[ما تَهَاب]

السلام عليكم ورحمة الله وبركاته

بدون مقدمات وبدون كثرة كلام بإختصار ,
هالموضوع بيكون لـ[ فضفضة + نصائح + أفكار +
صياح + صراااااخ "أفرغي شحناتك هنا "
+ كل ششششي يخص بنات التطبيق ]

* وأهم شي تجارب وأفكار المتدربات السابقات

كان الله في عوننا جميعًا

[الواثقة]

ماتهااااااب

أنا ومتفائله بالخدمه اذا احتجتي شي لا يردك الا الكيبورد

الله يعينك بس ترا ايام التطبيق احلى الايام وبتضحكين على نفسك بعدين

,

[حاملة وحي السماء]

يا سلام عليك بعد..
عندك تطبيق....؟؟؟



ممكن أجي بدالك؟





أهم شيء
أنك تستمتعين بكل لحظة من لحظات التطبيق ( :
صحيح أنه زحمة لكنه ممتعة حيل..




بالتوفيق ياحلوة ’’’’


على إستعداد لمساعدتك يا حلوة

[القلب الوردي]

حبيبتي أنتِ
الله يشرح صدرك وييسر أمرك ويوفقك يارب

أبقول لك خلاصة تجربتي :
أول يوم أو يوم المشاهدة لا تقيسين عليه أبد ومسألة إن البنات مزعجات ومراهقات ومايسكتون أبد هذا شيء لابد منه أهم شيء قلة الأدب الزايدة وأنتِ بطريقتك تقدرين تكسبينهم .
إذا دخلتِ الفصل مهما كانت نفسيتك ( خايفة , معصبة , مبسوطة , تعبانة , مستحية )لا تبينين لهم وحاولي تكونين ملتزمة بهدوئك وصمتك طول الوقت خصوصاً أول ماتدخلين وعادي لو تجلسين عشر دقايق وشوفي شلون صمتك راح يأثر عليهم ويسكتون غصب عنهم وبدون أي مجهود منك .!
لا تكثرين النقاش معهم ولا تصارخين عليهم ولا تدققين بأي حركة تصير داخل الفصل وأنتِ تشرحين خلي لغة التفاهم ( العيون ) أسهل لك بكثير وأريح لأعصابك .
قبل كل هالأشياء توكلي على ربك وإدعي إنه يسخرهم لك وأخلصي النية لله


موفقة يالغلا

وإن تذكرت شيء جيت

[إمتزـآج روح]

لوسمحتوا ممنوع دخول الطالبآت وان حصل العاطلات بعد ---> أهم شي




ثنوي شرحت مره وحده والحمدلله كانوا عكس ماتوقعت يهبلون أدب وأخلاق الله يثبتهم
+ لسه ماصار لي معهم مواقف


كلش ولابنات المتوسط والله من الشر بهن بحياتي ماشفت زيهن تقل بالعراق
ماتشوفين الا الصواريخ فوق راسك مره كيس مليان زباله
ومره علبة مويه مليانه ثلج (فكن الله بغى ينفقش راسي)
ولا الإعجاب عندهم حدث ولاحرج بزران مسويات أنفسهن كبار

نصيحه
- خليك على نفس شخصيتك لا تتصنعين وكل مازاد احترامك لهم زاد احترامهم لك
- اللي تقلل أدبه غيري مكانه
- لاتستعجلين على الهواش خلي نظراتك هي سلاحك

[ما تَهَاب]

اليوم وآآه من اليوم بصراحة جدا جدا سيئ من بدايته اول مادخلنا بنوقع استقبلتنا المساعدة بحصص انتظار ! ,
وقالوا لنا نجلس بغرفة الوكيلة لين تجي حصصنا ولما بدا البريك صارت هوشة بين بنات
اوف صراخ صراخ يوجع القلب جت المساعدة والوكيلة ياخذون مساطر اوف خفت الصراحة مرة
( وش رايكم استقبال حلو ويفتح النفس صح )

عقب جت حصة خويتي ورحت معها طبعا < مانجسر
وكانت بداية حلوة والفصل مطيع نوعا ما ,انتهى ونزلنا للبنات وكنا كلنا وضعنا ذاك الوقت طبيعي ,
المهم عطوا خويتي انتظار ثاني على 3 متوسط وكان فصل اقرب وصف له انه
مجمع مجنونات المدرسة اللهم لاشماتة حركات تجيب الهم وازعاج وكل شي يسبب الدوخة فيه
لدرجة تحسين بإرهاق نفسي مايوصف و مرت هالحصة ورحنا للي بعدها كانت علي سنة اولى
وكنت متوعدة نفسي مااصرخ واكتفي بالنظرات لأن كلن موصيني بهالشي بس مع الأسف اني عجزت
وعلى قولت خويتي لبست ثوب مو ثوبي , تخيلوا وانا واقفة يفتحون الشبابيك يطلون ووش عذرهم
نبي نسولف على صديقاتنا تحت .. طيب وأنا , يعني وقاحة وقلة ادب الله ياخذ العدو بس =(
طبعا اليوم مشرفتنا ماجت ومادخلونا مشاهدة يعني رحنا كرفنا لهم ودخنا ورجعنا

والبنات اللي معنا انا وخويتي بنعمة عندهم صارت لهم مواقف ومشاكل تبكي الله لايبلانا ..

الى اللقاء < ياااااااارب يكون أجمل

[ما تَهَاب]

( الواثقة , حاملة وحي السماء , القلب الوردي , إمتزاج روح )

ياحبي لكم والله

+ لي عودة إن شاءالله

[الواثقة]

ياحياتي
أنا ماطبقت على متوسط أبد وكثير اسمعهم يسبونهم بس والله مايفرقون عن اول ثانوي
كل مدرسه اروح لها يصيرون اول ثانوي شي مهوب طبيعي ..

انتي روقي وهدي اعصابك ولا تصارخين والله ماينفع معهم أبد
تعاملي معهم بإسلوب شوفي شلون يصيرون
اهم شي ازرعي الثقه بنفسك قبل تدخلين عليهم ولا تبينين لهم شي سواء كنتي خايفه او مرتبكه
تخيليهم بناتك وانتي امهم

توك بالبدايه لا تشوهين صورة التطبيق تبتل مشوهه

فيه نقاط حلوه اثناء ماانتي تشرحين :
- حاولي تسوين لدروسك عروض او لوحات او اي شي يساعدك بحيث لو نسيتي نقطه يصير مرجع لك ..
- لا تركزين على بنات معينات ( سواء اثناء الشرح او بالمشاركه ) < خلي نظراتك على الفصل كامل وحاولي كل الفصل يشارك معك ..
- شفتي بنات يتكلمون وسط الحصه ومشتتين انتباهك لا تصارخين عليهم ولا تسكتينهم فقط فرقيهم حطي كل وحده بمكان أختصار للوقت عشان ماتضيع الحصه
- حاولي تسوين وسائل تعزيز للطالبات بما انهم متوسط توهم صغار

واذا تذكرت شي رجعت
ربي يوفقك انبسطي والله انها ايام جميله


,

[بـحـور الـشـوق]

وأنا جااااايه أركض بسرعة 180 وأقول وش به غرفة المعلمات
وبالأخير تطلع لبنات التطبيق
متااااابعة لمواقفكن المضحكه والمحزنه ولصرخاتكن
دعوااااتي لكن بالتوفيق يامعلمات المستقبل
لكل مـعـلـمـه

[هايين]

يارب توفقها
الله يعينك على قله ادب البنات
والله ياسوينا ببنات الكليه سوايا
الله يسدد خطاك


توكلي على الله
موفقه
..

[أبتسم وكُلـ أمل ـي]

اسم الموضوع اكشخ حاقة
معلمات مرتن وحدة
صراحة التطبيق وناااااااسة قوة فلوة بس واستانسو باتسر لاتخرجتو تبتلون تطعمون به > مثلي
أما اذا جت الحصة انفخي روحتس وخلي عنتس اللعب اللي بالغرفة قبل شوي وخليتس رسمية شوي أحسن والبسي لبس شياكة ورسمي شوي بعد وكعب ولاتهاوشينهم وتنطين بهم من أول حصة ترى تبي تروح المهابة ولاتكثرين السواليف والضحك بعد وبتصيرين أحسن معلمة
حنّا والله يوم نطبق وناسة قوة الحمدلله لابعد لاجاء الشتاء أنواع الكشتات تخيلو مرة افطرنا خبز حار جابته صديقتي طازج ومعه شي تحبه قلوبكم > موب قايلته أخاف تضحكن علينا قُنصل تعرفه

ربي يوفقكم ويسهل عليكم ومعلمات مستقبل بإذن الله

[إمتزـآج روح]

اقتباس المشاركة الأساسية كتبها ماتهاب تخيلوا وانا واقفة يفتحون الشبابيك يطلون ووش عذرهم نبي نسولف على صديقاتنا تحت .. طيب وأنا , يعني وقاحة وقلة ادب الله ياخذ العدو بس =(

العآم صار لي نفس الموقف تقل كرتون قدامه
الفصل كان بالدور الأول وبنت الحلال راقيه فوق الطاوله لان الدريشه بعيده وطاقته سواليف
واذا بتس خير قولي شي

بديت اذا صار عندي إنتظار اطلع وأسكر الباب وإن بغوا لايسكتون أبد

[ٳثمڍ فرζ]

الله يعينكم ياأهل التطبيق ..

صراحهـ ارحمكم بقوهـ ..

وبنات المتوسط شر لابد منهـ ..

ماتهاب ..

الطالبهـ لاقلة ادبهـ عليك احقريها ولا كأنها تكلمت نصيحهـ مني الحقران يقطع المصران ..

عارفهـ انهـ ممنوع دخول الطالبات بس لابد من اللقافهـ الخفيفهـ الظريفهـ على قلوبكم الرائعهـ

[طموح مشرق]

أي والله التطبيق ممتع مرررررررررررررررررررررررررررررررررررررررره
إستمتعي..وخوذيها ببساطة وأهم شيء إنك تكسبين قلوبهم..بلطفك معهم..صدقيني راح يذكرونك بالخير ولن ينسونك عن تجرررررربه..