[مقهوره]

السلام وعليكم ورحمة الله وبركاته
اولآ انا اول مره اكتب بالمنتدى والي خلاني اكتب قهررررررري
بقولكم شو حاصل معااي وابي ردود وابي موضوعي يااصل الى من اقصده بالامر
امس كلمت على ادارة شؤؤن الطالبات بخصوص اكمل دراستي ...
المهم كلمت مره مرتين ثالث مره ردو ..كان اسلوبي رايق قلت السلام وعليكم
.. قالت وعليكم
انا شوي توحشت من الصوت وخفت اني غلطانه وزعجت الناس على الفجر
قلت شؤؤن الطالبات
قالت بهذا الاسلوب >> ايه وش تبين
قلت انا طالبه حبيت اكمل درااستي ووو.. وشرحت له
قالت خلاص تعالي لمنا وخوذي ورقه
وربي تكلمني كني وحده استهبل معه
انا بصراحه خفت وقلت والله ماكمل دراستي دام هذا بس بتلفون كيف لرحت
وشكيت الموضوع على وحده من زميلاتي قالت بس كذا بالعكس تراه كذا رايقه ماشفتي بعد كيف يكلمون غيررك
المهم مااحبيت اطوول بس الي قاهرني ليش كذاا موضفتنا ...؟؟
وين الاحتراام ... وهي ليش جالسه على الكرسي ...؟ وليش تعااملهم كذا ..؟
الله يسعدكم نبغى الموضوع ياصل لهم (( منقهررررررررررررررره حيييييييييييييل)

[حديقة العنب]

عادي يمكن وقت مكالمتك كان احد مزعجها لو كل ترك دراسته على شان هالاشكال كان ماشفتي احد يدرس اختي لاتكوني حساسة واجهي حياتك تحملي لاجل ان تقطفي الثمار وبالتوفيق

[مقهوره]

اقتباس المشاركة الأساسية كتبها حديقة العنب عادي يمكن وقت مكالمتك كان احد مزعجها لو كل ترك دراسته على شان هالاشكال كان ماشفتي احد يدرس اختي لاتكوني حساسة واجهي حياتك تحملي لاجل ان تقطفي الثمار وبالتوفيق

[SIZE="5"]

يمكن ...
اوووك مشكووره حبيبتي
انتظر الردود

[طموح مشرق]

بصرااااااااااااااااحة وهذااااا الواااااااااقع وللأسف..تعااااااااامل غير لائق أبد..وكثيييير يشكوون من المعاملة الجافة..وأنا منهم..لكن صبرت وإذا بدأت تتعامل معاملة سيئة أكتفي بإبتسامة فقط لا غير..ولا يضيق صدرك
حبيبتي..لا تتركي دراستك من أجل نااس ماتستاهل فكري في مستقبلك وتوكلي على الله..

[الـعـابـر]

اغلب الموظفات يكون تعاملهن مع بنات جنسهن بهذا الاسلوب
سواء بالهاتف او بالمراجعات
قد يكون فيه نوع من الكبر و شوفت النفس
او نوع من التحقير لمن هم مثلها من البنات
لكن لو استعنتي بأحد اخوانك يتكلم معها لسمعتي حسن الاسلوب و كمال الاجابة الوافيه
وعلى فكرة هذه الي ردت عليك قد يكون تم اختيارها لهذه العمل لحسن اسلوب تعاملها مع المكالمات

[فسفوريه]

خخخخ ذكرتين بموقفي تخيلي عالم يخترشون عند مكتب الشؤؤن كل وحده تسابق الثانيه بالدور وانا باخر الغرفه أتامل الناس ياما التفت يمين ياماالتفت يسارهذي بنتن تهاش وهذي بنتن تفشل وأنااتبوسم على دباشة ذي وعلى دفاشة ذي الا واللي تصوت من ورى المكتب وشعندتس انتي ورى ماتحركين مثل الناس مثلا نقول انتس مزهريه بالغرفه مير ابولع ريقي قلت لاكائن حي معووه علم مب جاين دورهـ الاالظهر عاد من العناد اللي به بدتن قبل قحشة بنات تقال البلى من وقفتي والاالسير ماشي خخخخخخ

[لماذاهذا]

يمكن انه يومن كلمتيه كانت مزعجة أو مشغولة ...

على تسذا ...روحي أنت ِ بنفستس لشوؤن الطالبات


صدقيني ذا هو أفضل شئ ....أحسن من التلفون بكثيرراح يساعدونك ومايقصرون

وفقكِ البارئ .

[متصفحة]

غاليتي المقهورة > الله لآ يقهرك

الوضع جدًا عادي ..

ربما وقت إتصالك صادف مشكلة لدى الأخت , وهذا ماجعلها تترك الهاتف يرن لثلآث مرات على التوال ..

أيضًا هناك خطأ من المتصل , حيث أنه يعلق الخط على من يريد , وكأن الهاتف وضع له هو فقط

ينسى أو يتناسى إنشغال الناس في أمورهم وواجباتهم .

ربما أن أخرى قد تقول أنا كنت أمامها وهي فضلت أن ترد على الهاتف وتتكلم بكل رقة , وانا كنت أنتظرها

لمدة زمنية وقدرها كذا وكذا .. ..

غاليتي ..

ليس كلٌ من حصل له شيء في حياته اليومية أتى وكتب هنا ,

هذا أمر مذموم من الجميع

أمل منك في مرات قادمة مراعاة الذوق العام ..

لكي لآ نكون مقهورين نحن أيضًا .

بالتوفيق

[رُوَاءَالرُّوح]

★
وعليكم السلام ورحمة الله وبركاته.
ماعاش من يقهرك ياقلبي ,, روتين إعتدنا عليه حينما تتولى المرأة الرئاسة
فـ هي تعشق السيطرة.
حياتي عندي لك طريقة تخلي هـ الحريم المسيطرات يناظرون خاطرك وزيادة.
أول شيء إستعيني بالله وقولي حسبي الله ونعم الوكيل يارب أنت حسبي وكفيلي
بصدق وتطبيق وليس بلفظ ثم توجهي بالدعاء برفع الاكف او ساجدة لخالقك
ثم توسلي بكل ضعف وقلة حيلة (ياحي ياقيوم ياذا الجلال والأكرام يامن بيدك كل شيء
وقادر على كل شيء أؤمن بـ أنه لو اجتمعت الأمة على أن ينفعوني بشيء لن ينفعوني
إلاَ بشيء قد كتبته لي ولو إجتمعوا على أن يضروني لن يضروني الاَ بشيء قد كتبته علي
يارب إسخر لي ملائكة السماء وصلاح وجبابرة الأرض ياحي ياقيوم إستعنت بك وتوكلت
عليك ......)
ثم توجهي إلى الشؤون صدقيني اول ماتقولين السلام عليكم او يعطيكم العافية او
اي شيء اعتدي تحيَن الناس العاملة فيه راح ينظر لك بكل هيبة ووقار وراح يسخر لك
رب العباد افضل واحدة بحسن التعامل نتيجة صدقك وتوكلك.
الكلام مو من عندي يالغلا مجرب ومعروف بس ضعف إيماننا وغفلتنا ألهتنا.
*
(مره كان عندي شغلة وإنهنت فيها فـ قلت لوحدة من المسؤولات معاليش اختي ممكن
تنهين طلبي لاني واقسم بالله بدون مبالغة من الساعة 3 الظهر هنا واللحين الساعة 7 المغرب
قالت بصوت عصبي لاهـ والله اجل انا وش اقول من الفجر وانا هنا انتظري
زيادة حنا مو فاظين ابتسمت واسكت .. لكن بيني وبينك مين اللي ضربك على إيدك
وفرض هالتعب ومن الفجر وانتي شغيله ..؟! مو دبل القرنقش بديهي تبغى زيادة راتب
لاأحد يقولي الله يعيزك والا عسى الله لايحيجك إذا ماتملك قيمة المكان لايحق أن تضع فيه.
مع الأسف الأخلاص بالعمل والأحتساب ماله أصل في بعض المعاملات عندنا.
المادة جذبتهم للعمل لكن المكان غير مناسب لبعض تلك الفئات.
فـ أغلب موظفاتنا بكل مجال تعمل فيه محتاجة إعادة تأهيل لـ دراسة التعامل
مع سلوكيات الأفراد وإختلافها محتاجة سعة صدر وطولة بال.

*نصيحة/إذا مشكلتك تنحل عن طريق الرجال فـ أفضل إنك تقدمينه لهم أفضل من شؤون الطالبات.

حبيبتي إستعيني بالله ولاتعجزين وسيري بطموحك ,, أتمنى لك التوفيق والسداد

اقتباس ليس كلٌ من حصل له شيء في حياته اليومية أتى وكتب هنا , هذا أمر مذموم من الجميع

غاليتي متصفحة معك حق
الأمر مو بحياتها الخاصة أو شي كثر النقاش حوله.
ماطرحته الأخت مر بحياتنا العمرية وبهذلت أرواحنا فيه.
وبنفس الوقت هي محتاجة مساندة إسم المعرف يؤلم : (

[متصفحة]

اقتباس غاليتي متصفحة معك حق الأمر مو بحياتها الخاصة أو شي كثر النقاش حوله. ماطرحته الأخت مر بحياتنا العمرية وبهذلت أرواحنا فيه. وبنفس الوقت هي محتاجة مساندة إسم المعرف يؤلم : (

غاليتي رواء الروح :

والله إن المشكلة جدًا بسيطه , ولا تستدعي الكتابة هنا

هل إذا كتبت سوف ينقل الموضوع هناك ؟وهل سيأخذ بعين الإعتبار ؟

صدقيني بعض الفتايات يزعجها كل شيء ,

فالرد لم يكن خارج الأدب أبدًا , ولكن طريقة صاحبتنا بالتفكير جدًا مؤلم

حيث أنها ربطة مستقبلها بـ ( شين نفس ) إحدى الموظفات .

أنا لآ أقلل من مقدار الكاتبة ولكن ..

التروي بالكتابة شيء جميل , سيخرج لنا عبارات و أفكار جدًا راقية ..

[لاالي]

في هذا الزمان لازم نتحمل الصعاب والمشاكل يا حبيبتي وكملي دراستك واستانسي الحمدلله جانا اشياء والحمدلله كملنا

[حبيبتهم]

هذا الواقع وهذا اللي إحنا جالسين نعاني منه واللي يقول يمكن دقيتي بوقت هي معصبه فيه أقولك لا
هن بكل الاوقات هذا تعاملهن معنا

موظفات غير محترمات وماعندهن لا ذوق ولا أخلاق ..

تكلمني وكأني أصغر بزارينه خير إن شااءلله مع إني والله اتكلم معه بكل ذوق وأدب يعني تحسبن ماأقدر أرد عليه بالمثل لا والله منب قصيرة لسان بس اخلاقي وتربيتي ماتسمح لي أرد عليه بهالأسلوب الوقح وأقول بقلبي صيري أحسن منه ولو أنه أكبر منك ..

للأسف موظفات مايعرفن الذوق لا من بعيد ولامن قريب ولا أعم الجميع يصير فيه موظفات قمه بالاحترام
وتعاملك بكل أدب بس وربي قله ممكن تصير ثنتين ثلاث بالكثير..

لي ثلاث سنين بالجامعه وهاذي الرابعه عمري ماحسيت إني فعلا طالبه جامعيه لي مكانتي وإحترامي ..

والله اليوم اللي يصير عندي موضوع أو مشكله ولازم أراجع الشؤون اني أشيل زمل وكل يوم اقول اللي بعده ..

آآآآه بس وش نقول وش نخلي بالعين المر وساكتين ..

ومانقول الا حسبنا الله ونعم الوكيل ..

[قلووب بيضااء]

اقول ترى السالفه مو مستاهلة ابد عادي طاقة كبده قايمه من فجر الله ومداومه
اكيد بتقولين تستلم راتب .. هههه اكيد انه ما ارتزت هناك الا عشان هالراتب
قال وش حادك على المر قال الي امر منه

لكن مايمنع من توجيه رساله لكل الموظفين
ان العبوس يشغل خلايا بالملايين ويكره الناس في صاحبه
بعكس الابتسامه اقل كلفه واكثر فائدة تريح خلاياك وتحببك عند الناس

[سُـقيا]

هكذا هن النساء عندما يمسكن منصب
الرجال احسن منهن تعامل
الاسبوع الاول من الدراسه بس اتردد للكليه أبعدل جدولي ومن غير فائده
يوم صار اخر يوم للتعديل اتصلت علي صديقتي عطتن رقم رجل تبع الشؤون يعدل الجداول
أمر استانس واتصل على أخوي وقلتله السالفه
قال لاجيت يصير خير
يوم جاء س 11 اثره دايخ قال خليه بكرا
قلت لا اليوم اخر يوم
قال وراتس تسذا يوم جو يحجون قلتي زوجون>>>>عاد فشلت
ويتصل عليه ويضبط لي الجدول احسن شئ الله يجزاو خير هو واخوي ويرزق اخوي الوظيفة اللي تسره

ادري طولت لكن هذي سالفتي مع الحريم ومرمطتهن
الله يوفقنا واياك

دمتي بحفظ الرحمن ورعايته