[أرتحــال]

السلام عليكم ,,
تخيلو معاي أنا أقول تخيلو انا هذا واقع << وش تبي ذي
تخيل انت يا أخي العزيز متزوج وتطلب من زوجتك ما يلي ..
1- تنزع حجابها الشرعي وقت السفر .!
2- تشاركك في الشيشه ايضا تدخل هذا المنكر في بيتك وتطلب منها تضبط الفحم ..!
3- تعمل كالخادمه تبيها 24 س ماسكه المكنسه ودايم تصارخ عليها ..!
4- تطلب من زوجتك ان لاترسل لك مسجات فيها حب وشوق ..!
5- تطلب من زوجتك ان لاتطالبك بالمشاعر لان مشاعرك لا أعلم لمن تحتفظ بها ..!
6- تطلب من زوجتك عدم الاتصال بك واذا اتصلت لحاجتها لك سواء تعب او غيره تغلق الخط بسرعه بحجت انك مشغول ولا تهتم بها ولا بمشاعرها مثلها مثل التحفه في البيت ..!


وبعدين ..




جاء العيد وفكرت تجيب لها عيديه بما انه اول عيد لكم وفكرت وفكرت





وفكرت أنك تصارحها بمشاعرك بما انها أسمى وأغلى شي تملك جيت وقلت لها بكل عفويه يازوجتي المصونه ودرتي المكنونه انامو مرتاح لك بس أرحمك بقوه << كل هذا وفيك رحمه حلو والله
ردت عليك زوجتك بكل أدب متى حسيت بهالشعور << حست انها ماعندها احد جاوبتها بكل برائه بعد زواجنا بأسبوعين << أح وش يبي ذا الشعور داخل غلط بعد أسبوعين !
قالتلك بكل هدوء طيب انت ظلمتني ليه ماقلت لي من اول عشان كل واحد يروح لحاله .. انت سكت لان ماعندك كلام أو ممكن حسيت بتأنيب الضمير !


بعد ساعه من هذ الحوار أكتشفت أنك تخونـــها مابكت ولاصرخت بس طالعتك و قالتلك بكل هدوء لا أنت ولا هي حركتو شعره من راسي أنا بروحي اسبوع عند اهلي وانت فكر رجال بتعرف قيمتي انا انتظرك في بيت اهلي .. أيش بيكون ردك أو كيف بتتصرف وقتها هل بتبرر موقفك او تعتذر لها ..؟؟


جاء في بالك تطلقها بس البنت مافيها شي ينعاب كامله والكامل وجهه حاولت تدور فيها عذروب مني مناك مالقيت << عذروب خلي حسنه الفتان وددك طلق بس خايف ربك يعاقبك جلست متردد لانك مو عارف وش تبي بضبط محتار وحير بنت الناس معك ايش القرار اللي بتتخذه هنا والخطوه اللي بتسير عليها لان البنت عند اهلها تنتظرك تتحرك..


انتظر ردودكم اللي تنور صفحتي ممكن احد هذه الردود تساعد بحل مشكله ويلقى ظالته هنا ,,؟؟


** وقفه .. أنا أنثى أحتاج للأمان والرعايه التامه , أحتاج للحنان والكلمه الطيبه , لاأحتاج الحب الذي يصل لدرجة الهيام يكفيني منك الاحترام , أرحمني فأنا زوجتك وام لأبنائك ولاتظلمني , أرفق بي وخذني أليك فأنا خلقت لك
..
لكم أحترامي

[أبغى المنام]

أختي ارتحال

مؤلم ماذكرته.. .. واعتقد ان الزوج لم يحبها . والله اعلم بالاسباب .. لعله تصارحه بذلك وتعرف منه اسباب عدم ارتياحه معها .. على انه يبدوا أنه يقدر زوجته ولا يريد ان يضرها أو يسبب الألم لها.. وعلى ذلك فلتستمر الزوجه في محاولة كسب قلبه وترغيبه بها وذلك بالأخلاق الطيبة والتعامل الحسن فهذا من اعظم مايحبب الزوجين في احدهما وهو من اهم اسباب التقارب والالفة بين الناس ككل .

وأرى أن تطرح الموضوع على مختصين والمواقع في ذلك كثيرها منها الاسلام اليوم ولها اون لاين وغيرها كثير وتستفيد من اراءهم وخبراتهم في ذلك لعلهم يدلونها على الحل الذي قد يكون به إن شاء الله صلاح علاقتها الزوجيه ..

أمر اخر اود التنبية عليه ..

الموضوع محله في الساحة المفتوحة فهناك الزوار والتفاعل اكبر .. اما حصاد الانترنت فهو خاص بالمواضيع المنقوله ..

تحياتي وامنياتي لها بحياة زوجية موفقة وسعادة في الدارين

[أبغى المنام]

لعلك تطلبين من الاشراف نقله إلى الساحة المفتوحة ..

اذهبي إلى ساحة المساعدة والشكاوى واطلبي نقل الموضوع وسيتعاونون معك إن شاء الله

[أرتحــال]

أخوي أبغى المنـــــــــــــــــــــــام أنـــا طرحت موضوعي في الساحه المفتوح واليوم حصلت رساله من الاشراف بأنه تم نقل موضوعي هنا حرام صار لي فتره أدوره أثـــــــــــاريه نـــــــــــايم هنــــــــــا وأنا على بالي محذوف ..
وشكرا" على ردك والله يجزاك الجنه بس أنـــــــا أبي أجابه لأسئلتي لان راسي عورني من كثر مافكر مــــــالقيت حل ..؟؟
ربي يفرج همي وكل مهتم ..

[أرتحــال]

والله يجــــــــــــــزاك خير فين قسم الشكاوي بضبط

[دفا]

^^^^^
أرتحــال
اذهبي للصفحه الرئيسيه
ومن ثم قسم المساعده والشكوي

واكتبي موضوع جديد اشرحي للادراة المشكله





ولي رجعه ان شاءالله
كي اكتب تعقيبي المتواضع

بحفظ الرحمن

[أرتحــال]

شكرا"أخـــــــــــوي دفــــا ربي يحفظك ويحققلك مرادك ..

[•°انكسار الأماني°•]

يمكن العنوان مقتبس لذا ظنوا إن محتوى الموضوع منقول ..

وضحي للإشراف أنكِ كاتبة الموضوع ..


..


لي تعليق على سطورك بإذن الله ولكن بعد ماتنضبط النفسية


ربي يسعدك ويوفقك


..

[أبغى المنام]

أخت ارتحال ..

فيه ساحه اسمها ساحة الشكاوى والمساعدة .. وضحي لهم ان الموضوع مو منقول وكاتبته انتي وبيرجعونه .. حصل معي .. خذفوا موضوع نزلته في الساحة المفتوحة يحسبون انه منقول وبينت لهم أنه من كتابتي رجعوه بسرعة ..

بالنسبة للأسئلة القرار صعب لكن لعل الزوج يصبر وسيلقى الخير والله تعالى يقول{فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا} وقد قال عمر بن الخطاب رضي الله عنه ليست كل البيوت قائمة على الحب عندما شكا له رجل انه لا يحب زوجته ..والمهم وجود المودة والرحمة والمعاملة الطيبة بين الزوجين ..

والأخت الله سيفرج همها تخلي قلبها معلق بالله وتكثر من الدعاء وسيأتيها الفرج والخير من حيث لا تحتسب

[رح’ـيل]

اختي ارتحال...

انا لو متزوجــه وزوجــي يعاملني كذا افضل وسيله هي الانفصـأل (الطلاق) ...

اهم ماعلى الانسسان الكرامه, وغير كذا لو سامحته المره الاولى .. وجت المره الثانيه وسامحته والثالثه والرابعه ... وبعدين ........

!!!

انا اللي بدمر انا اللي بعاني وحدي انا اللي بتجرع الاسسسى والظلم كل ليله وانا وانا وانا وهو ؟؟؟؟ ولا شيئ

راح يكون سعيد بحياته على حسابي انا ...!!


انا لو مكانها ماارجــــع له لو فررش الارض ورد
وعلى قولة المثل(من اول الدرجــه ولامــن عـ/ــأأليهاا,,,,)


ايش القرار اللي بتتخذه هنا والخطوه اللي بتسير عليها لان البنت عند اهلها تنتظرك تتحرك..؟؟؟؟

انا لو مكانه بطلب الانفصال لان مالي وجه اقابلها اصلا اذا راح وقابلها هذا الحياء منزوووع من قلبه!!

او ااروح اذا انا تاكدت من مشاعري لها وعدم تكرار الغلط !!

(والخييره فيمااختاره الله)

[أرتحــال]

هلا أختي أنكســـــــــــار الاماني وحياك الله في صفحتي , والعنوان مقتبس صادزه أنتي والله ماقتبست شي وانــا غارقه في الكتابه جاء في راسي وحطيته ..

وأذا جت على النفسيه خليها على الله , وربي أضحك مابي أضيق صدر أمي وأبوي

[أرتحــال]

أبغى المنـــــام الله يجزاك خير قدمت شكوى في الليل ..

وكلام جميـــل وسليـــم أيضا" قال تعالى ( وجعلنا بينكم موده ورحمه ) ولم يذكر سبحانه الحب في الآيه الكريمه , لكن أين الذي يعي ويفهم ..؟؟
والصبر يعلم الله اني صابره لي شهرين عند أهلي ( معلقه ) وساكته ماحكيت شي , بس اللي معور قلبي نفسي أطلع وماقدر تعرف بحكم أني متزوجه فماقدر أطلع ألا بأذن زوجي , وأكيد بتجي في راسك أرسلي مسج وأستأذني منه مثل ماقالت لي أختي , كيف أرسله وكان آخـــــــــــر مسج منه يقول فيه (ربي يرزقك برجال يسعدك ويسخره لك )..
فكرامتي ماتسمح لي لو أجلس قرن ماستأذنته

[أرتحــال]

هلا شــــــــانيل هلا بعطري الريق ..

لا وأزيدك لو الزوجه هي من قامة بالخيانه تتوقعي تنغفر زلتـــــــــــــها على طول طالق , ليه الأنثى دائمــا هي من تتحمل هي من تقاسي هي المسؤوله عن أدم وأخطائه حتى لو يقتل لو يدمن حملوك خطاه وقالو أنتي السبب أنتي اللي مقصره ,, والمقوله هذي دايم لاصقه فينـــا وراء كل رجل عظيم ........؟؟

يــارب عفوك بس

وهو من شهرين نــاوي يطلق بس لسى مانطقها وأنــــــــــــــــــا مابي أطلبه بشوف أيش نهاية تفكيره هل يتخذ القرار هذا ام غيره , كمان فيه معلومه في راسي ونفسي أتأكد منها ..
بعدين أختي
أنتي قلتي الكرامه مهدور وأزيد على كذا أطلب الطلاق منه هنـــا راح يطق أصبع من الونــاسه ويطالب بالمهر
يعني على كذا بيكون دخل مبسوط وطلع مبسوط يعني اعطيه اللي يبي لا وألف لا
الفلوس مو مهم وأخواني قالو حنا اللي بندفع بس أنــــــــــــــــــا رفضت لانه بيطلع مستفيد على حسابي أحس كأني أشتري نفسي منه مدري تؤيدوني ولا لا ..؟؟

[أرتحــال]

بســـــــــأل اذا الرجل مو قد المسؤوليه ليه يتزوج ليه يظلم بنت الناس معه أجلس على عزوبيتك أحسن ماغير هالضعيفه تقعد تتحسب عليك كل ماقامت وقعدت << فاصل أعلاني من حر ماوجس
والله ان بعض هالشباب محمين تسبدي مدري وش يحسون بوه :