة الأساسية كتبها الطيف الهادئ جزاك الله خير وكثر الله من أمثالك مثل ماذكرو الأخوه ممكن تدله على أهل الخير المقتدرين أو المستودع الخيري أو الضمان وأهل الخير في هالبلد ماشاء الله مايقصرون

ماقصرت اللي يحفظك